Флаг Ирана на одной из улиц Тегерана

Муҳаммадтақии Собирӣ: ҳеҷ маҳудият барои густариши ҳамкорӣ бо Тоҷикистон вуҷуд надорад

73
(Таҷдидшуда 14:17 25.12.2019)
Сафири Эрон дар Тоҷикистон равобити иқтисодии Теҳрон ва Душанберо мукаммили ҳам хонд ва гуфт, ҳеҷ маҳдудияте барои густариши равобити ду кишвар вуҷуд надорад

ДУШАНБЕ, 25 дек — Sputnik. Муҳаммадтақии Собирӣ, сафири Эрон дар Тоҷикистон дар ҳошияи намоишгоҳи тахассусии колоҳои эронӣ дар шаҳри Душанбе, пойтахти Тоҷикистон афзуд, ҳеҷ маҳудияте барои густариши равобити байни Эрон ва Тоҷикистон вуҷуд надорад, иттилоъ додааст хабаргузории “Parstoday”.

Сафири Эрон дар Тоҷикисон бо ишора ба иштирокоти байни ду кишвар дар заминаҳои мухталиф тасреҳ кард: Ҷумҳурии исломии Эрон омодагӣ дорад дар ҳамаи заминаҳо бо Тоҷикистон ҳамкорӣ кунад.

Ҷамшед Ҷумъахонзода, раиси Утоқи бозаргонии Тоҷикистон низ дар ҳошияи намоишгоҳи тахассусии колоҳои эронӣ, фурсати баргузории намоишгоҳро барои тавсиаи тиҷорат ва фароҳам шудани фазои гуфтугӯи фаъолони иқтисодии ду кишвар ба манзури афзоиши ҳаҷми ҳамкориҳои судманди ду тараф бисёр муҳим ва арзишманд арзёбӣ кард.

Намоишгоҳи тахассусии колоҳои эронӣ бо ширкати беш аз 50 ширкати эронӣ дар Кохи Борбади шаҳри Душанбе, пойтахти Тоҷикистон баргузор шуд.

73
Барчаспҳо:
сафир, густариш, маҳдудият, Душанбе, Теҳрон, иқтисод, Тоҷикистон
Граждане Таджикистана на рынке труда в городе Худжанде

Гирдиҳамоӣ дар Хуҷанд: буд ё набуд? вокуниши вазорати корҳои дохилӣ

2128
(Таҷдидшуда 18:35 22.01.2021)
Вазорати корҳои дохилии Тоҷикистон хабари баргузории гирдиҳамоии эътирозӣ дар шаҳри Хуҷандро рад кард

ДУШАНБЕ, 22 янв – Sputnik. Нусратулло Маҳмадзода, сухангӯи ВКД ба Sputnik Тоҷикистон гуфт, ин як машқҳои таълимӣ-дастурӣ буданд, ки ҳамасола дар ҷузу томҳои мақомоти корҳои дохилӣ ва воҳидҳои сохтории он дар вилоятҳо баргузор мешаванд, аммо “афроди фурсатталаб” онро ба аҳдофи “муғризона” дар расонаҳо ва шабакаҳои иҷтимоӣ бозтоб додаанд.

Машқи гирдиҳамоӣ дар Хуҷанд. Генерал Навҷувонов иштирокдоронро қадрдонӣ мекунад
Дафтари матбуоти ВКД Тоҷикистон
Машқи гирдиҳамоӣ дар Хуҷанд. Генерал Навҷувонов иштирокдоронро қадрдонӣ мекунад

“Ин машқҳои таълимӣ 21-уми январ дар ҳамбастагӣ бо гурӯҳҳои зудамали дастгоҳи марказии Раёсат, қисми ҳарбии 3501 Раёсати корҳои дохилии ВКД, Раёсати хадамоти давлатии оташнишонӣ, Хадамоти давлатии "Муҳофиза", Шуъбаҳои ВКД дар шаҳру ноҳияҳои Хуҷанд, Бӯстон, Гулистон, Бобоҷон Ғафуров, масъулини шӯъбаи тиббии Раёсат ва курсантони факултети №4 Академияи ВКД бо муваффақият баргузор шуданд”, - гуфт Нусратулло Маҳмадзода.

Дар ҳамин ҳол, манобеъи Sputnik Тоҷикистон дар Хуҷанд мегӯянд, дирӯз 21 январ дар кӯчаи марказии шаҳри Хуҷанд шоҳиди чунин амалиёт буданд.

Нигаронии Ализода аз масъулини Хуҷанд: омори дурӯғ пешниҳод кардаанд

Яке аз онҳо гуфт, дар майдон воқеан як гурӯҳи муътариз дида мешуд ва кормандони милиса, ки либосҳои мухталифи низомӣ ба бар доштанд, барои маҳор кардани эътироз сафарбар шуда буданд.

“Аксари мардум ин манзараро дида, дарк карданд, ки воқеан, машқи тактикӣ аст ва вокуниши хосе ба он надоштанд. Тамошо мекарданду пайи кори худ мешуданд”, - гуфт ӯ.

Аммо ба тахмини ҳамсӯҳбатони мо, воҳимаи ин машқҳо пас аз он ба вуҷуд омадааст, ки дар телевизиони вилоятӣ ин машқҳои тактикии ҷилавгирӣ аз бетартибиҳои оммавиро гузориш шуданд.

Сухангӯи ВКД – и Тоҷикистон мегӯяд, новобаста аз бозтоби муғризонаи машқҳои таълими дастурӣ аз сӯи “душманони амнияту субот дар Тоҷикистон” ин машқҳо баргузор хоҳанд шуд, чун онҳо дар нақшаи кории вазорат ҳастанд.

2128
Дорога Душанбе - Худжанд, архивное фото

Маҳдудияти ҳаракат дар роҳи Душанбе-Чаноқ: шарҳи IRS

278
Вобаста ба шароити ҳаво зарурат пеш омад, ки ҳаракат дар яке аз роҳҳои мушкилгузар дар Тоҷикистон - шоҳроҳи Душанбе-Чаноқ маҳдуд карда шавад

ДУШАНБЕ, 22 янв — Sputnik. Ширкати IRS, ки ба нигаҳобин ва танзими ҳаракат дар шоҳроҳи Душанбе-Чаноқ мутасаддӣ аст, эълон кард, ки дар пайи бад шудани шароити ҳаво дар кишвар дар ин роҳ бархе маҳдудиятҳо ҷорӣ шуданд. Аз ҷумла ҳаракат барои мошинҳои боркашон маҳдуд карда шуд.

Тавре манбаъ тавзеҳ медиҳад, шурӯъ аз шоми дирӯз дар масири роҳи мошингарди Душанбе — Чаноқ бориши барф беист ва пуршиддат буда, баландии барф дар баъзе минтақаҳо ба 50 сантиметр расид.

"Дар робита ба ҳолати баамаломада техникаву механизмҳои филиали Ширкат ба макони зарурӣ сафарбар шуда, фаъолияти шабонарӯзӣ ба роҳ монда шудааст. Ҳоло роҳ кушода буда, вобаста ба зарурат ҳаракати мошинҳои боркаши ядакдор ва "Фура"-ҳо муваққатан маҳдуд карда мешавад", - таъкид мекунад манбаъ.

Ин кор барои эҷод нашудани монеа зимни ҳаракати дигар нақлиёт амалӣ мегардад, меафзояд дафтари матбуотии ширкат.

Аз ронандагон хоҳиш карда мешавад, ки бидуни омодагие, ки ба мавсими сармо хос аст, ба роҳ набароянд. 

278
Далер Назаров дал интервью

Аз писари вазир то домоди Президент ва дороӣ: ногуфтаҳои Далер Назаров-видео

664
(Таҷдидшуда 21:26 22.01.2021)
Далер Назаров, овозхони шинохтаи тоҷик, дар бораи ҳаёту эҷодиёташ чун писари вазир, домоди президент, дороӣ ва хушбахтияш суҳбат кардааст

ДУШАНБЕ, 22 янв — Sputnik. Далер Назаров дар ин суҳбат бархе аз ҷанбаҳои ҳаёту эҷодиёташро гуфтааст, ки қаблан оммавӣ изҳор надошта бу.

Навори суҳбат дар саҳифаи расмии Daler Nazarov Studio дар Youtube нашр шудааст.

Ӯ гуфт, замоне, ки бори аввал сурудҳои The Beatles-ро шунидааст, майли овозхонияшро дарк кардааст.

Далер Назаров афзуд, талабаи хуб набуд ва аз ягон фан дониши фавқулодае надоштааст. Дар мактаб вохӯрӣ бо дӯстонро хуш медоштааст. Ба суол дар мавриди писари вазир буданаш, Далер Назаров изҳор дошт, ки бо вуҷуд мулоқот бо дӯстон аз қишрҳои гуногунро ҳамеша хуш медошт.

“Ман ҳамеша ҷамъ овардани одамонро дӯст медоштам ва то ҳол ин корро мекунам. Ҳар қадаре одамон гуногунтар бошанд, ҳамон қадар руҳияам роҳат мекунад. Агар одамони миллату табақаҳои гуногун ҷамъ омада бошанд”, - изҳор дошт Далер.

Ӯ инчунин аз солҳои мактабию ишқи наврасияш гуфтааст.

“Бисёри онҳое, ки ошиқашон шудаам, то ҳол ҳам инро намедонанд. Ин ишқе буд, ки наметавонистӣ бо он мухолифат нишон диҳӣ ва наметавонистӣ онро баён кунию наздик шавӣ”, - изҳор дошт овозхон.

Дар суҳбат инчунин аз издивоҷ бо Мунаввара Набиева, духтари нахустин раисиҷумҳури Тоҷикистон, Раҳмон Набиев гуфта шудааст, ки дар мактаб шинос шудаанд. Ӯ гуфт, ин хонадорӣ се сол давом кардааст.

“Раҳмон Набиев инсони бисёр нек буд, ки дар чеҳраи ӯ ман падари дуюми худро пайдо кардам. Ӯ маро хеле зуд худӣ қабул кард”, - афзуд Назаров.

Маҳз дар суҳбату муошират бо ин сиёсатмадор, Далер Назаров дарк кардааст, ки чӣ гуна вазнин аст, президент будан, сарфи назар аз бартариятҳое, ки ба назар мерасанд.

Овозхон дар мавриди он ки дар 62-солагияш худро чӣ гуна эҳсос мекунад, изҳор дошт, ки касе нест, варақи тоза аст.

“Ман касе нестам, ҳеч гуна, варақи сафедеям, ки дар он ҳар замон метавонад чизи дигаре навишта шавад”, - илова намуд ӯ.

Овозхон гуфт, тайи ин қадар сол ҳеч дороиеро ҷамъ накардааст. Ӯ мегӯяд, мошин дорад, ки барои ҳаракати роҳаташ миёни Душанбе ва Хоруғ зарур аст. Ба гуфтаи овозхон, наметарсад, ки бе чиз мемонад, зеро дӯстони зиёд дорад.

Вай таъкид кард, ки ягона нишонаи муваффақияти инсон ин хушбахтии ӯст ва илова намуд, ки хушбахт аст.

Ӯ мегӯяд, баъди зиндагияш мехоҳад мусиқияш боқӣ монад, мехоҳад сурудҳояш чун беному халқӣ садо диҳанд.

664