Паломники вернувшиеся с Хаджа в Душанбе

Ҳаҷи умра: истифодаи “ашхоси манфиатхоҳ” аз боварии мардум ё монополия?

706
Кумитаи дин аз шаҳрвандони Тоҷикистон даъват кардааст, ки барои анҷоми маносики умра аз имкониятҳои ширкатҳои ватанӣ истифода кунанд

ДУШАНБЕ, 3 дек — Sputnik. Абдуғаффор Юсуфов, сардори шуъбаи равобити байналмилалӣ ва ташкили ҳаҷи Кумитаи дин, танзими анъана ва ҷашну маросими назди ҳукумати Тоҷикистон, дар сомонаи расмии Кумита ба баррасии шароити анҷоми ҳаҷи умра пардохта, навиштааст, ки ин маърака сӯистифодаҳоеро аз сӯи бархе “ашхоси манфиатхоҳ” ба вуҷуд овардааст.

 “Вақтҳои охир бо истифода аз боварии мардум ашхоси манфиатхоҳ талош доранд, то бо роҳҳои ғайрирасмӣ ҳамватанони моро барои адои маносики умра сафарбар намоянд. Пешгирии ин ҳолатро бархе аз расонаҳои иттилоотӣ воқеъбинона инъикос накарда, ба таври иғвоангезу моҷароҷӯёна паҳн намудаанд”, - навиштааст Абдуғаффор Юсуфов.

Масъули Кумитаи дин ба муқаррароти қонунгузорӣ ишора карда, қарори ҳукумати Тоҷикистон “Дар бораи тартиби сафари шаҳрвандон барои адои ҳаҷи умра” (№802, аз 30 декабри соли 2015) – ро мисол меорад, ки тибқи он, Кумитаи дин, танзими анъана ва ҷашну маросим мақоми ваколатдори ташкили маросими ҳаҷи умра ва иҷрои ин қарор мебошад.

Бар пояи ин далел, Абдуғаффор Юсуфов аз шаҳрвандони Тоҷикистон, ки хоҳиши анҷом додани маносики умраро доранд, даъват кардааст, ки аз имкониятҳои ширкатҳои ватанӣ истифода кунанд.

 “Ин ширкатҳо расман дар асоси иҷозатномаи мақоми ваколатдор фаъолият карда, уҳдадоранд, ки барои зоирон дар рафти анҷом додани сафари ҳаҷи умра тамоми шароитҳоро муҳайё сохта, имкониятҳои мусоиди будубоши онҳоро таъмин намоянд”, - навиштааст ин масъули Кумитаи дин.

Баҳси интиқоли зойирин барои адои ҳаҷи умра дар ҳоле шурӯъ шуд, ки мақомоти Тоҷикистон ахиран аз сафари беш аз 30 нафар ба Арабистони Саудӣ ҷилавгирӣ карданд.

 Сабаб ҳам ин буд, ки онҳо на бо ширкатҳои расмӣ, балки ба таври гурӯҳӣ ё тариқи миёнаравҳо азми сафари ҳаҷҷи умра кардаанд. Кумитаи дин гуфт, ваколати ташкил ва танзими ҳаҷҷи умра ҳаққи истисноии ин ниҳод аст, ки аз сӯи ҳукумати Тоҷикистон гирифтааст ва азбаски худи Кумита бо ин кор машғул нест, ин ҳақро ба ду ширкати ватанӣ – “Расул сохтмон” ва “Ормон” вогузоштааст. Ин вазъ пеши мусофирин ва ҳам кормандони соҳаи туризм чанд суолро халқ кардааст.

Дар навбати аввал, ба қавли мусофирин, харҷи сафари ҳаҷи умра бо миёнаравҳо 17 ҳазор сомонӣ (ҳудуди 1700 доллар) – ро ташкил мекунад, дар ҳоле ки ширкатҳои расмӣ барои ин хизмат беш аз 20 ҳазор сомонӣ мегиранд.

Кумитаи дин гуфт, миёнаравҳо пардохтҳо, аз қабили андозу дигар ӯҳдадориҳо пеши буҷаро адо накардаанд, он чиро ки мусофирон рад мекунанд.

Ширкатҳои дигари туристии Тоҷикистон мегӯянд, қонунгузорӣ дар ин бора ҳеҷ маҳдудияте барои онҳо пешбинӣ накардааст.

Корманди як ширкати туристӣ ба “Спутник” гуфт, тибқи моддаи 6 – и Қонуни Тоҷикистон дар бораи туризм, ташкили қабул ва хизматрасонии зиёрати динӣ дар қатори дигар намудҳои туризм, аз ҷумла маърифатӣ, экологӣ, туризми варзишию куҳӣ, кӯҳнавардӣ, шикори байналмилалӣ ва ғайра барои ҳама ширкатҳои туристӣ иҷоза дода шудааст.

 “Бале, ҳаққи қонунии Кумитаи дин аст, ки кадом ширкатҳоро барои ин кор эъзом мекунад. Қарори ҳукуматро дорад ва дастонаш боз аст. Аммо беҳтар мебуд, барои ҷилавгирӣ аз монополия ё инҳисор теъдоди ширкатҳое, ки бо ин кор машғул ҳастанд, бештар шавад, зеро фақат дар ҳоли бештар будани теъдоди онҳо рақобат ба вуҷуд меояд. Фақат дар ин ҳол метавон хизматрасониро беҳтар кард ва харҷи сафарро коҳиш дод”, - гуфт ҳамсӯҳбати “Sputnik”.

Бино ба иттилои дарёфтӣ, дар Тоҷикистон ҳоло ҳудуди 160 ширкати туристӣ фаъолият мекунанд.

