Сардор Маҳмадзода: сухангӯи нави ВКД кист?

352
(Таҷдидшуда 14:30 10.01.2020)
Чанде қабл Рамазон Раҳимзода, вазири корҳои дохилии Тоҷикистон фармони барканории Умарҷони Эмомалӣ аз вазифаи сардори маркази матбуоти вазоратро имзо кард ва расонаҳо аз таъйини Нусратулло Маҳмадзода ба ҷои ӯ хабар доданд

ДУШАНБЕ, 10 янв — Sputnik. Полковник Умарҷони Эмомалӣ аз соли 1999 ба мақомоти корҳои дохилӣ пайваста, аз 2016 то 3 январи соли равон Маркази матбуоти ВКД – ро раҳбарӣ мекард. Расонаҳо ӯро аз дастрастарин сухангӯёни ҳукумати Тоҷикистон тавсиф кардаанд.

Он чӣ дар бораи Нусратулло Маҳмадзода расонаҳо хабар доданд, ин буд, ки мавсуф таҷрибаи кор дар ВКД-ро дошта, барномаи "Ахбори ВКД"-ро дар телевизиони давлатӣ таҳия мекард.

Умарҷони Эмомалӣ гуфт, ки бештар кадом биноҳоро ба фоҳишахона табдил медиҳанд

Дар иттилоияе, ки аз маркази матбуоти вазорати корҳои дохилии Тоҷикистон дастраси Sputnik Тоҷикистон шуд, Маҳмадзода Нусратулло Маҳмад (дар гузашта Нусратулло Саидов) "сардори Маркази матбуот" муаррифӣ шудааст.

Маҳмадзода майори милитсия буда, 25 феврали соли 1976 таваллуд шудааст. Миллаташ тоҷик ва хатмкардаи факултети забону адабиёти тоҷики Донишгоҳи давлатии омӯзгории Тоҷикистон ва Академияи ВКД – и Тоҷикистонро бо ихтисоси ҳуқуқшинос мебошад. Ӯ фаъолияти худро дар вазорати корҳои дохилии Тоҷикистон соли 2008 шурӯъ кардааст.

"Маҳмадзода Нусратулло Маҳмад сухангӯи бахши матбуотии РВКД дар шаҳри Душанбе (2008 - 2011), муовини сардори Маркази матбуоти ВКД (2011-2012), ваколатдори калони оперативии Раёсати амнияти дохилии ВКД - и Тоҷикистон (2012-2013) ва муовини сардори Маркази матбуоти дастгоҳи вазири корҳои дохилӣ (декабри соли 2013 то 3-юми январи соли 2020) буд", - омадааст дар иттилоияи Маркази матбуоти ВКД – и Тоҷикистон.

Маҳмадзода Нусратулло Маҳмад 3 январи соли 2020 бо фармони вазири корҳои дохилии Тоҷикистон сардори Маркази матбуоти дастгоҳи вазири корҳои дохилии Тоҷикистон таъин карда шуд.

"Дар давоми фаъолият барои хизматҳои арзанда ӯ бо ифтихорномаву раҳматнома, нишонҳои сарисинагии “85-солагии милитсияи тоҷик”, “Барои хизматҳои аъло дар ВКД”, медалҳои “Садоқат”, “Милитсияи тоҷик” ва “Хизмати шоиста” аз ҷониби роҳбарияти ВКД қадрдонӣ карда шудааст", - омадааст дар иттилоия.

Ӯ оиладор ва соҳиби 4 фарзанд аст. Ин манбаъ меафзояд, Маҳмадзода яке аз ҳирфаиёни соҳаи иттилоотии умури корҳои дохилӣ буда, таъйиноташ бо иттифоқи назари раҳбарияти вазорат сурат гирифтааст.

352
Барчаспҳо:
ВКД, сухангӯ, Тоҷикистон
Шанхай, архивное фото

Чин мӯҳлати пардохти қарзи 40-миллионии Тоҷикистонро ба таъхир андохт

30
Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар, аз ҷумла аз Тоҷикистон боздошт

ДУШАНБЕ, 5 авг — Sputnik. Пардохти қарзи Тоҷикистон ба Чин ба маблағи 40 миллион доллар муваққатан ба таъхир андохта шуд. Дар ин бора муовини вазири рушди иқтисод ва савдо Абдураҳмон Абдураҳмонзода хабар дод.

Ба гуфтаи вай, Чин вазъи мураккаби иқтисодии Тоҷикистонро дар робита бо пандемияи коронавирус ба назар гирифта, мӯҳлати пардохти онро тамдид кард.

Афзун бар ин, Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар боздошт.

Пештар Вазорати молия гуфта буд, қарзи умумии берунаи Тоҷикистон дар нимсолаи аввали соли 2020 3 миллиарду 96 миллионро ташкил медиҳад.

Маълум аст, ки қарзи бештари Тоҷикистон, 36 дар сади он, ба бонки Чин рост меояд, ки он 1 миллиарду 133,4 ҳазор доллар аст.

“Ҳисоби абҷад”: “Талко” қарзҳои андозро ғайривоқеӣ хонд

 

30
Пробирки с кровью для анализа на covid-19

Вазорат омори тозаи сироят, фавт ва шифоёбӣ аз коронавирус дар Тоҷикистонро эълон кард

348
(Таҷдидшуда 20:04 05.08.2020)
 Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир дар ҷумҳурӣ 42 ҳодисаи нави бемории COVID-19 дарёфт гардид

ДУШАНБЕ, 5 авг — Sputnik. Бино ба гузориши Вазорати тандурустӣ давоми 24 соати гузашта дар Тоҷикистон 42 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ ба 7625  нафар баробар гардид.

"То санаи  5 август  дар мамлакат  6399 (83,9%)  нафар аз бемории COVID-19 шифо ёфта,  бар асари он 61  нафар фавтидаанд", - омадааст дар хабарнома.

Вазорати тандурустӣ ёдоварӣ карда, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Русия эълон кард, кай ваксинаи зидди COVID-19 миёни кӯдакон санҷида мешавад

Ин ниҳод даъват карда, ки дар ин лаҳзаҳои ҳассос  ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

348
Барчаспҳо:
Вазорати тандурустии ҶТ, омор, тандурустӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон