День 28 ноября

Ҷашнҳои рӯзи 28 ноябр дар Тоҷикистон ва ҷаҳон

66
(Таҷдидшуда 13:12 28.11.2019)
Рӯзи бисту ҳаштуми ноябр, дар Албания Рӯзи Истиқлолият ва ҳамзамон Рӯзи парчам ва дар Мавритания низ аз Рӯзи истиқлолияти давлатӣ ҷашн гирифта мешавад

Рӯзи 28 ноябр дар ҷаҳон чӣ рух дод

Соли 1821 Панама аз Испания истиқлолият ба даст овард.

Соли 1950  "План Коломбо" — ташкилоти байналмилалӣ оид ба кумак расонидан дар рушди иқтисодиёти кишварҳои Осиё ва Уқёнуси ором таъсис дода шуд.

Соли 1994 дар Норвегия дуюмин маротиба барои шомил шудани кишвараш ба Иттиҳоди Аврупо раъйпурсӣ гузаронида шуда буд, ки аксарияти интихобкунандагон узвият ба Иттиҳоди Аврупоро рад карданд.

Соли 2016 дар натиҷаи садамаи ҳавопаймо қисми зиёди аъзои дастаи футболи Бразилия "Шапекоэнсе" ба ҳалокат расиданд.

Рӯзи 28 ноябр дар Тоҷикистон чӣ рух дод

Соли 1947  аввалин шумораи  рӯзномаи "Хоҷагии қишлоқи Тоҷикистон"  нашр шуд.

Соли 2007 Қарори Ҳукумати Ҷумҳурии Тоҷикистон дар бораи Муассисаи давлатии "Осорхона-мамнӯъгоҳи ҷумҳуриявии Данғара" қабул гардид.

Соли 2010 дар ноҳияи Данғара маросими ботантанаи оғози бунёди сарбанди Неругоҳи барқи обии "Сангтўда-2" баргузор гардид.

Ввод в эксплуатацию первого  гидроагрегата Сангтудинской ГЭС-1 20 января 2016 года
Предоставлено пресс-службой ОАО "Сангтудинская ГЭС-1"
Ввод в эксплуатацию первого гидроагрегата Сангтудинской ГЭС-1 20 января 2016 года

Соли 2012 раисҷумҳури Тоҷикистон Эмомалӣ Раҳмон ба рӯйхати 500 мусулмони бонуфузтарини олам, ки Маркази шоҳигарии тадқиқоти стратегии исломии Аммон бо дастгирии Маркази ҳамдигарфаҳмии мусалмонону масеҳиёни Ҷорҷтаун тартиб дода мешавад, шомил шуданд.

Соли 2012 дар шаҳри Душанбе гуфтушуниди байниҳукуматии Тоҷикистону Германия оид ба масъалаи ҳамкории иқтисодӣ-техникӣ баргузор гардид.

Соли 2016 дар Венгрия раисҷумҳуриТоҷикистон Эмомалӣ Раҳмон ҳамчун роҳбари давлати ташаббускори бузург дар масоили байналмилалии марбут ба об дар Саммити оби Будапешт суханронӣ карданд.

Ҷашнҳои рӯзи 28 ноябр

  • Дар Албания – Рӯзи истиқлолият (ҳамчунин чун Рӯзи парчам машҳур аст).
  • Дар Мавритания –Рӯзи истиқлолият.

Рӯзи 28 ноябр дар Тоҷикистон кӣ ба дунё омадааст

Соли 1936 –Ҳунарманди хизматнишондодаи Тоҷикистон  Дилбар Қосимова.

Соли 1962 – рӯзноманигор, дорандаи ҷоизаи ба номи А.Лоҳутӣ, муассиси Медиа-холдинг "Азия-Плюс"  Умед Бобохонов.

66
Барчаспҳо:
ҷашн, ҷаҳон, Тоҷикистон
Президент Республики Таджикистан Эмомали Рахмон

Тағйироти кадрӣ: Раҳмон масъулини мақомоти қудратӣ ва давлатиро ҷо ба ҷо кард

2
Президенти Тоҷикистон Эмомалӣ Раҳмон дар мақомоти қудратӣ ва давлатӣ тағйироти кадрӣ ба амал бароварданд

ДУШАНБЕ, 10 июл — Sputnik. Бо Фармонҳои Президенти Ҷумҳурии Тоҷикистон Пиракзода Ҳикматулло аз вазифаи муовини якуми Фармондеҳи Қӯшунҳои сарҳадӣ — сардори Сарситоди Қӯшунҳои сарҳадии Кумитаи давлатии амнияти миллии Ҷумҳурии Тоҷикистон озод ва Раҷабзода Насимҷон ба ин вазифа таъйин гардид.

Бо Қарорҳои Ҳукумати Ҷумҳурии Тоҷикистон Пиракзода Ҳикматулло Сардори Донишкадаи олии сарҳадии Кумитаи давлатии амнияти миллии Ҷумҳурии Тоҷикистон таъин гардида, Мирзозода Бадриддин бо сабаби ба кори дигар гузаштанаш аз ин вазифа озод карда шуд.

Нурализода Нуриддин Директори муассисаи давлатии қароргоҳи «Искандаркӯл»-и Дастгоҳи иҷроияи Президенти Ҷумҳурии Тоҷикистон,

Мирзоён Нодир — муовини Директори Агентии омори назди Президенти Ҷумҳурии Тоҷикистон ва Зайнуддинзода Авазхон Сардори Маркази технологияҳои иттилоотӣ ва коммуникатсионии Дастгоҳи иҷроияи Президенти Ҷумҳурии Тоҷикистон таъйин гардиданд.

