Московский общегородской праздник Навруз-2018

Доми гурӯҳҳои ғаразнок. Коррупсия, терроризм... ва ҷавонони Тоҷикистон

485
(Таҷдидшуда 10:00 26.11.2019)
Дар як мулоқот бо донишҷӯён дар шаҳри Хуҷанд мақомот аз хатари коррупсия, бегонапарастӣ, ифротгароӣ ва хиёнаткорӣ ва боло гузоштани манфиатҳои миллӣ ва давлатӣ сӯҳбат карданд

ДУШАНБЕ, 26 ноя — Sputnik. Ин мулоқот бо ибтикори ҳукумати шаҳри Хуҷанд дар Донишкадаи иқтисоду савдои Донишгоҳи давлатии тиҷорати Тоҷикистон баргузор шуд.

Устодон ва донишҷӯён мавзӯҳои фавқро бо намояндагони ҳукумати шаҳри Хуҷанд ба баҳс гирифтанд.

Ҳотам Маҳмудов, намояндаи ҳукумати шаҳр ва собиқадори Агентии назорати давлатии молиявӣ ва мубориза бо коррупсияи Тоҷикистон коррупсия - фасодро як зуҳуроти номатлубе унвон кард, ки эътимоди мардумро ба давлат коста гардонида, обрӯву эътибори онро коҳиш медиҳад.

“Маҳз коррупсия рушди иқтисодиётро бозмедорад ва шароити истифодаи ғайримақсадноки маблағҳои давлативу ҷамъиятиро фароҳам оварда, боиси поймолшавии ҳуқуқи инсон ва заиф шудани пояҳои ахлоқии ҷомеа мегардад”, - гуфт Маҳмудов.

Усмон Юсуфӣ, ширкати мудири шуъбаи рушди иҷтимоӣ ва робита бо ҷомеаи дастгоҳи раиси шаҳри Хуҷанд, шиддат гирифтани ифротгароиву терроризм ва ҷиноятҳои муташаккили фаромиллиро як зуҳуроти ҷаҳонӣ хонда, гуфт, муқовимати ҷомиаи Тоҷикистонро бо онҳо муҳим хонд.

“Баъзе аз ҷавонон ба ҳизбу ҳаракатҳои ифротӣ мегараванд, ки ҷои нигаронист. Ҷавонон бояд ҳушёриву зиракиро аз даст надода, фирефтаи доми гурўҳҳои ғаразнок, ки зери қаноти хоҷагони худ аз хориҷи кишвар истода, ҷиҳати ноором намудани вазъи сиёсии кишвар сангпартоӣ мекунанд, нашаванд.”, - гуфт Юсуфӣ.

Дар Тоҷикистон аз соли 2013 ба ин сӯ “Стратегияи муқовимат ба коррупсия дар Ҷумҳурии Тоҷикистон барои солҳои 2013 – 2020” ва аз соли 2016 “Стратегияи миллии Ҷумҳурии Тоҷикистон оид ба муқовимат ба экстремизм ва терроризм барои солҳои 2016-2020” қабул шудааст.

 Аммо ҳарчанд муҳлати ин стратегияҳо ба охир мерасад, мақомот ва ҷомиа аз афзоиши коррупсия ва хатари терроризму экстремизм бештар сӯҳбат ва изҳори нигаронӣ мекунанд.

Аксари коршиносон бар ин назаранд, ки далоили афзудани гароишоти ҷавонони тоҷик ба созмонҳои мамнӯи терористӣ ва экстремистӣ вазъи ногувори иқтисодии кишвар, аз қабили фақру бекорӣ ва рушди кунди иқтисодӣ аст. Ба қавли онҳо ба ҷуз аз ин ки ҷавонони бекору фақир аз сӯи созмонҳои террористӣ гумроҳ карда мешаванд, яке аз сабабҳои рушди кунди иқтисодии кишвар маҳз коррупсия дар сатҳҳои болову пойини ниҳодҳои ҳукуматӣ аст.

485
Барчаспҳо:
ҷавонон, суҳбат, манфиат, ифротгароӣ, коррупсия, донишҷӯ, Хуҷанд, Тоҷикистон
День 2 марта

Тоҷикистон ба узвияти СММ пайваст: имрӯзи таърих

18
(Таҷдидшуда 19:06 01.03.2021)
Соли 1992 дар ҷаласаи 46-уми Ассамблеяи Генералии Созмони Милали Муттаҳид Ҷумҳурии Тоҷикистон ба ин созмони бонуфузи ҷаҳонӣ аъзо шуд

Рӯзи 2 март дар ҷаҳон чӣ рух дод

Соли 1993 Шӯрои байниҳукуматии ИДМ оид ба нафту газ ташкил карда шуд.

Соли 1923 дар ИМА аввалин шумораи маҷаллаи "Time" нашр шуд.

