Представители Таджикистана и Кыргызстана проводят переговоры по ситуации на границе

Як бому ду ҳаво? Ҳайат дар Исфара, баррасиҳо дар Бишкек -аксҳо

1838
(Таҷдидшуда 18:15 14.01.2020)
Иқбол Тешаев, сухангӯи раиси шаҳри Исфара дар сафҳаи Фейсбуки худ чанд қитъа аксро пахш кард, ки аз фазои орому ҳусни тафоҳум дар музокироти ҳайатҳои Тоҷикистону Қирғизистон шаҳодат медиҳад. Аммо дар Бишкек парлумони Қирғизистон феълан ин мавзӯро ба баррасӣ гирифтааст

ДУШАНБЕ, 13 янв — Sputnik. Музокироти ҳайтаҳои Тоҷикистону Қирғизистон таҳти раҳбарии муовинони сарвазирони ду кишвар – Азим Иброҳим ва Жаниш Раззоқов соати 10.00 ба вақти Тоҷикистон дар гузаргоҳҳои марзии “Гулистон” - и шаҳри Исфара ва “Қизил Бел” – и ноҳияи Бодканд шурӯъ шуд.

Дар ин музокироти Юсуф Раҳмон, прокурори генералӣ, Рамазон Раҳимзода, вазири корҳои дохилӣ, Саидмуъмин Ятимов, раиси Кумитаи давлатии амнияти миллии Тоҷикистон ва Раҷабалӣ Раҳмоналӣ, фармондеҳи Нерӯҳои марзбонии Тоҷикистон ва ҳамтоёни онҳо аз Қирғизистон – Ӯткурбек Ҷамшедов, прокурори генералӣ, вазири корҳои дохила - Кашкар Ҷунушалиев, раиси КДАМ Орозбек Опумбоев ширкат доранд.

Дар мулоқот намояндагони вазоратҳои корҳои хориҷӣ ва раҳбарони вилоятҳои Суғди Тоҷикистону Бодканд ва шаҳри Исфараву ноҳияи Бодканд низ ҳузур ёфтаанд.

Таври маълум, ҷараёни ҳодисаҳо тайи як ҳафтаи ахир раҳбарияти ду кишварро сахт дар ташвиш гузоштааст ва ҳадафи аслии музокирот хотима гузоштан ба ин ҳама таҳаввулоти ташвишовар аст”, - гуфт Иқбол Тешаев.

 Аммо бино ба иттилои дарёфтӣ, дар канори ин музокирот як ҷаласаи дигар низ дар ҷараён аст, ки дар он аъзои Комиссияи муштараки аломатгузорӣ ва таъйини марзҳои Тоҷикистону Қирғизистон ҳузур доранд ва мавзӯъи Созишномаи аломатгузорӣ ва таъйини марзҳоро ба баррасӣ гирифтаанд.

 “Тарҳи ин созишнома дар ҳоли ниҳоӣ шудан аст ва дар сурати иттифоқи назар миёни ҷонибҳо аз ин ҷо ба толорҳои парлумонҳо ва рӯи мизи раҳбарони ду кишвар хоҳад рафт”, - мегӯяд як манбаъи дигар ба Sputnik Тоҷикистон.
  • Представители Таджикистана и Кыргызстана проводят переговоры по ситуации на границе
    Представители Таджикистана и Кыргызстана проводят переговоры по ситуации на границе
    © Пресс-служба города Исфара
  • Представители Таджикистана и Кыргызстана проводят переговоры по ситуации на границе
    Представители Таджикистана и Кыргызстана проводят переговоры по ситуации на границе
    © Пресс-служба города Исфара
1 / 2
© Пресс-служба города Исфара
Представители Таджикистана и Кыргызстана проводят переговоры по ситуации на границе

 Музокироти раҳбарони мақомоти қудратӣ ва ҷаласаи Комиссияи муштараки аломатгузорӣ ва таъйини марзҳои Тоҷикистону Қирғизистон пушти дарҳои баста ва дур аз дастрасии расонаҳо баргузор мешавад.

Хабарнигорон ҳам дар шурӯъи музокирот то чанд лаҳза иҷозаи наворгириро пайдо карданд ва зуд аз толор ихроҷ шуданд. Яке аз тавофуқоти ду ҷониб дар гузашта ҳам ин буд, ки тафсилоти музокироти марзии ду кишвар дар ихтиёри расонаҳо гузошта нашавад.

 “Гуфтушунид идома дорад. Баъд аз анҷоми гуфтушунид изҳороти расмии муштарак манзур мегардад”, - гуфт Иқбол Тешаев.

Дар баробари ин, ки ҳайатҳои ҳукуматии Тоҷикистону Қирғизистон дар Исфара ҷаласа оростаанд, Кумитаи мудофиа ва амнияти парлумони Қирғизистон низ масъалаи марзро дар як ҷаласаи хос ба баррасӣ гирифта, масъулони марзбонӣ ва вазорати корҳои хориҷии кишварашро барои ташреҳи вазъи марз бо Тоҷикистон ҳозир кардааст.

 Манбаъи Sputnik дар Исфара мегӯяд, ин вазъ дар ҳалли масоили марзӣ духӯрагиро ба вуҷуд меорад.

“Мутаассифона, якдаста набудани ҳокимият дар Қирғизистон ҳалли ин баҳсро мушкил мекунад. Дар ҳоле ки раисҷумҳур ва ҳукумати он кишвар мехоҳанд ба ин баҳс хотима гузоранд, парлумони он кишвар ба таври ҷудогона даст ба амал мезанад ва қудрати ҳукумати худро таҳти суол қарор медиҳад”, - афзуд ӯ.

