Камеры фиксации нарушений правил дорожного движения, архивное фото

Дар марзи Тоҷикистону Қирғизистон дурбинҳои назоратӣ насб мекунанд

657
(Таҷдидшуда 21:07 10.01.2020)
Мақомотҳои иҷроияи маҳалӣ, масъулони ВКД ва додситонии Тоҷикистону Қирғизистон дар бораи ҳалли масоили марзӣ ба тавофуқ расиданд

ДУШАНБЕ, 10 янв — Sputnik. Намояндагони Тоҷикистону Қирғизистон дар робита ба сар задани муноқишаи дар марз гуфтугӯ анҷом доданд, иттилоъ додааст хабаргузории “24.kg”.

Намояндагони мақомотҳои  иҷроияи маҳаллӣ, масъулони ВКД ва додситонии Тоҷикистону Қирғизистон дар маҳалаи Кочо-бойи вилояти Ботканд дидору гуфтугӯ карданд.

Тарафҳо таъкид намуданд, ки барои истиқрори сулҳ дар минтақаҳои марзӣ бояд миёни аҳолӣ корҳои фаҳмондадиҳӣ, чорабиниҳои муштарак, ҳам миёни мардум ва ҳам миёни марзбонон, сурат бигирад.

Ду фарзияи комилан мутафовит: вазири қирғиз ба Муҳриддин занг зад ва сафирро наздаш хонд

“Инчунин, тасмим гирифта шуд, ки дар минтақаҳои марзӣ дар ноҳияи Ботканди Қирғизистон ва шаҳри Исфараи Тоҷикистон дурбинҳои назоратӣ насб карда шавад. Ҳоло мақомоти қудратии ду кишвар дар низоми пурзур хизмат доранд”,- таъкид намудааст манбаъ.

Дар маҷмӯъ намояндагони Тоҷикистону Қирғизистон дар ҳолии ҳозир, вазъ дар марзро мӯътадил медонанд.

657
Барчаспҳо:
дурбинҳои назоратӣ, ҳалли масоил, тавофуқ, марз, Қирғизистон, Тоҷикистон
Шанхай, архивное фото

Чин мӯҳлати пардохти қарзи 40-миллионии Тоҷикистонро ба таъхир андохт

25
Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар, аз ҷумла аз Тоҷикистон боздошт

ДУШАНБЕ, 5 авг — Sputnik. Пардохти қарзи Тоҷикистон ба Чин ба маблағи 40 миллион доллар муваққатан ба таъхир андохта шуд. Дар ин бора муовини вазири рушди иқтисод ва савдо Абдураҳмон Абдураҳмонзода хабар дод.

Ба гуфтаи вай, Чин вазъи мураккаби иқтисодии Тоҷикистонро дар робита бо пандемияи коронавирус ба назар гирифта, мӯҳлати пардохти онро тамдид кард.

Афзун бар ин, Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар боздошт.

Пештар Вазорати молия гуфта буд, қарзи умумии берунаи Тоҷикистон дар нимсолаи аввали соли 2020 3 миллиарду 96 миллионро ташкил медиҳад.

Маълум аст, ки қарзи бештари Тоҷикистон, 36 дар сади он, ба бонки Чин рост меояд, ки он 1 миллиарду 133,4 ҳазор доллар аст.

“Ҳисоби абҷад”: “Талко” қарзҳои андозро ғайривоқеӣ хонд

 

25
Пробирки с кровью для анализа на covid-19

Вазорат омори тозаи сироят, фавт ва шифоёбӣ аз коронавирус дар Тоҷикистонро эълон кард

335
(Таҷдидшуда 20:04 05.08.2020)
 Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир дар ҷумҳурӣ 42 ҳодисаи нави бемории COVID-19 дарёфт гардид

ДУШАНБЕ, 5 авг — Sputnik. Бино ба гузориши Вазорати тандурустӣ давоми 24 соати гузашта дар Тоҷикистон 42 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ ба 7625  нафар баробар гардид.

"То санаи  5 август  дар мамлакат  6399 (83,9%)  нафар аз бемории COVID-19 шифо ёфта,  бар асари он 61  нафар фавтидаанд", - омадааст дар хабарнома.

Вазорати тандурустӣ ёдоварӣ карда, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Русия эълон кард, кай ваксинаи зидди COVID-19 миёни кӯдакон санҷида мешавад

Ин ниҳод даъват карда, ки дар ин лаҳзаҳои ҳассос  ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

335
Барчаспҳо:
Вазорати тандурустии ҶТ, омор, тандурустӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон