Оқибатҳои сели азим дар Панҷакент

Ҳафт қурбонӣ ва беш аз 11 милион сомонӣ зарари офатҳои таббиӣ дар Суғд

343
(Таҷдидшуда 15:14 12.12.2019)
Зарари нӯҳ ҳодисаи фавқулоддаи табиӣ дар вилояти Суғд, ки дар 11 моҳи соли равон сурат гирифтааст, беш аз 11 миллиону 278 ҳазор сомониро ташкил медиҳад

ДУШАНБЕ, 12 дек — Sputnik. Дар соли гузашта шаш ҳодисаи фавқулоддаи табиӣ рух додааст, ки ба ҳисоби 12 миллиону 989 ҳазору 034 сомонӣ зарари расида қурбон шудани 5 нафар бар асари онҳо ба қайд гирифта шудааст

Бар асари рухдоди ҳодисаҳои фавқулодаи табиӣ дар вилояти Суғд 7 нафар ҷон бохта ва аз ин ҳисоб беш аз 11 милион сомонӣ ба хоҷагии халқ зарар расидааст.

 Дар ин бора рӯзи гузашта дар ҷаласаи ҳукумати вилояти Суғд оид ба ҳолатҳои фавқуллода хабар додаанд.

Полковник Анвар Қосимов, муовини сардори Раёсати Кумитаи ҳолатҳои фавқулода ва мудофиаи гражданӣ дар Суғд иттилоъ додааст, ки муддати 11 моҳи ахир дар қаламрави вилоят, нӯҳ ҳодисаи фавқулоддаи табиӣ ба қайд гирифта шуда ва аз ин ҳисоб ба хоҷагии халқ 11 миллиону 278 ҳазору 034 сомонӣ зарар расидааст.

“Дар паи ин ҳодисаҳо 7 нафар шаҳрвандон ба ҳалокат расиданд”, - гуфтааст полковник Қосимов.

Ин масъули Раёсати Кумитаи ҳолатҳои фавқуллода ва мудофияи граждании Суғд иброз намудааст, ки ҳарчанд соли ҷорӣ ҳаҷми зарари расида назар ба ин давраи соли гузашта камтар аст, вале шумори қурбониёни офатҳои табиӣ имсол назар ба соли гузашта 2 нафар зиёд ба қайд гирифта шудааст.

Бино ба гуфти Анвар Қосимов соли гузашта шаш ҳодисаи фавқулоддаи табиӣ рух додааст, ки ба ҳисоби 12 миллиону 989 ҳазору 034 сомонӣ зарари расида қурбон шудани 5 нафар бар асари онҳо ба қайд гирифта шудааст.

Борони сели шаби 2 ба 3-юми июн дар ҷамоатҳои Ортиқ Ҳамробоев ва Пӯлотони шаҳри Конибодом аз рухдоди ҳодисаҳои таббии соли ҷорӣ гуфта мешавад, ки ҳудуди 20 хонаи сокинонро ба пуррагӣ ва боз 40 манзили дигарро қисман вайрон карда, даҳҳо сар чорворо бо худ бурд.

Комиссияи Комиссияи бартарафкунии паёмадҳои офати табиӣ, хисороти расида аз ин офати табиӣ шаҳри Конибодомро дар маҷмӯъ 8 милиону 345 ҳазору 329 сомонӣ ҳисоб карда буданд. Баҳоваддин Баҳодурзода, муовини раиси вилояти Суғд, ки дар ҷаласа иштирок кардааст, дар самти пешгирӣ ва бартарафсозии оқибати ҳолатҳои фавқуллода ва коҳиши хатари ҳодисаҳои табиӣ иброз намудааст.

343
Барчаспҳо:
қурбонӣ, сомонӣ, Суғд, ҳодисаи табиӣ, зарар, Тоҷикистон
Молоток судьи

Ҳукми муллои ҷинбарор эълон шуд: ҳам дуо мехонд ва ҳам маҳсу бахткушоӣ мекард

292
(Таҷдидшуда 13:55 11.08.2020)
Бо ҳукми суди шаҳри Ҳисор, Сочаев бо моддаҳои 1421 қисми 1 ва 247 қисми 3 банди "а" Кодекси ҷиноятии Тоҷикистон гунаҳгор дониста шуда, нисбаташ ҷазои маҳрум намудан аз озодӣ таъйин шуд

ДУШАНБЕ, 11 авг – Sputnik. Прокуратураи генералии Тоҷикистон ҳукми Сочаев Ҷурабой Нарзуқулович, сокини шаҳри Ҳисор, ки  худро дар маҳалли зисташ муллои ҷинбарор муаррифӣ намуда, аз шаҳрвандони зудбовар бар ивази маҳсу дуохонӣ, баровардани сеҳру ҷоду маблағҳои калон мегирифт, эълон намуд.

Манбаъ меафзояд, муллои ҷодугар аввалҳои моҳи октябри соли 2019 ба боварии шаҳрванд "А" даромада, барои дур намудани сеҳру ҷоду, аз ӯ 3000 сомонӣ пули табобат талаб намуд.

