Журналисты, архивное фото

Ҳукумати Суғд ғолибони озмуни рӯзноманигориро эълон кард

89
(Таҷдидшуда 15:28 20.12.2019)
 Ғолибони озмуни рӯзноманигорӣ таҳти унвони “16-рӯзи мубориза алайҳи хушунат” дар вилояти Суғд эълон карда шуданд

ДУШАНБЕ, 20 дек — Sputnik. Ин озмун чанде пеш аз ҷониби Раёсати кор бо занон ва оилаи ҳукумати Суғд таҳти унвони 16-рӯзи мубориза алайҳи хушунат” аз рӯи чанд номинатсия дар миёни рӯзноманигорони вилояти Суғд баргузор шуда буд, дирӯз бо баргузории маросиме масъулин натиҷаи онро эълон намуданд.

Озмуни мазкур аз сӯи ходимони соҳаи рӯзноманигорӣ, масъулини сохторҳои ҳукумати Суғд ва созмони Иттифоқи журналистон ҳакамӣ карда шудааст.

Бар асоси хулосаи аъзои ҳакамони Озмун, ғолибон дар номинатсияҳо маълум карда шудаанд: Барои “Беҳтарин мавод дар нашрияи чопӣ”: Ҷои 3-ум Рафоат Муъминова, барои нашри мавод дар нашрияи “Ҳақиқати Суғд” Ҷои 2 -юм Гулҷаҳон Турсунзода, корманди нашрияи “Ҳақиқати Суғд” Ҷои 1-ум Дилдора Зокирова, барои нашри мавод дар нашрияи “Согдийская правда”.

Раисон дар Суғд ба рӯзноманигорон ҳисобот медиҳанд

Ғолибони озмун дар бахши “Беҳтарин барномаи телевизионӣ: Ҷои 3-ум Фирӯза Мирҷумъаева муҳаррири ТВ “Диёр” Ҷои 2-юм Хусрав Улмасов, аз ТВ “Азия” Ҷои 1-ум Муҳаббат Муродова, аз ТВ “СМ-1”.

Ғолибони озмун дар бахши беҳтарин барномаи радиоӣ: Ҷои 3-ум Назокат Иброҳимов аз радиои “Пайванд” Ҷои 2-ум Таҳмина Мизробӣ, хабарнигори радиои “Диёр” и ноҳияи Ашт. Ҷои 1-ум Каримбой Юлдошев, корманди радиои “Тироз”.

Ғолибони Озмун дар бахши беҳтарин мавод дар расонаи интернетӣ: Ҷои 3-ум насиби Фарзона Муродӣ, хабарнигори ҳафтаномаи “Тоҷикистон” Ҷои 2-юм Шаҳбону Олимова, хабарнигори “Ҳақиқати Суғд” Ҷои 1-ум Қамари Аҳрор, барои нашри мавод дар сомонаи “Sputnik Тоҷикистон”, эълон карда шуданд.

Зайнӯра Оқилзода, муовини раиси вилояти Суғд ба ғолибони озмун ҷоизаҳои таъсисдодаи кумитаи тадорукотро тақдим намуд.

89
Барчаспҳо:
рӯзноманигор, озмун, Суғд
Народный поэт Таджикистана Гулназар Келди

Гулназар Келдӣ зери дастгоҳи нафасдиҳии сунъӣ гузаронда шуд

1
Вазъи саломатии Гулназар Келдӣ, шоири шинохтаи тоҷик, муаллифи суруди миллии Тоҷикистон вахим шудааст

ДУШАНБЕ, 12 авг — Sputnik. Табибон дар пайи бадтар шудани вазъи Гулназар Келдӣ, ӯро ба дастоҳи нафасдиҳии сунъӣ пайваст кардаанд, иттилоъ дод хабарнигори Sputnik Тоҷикистон.

"Гулназар Келдӣ худро бадтар эҳсос кард ва табибон тасмими гирифтанд, ки ӯро зери дастгоҳи нафасдиҳии сунъӣ гузаронанд”, - изҳор дошт манбаъ.

