Сегодня Председатель города Душанбе Рустами Эмомали посетил древний город Самарканд

Баъди боздид аз Самарқанд Рустам Эмомоалӣ ба Душанбе баргашт - акс

845
(Таҷдидшуда 13:16 05.12.2019)
Шоми рӯзи 4 декабр раиси шаҳри Душанбе Рустам Эмомоалӣ аз шаҳри Тошканд ба шаҳри бостонии тоҷикон – Самарқанд боздид кард

ДУШАНБЕ, 5 дек — Sputnik. Бино бар иттилои дафтари матбуоти раиси шаҳри Душанбе сафари Рустам Эмомоалӣ, ба шаҳри Самарқанд дар доираи сафари расмии ӯ ба Узбакистон сурат гирифтааст.

Манбаъ қайд намудаст, ки дар фурудгоҳи байналмилалии Самарқанд Рустам Эмомалӣ, раиси шаҳри Душанберо Ҳокими Тошканд Ҷаҳонгир Ортиқхоҷаев ва Ҳокими вилояти Самарқанд Эркинҷон Турдимов пешвоз гирифтанд.

  • Рустам Эмомали в Самарканде у могилы Ислама Каримова
    Рустам Эмомали в Самарканде у могилы Ислама Каримова
    © Пресс-служба президента Узбекистана
  • Рустам Эмомали в Самарканде у могилы Ислама Каримова
    Рустам Эмомали в Самарканде у могилы Ислама Каримова
    © Пресс-служба президента Узбекистана
1 / 2
© Пресс-служба президента Узбекистана
Рустам Эмомали в Самарканде у могилы Ислама Каримова

Рустам Эмомалӣ, зимни боздидидаш аз шаҳри Самарқанд, аз ёдгориҳои фарҳангӣ, зиёратгоҳҳо ва маҷмааҳои саноатии Самарқанд дидан кард.

Нахуст ҳайати шаҳри Душанбе ба маҷмааи Ҳазрати Хизр ва маҷмаа-мақбараи меъмории Имом Бухорӣ ташриф оварда, баъдан бо дигаргуниҳои шаҳр шинос шуда, дар бораи мутафаккирони бузурги сарзамини муқаддаси Самарқанд ва дар бораи саҳми онҳо дар рушди тамаддуни ҷаҳонӣ маълумот гирифтанд.

Тавре дафтари матбуоти раиси шаҳр зикр намудааст, шоми рӯзи 4 декабр, раиси шаҳри Душанбе Рустами Эмомалӣ ба Душанбе баргашт.

845
Барчаспҳо:
Самарқанд, Тошканд, Рустам Эмомалӣ, Душанбе, Тоҷикистон
Шанхай, архивное фото

Чин мӯҳлати пардохти қарзи 40-миллионии Тоҷикистонро ба таъхир андохт

8
Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар, аз ҷумла аз Тоҷикистон боздошт

ДУШАНБЕ, 5 авг — Sputnik. Пардохти қарзи Тоҷикистон ба Чин ба маблағи 40 миллион доллар муваққатан ба таъхир андохта шуд. Дар ин бора муовини вазири рушди иқтисод ва савдо Абдураҳмон Абдураҳмонзода хабар дод.

Ба гуфтаи вай, Чин вазъи мураккаби иқтисодии Тоҷикистонро дар робита бо пандемияи коронавирус ба назар гирифта, мӯҳлати пардохти онро тамдид кард.

Афзун бар ин, Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар боздошт.

Пештар Вазорати молия гуфта буд, қарзи умумии берунаи Тоҷикистон дар нимсолаи аввали соли 2020 3 миллиарду 96 миллионро ташкил медиҳад.

Маълум аст, ки қарзи бештари Тоҷикистон, 36 дар сади он, ба бонки Чин рост меояд, ки он 1 миллиарду 133,4 ҳазор доллар аст.

“Ҳисоби абҷад”: “Талко” қарзҳои андозро ғайривоқеӣ хонд

 

8
Пробирки с кровью для анализа на covid-19

Вазорат омори тозаи сироят, фавт ва шифоёбӣ аз коронавирус дар Тоҷикистонро эълон кард

286
(Таҷдидшуда 20:04 05.08.2020)
 Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир дар ҷумҳурӣ 42 ҳодисаи нави бемории COVID-19 дарёфт гардид

ДУШАНБЕ, 5 авг — Sputnik. Бино ба гузориши Вазорати тандурустӣ давоми 24 соати гузашта дар Тоҷикистон 42 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ ба 7625  нафар баробар гардид.

"То санаи  5 август  дар мамлакат  6399 (83,9%)  нафар аз бемории COVID-19 шифо ёфта,  бар асари он 61  нафар фавтидаанд", - омадааст дар хабарнома.

Вазорати тандурустӣ ёдоварӣ карда, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Русия эълон кард, кай ваксинаи зидди COVID-19 миёни кӯдакон санҷида мешавад

Ин ниҳод даъват карда, ки дар ин лаҳзаҳои ҳассос  ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

286
Барчаспҳо:
Вазорати тандурустии ҶТ, омор, тандурустӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон