Здание Европейского банка реконструкции и развития, архивное фото

Сипоси раиси вилояти Суғд аз Бонки аврупоии таҷдид ва рушд барои дастгирӣ

78
(Таҷдидшуда 16:34 05.12.2019)
Раҷаббой Аҳмадзода, раиси вилояти Суғд бо масъулни Бонки аврупоии таҷдид ва рушд дар Тоҷикистон дурнамои ҳамкориҳоро баррасӣ кард

ДУШАНБЕ, 5 дек — Sputnik. Раҷаббой Аҳмадзода, раиси вилояти Суғд бо роҳбари намояндагии Бонки аврупоии таҷдид ва рушд дар Тоҷикистон Айтен Рустамоваро дидору гуфтугӯ кард.

Зимни мулоқот тарафҳо аз муносибатҳои миёни Тоҷикистон ва ин созмони молиявӣ изҳори қаноатмандӣ намуданд.

Аҳмадзода зимни мулоқот зикр намудааст, ки Бонки аврупоии таҷдид ва рушд дар амалисозии лоиҳаҳои гуногун нақши назаррас дошта, иброз дошт, ки бо мусоидати Ҳукумати Тоҷикистон ва Бонк дар вилояти Суғд барои беҳтар намудани хизматрасонии нақлиёти мусофиркашон, партовкашонӣ ва коркарди он, дастрасӣ ба оби нӯшокӣ лоиҳаҳои судманд амалӣ шуда истодааст.

“Бо дастгирии ташкилоти молиявӣ ҳамзамон дар шаҳри Хуҷанд зеристгоҳҳои барқӣ ба истифода дода шуда, навсозии Нерӯгоҳи барқи обии “Қайроққум” идома дорад”, - таъкид доштааст Аҳмадзода.

Дар маҷмуъ, ҳаҷми умумии маблағгузории Бонки аврупоии таҷдид ва рушд барои амалишавии лоиҳаҳои барои хоҷагии халқ муҳим 200 миллион евроро ташкил медиҳад.

Ҳамзамон, тарафҳо зимни мулоқот инчунин​ дурнамои ҳамкориҳоро баррасӣ намуда, барои амалисозии лоиҳаҳо дар самти дастгирии соҳибкорӣ мубодилаи афкор намуданд.

78
Барчаспҳо:
ҳамкорӣ, мулоқот, БАТР, Суғд, Раҷаббой Аҳмадзода
Тотальный диктант в Душанбе

Хобгоҳҳо каму иҷорахонаҳо қимат: шикваи донишҷӯёни тоҷик аз гаронии нарх

44
То оғози таҳсил дар омӯзишгоҳу донишгоҳҳои Тоҷикистон, камтар аз 4 рӯзи дигар боқӣ мондааст, аммо мушкили камбуди хобгоҳ ва гароншавии арзиши хонаҳои иҷоравӣ бисёре аз донишҷӯёнро ба тавшвиш овардааст

ДУШАНБЕ, 13 авг – Sputnik. Донишҷӯёни тоҷик мегуянд, ба фарқ аз соли гузашта дарёфти хонаҳои иҷроравӣ дар шаҳрҳои Душанбеву Хуҷанд душвортар шудааст.

Иқбол Раҳимов шуморе аз донишҷӯёни Донишгоҳи тиббии ба номи Абӯалӣ ибни Сино дар шаҳри Душанбе мегуяд, қимати хонаҳои иҷоравӣ аз ҳар вақт дида ҳоло баланд шудааст.

"Ба 1000 сомонӣ ҳам ёфтани хонаи иҷоравӣ дар шаҳри Душанбе қариб ки номумкин шудааст. Соли гузашта мо бо ин қиммат хона иҷора гирифта будем, аммо имсол соҳибхона бо ин нарх хонаро ба иҷора намедиҳад", - гуфт Раҳимов.

Донишҷӯёни Хуҷанд низ аз мушкили дарёфти хонаҳои иҷоравӣ таъкид меварзанд.

Санҷар Шаропов, аз ҷумлаи донишҷӯёнест, ки баъди хатми таҳсили Коллеҷи тиббии шаҳри Хуҷанд азм дорад, имсол барои гирифтани маълумотии олии тахассусаш ба Донишгоҳи давлатии Хуҷанд ба номи академик Бобоҷон Ғафуров таҳсил намояд, аммо гарон шудани қиммати хонаҳои иҷоравӣ ӯро дар ташвиш гузоштааст.

"Дар соли қаблӣ мо 4 нафар донишҷӯён бар ивази 600 сомонӣ дар як хонаи як ҳуҷрагӣ иқомат мекардем. Ҳоло бо ин нарх пайдо кардани хонаи иҷоравӣ душвор аст. Нархи хонаҳо то ба 800 -1000 сомонӣ баланд шудааст", - гуфт донишҷӯ.

Ҳоло дар шаҳри Хуҷанд, чаҳор муассисаи таҳсилоти олӣ аз ҷумла Донишгоҳи давлатии Хуҷанд ба номи академик Б. Ғафуров, Донишгоҳи давлатии ҳуқуқ бизнес ва сиёсати Тоҷикистон, Донишкадаи иқтисод ва савдои Донишгоҳи давлатии тиҷорати Тоҷикистон, Донишкадаи политехкиникии Донишгоҳи давлатии техникии Тоҷикистон ба номи М. Осимӣ фаъолият мекунанд ва дар онҳо бештар аз 30 ҳазор донишҷӯ таҳсил мекунад.

