Женщина в Тегеране на фоне рисунка флага на стене

Ширкати “Бимаи Сармад” - и Эрон мехоҳад ба бозори бимаи Тоҷикистон роҳ ёбад

247
(Таҷдидшуда 12:25 26.12.2019)
Ахиран ширкати “Бимаи Сармад” эронӣ эълон намудааст, ки дар намоишгоҳи ихтисосии Эрон дар Тоҷикистон бо мақсади густариши ҳамкориҳо бо тоҷирони ҷумҳурӣ ширкат намудааст

ДУШАНБЕ, 26 дек — Sputnik. Ширкати эронии “Бимаи Сармад” ба манзури густариши равобити тиҷорӣ ва иқтисодӣ, шиносоии бозори ҳадаф байни Эрон ва Тоҷикистон ва тавсеаи ҳамкориҳои худ бо шарикони тиҷории ин кишвар, дар панҷумин намоишгоҳи ихтисосии Ҷумҳурии Исломии Эрон дар шаҳри Душанбе ҳузур ёфт, иттилоъ додааст хабаргузории “Parstoday”.

Ғурфаи ин ширкат дар намоишгоҳи бо ҳадафи густариши ҳамкориҳо бо тоҷирони Тоҷикистон бо таваҷҷуҳ ба пайванди амиқе, ки байни миллатҳои Эрон ва Тоҷикистон ба лиҳози забон, хусусиёти фарҳангӣ, адабиёт ва пешинаи таърихии муштарак вуҷуд дорад, бо истиқболи боздидкунандагон рӯ ба рӯ шуд.

Дар ҳошияи ин намоишгоҳ ғурфаи “Бимаи Сармад” мизбони масъулони аршади кишварҳои Эрон ва Тоҷикистон буд ва дидорҳои муҳиме дар ин хусус баргузор шуд, ки метавон ба дидор бо нахуствазири Тоҷикистон, муовини вазири саноат ва технологиҳои нави ин кишвар ва дастёри аввали вай, мушовири раисҷумҳур ва сухангӯи собиқи давлати Тоҷикистон, муовини раиси Маркази пажӯҳишҳои роҳбурдии вобаста ба ниҳоди раёсати ҷумҳурии ин кишвар ва сафири Эрон дар Тоҷикистон, устондори Хуросони Разавӣ ва ҷамъе аз фаъолини иқтисодии эронии муқими Тоҷикистон ишора кард.

Ҳамчунин нишасте низ бо ҳузури Маҷиди Ҳабибӣ, муовини фаннии бимаҳои ғайризиндагӣ дар маҳалли сафорат бо фаъолони иқтисодии муқими Тоҷикистон ва ширкаткунандагон дар намоишгоҳ, бо ҳузури сафири Эрон, устондори Хуросони Разавӣ, раиси “Кафолатбонк”-и Тоҷикистон, раиси Бонки тиҷорати Тоҷикистон ва раиси Утоқи муштараки бозаргонии Эрон ва Тоҷикистон баргузор шуд.

Фаъолони иқтисодии муқими Тоҷикистон дар ин дидор мушкилоти худро матраҳ карданд ва роҳкорҳое аз сӯи муовини “Бимаи Сармад” ба манзури коҳиш ва ё рафъи мушкилоти мавҷуд ироа шуд.

247
Барчаспҳо:
тоҷирон, ҳамкориҳо, Тоҷикистон, намоишгоҳ, ширкат, бима, Эрон
Хабибулло Абдуразаков

Хомушии ситораи дигар: нақшҳои беҳтарини Ҳабибулло Абдуразоқов видео

72
(Таҷдидшуда 19:53 19.01.2021)
Ҳунарманди халқии Тоҷикистон Ҳабибулло Абдуразоқов дар таърихи кинои тоҷик осори бебаҳоеро боқӣ гузошт. Вай садҳо нақшро дар театру кино бозӣ кард

ДУШАНБЕ, 19 янв — Sputnik. Имрӯз дар Тоҷикистон ҳунарманди халқии Тоҷикистони Шуравӣ, актёр ва коргардон Ҳабибулло Абдуразоқов аз даргузашт. Ҳабибулло Абдураззоқов, ҳунарманди шинохтаи театру синамои тоҷикро дар оромгоҳи Лучоби шаҳри Душанбе дафн карданд.

Ӯ рӯзи 19-уми январ дар синни 84-солагӣ дар Душанбе даргузашт.

Ҳунарманди шинохтаи театру синамои тоҷик пас аз марги худ як силсила филмҳоеро боқӣ мондааст, ки миёни тамошобинон маҳбубияти зиёде дошт. Ин филмҳо ба фонди тиллоии киноматографи Иттиҳоди Шуравӣ ва тоҷик дохил шудаанд.

Sputnik Тоҷикистон наворҳои беҳтарин нақшҳои Ҳабибулло Абдуразоқовро ҷамъ овардааст.

"Марги судхӯр"

Дар филме, ки аз рӯи асари нависандаи тоҷик Садриддин Айнӣ "Марги судхӯр", ки соли 1966 ба навор гирифта шуда буд, Абдуразоқов яке аз нақшҳои асосӣ – Баҳриддинро бозӣ кард.

Маҳз ҳамин нақш дар филми коргардон  Тоҳир Собиров ба Абдуразоқов шӯҳрати овард ва пас аз ин филм дар тамоми Иттиҳоди Шӯравӣ шӯҳрат пайдо кард.

Дар филм дар бораи Қори ишкамба инчунин Зоҳир Дусматов, Ато Муҳамаҷонов, Абдураҳим Кудусов, Сановбар Бақаева, Алигер Хоҷаев ва дигар ҳунармандони тоҷик нақш офаридаанд.

“Чаҳор нафар аз Чорсанг”

Дар ин филме, ки соли 1973 рӯи саҳна  баромад Ҳабибулло Абдуразоқов яке аз нақҳои асосиро бозӣ кардааст.

 Филми аз чанд қисмат иборат буд, дар бораи сарнавишти чаҳор нафар: Ҳайдар (Абдуразоқов), Давлят, Наим ва Гулшани зебо, ки дар деҳаи кӯҳистони Тоҷикистон ба  дунё оаданд, нақл мекунад.

Ин филм дар бораи дӯстист, ки бо дар зиндагӣ имтиҳонҳои гуногун рӯ ба рӯ мешавад.

Тибқи нақша, дӯстон Гулшанро, ки Давлат дусташ медорад аз арусӣ бо як шавҳари сарватманд наҷот медиҳад, ва ӯро ба самти шаҳр мебаранд.

“Достони Сиёвуш”

Дар соли 1976, Ҳабибулло Абдуразоқов боз дар як филми дустдоштаи мардуми тоҷик нақш бозӣ кард. Ӯ дар филме, ки аз рӯи асари "Шоҳнома" -и Фирдавсӣ филмбардорӣ шудааст, нақш офарид.

Ин филм аз сӯи коргардон Борис Кимягаров таҳия шуд ва то ҳол миёни мардуми тоҷик маҳбубияти зиёд дорад.

“Ҷура – шикорчи аз Мин-Архар”

Филми шашқисматии соли 1985 "Ҷура - шикорчӣ аз Мин-Архар" -ро чандин насли тамошобинони Тоҷикистон тамошо карданд.

Дар ин филм Абдуразоқов нақши Юсуф яке аз босмачиёни қурбаширо бозӣ кардааст.

Тибқи нақшаи филм, сардори қочоқчиён ва Босмачиён, ҳамчунин шарики ҷосусони Бритониё, кӯшиш мекунад ба истиқрори ҳокимияти Иттиҳоди Шӯравӣ дар Тоҷикистон халал расонад.

“Қатори иловагӣ ба роҳи дувум мерасад”

Абдуразоқов дар хотири мардуми Иттиҳоди Шӯравӣ боз бо бозии як нақши дигар мондааст  - сардори қатор Саидов дар филми детективии “Қатори иловагӣ ба роҳи дувум мерасад”. Ин филм соли 1986 рӯи саҳна баромад ва коргардонҳои он Валерий Аҳадов ва Сайидо Қурбонов буданд.

Тибқи нақшаи филм дар қатори Душанбе-Маскав ҷасади яке аз мусофирон пайдо мешавад.

Кофтукоби ҷинояткор, ки дар дохили қатор аст бар души майори милитсия Денисов ва капитани милисаи тоҷик Қурбонов гузошта мешавад.

