Мэр Душанбе Рустам Эмомали

Қарори нави раиси шаҳр: нақшаи даъвати баҳорӣ барои хизмати ҳарбӣ дар соли 2020 тасдиқ шуд

7684
(Таҷдидшуда 11:30 07.01.2020)
Раиси шаҳри Душанбе бо қарори навбатиаш баргузор намудани омӯзиши даъвати навбатии баҳории шаҳрвандони солҳои таваллудашон 1993-2002 ба хизмати ҳарбӣ дар соли 2020 тасдиқ намуд

ДУШАНБЕ, 7 янв - Sputnik.  Бо қарори Раиси шаҳри Душанбе Рустами Эмомалӣ  нақшаи барномаҳои омодагии муташаккилона барои баргузор намудани омӯзиши даъвати навбатии баҳории шаҳрвандони солҳои таваллудашон 1993-2002 ба хизмати ҳарбӣ дар соли 2020  тасдиқ гардид.

Тибқи сомонаи расмии мақомоти шаҳри Душанбе, тибқи қарори мазкур масъулин   вазифадор гардидаанд, ки  дар ҳамкорӣ бо сохторҳои дахлдор иҷрои саривақтии нақшаи мазкурро таъмин намоянд.

Раиси шаҳр ба   раисони ноҳияҳои пойтахт, Раёсати тандурустӣ ва Комиссариати ҳарбии шаҳри Душанбе супориш дод, ки   омӯзиши шаҳрвандони синни  даъватиро ба роҳ монда, шумораи дақиқи даъватшавандагонро муайян  кунанд.

Масъулин  ҳамчунин супориш гирифтанд, ки барои  ба хизмати ҳарбӣ сафарбар намудани даъватшавандагон то  25 марти  соли 2020 барои гузаштани муоинаи пешакии тиббии онҳо  тадбирҳои зарурӣ андешанд.

Сохтори дахлдор дар якҷоягӣ бо марказҳои табобатию солимгардонӣ  муваззаф гардидаанд, ки  нисбат ба  даъватшавандагоне, ки гирифтори бемориҳои табобатшавандаанд, чораҳои муфиду саривақтӣ роҳандозӣ намуда, табобати онҳоро ба роҳ монанд.

Дар асоси қарори дахлдор масъулин  бояд  тибқи тартиби муқарраргардида даъвати навбатии шаҳрвандонро  ба сафи Қувваҳои Мусаллаҳ  дар сатҳи баланд ташкил намуда, барои  хариди   маводи лозимӣ (либос, маводи гигиенӣ, дафтардорӣ) маблағҳои зарурӣ ҷудо намоянд.

Ҳамчунин Ташкилоти ҷамъиятии мададгори мудофиаи Тоҷикистон  вазифадор гардид, ки барои сари вақт ва босифат таъмин намудани маъракаи муҳими сиёсӣ- даъвати ҷавонон ба сафи Қувваҳои Мусаллаҳ аз ҳисоби маблағҳои буҷетӣ то 30 дарсад нақшаи даъватро таъмин кунад.

Бо дархости комиссарони ҳарбии ноҳияҳои шаҳри Душанбе раисони маҳаллаҳо вазифадор карда мешаванд, ки тибқи китоби бақайдгирии хоҷагидорӣ рӯйхати аниқи ҷавонони синни  даъватиро дар муҳлати кӯтоҳтарин барои омӯзиш пешниҳод намоянд.

Муассисаҳои таҳсилоти олӣ ва миёнаи касбӣ, корхонаҳо, марказҳои савдо ва хизматрасониҳо, новобаста аз шакли моликият ва тобеияти идоравӣ  низ  муваззаф гардидаанд, ки  баҳри муташаккилона сафарбар намудани ҷавонони синни даъватӣ тадбирҳои зарурӣ андешанд.

 

7684
Барчаспҳо:
даъват, соли 2020, хизмати ҳарбӣ, қарор, раиси шаҳр, Душанбе
Сломанный велосипед, архивное фото

Ронандае, ки дар Ашт дучархарони 60 - соларо пахш карда фирор намуд, боздошт шуд

19
(Таҷдидшуда 12:16 13.08.2020)
Сокини 60 - солаи ноҳияи Ашт, ки савори дучарха буд, зери чархи автомашинаи номаълум монда, ҷон бохт

ДУШАНБЕ, 13 авг — Sputnik. Кормандони пулис ахиран ронандае, уи дучархаронро дар ноҳияи Ашт пахш карда фирор намуд, боздошт карданд, хабар медиҳад котиботи ВУД.

Ба иттилои манбаъ, ҳодисаи мазкур рӯзи 12 - уми август тахминан соати 05:25 дақиқа рух додааст.

"Ронандаи автомашинаи номаълум дар ҳудуди ҷамоати деҳоти Шодобаи ноҳияи Ашт, аз уҳдаи идораи воситаи нақлиёт набаромада дучархарон, Нурматов Ҷамолиддини 60 - сола, сокини ҷамоати деҳоти Шодобаи ноҳияи мазкурро пахш намуда, аз ҷойи ҳодиса ғайб задааст". - таъкид мешавад дар хабар.

Садама дар шоҳроҳи Душанбе-Хуҷанд: ВУД аз қурбонии ҳодиса гуфт

Манбаъ меафзояд, Нурматов ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расид.

Зимнан, кормандони милитсия муайян намуданд, ки ҷинояти мазкурро ронандаи автомашинаи тамғаи "Мерседес-Бенс" Тураев Дилшодҷони 20 - сола, сокини ҷамоати деҳоти Ошобаи ҳамин ноҳия содир намудааст.

ВУД Тоҷикистон мегӯяд, аз рӯи ҳодисаи мазкур тафтишот идома дорад.

19
Барчаспҳо:
ҳалок, дучархарон, садама, Ашт
Мужчина с ножом в руках, архивное фото

Кордкашӣ дар клуби "Шоми Хатлон" дар дуи шаб: ҷабрдида дар беморхона ҳалок шуд

66
Номбурда дар дохили маркази дилхушии “Шоми Хатлон”, бо ҷавони 26-солаи сокини ҷамоати деҳоти Рӯдакии ноҳияи Вахш аз рӯи хусумати пешина баҳсу муноқиша намудаст

ДУШАНБЕ, 13 авг — Sputnik. Вазорати умури дохилаи Тоҷикистон хабар медиҳад, ки дар клуби "Шоми Хатлон" дар Бохтар дар пайи кордкашӣ як тан ҳалок шудааст.

Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавони 24-солаи сокини шаҳри Бохтар бо гумони қасдан расонидани зарари вазнин ба саломатӣ дастгир карда шуд, менависад манбаъ.

Санаи 12-уми августи соли 2020, тахминан соати 02:00, номбурда дар дохили маркази дилхушии “Шоми Хатлон”, воқеъ дар кӯчаи Кайҳоннавардон, ҳангоми дар ҳолати мастӣ қарор доштанаш бо ҷавони 26-солаи сокини ҷамоати деҳоти Рӯдакии ноҳияи Вахш аз рӯи хусумати пешина баҳсу муноқиша намудааст.

"Онҳо якдигарро лату кӯб намуда, саранҷом гумонбаршаванда бо корд ба бадани ҷабрдида 10-маротиба задааст", - тавзеҳ медиҳад ВКД.

Дар натиҷа охирин ҷароҳати вазнинӣ ҷисмонӣ бардошта, дар беморхона ба ҳалокат расидааст.
Аз рӯи ин ҳодиса тафтишот идома дорад.

 

66