Соли 2010 дар Париж дар қароргоҳи ЮНЕСКО маросими ботантанаи ифтитоҳи Соли байналмилалии наздикшавии фарҳангҳо доир гардид.

Рӯзи 2 март дар Тоҷикистон чӣ рух дод

Соли 1992 ҷумҳуриҳои Тоҷикистон, Қазоқистон, Озарбойҷон, Арманистон, Қирғизистон, Молдава, Туркманистон ва Ӯзбекистон  ҳамчун давлати соҳибистиқлол узви Созмони Милали Муттаҳид шуданд.

Соли 1992 дар ҷаласаи 46-уми Ассамблеяи Генералии Созмони Милали Муттаҳид Ҷумҳурии Тоҷикистон ба ин созмони бонуфузи ҷаҳонӣ аъзо шуд.

День 27 февраля нац
© Sputnik/ Стас Этвеш/ Мария Вишнякова

Соли 2011 дар Тоҷикистон Шӯрои рушди тарбияи ҷисмонӣ таъсис дода шуд.

Соли 2012 дар шаҳри Душанбе вазъи вақт ва дурнамои ҳамкории Тоҷикистону Британияи Кабир баррасӣ гардид.

Соли 2016 аз ҷониби кишвардори Тоҷикистон Эмомалӣ Раҳмон ангораи ҷашни Наврӯз тасдиқ карда шуд.

Соли 2017 Эмомалӣ Раҳмон ба муносибати 25-солагии барпо намудани робитаҳои дипломатӣ байни Ҷумҳурии Тоҷикистон ва Ҷумҳурии Финляндия ба Президенти Ҷумҳурии Финляндия Саули Вяйнямё Нийнистё барқияи табрикӣ ирсол намуданд.

Ҷашнҳои рӯзи 2 март

  • Рӯзи байналмилалии гӯгирд.
  • Дар Ливия – Рӯзи тахлия.

Рӯзи 2 март дар Тоҷикистон кӣ таваллуд шуд

Соли 1946 - журналист Мухиддин Олимпур. 

Соли 1950 – ҳунарманди халқии Тоҷикистон Даврон Алиматов.

Соли 1959 – ҳунарманди хизматнишондодаи Тоҷикистон Акбар Мирраҷабов.

18
Барчаспҳо:
ҷашн, ҷаҳон, Тоҷикистон
Мужчина совершает молитву на кладбище

Даргузашти Фотима Ғуломова, ҳунарманди тоҷик пас аз як моҳи марги шавҳар

624
(Таҷдидшуда 22:08 01.03.2021)
Фотима Ғуломова, ҳунарманди номии тоҷик, модари коргардони тавонои тоҷик Барзу Абдураззоқов ва ҳамсари Ҳабибулло Абдураззоқов аст

ДУШАНБЕ, 1 мар – Sputnik. Фотима Ғуломова, ҳунарпешаи номдори театру синамо, модари коргардони машҳур Барзу Абдураззоқов ва ҳамсари Ҳабибулло Абдураззоқов, ҳунарманди номии театру синамо пас аз бештар аз як моҳи марги шавҳараш даргузашт.

Фотима Ғуломова, ҳунарманди номии тоҷик
Акс аз саҳифаи фейсбукии Хуршед Мустафоев
Фотима Ғуломова, ҳунарманди номии тоҷик

Аз даргузашти ҳунарпеша корбарони шабакаҳои иҷтимоӣ, ҳаводорони саҳна ва дӯстони фарзандаш Барзу Абдураззоқов хабар додаанд.

Писари дигари ҳунарманд Шаҳбоз Абдураззоқов ин хабарро тасдиқ карда, гуфтааст, модараш дар пайи беморӣ ҷон ба Ҷонофарин супурд.

Фотима Ғуломова 87 сол дошт ва бештар аз 40 сол дар саҳнаи Театри давлатии академии драмавии ба номи Лоҳутӣ фаъолият карда буд.

Фарзандонаш Барзу Абдураззоқов, коргардони тавонои тоҷик, корманди идораи Созмони Милал Шаҳбоз Абдураззоқов ва проффессори Консерваторияи Шветсия Ниссор Абдураззоқов ҳастанд.

Ӯ дар намоишҳои "Бой ва ғулом", "Шоҳ Лир", "Рӯдакӣ", "Рустам ва Суҳроб", "Мо аз боми ҷаҳон" нақшҳои асосӣ ва хотирмонро бозидааст.

Хомушии ситораи дигар: нақшҳои беҳтарини Ҳабибулло Абдуразоқов – видео

Марги Фотима Ғуломова дар ҳолест, ки ҳанӯз бештар аз як моҳ қабл, 19 январ ҳамсараш, ҳунарманди тавонои синамо ва театр Ҳабибулло Абдураззоқов даргузашта буд.

624