Флаг Ирана на одной из улиц Тегерана

Баргузории ҳамоиши бозаргонии Эрон бо АвруОсиё

116
(Таҷдидшуда 17:05 01.12.2019)
Ҳамоиши АвруОсиё ошноӣ бо фурсатҳо ва илзомоти тавсеаи равобити иқтисодӣ ва тиҷории Эрон бо кишварҳои узви Иттиҳодияи АвруОсиё дар Созмони Тавсеаи Тиҷорати Эрон баргузор шуд

ДУШАНБЕ, 1 дек — Sputnik. Ба гузориши хабаргузории “Parstoday”, муаррифии мувофиқатномаи тиҷории АвруОсиё ва зарфияти бозори АвруОсиё ва ташреҳи ҳуқуқи бозаргонон дар ин мувофиқатнома аз ҷумла барномаҳои ин ҳамоиш эълом шудааст.

Дар ҳафт моҳи нахусти имсол содироти Эрон ба кишварҳои узви АвруОсиё бо 52 дарсад рушд ба 490 миллион доллар расид ва воридоти Эрон аз аъзои ин иттиҳодия бо се дарсад коҳиш аз 792 ба 768 миллион доллар расид.

Ҳамзамон манбаъ зикр намудааст, ки саҳми Эрон аз кулли ҳаҷми тиҷорати АвруОсиё се даҳуми дасард ва саҳми АвруОсиё аз кулли тиҷорати Эрон бо ҷаҳон ду дарсад аст, ки бо имзои қарордоди муваққат тиҷорати озоди Эрон бо АвруОсиё ду тараф дар талош барои иртиқои ин саҳм ҳастанд.

Тавофуқномаи эҷоди минтақаи озоди тиҷораӣ байни Иттиҳодияи Иқтисодии АвруОсиё ва Эрон 17 моҳи майи гузашта дар шаҳри Нурсултони Қазоқистон имзо шуд.

Иттиҳодияи Иқтисодии АвруОсиё шомили панҷ кишвари Русия, Қазоқистон, Қирғизистон, Арманистон ва Беларус аст ва дар чорчуби тавофуқномаи имзошуда 502 қалам колои содиротии Эрон ба ин кишварҳо аз таърафаи тарҷиҳӣ бархурдор шудаанд.

Пайвастани Эрон ба Иттиҳодияи Иқтисодии АвруОсиё фурсати хуб ва бозори наверо барои бозаргонони эронӣ бо ҳадафи тавсеаи муровидоти иқтисодӣ бо панҷ кишвари ин иттиҳодия гушудааст.

116
Барчаспҳо:
бозаргонӣ, ҳамоиш, тиҷорат, иқтисод, АвруОсиё, Эрон
Пограничный пункт, архивное фото

Сесад муҳоҷири дигари тоҷик аз Қазоқистон баргардонида шуданд

20
Як гурӯҳи дигари муҳоҷирони тоҷик, ки дар гузаргоҳи марзии Жибек Жоли дармонда буданд, 17-уми сентябр, баргаштанд

ДУШАНБЕ, 18 сен — Sputnik. Тоҷикистон 300 шаҳрванди дигарашро аз Қазоқистон баргардонид, хабар медиҳад Созмони ҷаҳонии муҳоҷирот дар Тоҷикистон.

Манбаъ менависад, Тоҷикистон ба бозгашти наздик ба 300 шаҳрвандаш, ки дар марзи Қазоқистон бо Ӯзбекистон дармонда буданд, мусоидат намуданд. 

"Як гурӯҳи дигари муҳоҷирони тоҷик, ки дар гузаргоҳи марзии Жибек-Жоли дармонда буданд, 17-уми сентябр, баргаштанд. Ин ибтикорро Ҳукумати Тоҷикистон дар ҳамкорӣ бо ҳукуматҳои Қазоқистон ва Ӯзбекистон ҳамоҳанг намуд ва онро намояндагиҳои СБМ дар ҳар се ҷумҳурӣ созмон доданд", - менависад манбаъ.

Бозгашти муҳоҷирон бо ёрии молии Подшоҳии Норвегия сурат гирифтааст.

Ӯзбекистон парвозҳои мунтазамро бо Қазоқистон сар кард

Аз оғози маҳдудиятҳои марбут ба бемории фарогир, Созмони байналмилалии муҳоҷират ба бозгашти наздик ба 2500 шаҳрванди Тоҷикистон аз Қазоқистон тавассути Ӯзбекистон ба ватан мусоидат кардааст.

Дар ин миён, занону кӯдакон, муҳоҷирони корӣ ва донишҷӯён низ ҳастанд, ки дар марзи Қазоқистон бо Ӯзбекистон бо умеди идомаи роҳ ба Тоҷикистон ҷамъ омада буданд.

20
Визит Эмомали Рахмона в Согдийскую область

Ширкати Президент дар маъракаи пахтачинӣ дар Ҳисор

153
Дар рафти сафари корӣ Эмомалӣ Раҳмон дар Ҳисор дар маъракаи ҷамъоварии пахта ва кишти тирамоҳии ғалладона ширкат кардааст

ДУШАНБЕ, 18 сен — Sputnik. Раисҷумҳур Эмомалӣ Раҳмон дар маъракаи пахтачинӣ дар Ҳисор иштирок кард, хабар медиҳад дафтари матбуоти президент.

"Дар идомаи сафари корӣ дар шаҳри Ҳисор Эмомалӣ Раҳмон дар Кооперативи тиҷоратии ба номи Латиф Муродов дар маъракаи ҷамъоварии пахта ва кишти тирамоҳии ғалладона иштирок кард", - менависад манбаъ.

Иттилоъ дода шуд, ки дар мавсими ҷорӣ хоҷагидорони ин Кооператив бо роҳандозии тадбирҳои иловагии коркарди агротехникии зироат, истифодаи тухмиҳои хушсифати маҳалливу хориҷӣ ба нишондиҳандаҳои баланди истеҳсолӣ, аз ҷумла дар самти ҷамъоварии ҳосили пахта ноил хоҳанд шуд.

Зеро ба тахмини хоҷагидорон, соли равон аз ҳар гектар ба ҳисоби миёна тахминан бештар аз 35-сентнерӣ ҳосил ба даст хоҳанд овард.

Хоҷагии мазкур серсоҳа буда, дорои 1147 гектар замини корами обӣ ва лалмӣ мебошад. Имсол аз масоҳати умумии заминҳои дар ихтиёрдошта, хоҷагидорон дар масоҳати 250 гектари он навъҳои пунбадонаи “Дӯстӣ”, “Флеш”, “Флора” ва “Хуҷанд-67” кишт карданд.

Ба иттилои мутахассисон, боду ҳаво ва заминҳои серҳосили ин минтақа барои парвариши ин навъҳои пахта мувофиқу муносиб буда, ҳосили дилхоҳ ба даст меояд.

Президент роҳбарияти хоҷагиро бобати бештар ҳавасманд сохтани чинакчиён ва дигар саҳмдорон вазифадор намуда, таъкид карданд, ки аз боду ҳавои мусоид самаранок истифода бурда шавад.

 Эмомалӣ Раҳмон инчунин дар маъракаи кишти тирамоҳии зироат иштирок кардааст.

“Бисёр вазнин мешавад”: Раҳмон мақсади сафарҳояш дар даври "короно"-ро гуфт-видео

Дар ҳамин рӯз дар майдони бештар аз 32 гектар замине, ки аз ҳосили кишти асосиву такрорӣ холӣ шуда буд, кишти тирамоҳии гандум гузаронида шуд.

153