Маҳбас, акс аз бойгонӣ

Зиндонӣ дар Тоҷикистон: иттиҳом алайҳи вазири дифоъ ва собиқ раиси амният

2199
(Таҷдидшуда 10:18 29.11.2019)
Расонаҳо вазири дифоъи феълӣ ва раиси амнияти собиқи Афғонистонро муттаҳам мекунанд, ки ду бор дар Тоҷикистон бо иттиҳоми даст доштан дар қочоқи мухаддир зиндонӣ шудааст

ДУШАНБЕ, 29 ноя — Sputnik. Ин расонаҳо ба ин иддао, ки иттилоъ аз идораи амнияти Афғонистон ба даст омадааст, мегӯянд, Асадуллоҳ Холид, вазири дифоъи феълӣ ва собиқ раиси Раёсати амнияти миллии ин кишвар солҳои 90 – уми асри гузашта бо иттиҳоми қочоқи маводи мухаддир ду бор аз сӯи нерӯҳои амниятии Тоҷикистон боздошт шудааст.

"Холид соли 1996 ногаҳон ба Амрико сафар кард. Бо суқути Кобул (сентябри соли 1996) ба дасти Толибон дар Толиқон ва Мазори Шариф дар гашту гузор буд ва сипас, бо он ки ҳукумати Тоҷикистон ба вуруди вай ба хоки он кишвар розӣ набуд, ба ҳамкории пойгоҳи муқовимат (Ҷабҳаи Муттаҳиди зиддитолибон) вориди Тоҷикистон шуд", - навиштаанд расонаҳо.

Манобеи дигаре, ки расонаҳо иқтибос мекунанд, Шӯрои Наззор (ниҳоди низомии таҳти раҳбарии Аҳмадшоҳи Масъуд) аст, ки бино ба он, “Асадуллоҳ Холид дар Тоҷикистон ба қочоқи маводи мухаддир рӯй овард ва аз тариқи мухобираи Ҷабҳа мустақим ва аланӣ интиқолот ва додуситади ҳероин аз бандари Ойхонум бо мафияи Русия ва Тоҷикистонро ҳидоят мекард”.

"Санади зинда ва мӯътабар гувоҳ аст, ки дар як маврид шонздаҳ бастаи ҳероин ба шабакаи сиёҳ таҳвил дода шуд, аммо ҳафт бастаи он баъдан дар Мазори Шариф кашф ва мусодира гардид. Холид ба мақомот гуфт, ки ҳероинро ба бозорҳои Русия интиқол намедиҳад, балки аз Мазори Шариф мехост ба Ойхонум интиқол диҳад. Бо идомаи вазъ вай аз сӯи неруҳои амниятии Тоҷикистон дастгир ва шаш моҳ дар зиндон буд", - омадааст дар хабар.
Ин бори аввал нест, ки Асадуллоҳ Холид ба қочоқи маводи мухаддир муттаҳам мешавад.

Соли 2012 вақте номзадии ӯ барои раҳбарии Раёсати амнияти миллии Афғонистон дар парлумони он кишвар ба баррасӣ гирифта шуд, Муҳиддин Маҳдӣ, намояндаи вилояти Бағлон дар ҷаласа гуфт, Асадуллоҳ Холид ду бор аз сӯи неруҳои амниятии Тоҷикистон ба иттиҳоми қочоқи маводи мухаддир боздошт шудааст.

“Он замон банда корманди сафорати Афғонистон дар Тоҷикистон будам ва аз ин моҷаро огоҳ ҳастам. Чунин инсон шоистаи ин маснад нест”, - гуфт Муҳиддин Маҳдӣ.

Маҳдӣ ҷое дигар дар посух ба ин суол, ки “ӯ чӣ тавр аз зиндон озод шуд?” гуфт, ӯ бо талошҳои Абураб Расули Сайёф, яке аз фармондеҳони Ҷабҳаи Муттаҳид аз ҳабс раҳо шудааст.

