Рахмон поздравил граждан Таджикистана с Новым годом

Аз роҳандозии чархаи “Роғун” то интихоботи оянда: паёми Соли навии Эмомалӣ Раҳмон - видео

563
Эмомалӣ Раҳмон, раисҷумҳури Тоҷикистон зимни як паёми шодбошӣ ҳамаи сокинони Тоҷикистон ва ҳамватанони бурунмарзиро ба муносибати фарорасии соли нави мелодӣ табрик гуфта, ба онҳо барору комёбӣ орзу намуд

ДУШАНБЕ, 31 дек — Sputnik. Эмомалӣ Раҳмон, раисҷумҳури Тоҷикистон мардуми Тоҷикистонро ба фарорасии Соли нави милодӣ табрику таҳният гуфт, иттилоъ додааст дафтари матбуоти раисҷумҳур.

Президенты Таджикистана и Кыргызстана на переговорах
© Пресс-служба президента Кыргызстана

Аз ҷумла раисҷумҳур дар паёмаш кулли мардуми Тоҷикистон ва ҳамватанони бурунмарзиамонро ба ин муносибат фарорасии Соли нави милодӣ табрик гуфта, ба ҳар шаҳрванди кишвар саломатӣ, умри бобаракат, саодату комёбӣ ва ба кишвар пешрафту ободии бештар ва суботу оромии ҷовидона орзу намуд.

Вай гуфт, соли 2019 дар таърихи навини мардуми тоҷик ҳамчун соли дастовардҳои арзишманд сабт мегардад.

“Ба истифода додани агрегати дуюми нерӯгоҳи барқи обии “Роғун” аз ҷумлаи дастовардҳои бузурги имсолаи мо дар соҳаи энергетика ва як қадами устувори дигар дар ҷодаи таъмини истиқлоли энергетикӣ, боз ҳам беҳтар қонеъ гардонидани талаботи соҳаҳои иқтисодӣ ва аҳолӣ ба нерӯи барқ ва заминаи мусоид барои амалӣ гардидани ҳадафи чоруми миллӣ - саноатикунонии босуръати мамлакат мебошад”, - гуфт ӯ.

Ҳамчунин вай таъкид дошт, ки имсол соҳаҳои истеҳсолӣ низ рушд карда, даҳҳо корхонаҳои хурду миёна бунёд ва ба истифода супорида шуданд.

Раисҷумҳур нақши аз соҳибкорони ватанӣ ва шахсони саховатпеша ёдрас шуда аз онҳо изҳори сипос кард.

“Дар ин кори хайр саҳми соҳибкорони ватанӣ, шахсони саховатпеша, кишоварзону сохтмончиён ва тамоми мардуми шарифи кишвар хеле назаррас мебошад. Онҳо бо азму иродаи ватандӯстона ва ба хотири татбиқи сиёсати давлату Ҳукумат ҷиҳати муҳайё сохтани ҷойҳои корӣ, вусъати корҳои ободонӣ ва дар ин асос беҳтар кардани сатҳи некӯаҳволии сокинони мамлакат ҳиссаи арзанда гузошта истодаанд, ки ба ҳар яки онҳо изҳори сипос менамоям”- қайд кард манбаъ.

Ҳамчунин Эмомалӣ Раҳмон гуфт, дар соҳаи иҷтимоӣ низ корҳои зиёд ба анҷом расида, садҳо муассисаҳои нави таълимиву тандурустӣ ба истифода дода шуданд, ки мушкилоту масъалаҳои ин соҳаи муҳимро тадриҷан бартараф кард.

Эмомалӣ Раҳмон инчунин дар паёмаш аз ақши забони давлатӣ қайд кард.

