Растительное масло. Архивное фото

Реэкспорт: 60 тонна равғани пастсифат ба Узбакистон фиристода шудааст

597
(Таҷдидшуда 16:31 23.11.2019)
Шаст тона равғанро, ки аз Узбакистон ба вилояти Суғд ворид шуда буд, бо сабаби пастсифат ва ба саломати хатарнок буданаш, дубора ба соҳибони мол ба ин кишвар баргардонидаанд

ДУШАНБЕ, 23 ноя — Sputnik. Пардазода Муҳаммадалӣ, сардори шуъбаи прокуратураи вилояти Суғд оиди иҷрои қонунгузории нақлиёт ва гумрук бо зикри ин хабар гуфт, ҳолатҳои ворид гардидани маводи ғайристандартӣ ҷой дошта, бо ин сабаб, ин қабил молу маҳсулот, аз муомилот дар бозор боз дошта шудаанд.

Ин масъули прокуратураи вилояти Суғд, дар ҷараёни ҷаласаи вазъи иҷрои қонунгузории гумрук иброз намуд, ки санҷишу таҳлилҳои прокурорӣ нишон медиҳад, ки бо вуҷуди чораандешии мақомоти ҳифзи ҳуқуқ, ҳанӯз иҷрои талаботҳои қонунгузорӣ дар бораи сарҳад, бехатарии маҳсулоти хӯрокворӣ ва дигар санадҳои меъёрию ҳуқуқии соҳавӣ, дар ҳудуди вилоят ба таври дахлдор таъмин нашуда, ҳолатҳои воридоти маҳсулотҳои хурокаи пастсифату хатарнок ва даст задани кормандони соҳавӣ ба омилҳои коррупсионӣ ҷой доранд.

Саида Умарзода аз ошкори маҳсулоти пастсифат ва доруҳои мӯҳлатгузашта эълон кард

"Чунончӣ санаи 12 -уми октябри соли ҷорӣ ба суроғаи ҶДММ "Элита тиҷорат" тариқи қатораҳои Роҳи оҳан, 60 тонна равғани пахтаи истеҳсоли Узбакистон ворид шуда мувофиқи ташхиси протоколи ташхиси маркази Тоҷикистандарт дар вилояти Суғд ин миқдор равған ғайристандартӣ ҳисоб шуда, он санаи 30-уми октябри соли равон ба суроғаи молистеҳсолкунанда ба Ҷумҳурии Узбакистон бо интихоби низоми гумрукии бозпас (реэкспорт) гардонида шудааст", -  гуфт Пардазода.

Пардазода Муҳаммадалӣ гуфт, зимни санҷишҳои мақомоти прокуратура ва дигар ниҳодҳои назоратӣ дар давраи 9 моҳи соли ҷорӣ 186, 2 тонна ё ба маблағи 2, 7 милион сомонӣ моли пастсифат ва истеъмолаш барои саломатӣ хатарнок ошкор шудааст.

Давоми 9 моҳ тавассути 13 дидбонгоҳи сарҳадии мавҷудаи Ҷумҳуриҳои Узбакистон ва Қирғизистон ба вилояти Суғд дар умум ба маблағи 49, 7 милион сомонӣ молу маҳсулоти ниёзи мардум ворид шудааст, ки тақрибан 20 % молро маҳсулоти хурока ташкил медиҳад.

Дар ҷаласае дар прокуратураи Суғд гуфта шуд, ки дар дидбонгоҳҳои гумрукӣ, баҳри пешгирии воридоти маҳсулоти пастсифат фаъолияти кормандони хадамоти назорати санитарӣ ва насби таҷҳизотҳои лозимӣ то ба ҳол ба таври кофӣ ҷорӣ карда нашудааст.

597
Барчаспҳо:
пастсифат, равған, Ӯзбекистон
Парламентские выборы в Таджикистане

Мастчоҳ ба интихоботи президентӣ омодааст: ифтитоҳи 35 участкаи интихоботӣ дар ноҳия

11
(Таҷдидшуда 19:39 18.09.2020)
Мақомоти ноҳияи Мастчоҳ ҷидди ба интихоботи президентӣ омодагӣ гирифтааст. Дар ноҳия 35 участкаи интихоботӣ таъсис дода шудааст

ДУШАНБЕ, 18 сен — Sputnik. Бино бар иттилои дафтари матбуоти мақомоти вилояти Суғд, дар ноҳияи Куҳистони Мастчоҳ ба баргузории интихоботи Президенти Тоҷикистон, ки санаи 11-уми октябри соли 2020 баргузор мегардад, омодагӣ гирифтааст.

