Абдулло Рахнамо, архивное фото

“Ғолиби мутлақ”: пирӯзии се фарзанди Абдуллоҳи Раҳнамо дар як озмуни шаҳрӣ

879
(Таҷдидшуда 12:50 03.12.2019)
Бунёд Раҳнамо, писари Абдуллоҳи Раҳнамо, мушовири Маркази таҳқиқоти стратегии назди раисҷумҳури Тоҷикистон дар як озмуни шаҳрӣ дар Душанбе пирӯз омада, Шоҳҷоиза ва 20 ҳазор сомонӣ мукофотпулиро соҳиб шуд

ДУШАНБЕ, 3 дек — Sputnik. Бунёд Раҳнамо хонандаи литсейи хусусии “Раҳнамо” буда, бо ҳифзи ҳудуди 5000 байт ва бозгӯии мазмуни 200 китоби назмию насрии ватанию хориҷӣ Шоҳҷоизаи даври шаҳрии озмуни ҷумҳуриявии “Фурӯғи субҳи доноӣ…” - ро ба даст овард.

Бино ба иттилои “Ховар”, ягона хабаргузории расмии Тоҷикистон, озмуни умумимиллии “Фурӯғи субҳи доноӣ…” аз сӯи раисҷумҳури Тоҷикистон Эмомалӣ Раҳмон эълон гардида, ширкаткунандагон аз рӯи чор номинатсия - азёд ва хондани осори адибони классики тоҷик – хонандаи мактаби №81-и шаҳри Душанбе Шукрона Хоҷамқулова, азёд ва осори адибони муосири тоҷик, азёд ва хондани ашъори бачагонаву афсонаву ривоятҳои халқи тоҷик, азёд ва хондани осори адабиёти ҷаҳон нерӯозмоӣ мекунанд.

 “Ҳадафи асосии Пешвои миллат аз эълони чунин озмун он аст, ки китобхонию китобнависӣ дар ҷомеа боз ҳам бештар ривоҷ ёбад ва сатҳи маънавию ахлоқии ҷомеа, суханварию суханшиносӣ ва ба қадри сухану эҷодгарони сухан расидани аҳли ҷомеа боз ҳам беҳтар гардад”, - омадааст дар хабари “Ховар”.

Дар шаҳри Душанбе аз рӯи номинатсия аввал - азёд ва хондани осори адибони классики тоҷик Шабеҳа Раҳнамо, хонандаи литсейи “Раҳнамо”, номинатсияи дуюм - азёд ва осори адибони муосири тоҷик - Шукрона Хоҷамқулова, хонандаи мактаби №81-и шаҳри Душанбе, номинатсияи сеюм - азёд ва хондани ашъори бачагонаву афсонаву ривоятҳои халқи тоҷик - Муҳаммад Раҳнамо, хонандаи литсейи “Раҳнамо”, азёд ва хондани осори адабиёти ҷаҳон - Шабнам Одинаева, донишҷӯи факултаи муносибатҳои байналхалқии Донишгоҳи миллии Тоҷикистон ҷойҳои аввалро гирифтанд.

Ифтихор Носиралиев, хонандаи мактаби №35-и шаҳри Душанбе аз рўи чор номинатсия Ҷоизаи махсуси раиси шаҳри Душанбе ба даст овард ва бо мукофотпулӣ қадрдонӣ шуд.

“Ғолиби мутлақи озмун бошад, аз рўйи чор номинатсия хонандаи муассисаи таълимии хусусии литсейи “Раҳнамо” Бунёд Раҳнамо эълон шуд”, омадааст дар хабари “Ховар”.

Бунёд, Шабеҳа, Муҳаммад фарзандони Абдуллоҳи Раҳнамо, сиёсатшиноси тоҷиканд, ки ҳамагӣ дар литсейи “Раҳнамо” таҳсил мекунанд.

Литсейи “Раҳнамо” низ ба Абдуллоҳи Раҳнамо тааллуқ дорад, ки беш аз даҳ сол ба ин сӯ фаъолият дорад ва такя бар улуми инсонӣ мекунад.

Дар маросими эълони ғолибон муовини раиси шаҳри Душанбе Мавсума Муинӣ, вазири фарҳанги Тоҷикистон Шамсиддин Орумбекзода, муовини аввали раиси Кумитаи кор бо занон ва оилаи назди Ҳукумати Тоҷикистон Марҳабо Олимӣ, роҳбарони сохторҳои марбутаи шаҳр, шоирону нависандагон, омӯзгорон ва хонандагони муассисаҳои таълимии пойтахт иштирок доштанд.

