Флаги Турции и Таджикистана

Тавофуқи Тоҷикистон ва Туркия дар бахши мудирияти масрафи об

211
(Таҷдидшуда 23:30 12.01.2020)
Тоҷикистон ва Туркия тасмим доранд дар тавофуқномае дар бахши мудирияти масрафи обро ба имзо расонанд.

ДУШАНБЕ, 13 янв — Sputniк. Ба нақл аз хабаргузории Форс, мақомоти Тоҷикистон дар ҳоли ҳозир тавофуқнома дар бахши мудирияти масрафи об барои тасдиқ ба ниҳодҳои  дахлдори кишвар ирсол карда шудааст.

Тибқи иттилои манбаъ, санади мазкур бо тақозои ду тараф барои тақвияти робитаҳои дуҷониба миёни Тоҷикистон ва Туркия ба имзо мерасад.

Дар ин санад ироаи кумакҳои фаннӣ ва ҳамчунин табодули таҷриба дар бахши обрасонӣ ва соф кардани об пешбинӣ шудааст.

Ҳамчунин тарафайн дар заминаи мудирияти ҷараёни рӯдхонаҳо ва манбаъҳои обӣ бо дар назар гирифтани коҳиши зарфияти онҳо дар натиҷаи тағйири иқлим, ниёзҳои рӯ ба рӯшди бахши кишоварзӣ, санойеъ ва масрафи рӯзонаи мардум, табодули таҷриба мекунанд.

Дар ин санад ҳамчунин ташкили шабакаи мутахасисони ду кишвар ва табодули таҷриба дар заминаи мудирияти санадҳо аз ҷумла омодасозӣ ва иҷроии пружаҳои муштарак дар заминаи об пешбинӣ шудааст.

Барои ҳамкорӣ дар ин тавофуқнома аз муасисаҳои давлатӣ ва илмӣ ва ҳамчунин ширкатҳои хусусӣ ва Созмонҳои ғайри давлатӣ даъват ба ҳамкорӣ шудааст.

211
Барчаспҳо:
мудирият, масраф, об, тавофуқ, тавофуқнома, Туркия, Тоҷикистон
Дискотека в ночном клубе, архивное фото

Вақти рақс халал расондӣ: навори занозании 6 зани ҷавон дар клуби шабона дар Душанбе

144
РВКД Душанбе навори занозании шаш зани ҷавони аз 19 то 25-соларо дар клуби шабонаи "Аура" нашр кардааст. Онҳо ба ҳамдигар танҳо барои онки нафареашон вақти рақс бо китф ба дигаре расидааст, дарафтодаанд. РВКД мегӯяд, ин қабил номи занро доғдор мекунанд

ДУШАНБЕ, 23 янв— Sputnik. Раёсати Вазорати корҳои дохилӣ дар шаҳри Душанбе аз боздошти шаш зани ҷавон ба иттиҳоми авбошӣ гузориш медиҳад.

Тавре манбаъ тавзеҳ медиҳад, ин занони ҷавон, ки ҳамагӣ аз 19 то 25-сола будаад, дар пайи занозанӣ дар клуби шабонаи "Аура" дастгир шудаанд.

Гуфта мешавад, бо сабаби ночиз ба ҳамдигар дарафтодаву тартиботи ҷамъиятиро вайрон кардаанд.

Ҳамин тавр, тавре РВКД менависад, "ду гурӯҳ ҷавонзанон аз ду ҷониб, бо ҳамдигар муноқиша намуда, тартиботи ҷамъиятиро дағалона вайрон кардаанд".

"Сабаби муноқишаи мазкур “расидани китфи яке ба китфи дигаре дар вақти рақс ва ба ин тартиб халал расонидан ба истироҳати ҳамдигарӣ” унвон гардидааст. Дар ин замина номбурдагон ба ҳамдигар дарафтода, бо мушту пой ва зарфҳои шишагин якдигарро латукӯб намудаанд", - омадааст дар гузориш.

Афзун бар ин, онҳо ба эроди атрофиён аҳамият надода, тартиботро дар мавзеи ҷамъиятӣ ба таври дағалона ва ба муддати тулонӣ вайрон кардаанд.

Нисбати ҳамаи боздоштшудагон тибқи талаботи моддаи 237 қисмҳои 2 ва 3 Кодекси ҷиноятии Ҷумҳурии Тоҷикистон (авбошӣ дар ҳайати гуруҳӣ) парвандаи ҷиноятӣ оғоз карда шуда, мавриди тафтиши пешакӣ қарор дорад.

Навор ва аксҳои ин гурӯҳи боздоштшударо РВКД нашр кардааст.

Ёдрас мешавем, қисмҳои 2 ва 3-и моддар 237(авбошӣ) Кодекси ҷиноии Тоҷикистон аз 5 то 7 соли зиндонро пешбинӣ мекунад.

144

Фавт аз коронавируси навъи "бритонӣ" бештар аст: СҶБ иллаташро шарҳ дод

86
(Таҷдидшуда 13:42 23.01.2021)
Ба маълумоти Созмони ҷаҳонии беҳдошт, навъи нави коронавируси "бритонӣ" дар муқоиса бо SARS-CoV-2 метавонад аз инсон ба инсон 50 -70 дарсад зудтар интиқол ёбад

ДУШАНБЕ, 23 янв — Sputnik. Иллати маргумири зиёд аз навъи нави коронавирус метавонад ба сарбории мақомоти беҳдошт вобаста бошад, хабар медиҳад РИА Новости бо такя ба изҳороти Мария Ван Керкхове намояндаи СҶБ.

Бӯйи коронавирус: сагҳо ба шинохти COVID - 19 ва навъҳои нави он омӯхта шудаанд

Рӯзи гузашта, сарвазири Британия, Борис Ҷонсон хабар дод, ки мутатсияи нав аз навъҳои қаблӣ 30 фисад марговартар ва 70 дарсад бештар сирояткунанда аст. 

Илова бар ин, ӯ таъкид намуд, ки маҳдудиятҳои ҷорӣ, ҳоло сабук нахоҳанд шуд, чун сатҳи сироятшавӣ ниҳоят зиёд буда, дармонгоҳҳо дар шаҳрҳои калон наметавонанд бо ҷараёни ин беморӣ мубориза баранд.

"Агар суръати интиқоли вирус зиёд шавад, ҳолатҳои сироятёбӣ бештар мешаванд. Ман медонам, ки ин ба назар  наменамояд, аммо агар теъдоди маризони нав ба ҳамин суръат афзоиш ёбад, пас шумораи бистаришавӣ низ меафзояд....Ин вазъ сарбории системаи тандурустиро ба бор меорад, ки дар натиҷа боиси зиёд шудани ҳолатҳои фавт мегардад", - шарҳ додааст Ван Керкхове.

Ёдовар мешавем, ки навъи нави коронавирус мобайнҳои моҳи декабр дар Британия буруз кард ва мутахассисон ба хулосае омаданд, ки вируси мазкур аз COVID-19 наздики 70 фисад хавфноктар аст ва суръати паҳншавии ӯ низ бамаротиб фарқ мекунад.

Чанде пеш намояндаи Роспотребнадзор низ хабар дод, ки навъи нави коронавируси "бритонӣ" - ро як нафар аз Британия ба Русия низ интиқол дод.

86
Мавзуҳо:
Пайомадҳои COVID-19 дар Тоҷикистон ва ҷаҳон