“Сайёф аз марҳум Аҳмадшоҳи Масъуд хоҳиш кард, ки дар ин робита бо мақомоти Тоҷикистон гуфтугӯ кунад. Масъуд алоқае ба ин мавзӯъ нишон надод, аммо хоҳишҳои мукаррари Сайёф – ҳампаймонаш дар ҷанг алайҳи Толибон ӯро маҷбур кард, то даст ба кор шавад. Он замон Тоҷикистон аз пуштибонони аслии Ҷабҳаи Муттаҳид буд ва ба хотири аҳдофе бузургтар гузашт намуд”, - гуфт Маҳдӣ.

Чизи дигаре, ки дар тарҷумаи ҳоли Асадуллоҳ Холид ба Тоҷикистон рабт мегирад, фориғуттаҳсили Донишгоҳи милии Тоҷикистон будани ӯст. Ӯ ҳамон солҳои 90 – ум факултаи ҳуқуқи ин донишгоҳро хатм кардааст ва расонаҳои Афғонистон инро ҳам таҳти шакку шубҳа қарор додаанд.

Назари мақомоти Тоҷикистон дар бораи ин иддао феълан маълум нест.

Асадуллоҳ Холид яке аз афроди наздик ба Абураб Расули Сайёф, раҳбари Иттиҳоди исломии Афғонистон ва аз муттаҳидини боэътимоди Амрико ва НАТО аст. Ў аз соли 2001 то 2005 волии Ғазнӣ ва аз 2005 то 2008 волии Кандаҳор, пас аз он вазири сарҳадот, ақвом ва қабоил (2008 – 2012) ва раиси Раёсати амнияти Афғонистон (2012 – 2015) буд.

Аз моҳи декабри соли 2018 ба ин сӯ вазири дифоъи Афғонистон аст. Эътибори Холид пеши Амрико ва НАТО ба дараҷаест, ки моҳи декабри соли 2012 вақте дар пайи як ҳамлаи интиҳорӣ шадидан захм бардошт, оҷилан ба шифохонае дар Вирҷинияи Амрико интиқол ёфт ва Барак Обама, раисҷумҳури Иёлоти Муттаҳида ба аёдати ӯ рафт.

Таваҷҷӯҳи расонаҳо ба гузаштаи Асадуллоҳи Холид дар ҳолест, ки ахиран ӯ зимни як паём ба мухолифини сиёсии раисҷумҳур Ашраф Ғанӣ Аҳмадзай ваъдаи саркӯби онҳоро дод.

Чанд дастаи интихоботии номзадони раёсатиҷумҳурии Афғонистон эълон карданд, ки даст ба эътирозҳои густарда хоҳанд зад. Мухолифин Ашраф Ғанӣ Аҳмадзай, раисҷумҳури феълӣ ва ҳам яке аз номзадҳоро ба тақаллуби густарда ва истифодаи захираҳои маъмурии давлат дар интихобот муттаҳам мекунанд.

Асадуллоҳ Холид аз Ашраф Ғанӣ Аҳмадзай ҳимоят мекунад ва эълон кард, ки Урдуи миллиро барои саркӯби мухолифин эъзом хоҳад кард. Изҳороти Холид мавҷи норизоиятиро дар ҷомиаи Афғонистон барпо кард, зеро қонунгузории ин кишвар дахолати артиш ва дигар мақомоти амниятиро дар интихобот манъ мекунад. Интихоботи раёсатиҷумҳурии Афғонистон 28 сентябри соли равон баргузор шуд, аммо то ба ҳол натиҷаҳо ва барандаи он эълон нашудааст.