Зимни суҳбат Сардори давлат аз вазъи душвори сиёсиву иқтисодӣ ва иҷтимоии минтақа ва ҷаҳон ёдовар шуда, таъкид карданд, ки дар чунин шароити барои тамоми кишварҳои дунё ҳассосу печида ва пешгӯинашаванда ҳар як хизматчии давлатӣ ва низомӣ бояд бо ҳисси баланди миллӣ, ватандӯстӣ ва ватанпарастӣ хизмат намояд. Барои пешгирии қонуншиканӣ дар сарҳади давлатӣ, пурзур намудани назорат ва роҳ надодан ба қочоқи маводи мухаддир, силоҳ, ва молу маҳсулоти пастсифат тамоми шароити зарурӣ муҳайё буда, танҳо масъулият ва ҳушёриву зиракии ҳар як сарҳадбон метавонад кишвари моро аз хавфу хатарҳои ҷаҳони имрӯза, аз ҷумла терроризму экстремизм ва ҷиноятҳои фаромиллӣ эмин нигоҳ дорад.

2
Барчаспҳо:
тағйироти кадрӣ, Эмомалӣ Раҳмон, Тоҷикистон
Мавзуҳо:
Тағйироти кадрӣ дар Тоҷикистон
Пыльная буря в Душанбе

Тӯфони сахт ва чангу ғубор: ҳушдори КҲФ аз ҳавои номусоид дар Тоҷикистон

23
(Таҷдидшуда 14:43 10.07.2020)
Кумитаи ҳолатҳои фавқулодаи Тоҷикистон аз тӯфони сахт ва чангу ғубор ҳушдор дода гуфт, чӣ гуна бояд худро аз хатар эмин нигоҳ дошт

ДУШАНБЕ, 10 июл — Sputnik. Кумитаи ҳолатҳои фавқулоддаи Тоҷикистон бо истинод ба маълумоти Ожонси ҳавошиносии Тоҷикистон ба таваҷҷуҳи шаҳрвандон ва меҳмонони кишвар мерасонад, ки шабонарӯзи оянда дар як қатор ноҳияҳои ҷанубии кишвар ва навоҳии тобеъи марказ шамол шиддат мегирад.

"Суръати вазиши он аз 15 то 20 метр дар як сония мерасад. Маъмулан ин гуна вазъ метавонад сабабгори сар задани тӯфон аз чангу ғубор шавад", - омадааст дар хабарнома.

Дар ҳамин иртибот Кумитаи ҳолатҳои фавқулодда аз аҳолӣ даъват мекунад ба беморони гирифтори рагу дил, қанд, фишори хуни ҳадди боло бештар диққат диҳанд.

Кумита ҳамчунин ба ронандагон ва кӯҳгардон ёдовар мешавад, ки ҳангоми ҳаракат аз маконе ба макони дигар қоидаҳои техникаи бехатариро риоя намоянд, фосилаи байни мошинҳоро ҷиддан риоя кунанд ва аз сангрезиши эҳтимолӣ ҳушёр бошанд. 

Дар ин гуна рӯзҳои чӣ бояд кард? Чанд тавсия ба сокинон ва меҳмонони кишвар

  • Бештар об бояд нӯшид, ҳатто на камтар аз 2 – 2,5 литр дар як рӯз ва ба қадри имкон то 0,5 литр оби минералӣ.
  • То имкон доред, тирезаҳои хонаҳоятонро пӯшида нигоҳ доред. Агар шумо мехоҳед ҳавои хонаро тоза кунед, пас бидонед, ки бадтарин ҳолат дар соатҳои аввали субҳ аст. Ин замонест, ки моддаҳои ҳалношудаву муаллақ дар фазои атроф мутамарказ мешавад. Наздики нимирӯзӣ қисмати болоии замин гарм мешавад ва ин ҳама модаҳои муаллақи ҳалношуда зери фишори  дамои гарм ба боло меравад. Дар ин ҳолат метавон тирезаи бозро бо дока ва ё тӯр пӯшонд, вале фаромӯш накунед, ки он бояд дар ҳолати намӣ нигоҳ дошта шавад.
  • Дар хона бояд рубучини банам гузаронед, талош кунед ҳавои он ҳамеша тоза бошад.
  • Дар ин гуна рӯзҳо духтурон ба хотири мушкилот барои чашмон истифодаи ҳар гуна айнакҳои иртиботиро иҷозат намедиҳанд. Чашмонатонро ҳам эҳтиёт кунед. 

Тавсия барои онҳое, ки бемории зиққи нафас доранд ва ё аз аз касалиҳои шуш ранҷ мебаранд:

  •  меъёри доруҳои мавриди истеъмолро кам накунед,
  • ҳамеша бо худ ингляторҳо дошта бошед,
  • агар талабот ба истифодаи ингляторҳо аз 4 то 6 маротиба дар рӯз беш шавад, ҳатман ба духтур муроҷиат намоед. 

КҲФ ҳамчунин даъват карда, ки дар ҳоли ба вуҷуд омадани ҳолати фавқулода шаҳрвандон бо телефони 112 ва ё ба Қисми навбатдории КҲФ бо шумораҳои 223-13-11, 93 880 28 19 муроҷиат намоед.

23
Барчаспҳо:
чангу ғубор, борону чангу ғубор, Тоҷикистон, КҲФ ҶТ