Рабочий во время строительства, архивное фото

Соҳибкор дар шаҳраки Бӯстон бо харҷи 12 миллион сомонӣ меҳмонхона месозад

163
(Таҷдидшуда 15:34 08.01.2020)
Ахиран дар ноҳияи Мастчоҳ дар маркази Ҷамоати шаҳраки Бӯстон сохтмони меҳмонхонаи замонавӣ бо гузоштани санги асос аз тарафи мақомоти вилояти оғоз ёфт

ДУШАНБЕ, 8 янв — Sputnik.  Дар ноҳияи Мастчоҳ дар маркази Ҷамоати шаҳраки Бӯстон соҳибкори инфиродӣ Абдуваҳҳоб Ҳасанзода бо харҷи 12 миллион сомонӣ меҳмонхонаи замонавӣ бунёд хоҳад кард, иттилоъ додааст дафтари матбуоти ҳукумати вилояти Суғд.

Тибқи иттилои манбаъ, рӯзи 7 январи соли равон мақомоти вилоят дар маросими гузоштани  санги асос иштирок намуданд.

“Меҳмонхонаи мазкур аз ҷониби соҳибкори инфиродӣ Абдуваҳҳоб Ҳасанзода бунёд хоҳад шуд ва тибқи лоиҳа иншоот аз се ошёна иборат аст. Меҳмонхона дорои 25 ҳуҷра ва 50 рахти хоб, инчунин толори варзишӣ, ҳавзи шиноварӣ ва таваққуфгоҳ буда, ба иттилои муассисон барои меҳмонон маркази хизматрасонӣ низ ташкил карда мешавад”, - қайд намудааст манбаъ.

Ҳамзамон манбаъ зикр намудааст, ки масоҳати умумии бино 3000 метри мураббаъ аст ва барои сохтмон зиёда аз 12 миллион сомонӣ масраф мегардад.

Раҷаббой Аҳмадзода, раиси вилояти Суғд дар маросими гузоштани санги асос таъкид намудааст, ки бунёди чунин иншоот дар ҳар як минтқаи вилоят зарур мешуморад.

“Имрӯз  соҳибкорони ватандӯст дар ободонии маҳал саҳми арзандаи худро гузошта истодаанд”.- гуфт Раҷаббой Аҳмадзода.

163
Барчаспҳо:
соҳибкор, меҳмонхона, мақомот, Мастчоҳ, ш. Бӯстон
День 20 сентября

Ҷашнҳои рӯзи 20 сентябр дар Тоҷикистон ва ҷаҳон

0
(Таҷдидшуда 19:25 19.09.2020)
Рӯзи бистуми сентябр ҳамчун Рӯзи байналмилалии варзиши донишҷӯён ба ҳисоб меравад. Ҳамчунин Ҷумҳурии Қирғизистон дар ин рӯз аз Рӯзи соҳибкорон ҷашн мегирад

Рӯзи 20 сентябр дар ҷаҳон чӣ рух дод

Соли 1802 дар Россия аввалин маротиба вазоратҳои мудофиа, корҳои хориҷӣ ва корҳои дохилӣ таъсис дода шуданд.

Соли 1902 дар натиҷаи сӯхтор дар калисои шаҳри  Бирмингеми Англия зиёда аз 100 нафар ба ҳалокат расиданд.

День 18 сентября
© Sputnik / Стас Этвеш / Вишнякова Мария

Соли 1917 Парлумони Канада ба модар, ҳамсар ва хоҳари аскари дар майдони ҷанг муборизабаранда ҳуқуқи овоздиҳӣ пешниҳод кард.

Соли 1992 аксарияти аҳолии Фаронса  дар раъйпурсӣ барои шомил шудани кишварашон ба ҳайати Иттиҳоди Аврупо овоз доданд.

Соли 1993 Парлумони Озарбойҷон барои шомил шудан ба Иттиҳоди Давлатҳои Мустақил қарор қабул кард.

Рӯзи 20 сентябр дар Тоҷикистон чӣ рух дод

Соли 2010  Эмомалӣ Раҳмон дар Маҷлиси умумии сатҳи олии Маҷмаи кулли СММ бахшида ба масъалаҳои Ҳадафҳои Рушди Ҳазорсола суханронӣ намуд.

Ҷашнҳои рӯзи 17 сентябр дар Тоҷикистон ва ҷаҳон

Соли 2013 Сарвари давлат ҷиҳати иштирок дар ҷаласаи сарони давлатҳои узви Созмони Аҳдномаи амнияти дастаҷамъӣ ба шаҳри Сочии Федератсияи Русия сафар кард.

Соли 2016 Агентии омори назди Президенти Ҷумҳурии Тоҷикистон аввалин маҷаллаи стратегии "Тоҷикистон: 25 соли истиқлолияти давлатӣ"-ро нашр намуд.

День 15 сентября
© Sputnik / Стас Этвеш / Вишнякова Мария

Соли 2016 узви собиқи дастаи мунтахаби Тоҷикистон оид ба бокс Сергей Харитонов дар рӯйхати навшудаи беҳтарин муборизони ҷаҳон шомил шуд.

Соли 2017 дар шаҳри Ню-Йорк Эмомалӣ Раҳмон дар мубоҳисаҳои умумии Иҷлосияи 72-юми Маҷмаи Умумии Созмони Милали Муттаҳид иштирок намуда, яке аз аввалинҳо шуда, суханронӣ карданд.

Соли 2018 Раисҷумҳури Тоҷикистон Эмомалӣ Раҳмон ва Раиси шаҳри Душанбе Рустами Эмомалӣ дар ноҳияи Шоҳмансури пойтахт Муассисаи таълимии таҳсилоти умумии ғайридавлатии "Академияи умумиҷаҳонии Кембриҷ" - ро дар вазъияти тантанавӣ ифтитоҳ карданд.

Ҷашнҳои рӯзи 20 сентябр

  • Рӯзи байналмилалии варзиши донишҷӯён.
  • Дар Белорус – Рӯзи гумрукчиён.
  • Дар Қирғизистон – Рӯзи соҳибкорон.
  • Дар Осетияи Ҷанубӣ – Рӯзи истиқлолият.

Рӯзи 20 сентябр дар Тоҷикистон кӣ ба дунё омадааст

Солҳои (1909-1993)  Нависандаи халқии Тоҷикистон, дорандаи ҷоизаи ба номи А. Рӯдакӣ Ҷалол Икромӣ.

Солҳои (1916-1986)  Ҳунарманди театр ва халқии Тоҷикистон Тӯтӣ Ғафорова.

Соли 1945 Шоири халқии Тоҷикистон, дорандаи ҷоизаи ба номи А. Рӯдакӣ, муаллифи суруди миллии Тоҷикистон Гулназар Келдӣ.

Солҳои (1946-2010) дорандаи ҷоизаи ба номи А.Рӯдакӣ Музаффар Неъматов.

Соли 1947 Профессори илмҳои иқтисодӣ Амир Катаев.

0
Барчаспҳо:
ҷашн, ҷаҳон, Тоҷикистон

Омори нави гирифторӣ, шифо ва фавт аз COVID-19 дар Тоҷикистон

333
(Таҷдидшуда 21:34 19.09.2020)
Вазорати тандурустӣ ва ҳифзи иҷтимоии аҳолии Тоҷикистон хабар дод, ки тайи шабонарӯзи гузашта дар кишвар 44 ҳолати нави гирифторӣ ба COVID-19 сабт шудааст. Рӯзи гузашта ин нишондод 45 нафарро ташкил дода буд

ДУШАНБЕ, 19 сен — Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, то шоми имрӯз дар маҷмуъ дар кишвар 9 ҳазору 303 ҳолати гирифторшавӣ ба коронавирус ба қайд гирифта шудааст.

Манбаъ афзуд, ки аз шумораи умумии гирифторшудагон то имрӯз 8 ҳазору 66 нафар шифо ёфтаанд. Теъдоди фавт аз коронавирус тайи рӯзҳои охир бетағйир монда, ҳамоно 73 ҳолатро ташкил медиҳад.

Ахиран Созмони Миллал гузориш дод, ки коҳиши теъдоди беморон дар Тоҷикистон метавонад ба далели "камбуди зарфияти озмоиш дар ин кишвар" бошад. Аммо Вазорати тандурустии Тоҷикистон ин иддаоро рад намуда, таъкид кардааст, ки тавони кофии ташхис дар кишвар фароҳам аст.

Бархе дар Тоҷикистон омори вазорати тандурустии ин кишвар марбут ба “вируси корона” - ро ба боди интиқод кашида, онро ғалат ва ғайривоқеӣ мехонанд. Ба иддаои онҳо, теъдоди гирифторону фавтидагон аз ин маризӣ аз он чӣ дар омори вазорат оварда мешавад, зиёд аст. Сабаби марги аксари онҳое, ки дар замони мубориза бо “вируси корона” дар Тоҷикистон фавтидаанд, расман илтиҳоби шуш, ишемияи дил, қанд ва дигар маризиҳои ҳамроҳ гуфта мешавад.

Аммо Александр Семёнов, раҳбари ҳайати “Роспотребнадзор” – и Русия, ки ба намояндагӣ аз Созмони ҷаҳонии тандурустӣ дар Тоҷикистон якуним моҳ ба ин сӯ қарор дорад, мегӯяд, усули ҳисобдорӣ ё сабти мавридҳои “вируси корона” дар ин кишвар дуруст роҳандозӣ шудааст.

333