Шавкат Мирзиёев, раисиҷумҳури Узбакистон ва Эмомалӣ Раҳмон, раисиҷумҳури Тоҷикистон
дафтари матбуоти раисиҷумҳури Узбакистон

“Мо, инчунин, соли ҷорӣ даҳумин солгарди Қонун “Дар бораи забони давлатии Ҷумҳурии Тоҷикистон” – ро  таҷлил кардем. Воқеан,  забони нобу шево ва ширину шоиронаи тоҷикӣ маҳз дар замони истиқлол соҳиби ҷойгоҳи асливу арзандаи худ гардида, имрӯз ба сифати забони давлатӣ дар ҳамаи соҳаҳои ҳаёти ҷомеа истифода мешавад ва рушд мекунад.  Вазифаи ҳар як фарди худогоҳу ватандӯст аз он иборат аст, ки на танҳо забони модарии худро гиромӣ дорад,  балки дар татбиқи пурраи муқаррароти қонуни забон саҳм гузорад. Танҳо бо чунин муносибат мақоми забони давлатӣ ҳамчун яке аз рукнҳои бунёдии давлатдории миллӣ ҳамеша пойдору устувор хоҳад буд”, - гуфт раисҷумҳур.

Эмомалӣ Раҳмон таъкид дошт, ки барои соли 2020 мақомот иҷрои корҳои зиёди созандаро ба нақша гирифтаааст.

Вай афзуд, соли 2020 дар кишварамон маъракаҳои муҳимми сиёсӣ – интихоботи вакилони Маҷлиси Олӣ ва маҷлисҳои маҳаллӣ баргузор мешаванд ва бовар дорам, ки ин чорабиниҳои сиёсӣ дар доираи муқаррароти Конститутсия, дар сатҳи баланди ташкилӣ ва бо иштироки фаъолонаи шаҳрвандони мо доир гардида, ба таҳкими минбаъдаи пояҳои давлати миллии тоҷикон ва тақвияти нуфузу обрӯи он дар арсаи байналмилалӣ мусоидат менамоянд.

Дар поёни табрикот Эмомалӣ Раҳмон ба сокинони Тоҷикистон ва ҳамватанони бурунмарзиро сиҳатмандӣ, иқболи баланд ва барору комёбӣ орзу намуд.

563
Барчаспҳо:
паём, Раисҷумҳур, комёбӣ, табрик, Соли нав, Эмомалӣ Раҳмон, Тоҷикистон
Жена народного поэта РТ Лоика Шерали - Зебунисси Кутбиддинова

Ду-се моҳи беморӣ ва инсулт: ҳамсари Лоиқ ба "дидор"-и Лоиқ рафт

142
(Таҷдидшуда 10:16 22.09.2020)
Зебуннисо Қутбиддинова, ҳамсари Лоиқ Шералӣ, субҳи имрӯз, 22 сентябр, дар синни 74-солагӣ олами фониро падруд гуфт

 ДУШАНБЕ, 22 сен — Sputnik. Ромиш Шералӣ, писари Лоиқ Шералӣ, дар таъйиди ин хабар ба Sputnik Тоҷикистон гуфт, модараш ду – се моҳи ахир аз маризӣ азият кашида, ҳатто як бор инсултро низ паси сар карданд ва шифо ёфтанд.

“Аммо ин хурсандии мо дер давом накард. Тақрибан 15 рӯзи пеш фишорашон баланд рафт ва он касро ба Шифохонаи Ибни Синои шаҳри Душанбе овардем. Ин субҳ даргузаштанд”, - гуфт Ромиш Шералӣ.

Зебуннисо Қутбиддинова соли 1946 дар шаҳри Панҷакент ба дунё омада, соли 1966 пас аз хатми мактаби миёна ба Донишгоҳи омӯзгории Тоҷикистон дохил шудааст. Соли 1967 риштаи умри худро бо Лоиқ Шералӣ, Шоири халқии Тоҷикистон пайвастааст.

Ҳосили ин издивоҷ се писару ду духтар мебошад. Марҳум то охири умр дар мактаби рақами 54 – и ба номи Лоиқ Шералии шаҳри Душанбе омӯзгор буд.