1838
Барчаспҳо:
парлумон, Бишкек, музокирот, фазо, Қирғизистон, Тоҷикистон, Исфара
Мавзуҳо:
То кай?: танишҳои марзӣ миёни Тоҷикистону Қирғизистон (92)
Медицинские работники в инфекционной больнице

36 кас мариз шуданду 42 тан шифо ёфтанд: омори коронавирус дар Тоҷикистон

65
(Таҷдидшуда 20:22 26.11.2020)
Шабонарӯзи гузашта дар Тоҷикистон аз маризии сироятии коронавирус мавориди фавт ба қайд гирифта нашудааст

ДУШАНБЕ, 26 ноя — Sputnik. Дар як шабонарӯзи охир дар ҷумҳурӣ 36 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ дар мамлакат ба 12044 нафар баробар гардид.

Манбаъ ҳамзамон аз шифоёбии 42 нафар пас аз табобат гирифтан хабар медиҳад. Ҳоло теъдоди умумии шифоёфтагон аз коронаиврус ба 11 437 нафар баробар шудааст.

Гузашта аз ин, дар Тоҷикистон аз маризии коронавирус 86 нафар ба ҳалокат расиданд.

Коронавирус нишасти G20 - ро сироят кард. Вале Ғарб ваксинаи Русияро тоқат надорад

Ҳукумати Тоҷикистон ва Вазорати тандурустӣ ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Зимнан, вазорати мазкур аз тамоми сокинони кишвар даъват мекунад, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд.

65
Барчаспҳо:
омор, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Сангрезӣ дар Тоҷикистон, акс аз бойгонӣ

Дар ноҳияи Айнӣ ба болои як деҳа сангпора сарозер шуд

662
(Таҷдидшуда 18:46 26.11.2020)
Дар деҳаи Шурмашки ноҳияи Айнӣ аз баландии 250 метр ба болои деҳа сангпора сарозер шуд, ки як сокини маҳаллиро бе хонаву дар гузошт

ДУШАНБЕ, 26 ноя — Sputnik. Кумитаи ҳолатҳои фавқулодаи Тоҷикистон аз рух додани офати табиӣ дар ноҳияи Айнӣ хабар медиҳад.

Ба иттилои манбаъ, ҳодисаи мазкур рӯзи 25 ноябр тақрибан соати 12:45 дақиқа рух дод.

Манбаъ меафзояд, бар асари ин ҳодисаи нохуш, манзили як сокини маҳаллӣ, Бердиев Самариддин сахт зарар дидааст. 

Гуфта мешавад, бо дастрас кардани хабари мазкур наҷотбахшон зуд ба ҷойи ҳодиса сафарбар шуданд.

Тарма ва сангрезӣ: пешгӯии дақиқи ҳавошиносон барои имрӯз

Дар робита ба хароб гардидани манзили истиқоматии Самариддин ва дар ҷойи хавфнок ҷойгир буданаш, оилаи зарардидаро ба бинои мактаби деҳа интиқол доданд.

Феълан, комиссия санад ва маълумотнома тартиб дода, барои чораҷӯи ба Мақомоти иҷроияи ҳокимияти давлатии ноҳияи Айнӣ пешниҳод намуд.

662
Барчаспҳо:
сангрезӣ, Айнӣ
Театр имени Маяковского в Москве

Намоишномаи театри Тоҷикистонро беш аз 200 ҳазор нафар тамошо карданд

25
(Таҷдидшуда 21:06 26.11.2020)
Намоишномаҳои Ҷашнвораи дуюми театрҳои русии хориҷиро, ки дар Маскав аз 16 то 22 ноябр баргузор шуд, беш аз 1 миллион нафар тамошо карданд

ДУШАНБЕ, 26 ноя — Sputnik. Намоишномаҳои Ҷашнвора тайи тақрибан як ҳафта дар саҳнаи театрҳои “Et Cetera" ва "Современник" намоиш дода шуда, маҷмӯан онҳоро беш аз 1 миллиону 100 ҳазор нафар тамошо карданд, хабар дод котиботи лоиҳа.

Манбаъ таъкид кард, ки дар ин ҷашнвора ҳайати театрҳои русӣ аз Абхазистон, Белорус, Қазоқистон, Молдова, Тоҷикистон ва Ӯзбекистон иштирок кардаанд. Онҳо асарҳои классикии адабиёти ҷаҳонӣ аз Шекспир то Стейнбекро ба саҳна гузоштанд, ки тариқи онлайн дар интернет низ намоиш дода мешуданд.

Александр Калягин, раиси Иттифоқи ходимони театри Русия, зимни истиқболи иштирокдорони ҷашнвора гуфт, ин ҳамоиш дуюм бор баргузор шуда истодааст, аммо аллакай равобити дӯстию фарҳангиро миёни иштирокдорон ба вуҷуд овардааст.

Тоҷикистонро дар ҷашнвора, Театри драмаи русии ба номи Маяковский намояндагӣ кард, ки дар шаҳри Душанбе аз соли 1937 фаъолият дорад. Ҳайати театри Тоҷикистон дар ҷашнвора намоишномаи “Ҳамлет”-и коргардон Бодурбек Миралибековро иҷро намуданд, ки ба гузориши баргузоркунандагон, онро беш аз 200 ҳазор нафар тамошо карданд.

25
Барчаспҳо:
намоишнома, Русия, Тоҷикистон