Нож в руке, архивное фото

Боздошти 11 нафари мусаллаҳ бо силоҳи сард дар Душанбе

521
(Таҷдидшуда 18:35 03.12.2019)
Раёсати умури дохилии Тоҷикистон давоми се рӯзи амалиёти "Корд" аз сокинони пойтахт даҳҳо адад корду кастет мусодира карданд

ДУШАНБЕ, 3 дек — Sputnik. Кормандони пулиси пойтахт давоми се рӯзи амалиёти шартии "Корд" 11 нафарро барои мусаллаҳ будан бо силоҳи сард дастгир намуданд ва алайҳи онҳо ҷазои маъмурӣ дар намуди ҷарима аз 1 то 3 нишондиҳанда барои ҳисобҳо татбиқ намуданд.

Ба иттилои котиботи Раёсати умури дохилии Тоҷикистон, аз санаи 27 - уми ноябр то 1 - уми декабри соли равон, 11 нафар ҷавонон боздошт шуданд, ки бо худ силоҳи сард аз қабили корду кастет ва электрошокер мегардониданд.

Мусодираи корд аз як духтар дар "дискоклуб"- и Душанбе

Гуфта тмешавад, дар марҳилаи навбатии амалиёт аз 11-нафар шаҳрвандон 10-адад корд, 2-адад кастет ва як адад электрошокер дарёфту мусодира карда шуданд.

Раёсати ВУД ҳушдор медиҳад, аз нафароне, ки силоҳҳои сард мусодира шуд дар камтарин нофаҳмӣ ва муноқишаҳои лафзӣ метавонанд аз он истифода кунанд ва  ҷиноятҳои вазнин содир кунанд.

Муроҷиати ВУД ба сокинони Душанбе: падарону модарон, фарзандони худро назорат кунед

Манбаъ тавзеҳ медиҳад, ки нисбати он нафароне, ки дар рафти амалиёт боздошт ва аз онҳо чунин силоҳҳо дарёфту мусодира гардид, чораҳои таъсиррасони қонунӣ аз ҷумла ҷазо дар намуди ҷарима аз 1 то 3 нишондиҳанда барои ҳисобҳо татбиқ карда шуд.

Аз ин хотир, Раёсати ВКД дар шаҳри Душанбе тасмим гирифтааст, ки “то охирин лаҳза ва пурра решакан намудани ин амали номатлуб мубориза бурда, амалиёти ҳадафмандонаро дар ҳудуди пойтахт идома медиҳад”.

521
Барчаспҳо:
мусаллаҳ, корд, боздошт, Душанбе
Марзбони тоҷик, акс аз бойгонӣ

КДАМ Тоҷикистон моҷаро дар марз ва тирпаронии марзбонҳои қирғизро шарҳ дод

402
(Таҷдидшуда 22:44 25.10.2020)
Қӯшунҳои сарҳадии Кумитаи давлатии амнияти миллии Тоҷикистон моҷарои 25 октябр дар марз ва тирпаронии сарҳадбонҳои қирғизро шарҳ доданд

ДУШАНБЕ, 25 окт — Sputnik. Тибқи иттилои нерӯҳои марзбонии КДАМ, рӯзи 25-уми октябри соли 2020, соати 15:30 дақиқа, сокинони деҳаи Хоҷаи Аълои ноҳияи Исфара дар дохили деҳа қубури обгузарро, ки кӯҳнаву афсурда шудааст, иваз мекарданд.

"Дар ин вақт 25-30 нафар сарҳадбонони мусаллаҳи Ҷумҳурии Қирғизистон ба назди деҳаи мазкур ҳозир шуда, аз сокинон талаб мекунанд, ки корро қатъ созанд.  Онҳо даъво пеш меоранд, ки маҳали кори шаҳрвандони Тоҷикистон минтақаи баҳсӣ дониста мешавад ва аз силоҳи оташфишон ҷониби сокинони Хоҷаи Аъло тир мекушоянд", - омадааст дар изҳороти КДАМ.

КДАМ таъкид кардааст, ки ин қитъа қаламрави Ҷумҳурии Тоҷикистон буда, иғвогарии навбатии марзбонони қирғиз ба мураккаб намудани вазъият дар хатти сарҳади ду давлат равона гардидааст.