Ҳамзамон осорхонаи Лоиқ Шералӣ дар ин мактаб бунёд шуд, ки масъулияташро ӯ бар дӯш дошт.

Сӯҳбати ҳамсари Лоиқ: аз ошиқиву гиряҳову нафаси охирини шоир то мисрае, ки чоп нашуд

Лоиқ Шералӣ, Шоири халқии Тоҷикистон 30 июни соли 2000 дар синни 59-солагӣ аз сактаи мағзӣ оламро тарк кард. Ӯ аз камтарин шоирони муосири тоҷик аст, ки на фақат дар Тоҷикистон, балки форсизабонони ҷаҳон ҳаводорони зиёд дорад ва ашъораш ба даҳҳо забони хориҷӣ тарҷума шудаанд.

Яке аз охирин ғазалҳои ӯ ба номи “Рафтам ман аз бари ту, дидор дар қиёмат” унвон дошт, ки ба ҳамсараш бахшида шуда буд.

Як дӯсти хонавода дар таъзияномааш ба марги Зебуннисо Қутбиддинова чунин навишт: “Ин марг нест... Ӯ ба дидори ёри қиёматии худ рафт!”

Ҷанозаи Зебуннисо Қутбиддинова дар қабристони Сарманзили шаҳри Панҷакент пас аз намози пешин баргузор мешавад.

142
Туристы в городе Гиссар в Таджикистане

Аврупо ба Тоҷикистон, Ӯзбекистон ва Қирғизистон барои рушди сайёҳи кумаки молӣ мерасонад

25
(Таҷдидшуда 10:12 22.09.2020)
Иттиҳодияи Аврупо барои рушди бахши сайёҳии се кишвари Узбакистон, Тоҷикистон ва Қирғизистон кумаки чаҳормиллион евроӣ ихтисос дод, ки Душанбе низ аз ин ёрии молӣ баҳраманд хоҳад шуд

ДУШАНБЕ, 22 сен — Sputnik. Ба нақл аз сомонаи дафтари намояндагии Иттиҳодияи Аврупо дар Душанбе, аз ин маблағ 268 ҳазор доллар барои таъмини манобеи энержии мавриди ниёзи ширкатҳои хусусии хадамоти гардишгарӣ ва 1032 000 доллар низ барои тақвияти таъсисоти хадамот ба ҷаҳонгардон дар тарҳи гардишгарӣ дар масири “Роҳи абрешим” масраф  хоҳад шуд.

Қарор аст ин кумаки молӣ то соли 2023 барои рушди сайёҳӣ дар ин се кишвари Осиёи Марказӣ мавриди истифода қарор дода шавад.

Дар гузориши дафтари намояндагии Иттиҳодияи Аврупо дар Душанбе таъкид шуда аст, ки ширкатҳои хусусии кумитаи сайёҳии Тоҷикистон ин кумаки молиро барои рушди тиҷорат, фаъолияти коргоҳҳои кучаки тавлиди саноати дастӣ, коҳиши вобастагӣ ба истифода аз ангиштсанг ба манзури гарм кардани меҳмонхонаҳо ва маконҳои истиқрори гардишгарони хориҷӣ бар асоси тарҳҳои пешниҳодшуда сарф хоҳанд кард.

Ҳамзамон дар ин гузориш гуфта шудааст, ки таи солҳои 2017 то 2019 вуруди гардишгарони хориҷӣ ба Ӯзбекистон, Тоҷикистон ва Қирғизистон ду баробар афзоиш ёфта аст, ки зарурати тавсеъа ва беҳбуди зерсохтҳои хадамоти ширкатҳои фаъол дар ин бахшро матраҳ мекунад.

25
Барчаспҳо:
сайёҳӣ, сайёҳи, Қирғизистон, Ӯзбекистон, молӣ, кумак, рушди сайёҳӣ, Иттиҳодияи Аврупо, Тоҷикистон