Бемории 7 донишҷӯи тоҷик бо таби баланд дар Вуҳан маълум шуд: шарҳи сафорат

Аммо ин донишгоҳҳо дар мувозинати худ ҳамагӣ як ва ё дутоӣ хобгоҳ барои донишҷӯён доранд. Дар ин миён танҳо ДДХ ба номи академик Б. Ғафуров дар мувозинаи худ чаҳор хобгоҳ дорад, ки дар онҳо кам ё беш аз 2500 ҳазор донишҷӯ, умдатан онҳое, ки тибқи Квотаи президентӣ дохил шудаанд таъмин мешаванд, аммо беш аз 20 ҳазор донишҷӯи дигари ин донишгоҳ аз ҳисоби худ хонаи иҷорави мегиранд.

Дар ҳоли ҳозир донишгоҳҳои кишвар имкони бо хобгоҳ таъмин кардани шумори қобили мулоҳизаи донишҷӯёнро надоранд ва дарёфти хонаҳои иҷоравӣ барои донишҷӯён мушкили аслӣ боқӣ мемонад.

44
Женщина в защитной маске в городе Душанбе

"Ҷанги мардумӣ": пирӯзии Басманда бар "вируси корона"

173
Сокинони деҳаи Басмандаи ноҳияи Деваштич дар пайи тадобири дастаҷамъона бо мақомоти маҳаллӣ тавонистаанд "вируси корона" – ро "фирор" диҳанд. Қаблан нозирони аҳвол аз гирифтории даҳҳо нафар ва эҳтимоли пеш омадани як фоҷиаи инсонӣ дар ин деҳа суҳбат мекарданд

 ДУШАНБЕ, 13 август — Sputnik. Як манбаъ дар Шифохонаи ноҳиявии Деваштич ба Sputnik Тоҷикистон гуфт, аз 17 сокини ин деҳа, ки бо гумони гирифторӣ ба "вируси корона" бистарӣ шуда буданд, ҳамагӣ ба по шуда, ба хонаҳояшон баргаштаанд.

"Аз чор ҳолате, ки бино ба ташхиси озмоишгоҳи шаҳри Хуҷанд, мусбат арзёбӣ шуда буданд, ҳамагӣ сиҳат ёфта, ташхиси такрории онҳо манфӣ баромадааст. Бақия 13 нафар пас аз як муолиҷаи кутоҳ рухсат шуданд. Ҳоло дар Басманда ягон ҳолати мусбат ва ҳатто маризи миёнаи вазнин нест", - гуфт ин манбаъ.

Қаблан манобеъи Sputnik Тоҷикистон аз чор мавриди мусбат ва гирифтории даҳҳо нафар дар деҳаи Басмандаи ноҳияи Деваштич хабар дода буданд. Он замон вазъи аксари гирифторон миёна арзёбӣ мешуд, зеро бо вуҷуди бархе аломоти "вируси корона" ҳарорати бадани онҳо аз 39 дараҷа боло набудааст.

Бино ба иттилои дарёфтӣ, ҳудуди 60 пизишку мутахассиси шифохонаи марказии ноҳия, ҳамчунин шифохонаи минтақаии Калининобод ва худи духтурони деҳа барои назорати вазъ дар деҳа эъзом шуда буданд.

Таъйиноти кадрӣ дар Суғд: Орипов сардори Идораи санитарию эпидемиологӣ шуд

Яке аз ин пизишкон ба Sputnik Тоҷикистон гуфт, талошҳои онҳо ва ҳам мардум барои ҷилавгирӣ аз густариши "вируси корона" тайи даҳ рӯз натиҷаҳои мусбати худро ба бор оварданд. 

"Дар ин миён тамоми онҳое, ки дар хонаҳояшон ба гумони гирифторӣ ба "вируси корона" таҳти назорати мо қарор доштанд, пурра шифо ёфта, як-ду нафари дигар боқӣ мондаанд, ки дар як – ду рӯзи дигар ба по хоҳанд шуд", - гуфт ин пизишк.

Ба қавли ҳамсӯҳбати мо, пирӯзии зудҳангоми ин деҳа бар маризии ҳамагир бар иловаи талошҳои шабонарӯзии пизишкони деҳаву ноҳия, аз иттиҳоди бесобиқаи мардум дар мубориза бо ин маризӣ низ вобастагӣ дошт.

Ба қавли ӯ, талошҳои муштараки мардуму мақомот боиси "фирор" - и ғайримунтазира ва бесобиқаи "вируси корона" аз Басманда шудааст.

Рӯ ба коҳишёбӣ ниҳодааст: омори нави коронавирус дар Тоҷикистон

Басманда бузургтарин деҳаи ноҳияи Деваштич (собиқ Ғончӣ) буда, дар 30 – километрии Ғончӣ, маркази ноҳия ҷойгир аст ва беш аз 12 ҳазор сокин дорад.

Аксари мардуми ин деҳа бо кишоварзӣ машғуланд ва мутахассисон бар инанд, ки боду ҳавои тозаи кӯҳистонӣ ва меҳнати сангини ҷисмонӣ мӯҷиби қавӣ шудани масъунияти бадани мардуми Басманда шуда, нагузоштааст, ки "вируси корона" ба таври маъмулӣ густариш ёбад.

173