72
Барчаспҳо:
кино, театр, осор, даргузашт, ҳунарманд, Тоҷикистон
Ёдгор Файзов, раиси Вилояти Мухтори Куҳистони Бадахшон

Розигии Ёдгор Файзов аз алоқаи “Мегафон Тоҷикистон” ва ваъдаи Садоншоев-акс

115
(Таҷдидшуда 20:06 19.01.2021)
Раҳим Садоншоев, раиси ширкати мобилии ҶСП "ТТ Мобайл" дар ВМКБ, ки таҳти тамғаи “Мегафон Тоҷикистон” фаъолият мекунад, барои насби дастгоҳҳои алоқа дар навоҳии дурдаст ваъда дод

ДУШАНБЕ, 19 янв — Sputnik. Ёдгор Файзов, риси Вилояти Мухтори Куҳистони Бадахшон бо Раҳим Садоншоев, роҳбари Раëсати минтақавии "Мегафон Тоҷикистон” дар ВМКБ мулоқот кард.

Бег Сабуров, архивное фото
Официальная страница пресс-службы президента РТ в Facebook

Тибқи иттилои котиботи ҳукумати ВМКБ, Ёдгор Файзов алоқаи мобилии ширкати мобилии Мегафон дар вилоятро қаноатбахш арзëбӣ намуд. Манбаъ афзуд, ки раиси ВМКБ барои таъмини деҳаҳои дурдасти вилоят бо алоқаи мобилӣ ба масъулини ширкати мазкур изҳори сипос баëн намуд.

Даромади ширкатҳои мобилӣ дар Тоҷикистон 2,4 дарсад афзоиш ёфтааст

Роҳбари  “Мегафон Тоҷикистон” дар ВМКБ изҳори омодагӣ кардааст, ки  дар дигар ҷамоатҳои дурдасти вилоят аҳолиро бо сифати баланди алоқаи мобилӣ таъмин намояд.

Котибот афзуд, ки дар анҷоми мулоқот Ëдгор Файзов барои хизматҳои арзанда, таъмини алоқаи мобилии босифат дар вилоят ва хамкории судманд бо мақомоти иҷроияи ҳокимияти давлатӣ, Садоншоевро бо Сипосномаи раиси ВМКБ қадрдонӣ намудаст.

115
Барчаспҳо:
"ТТ-Мобайл" ("Мегафон Тоҷикистон"), алоқа, ВМКБ, Тоҷикистон
Даст ба дуо, акс аз бойгонӣ

Афзоиши фавти эрониён аз COVID-19

0
(Таҷдидшуда 20:57 19.01.2021)
Вазорати беҳдошт ва дармони Эрон мегӯяд, дар 24 соати гузашта бар асари коронавирус дар ҷумҳурӣ 83 нафар ҷон доданд

ДУШАНБЕ, 17 янв — Sputnik. Шумори қурбониёни коронавирус дар Эрон, ки 83 миллион нафар аҳолӣ дорад, то имрӯз ба 56 ҳазору 973 тан расид. Дар шабонарӯзи гузашта 83 ҳолати фавт аз ин маризӣ сабт шудаанд.

Ба гузориши Вазорати беҳдошт ва дармони Эрон, дар 24 соати гузашта 5 ҳазору 917 бемори ҷадиди мубтало ба COVID-19 дар Эрон шиносоӣ ва аз ин теъдод 518 нафар бистарӣ шуданд, навиштааст сомонаи Парстудей.

Боз 300 ҳазор ваксина "Спутник V" дастраси мардуми Аргентина шуд - видео

Манбаъ афзуд,  маҷмӯи беморони мубтало ба вируси корона дар Эрон ба як миллиону 342 ҳазору 134 нафар расидааст, ки ҳудуди як миллиону 132 ҳазор нафар аз мубталоён ба ин вирус беҳбуд ёфта ва аз бемористонҳо мурраххас шудаанд.

Теъдоди афроди мубтало ба вируси корона дар ҷаҳон низ ба беш аз 96 миллион нафар расидааст, ки аз ин теъдод беш аз ду миллион нафари ҷони худро аз даст дода ва ҳудуди 69 миллион нафар ҳам беҳбуд ёфтаанд.

0
Барчаспҳо:
беморӣ, вируси корона, Эрон