Президент Таджикистана Эмомали Рахмон
© Официальная страница пресс-службы президента РТ в Facebook.

Бино ба иттилои​ Ҳотамбек Аҳмадзода, роҳбари дастгоҳи раиси ноҳияи Кӯҳистони Мастчоҳ​ омодагиҳо ба интихоботи президентӣ дар сатҳи зарурӣ ба роҳ монда шуда, маводи иттилоотӣ дастраси аҳолӣ ва шиору овезаҳо дар гӯшаву роҳравҳо ва ҷойҳои ҷамъиятӣ насб гардидаанд.

Гуфта шудааст, ки дар ноҳияи Куҳистони Мастчоҳ як ҳавза ва 35​ участкаи интихоботӣ таъсис дода шудааст.

Шумораи умумии интихобкунандагон дар ҳавзаи №39-и ноҳияи Кўҳистони Мастчоҳ 14987 нафар буда, аз инҳо 429 нафарашон бори аввал дар интихобот ширкат мекунанд.

Мутобиқи қарори муштараки Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон аз 6 августи соли 2020 интихобот дар Тоҷикистон 11 октябри соли ҷорӣ баргузор хоҳад шуд.

11
Барчаспҳо:
мақомот, таъсис, участкаҳо, Интихоботи президентӣ, интихобот, Тоҷикистон
Врачи и пациент в госпитале для зараженных коронавирусной

Сироят ба COVID-19 боз зиёд шуд: шабонарӯзи гузашта 45 ҳолати нав сабт шуд

298
(Таҷдидшуда 19:52 18.09.2020)
Вазорати тандурустӣ ва ҳифзи иҷтимоии аҳолии Тоҷикистон хабар дод, ки тайи шабонарӯзи гузашта 45 ҳолати нави гирифторӣ ба COVID-19 сабт шудааст

ДУШАНБЕ, 18 сен — Sputnik. Тибқи иттилои Вазорати тандурустӣ, дар як шабонарӯзи охир 110 нафар гумонбарон зери назорати табибон қарор дошта, 38 нафар баъд аз муолиҷа ба хонаҳояшон рухсат дода шуданд.

Манбаъ таъкид кардааст, ки дар як шабонарӯзи охир дар ҷумҳурӣ 45 ҳодисаи нави бемории  COVID-19 дарёфт гардида,  дар маҷмӯъ шумораи гирифторони ин беморӣ ба  9259  нафар баробар гардид.

Ҳамзамон, вазорати тандурустии Тоҷикистон зикр кардааст, ки то санаи  18 сентябр дар мамлакат  8026  (86,7%) нафар аз бемории COVID-19 шифо ёфта,  бар асари он 73  нафар фавтидаанд.

Ахиран Созмони Миллал гузориш дод, ки коҳиши теъдоди беморон дар Тоҷикистон метавонад ба далели "камбуди зарфияти озмоиш дар ин кишвар" бошад. Аммо Вазорати тандурустии Тоҷикистон ин иддаоро рад намуда, таъкид кардааст, ки тавони кофии ташхис дар кишвар фароҳам аст.

Бархе дар Тоҷикистон омори вазорати тандурустии ин кишвар марбут ба “вируси корона” - ро ба боди интиқод кашида, онро ғалат ва ғайривоқеӣ мехонанд. Ба иддаои онҳо, теъдоди гирифторону фавтидагон аз ин маризӣ аз он чӣ дар омори вазорат оварда мешавад, зиёд аст. Сабаби марги аксари онҳое, ки дар замони мубориза бо “вируси корона” дар Тоҷикистон фавтидаанд, расман илтиҳоби шуш, ишемияи дил, қанд ва дигар маризиҳои ҳамроҳ гуфта мешавад.

Аммо Александр Семёнов, раҳбари ҳайати “Роспотребнадзор” – и Русия, ки ба намояндагӣ аз Созмони ҷаҳонии тандурустӣ дар Тоҷикистон якуним моҳ ба ин сӯ қарор дорад, мегӯяд, усули ҳисобдорӣ ё сабти мавридҳои “вируси корона” дар ин кишвар дуруст роҳандозӣ шудааст.

298
Барчаспҳо:
беморӣ, шабонарӯзӣ, вируси корона, гирифторон, Вазорати тандурустӣ, Тоҷикистон