879
Барчаспҳо:
мукофотпулӣ, шоҳҷоиза, пирӯзӣ, Душанбе, озмун, Тоҷикистон
Президент Республики Таджикистан Эмомали Рахмон в кукурузном поле

Президент деҳқонони тоҷикро ба як сол аз андоз озод кард

18
Раисҷумҳури Тоҷикистон Эмомалӣ Раҳмон ҳангоми ироаи паёми солона дар назди парлумони кишвар пешниҳод кард, ки кишоварзони кишвар ба як сол аз андоз озод шаванд

ДУШАНБЕ, 26 янв — Sputnik. Эмомалӣ Раҳмон тамоми кишоварзони Тоҷикистонро аз пардохти андози ягонаи замин барои як сол озод кард.

Президент аз мушкил омадани соли 2021 таъкид кард ва гуфт, дар саросари ҷаҳон дар ин сол нарасоии маводи озуқаворӣ ҳис хоҳад шуд.

Ӯ ёдрас шуд, ки пештар низ борҳо таъкид мекард, ки бояд соҳаи кишоварзӣ дар Тоҷикистон тақвият дода шавад.

Президент тавсиф кард, ки соли 2020 Тоҷикистон тавонист дар ин соҳа ба дастовардҳо ноил шавад. 

"Имсол ҳам бояд дар бахши кишоварзӣ заҳмати зиёде бояд кашид", - таъкид кард вай.

Ӯ ба Ҳукумати Тоҷикистон дастур дод, ки барои пӯшонидани ин қисми буҷаи давлат чора андешад, зеро ин маблағи каме нест.

COVID-19 ё пинҳонкорӣ: нақшаи андоз дар Суғд иҷро нашуд

Ба гуфтаи Эмомалӣ Раҳмон, ҳаҷми яксолаи ин навъи андоз 200 миллион сомониро ташкил медиҳад.

18
Барчаспҳо:
деҳқон, андоз, Эмомалӣ Раҳмон, Тоҷикистон
Машина скорой помощи в Таджикистане, архивное фото

Садамаи маргбор дар роҳи "Душанбе-Кӯлоб" як куштаю се захмӣ бар ҷой гузошт

72
(Таҷдидшуда 13:16 26.01.2021)
Вазорати умури дохилаи Тоҷикистон аз садамаи маргборе дар роҳи "Душанбе-Кӯлоб" хабар медиҳад, ки дар паи он як мусофир ҷон бохта се тани дигар бистарӣ гардиданд

ДУШАНБЕ, 26 январ - Sputnik. Бино ба гузориши Вазорати корҳои дохилӣ, ин ҳодисаи нохуш рӯзи 24-уми январ, тахминан соати 16:30, дар ҳудуди ноҳияи Данғара ба вуқӯъ пайвастааст.

Гуфта мешавад, ки ронандаи худрави "Тайота-Кемри", Раҳмонзода Фирдавс, сокини 36 - солаи Душанбе, ҳангоми ҳаракат аз самти шаҳри Кӯлоб ба самти шаҳри Душанбе аз уҳдаи идораи воситаи нақлиёт набаромада, ба автомашинаи тамғаи "Опел-Астра" бархӯрдааст.

ВУД қайд мекунад, ки худрави дуюм таҳти идораи Даминов Убайдулло, сокини 31 -солаи ҷамоати деҳоти Арали ноҳияи Восеъ будааст. 

"Дар натиҷа, мусофири автомашинаи тамғаи "Тайота-Кемри", Бобоёрова Ҷамолбӣ, сокини 61 - солаи шаҳри Душанбе, дар ҷойи ҳодиса ба ҳалокат расидааст", - омадааст дар хабарнома.

Ҳамчунин, ронандаи автомашинаи тамғаи "Опел-Астра", Даминов ва мусофирони ӯ Мирзоев Комилҷон, сокини 51 - солаи ҷамоати деҳоти Меҳнатободи ноҳияи Ҳамадонӣ ва ноболиғ Раҳмонзода Саидбилол, сокини 8 - солаи  Душанбе ҷароҳатҳои гуногуни ҷисмонӣ бардошта, дар беморхона бистарӣ карда шудаанд.

Чаппа шудани мошин дар роҳи Хоруғ - Душанбе: ронанда бо ду мусофир ҷон дод

Манбаъ афзуда, ки аз рӯи ҳодисаи мазкур таҳқиқот идома дорад.

72
Барчаспҳо:
ВУД ҶТ, Данғара, садама