706
Барчаспҳо:
манфиатдорон, ширкат, ҳаҷҷи умра, ҳаҷ, кумитаи дин, Тоҷикистон
Люди в защитных масках в Душанбе, архивное фото

Як фавт ва 40 маризи нав: омори коронавирус дар Тоҷикистон барои имрӯз

20
Шабонарӯзи гузашта дар Тоҷикистон аз маризии сироятии коронавирус 1 нафари дигар ҷон бохт. Акнун теъдоди умумии қурбониён ба 81 нафар расид

ДУШАНБЕ, 22 окт – Sputnik. Шабонарӯзи гузашта дар Ҷумҳурии Тоҷикистон 40 ҳолати нави сироятёбӣ ба COVID-19 ба қайд гирифта шуд, хабар медиҳад Вазорати тандурустии Тоҷикистон.

Ба иттилои манбаъ, дар муддати аз 30 апрел то 22 октябр шумораи гирифторони коронавируси нав ба 10653 нафар расид.

Манбаъ меафзояд, дар як шабонарӯзи охир 56 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 9724  (91,3%)  баробар гардид.

Марги табиби 28 - сола пас аз иштирок дар озмоиши ваксинаи бритонӣ алайҳи коронавирус

Вазорати тандурустӣ ҳамчунин фавти як маризи коронавирусро дар шабонарӯзи ахир тасдиқ кард.

Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

20
Мавзуҳо:
Пайомадҳои COVID-19 дар Тоҷикистон ва ҷаҳон
Комроншох Устопирён

Коронавирус: Сомон ва Комроншоҳ ба мусобиқаи Grand Slam нарафтанд

48
(Таҷдидшуда 18:20 22.10.2020)
Сафари ҳарду низ ба ин мусобиқаи пурнуфуз лағв шудааст. Яке бо далели набудани парвоз ва дигаре бо сабаби коронавирус натавонистанд дар сабқат ширкат кунанд

ДУШАНБЕ, 22 окт — Sputnik. Комроншоҳ Устопириён ва Сомон Маҳмадбеков, ду варзишкори тоҷик, ки бояд Тоҷикистонро дар озмуни Grand Slam Hungary дар Венгрия намояндагӣ мекарданд, дар сабқат иштирок намекунанд.

Ин хабарро ба АМИТ "Ховар" аз Федератсияи дзюдои Тоҷикистон тасдиқ кардаанд.

Бино бар иттилои манбаъ, Комроншоҳи Устопириён бо сабаби лағви парвозҳои ҳавоӣ ба макони баргузории мусобиқа сафар карда натавонист.

"Инчунин бинобар сабаби ошкор шудани бемории COVID-19 дар бадани мураббии Сомон Маҳмадбеков ба ӯ низ иҷозат дода нашуд, то дар мусобиқа иштирок кунад", - омадааст дар иттилои манбаъ.

Ҳамин тавр аввалин мусобиқа оид ба дзюдо  баъд аз эҳёи рақобатҳо аз намуди дзюдо бе иштироки паҳлавонон аз Ҷумҳурии Тоҷикистон сурат мегирад.

Мавқеи Сомон ва Комроншоҳ дар радабандии ҷаҳонӣ як зина поён шуд

Тибқи маълумоти сомонаи расмии Федератсияи байналмилалии  дзюдо, дар Гранд Слами Будапешт 459 варзишгар аз 69 давлат барои дарёфти роҳхати олимпӣ иштирок хоҳанд кард.

Президенти Федератсияи байналмилалии дзюдо Мариус Визер баргузории мусобиқаи  Гранд Сламро  рӯйдоди таърихӣ хондааст.

Чунин мусобиқаи рейтингӣ 11-13  декабр дар шаҳри Токиои Япония бо номи Tokyo Grand Slam 2020 доир мегардад.  Пас аз чанд моҳи маҳдудият ниҳоят ҷаҳон дари худро ба сӯи оянда боз мекунад ва варзиш барои оғози марҳилаи нав беҳтарин тадбир мебошад.

48
(1:15 / 8.75Mb / просмотров видео: 126)

Боздошти зодаи Осиёи Марказӣ: дар Маскав теракт омода мекард - видео

0
ФСБ навори боздошти зодаи Осиёи Марказиро, ки қасд доштааст дар Маскав теракт омода кунад, нашр кард

Ҷавон аз осиёи Марказӣ, ки "дар яке аз биноҳои ҳукумати Маскав қасди амалӣ кардани ҳамлаи террористиро доштааст", рӯзи 22 октябр дастгир шуд.

Бино бар хабари расмӣ, гумонбаршаванда бо фарони ҷангҷӯён нақша доштааст, бо гузоштани бомб яке аз биноҳио ҳукуматиро тарконад.

Таркиши минаи сарироҳӣ дар марзи Тоҷикистону Афғонистон 4 кушта барҷой гузошт

Аз навор дида мешавад, ки ҷавон дар ҷангал боздошт шудааст. Дар махфигоҳи ӯ мақомоти ҳифзи ҳуқуқ дастгоҳҳои худсохти тарканда пайдо кардаанд.

Дар баробари ин гуфтугӯи ӯ бо ҷангҷӯён ва дастур барои омода кардани бомб ва навори савгандёдкунии гумонбар ба пешвои ҷангҷӯён дарёфт шудааст.

Қайд мешавад, ки ҷавон соли 1999 ба дунё омадааст. Пас аз таркиш дар Маскав ӯ нақша доштааст ба Ховари Миёна бозгардад ва дар сафи террористон биҷангад.

0
Барчаспҳо:
боздошт, Маскав