2199
Барчаспҳо:
собиқ, маводи мухаддир, қочоқ, иттиҳом, вазири дифоъ, Тоҷикистон, Афғонистон
Ҳалокати кӯдак дар пайи садама дар Ховалинг

Ронанда дар хати пиёдагузар ноболиғи 10 - соларо пахш кард

31
Вазорати умури дохилии Тоҷикистон аз ҳалокати кӯдаки 10 - сола хабар медиҳад, ки дар хати гузаргоҳи пиёдагардон зери чархи мошин мондааст

ДУШАНБЕ, 3 июл — Sputnik. Ҳодисаи нохуш рӯзи 1- уми июл, тахминан соати 22:00 дақиқа рух додааст.

Бар хабари Вазорати умури дохилии Тоҷикистон, ронандаи автомашинаи тамғаи "Деу-некси"  Ҷамии Ҳамиди 24 - сола, сокини ҷамоати деҳоти Рӯдакии ноҳияи Восеъ, дар хати пиёдагузар ноболиғро зер кардааст.

"Ронанда ҳангоми ҳаракат бо кӯчаи Н.Қарабоев аз самти кӯчаи Абая ба самти кӯчаи С.Шерозӣ, дар болои хати гузаргоҳи пиёдагардон, пиёдагарди ноболиғ, Исроилова Фарида Шодиевна, соли таваллудаш 2010, сокини ҷамоати деҳоти Русияи ноҳияи Рӯдакиро пахш намудааст", - таъкид мешавад дар хабар.

Садамаи мудҳиш дар Восеъ оилаи Комиловҳоро мотамзада кард: ду тан ҳалок ва дуи дигар захмӣ

ВУД Тоҷикистон мегӯяд, бар асари ин ҳодиса ноболиғи 10 - сола ҷароҳати ҷисмонӣ бардошта, ҳангоми ба беморхона дастрас кардан ба ҳалокат расидааст.
Манбаъ меафзояд, феълан аз руи ҳодисаи мазкур таҳқиқот идома дорад.

31
Барчаспҳо:
ҳалокат, пиёдагард, ноболиғ, садама
Сотрудник МЧС во время учений, архивное фото

Сӯхтор дар Панҷакент ба ҳалокати келини хонавода ва ду кӯдаки ноболиғаш анҷомид

330
(Таҷдидшуда 12:25 03.07.2020)
Бар асари сӯхтор дар манзили зисти сокини 56 - сола дар шаҳри Панҷакент келини хонавода бо ду фарзанди кӯчакаш ба ҳалокат расид

ДУШАНБЕ, 3 июл — Sputnik. Шаби 2 - юми июл дар манзили зисти сокини шаҳри Панҷакент сӯхтори шадид рух дод, хабар медиҳад Вазорати умури дохилии Тоҷикистон.

Ба иттилои манбаъ, сӯхтор дар манзили Солиев Баёни 56 - сола,  сокини деҳаи Баҳори ҷамоати деҳоти Лоиқ Шералии шаҳри Панҷакент ба амал омад.

Гуфта мешавад, бар асари сӯхтор келини соҳибхона Каримова Таҳминаи 43 - сола  бо фарзандонаш Солеҳзода Меҳваршои 4 - сола ва Солеҳзода Талабшои 2 - сола фавтидаанд.

Сӯхтор дар корхонаи коркарди нафт дар Тоҷикистон: ба корхона хисороти калон овард

Ҳамчунин, худи соҳибхона Солиев Баён, ҷароҳати сӯхтагии бадан бардошта, ба Шуъбаи эҳёи Беморхонаи марказии шаҳри Панҷакент интиқол ёфт.

Ба иттилои пизишкон ҳудуди 99 фисади бадан ва ҳамчунин 30 дарсади роҳҳои нафаси соҳибхона сӯхтаанд.

ВУД Тоҷикистон мегӯяд, зарар аз сӯхтор 7780 сомонӣ буда, маблағи молу мулки аз сӯхтор эмин нигоҳдоштаи кормандони Хадамоти давлатии оташнишонӣ ба 122 000 сомонӣ баробар аст.

Феълан омили сар задани сӯхтор муайян мешавад.

330
Барчаспҳо:
ҳалок, кӯдак, келин, сӯхтор, Панҷакент