Ахиран шоири халқӣ ва муаллифи Суруди миллии Тоҷикистон бо гумони ибтило ба “вируси корона” ба Маҷмааи тандурустии “Истиқлол” интиқол ёфта буд.

Худи шоир 11 август ба Sputnik Тоҷикистон гуфт, як рӯзи қабл дарди ногуворе саропои вуҷудашро ларзонд ва наздиконаш салоҳ донистанд, ки ӯро ба шифохона интиқол диҳанд.

“Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфт шоири халқии Тоҷикистон.

Гулназар Келдӣ 20 сентябри соли 1945 таваллуд шуда, ба номи худ Ҷоизаи давлатии Тоҷикистон ба номи Абӯабдуллоҳи Рӯдакӣ (1994), Ҷоизаи Комсомоли Тоҷикистон, Ҷоизаи ба номи М. Турсунзода, Шоири халқии Тоҷикистон (1995) – ро сабт кардааст. Муаллифи матни Cуруди миллии Тоҷикистон мебошад. "Расми сарбозӣ" - нахустин маҷмӯаи шеърҳои ӯ соли 1969 чоп шудааст.

"Дастархон" (1972), "Нордбон" (1975), "Ағба" (1978), "Паҳно" (1981), "Лангар" (1983), "Пайи дарё" (1985), "Чашми нигин" (1988), "Табхола" (1992 г.), “Туву хубиву раъноӣ” маҳсули фаъолияти беш аз нимасраи ӯ мебошанд. Маҷмӯаҳои вай ба забони русӣ бо номи "Звезда Улугбека" (1981) ва "Безымянный родник" (1986) дар нашриёти "Советский писатель" – и Русия ва "Тень тутовника" (1989) дар Душанбе чоп шудаанд. Осори ӯ дар Афғонистону Эрон ва дигар кишварҳо низ ба нашр расидаанд.

1

Муҳоҷиронро дигар ба марзи Қазоқистон намемонанд: полиси Самара роҳро назорат мекунад

9
Муҳоҷирони меҳнатӣ, ки дар сарҳади Русия ҷамъ омада буданд, берун карда шуданд, аммо мақомоти минтақа барои пешгирии такрори ин ҳолат чораҳо меандешанд

 

ДУШАНБЕ, 12 авг — Sputnik.  Дар маҷмӯъ, то 7 август беш аз ду ҳазор шаҳрванди Узбакистон ва инчунин тақрибан сад шаҳрванди Тоҷикистон аз марзи Русия ва аз вилояти Самара хориҷ карда шуданд.

Дар ин бора ба Sputnik Тоҷикистон хадамоти матбуоти Ваколатдор оид ба ҳуқуқи инсон дар вилояти Самара Олга Галтсова хабар дод.

Ба иттилои манбаъ, бурдани шаҳрвандони хориҷӣ бар асоси марҳилаҳо сурат гирифта, мувофиқи омадани онҳо ба сарҳади Русия амалӣ карда шуд.

Номбурда гуфт, барои онҳое, ки меомаданд, лагери хаймаҳо бо тамоми шароити зарурӣ ташкил карда шуда буд.

Ба гуфти ӯ, шаҳрвандони Тоҷикистонро бо ҳавопаймо рӯзи 28 июл аз Қазон интиқол доданд ва охирин гурӯҳи муҳоҷирони ӯзбекро 7 август ба кишварашон сафарбар кардаанд.

Аммо эҳтимолияти он, ки муҳоҷирон ба доми қаллобон афтода, дубора ба сарҳади Русия биёянд, боқӣ мемонад, афзудааст Олга Галтсова.

Қиссаи бедаракшавии муҳоҷири тоҷик: аз латукӯб то гум шудани хотира-видео

"Бо мақсади пешгирии ҷамъшавии минбаъдаи шаҳрвандони хориҷӣ дар қаламрави ноҳияи Болшечерниговски вилояти Самара ва инчунин ҷилавгирӣ аз кӯшиши воридшавии онҳо ба қаламрави вилояти Оренбург, постгоҳи назоратӣ таъсис дода шуд", гуфтааст манбаъ.

9
Барчаспҳо:
Ӯзбекистон, Тоҷикистон, Қазоқистон, муҳоҷирон, марз, Самара, Русия