Манбаъ афзуд, хушбахтона, аз тирпаронии марзбонони қирғиз сокинони Хоҷаи Аъло осеб надидаанд. Корҳо дар маҳали муноқиша муваққатан қатъ карда шуданд.

Байни сарҳадбонони Ҷумҳурии Тоҷикистон ва Ҷумҳурии Қирғизистон, бо иштироки намояндагони мақомоти иҷроияи ҳокимияти давлатии ду кишвар  гуфтушунид идома дорад.

Хадамоти марзбонии Қирғизистон қаблан бо нашри як изҳорот гуфт, марзбонҳои қирғиз барои ҳифзи ҳаёту саломатӣ ва ҷилавгирӣ аз шиддати вазъ ба ҳаво тир холӣ карданд.

402
Барчаспҳо:
тирпаронӣ, марз, Тоҷикистон
Сбор урожая хлопка в Турсунзаде

Раиси Суғд ба ғолибони озмун аз 5 то 20 ҳазор сомонӣ ҷоиза дод

32
(Таҷдидшуда 20:58 25.10.2020)
Раҷаббой Аҳмадзода, раиси вилояти Суғд, дар майдони “Ситораҳои Хуҷанд”-и маркази вилоят ба ғолибони даври дуюми мусобиқаи меҳнатӣ байни ноҳияҳо ва хоҷагиҳои пахтакор ҷоиза дод

ДУШАНБЕ, 25 окт — Sputnik. Раҷаббой Аҳмадзода, зимни маросими ҷоизасупорӣ аз зарурати рушди соҳаи кишоварзӣ, таъмини корхонаҳои саноатӣ бо ашёи хом ва таъсиси ҷойҳои корӣ гуфт.

Тибқи иттилои ҳукумати вилояти Суғд, дар ҷамъбасти давраи дуюми мавсими пахтачинӣ заркорони ноҳияҳои Спитамен, Мастчоҳ ва инчунин пахтакорони Ҷамоати деҳоти Ғулакандоз ғолиби мусобиқа дониста шуданд.

Манбаъ афзуд, раиси вилоят ба ғолибони мусобиқаи меҳнатӣ "Вимпели сайёр" ва мукофотпулиҳоро дар ҳаҷми 20 000 сомонӣ, 10 000 сомонӣ ва 5 000 сомонӣ тақдим намуд.

Ӯ изҳори боварӣ намуд, ки кӯшишҳои деҳқонони заҳматқарин барои беталаф ғундоштани ҳосили пахта ва дигар зироатҳои кишоварзӣ бо суръати тоза ҷараён гирифта, онҳо соли ҷориро бо дастовардҳои баланд ҷамъбаст менамоянд.

"Қайд кардан зарур аст, ки деҳқонони ботаҷрибаи хоҷагиҳои деҳқонии "Элёр"-и ноҳияи Ашт, "Иҷоракор"-и ноҳияи Бобоҷон Ғафуров, "Озодҷон"-и ноҳияи Зафаробод, "Ҳоҷидеҳқонбой"-и ноҳияи Ҷаббор Расулов, "Гули шодӣ"-и ноҳияи Мастчоҳ, "Зарбдор"-и шаҳри Конибодом ва "Турдиқул ҳоҷӣ"-и ноҳияи Спитамен ва дар маҷмӯъ дар миқёси вилоят 3648 хоҷагии кишоварзӣ дар ин давра ба марраи мурод расида, собит намуданд, ки ташкили дурусти кор, саъю талош, риояи қоидаҳои агротехникии парвариш ва сари вақт сафарбаркунии қувваҳо гарави муваффақиятҳо мебошад.

Ҳукумати Суғд зикр намудааст, ки пахтакорони вилоят азм доранд, ки соли равон дар ҳамаи шаклҳои хоҷагидорӣ наздик 130 ҳазор тон пахта истеҳсол намоянд. То имрӯз бошад наздик 100 ҳазор тонна "тиллои сафед" ба хирман рехта шудааст.

32
Барчаспҳо:
озмун, пахта, Тоҷикистон