Зимнан, давоми чаҳор моҳ ҳафтае як ё ду маротиба ӯро ба манзили истиқоматии худ хонда бо суиистифода аз ҳиссиёт ва боварии динии ӯ нисбати номбурда ҳаракатҳои бадахлоқонаро анҷом дод.

 

Тафсилоти боздошти “Мулло-профессор” дар Ҳисор

Инчунин, ӯ бо ин роҳ шаҳрванд "А”-ро ба гумроҳӣ андохта, барои маҳси бадан ва табобат аз маблағи қаблан муқаррарнамуда, танҳо 1600 сомонӣ гирифт.

Гузашта аз ин, зимни тафтиши пешакӣ 5 лаҳзаи содир гардидани чунин ҷиноятҳо аз ҷониби Сочаев муайян ва ошкор карда шуд.

Бар хабари манбаъ, Сочаев аз охирҳои моҳи январ то феврали соли ҷорӣ, амалҳои зишти худро нисбати 5 нафар шаҳрвандон анҷом дода,бо ин кирдорҳои худ ҷиноятҳои дар моддаҳои 1421 қисми 1 ва 247 қисми 3 банди “а” КҶ Ҷумҳурии Тоҷикистон пешбинишударо содир намудааст.

Гуфта мешавад, нисбати номбурда парвандаи ҷиноятӣ оғоз гардида, бо ҳукми суди шаҳри Ҳисор нисбати Сочаев ҷазои маҳрум намудан аз озодӣ таъйин карда шуд.

292
Барчаспҳо:
Прокуратураи генералии Тоҷикистон, мулло, ҳукм
Каримхон Курбонов, бывший ректор Медуниверситета РТ

Даргузашти академик, собиқ ректори Донишгоҳи тиббӣ ва муовини директори “Истиқлол”

469
Академик Каримхон Курбонов, собиқ ректори Донишгоҳи тиббӣ ва муовини директори Маҷмааи тандурустии “Истиқлол” дар синни 62 – солагӣ олами фониро падруд гуфт

 ДУШАНБЕ, 11 авг — Sputnik. Яке аз наздикони марҳум ба Sputnik Тоҷикистон гуфт, Каримхон Курбонов як ҳафтаи ахир дар Шифохонаи клиникии шаҳрии бемориҳои сироятии кӯдакона, ки дар шафати Маҷмааи тандурустии "Истиқлол” чойгир аст, бистарӣ буданд.

“Каримхон Муродович дар гузашта як маротиба ҷарроҳии дилро паси сар карда буданд. Маризие, ки сабаби бистарӣ шуданашон шуд, бронхопневмония ё илтиҳоби шуши дутарафа буд”, - гуфт ҳамсуҳбати Sputnik Тоҷикистон.

Каримхон Қурбонов - олим, доктори илми тиб (1997), профессор (1999), узви вобастаи Академияи илмҳои ҶТ (2003), академики Академияи илмҳои тибби назди вазорати тандурустии Тоҷикистон (2010) ва Академияи байнулмилалии улуми макотиби олӣ буда, 2 апрели соли 1958 таваллуд шудааст.

Донишгоҳи давлатии тиббии Тоҷикистон ба номи Абӯалӣ Ибни Сино (1982) – ро бо ихтисоси "кори табобатӣ" хатм карда, самти асосии фаъолияти илмиаш ҷарроҳии узвҳои системаи гепатогастробиллиарӣ ва рӯдаи ғафс буд.

Дотсент (1997-1999), профессори кафедраи ҷарроҳии умумии №1 Донишгоҳи давлатии тиббии Тоҷикистон ба номи Абӯалӣ ибни Сино (1999-2000), декани факултаи умумитиббии Донишгоҳи давлатии тиббии Тоҷикистон ба номи Абӯалӣ ибни Сино (2001-2003) буд.

Илтиҳоби шуш ё COVID -19? Ба оилаи 4 устоди фавтидаи донишгоҳи Бохтар 6000 сомонӣ дода шуд

Каримхон Қурбонов солҳои 2003 – 2005 ректори Донишгоҳи давлатии тиббии Тоҷикистон ба номи Абӯалӣ Ибни Сино, ҳамзамон мудирии кафедраи бемориҳои ҷарроҳии Донишгоҳи давлатии тиббии Тоҷикистон ба номи Абӯалӣ Ибни Синоро бар уҳда дошт.

Солҳои ахир муовини директори Маҷмааи тандурустии “Истиқлол” дар умури илм буд.

Бино ба иттилои наздикон, муаллифи беш аз 700 кори илмӣ, аз ҷумла 15 монография, 4 китоби дарсӣ, 20 тавсияи методӣ, 150 пешниҳоди навоварона буда, беш аз 60 патент дорад ва таҳти раҳбарии ӯ 47 номзад ва 7 доктор рисола ҳимоят кардаанд.

469