Машины милиции в Душанбе, архивное фото

Ҷавобгарии 85 ронандаи сархуш дар шаби якуми соли 2020 - видео

303
(Таҷдидшуда 13:28 16.01.2020)
Дар шаби соли нави 2020, 85 ронанда дар навоҳии Суғд дар вақти рондани нақлиёт дар ҳолати сархушӣ ба ҷавобгарӣ кашида шудаанд

ДУШАНБЕ, 16 янв — Sputnik. Акбар Шарифӣ, сардори маркази матбуотӣ РВКД дар вилояти Суғд дар гузоришаш аз муҷозоти 85 ронанда дар шаби 31-уми декабр хабар додааст, ки дар ҳолати шаробнӯшӣ ба рондани нақлиёт машғул шудаанд.

 “Таҷриба нишон медиҳад, ки ин намуд ҳуқуқвайронкунӣ заминаи воқеии мусоидаткунанда ба рухдоди эҳтимолии садама аст”, - гуфтааст Шарифӣ.

 Боздошти ронандаҳои сархуш дар шаби соли нави мелодӣ бо дастури сардори РВКД дар вилоят Суғд сурат гирифтааст ва дар 18 шаҳру навоҳии вилоят нозирони БДА дар самти саривақт ошкорнамоии ин намуд ҳуқуқвайронкунӣ вазифадор шудаанд.

Агар ронандагони сархушро кормандони БДА саривақт дастгир намуда, аз идоракунии воситаи нақлиёт дур намекарданд, бо айби ин ронандаҳои сархуш содир гардидани боз чандин садамаҳои нақлиётӣ, ҳатто бо оқибатҳои вазнин аз эҳтимол дур набуд, - зикр намудааст Шарифӣ.

Мақомоти БДА вилояти Суғд қаблан низ аз ошкоршавии 362 ҳолати идораи воситаи нақлиёт дар ҳолати мастӣ дар шаш моҳи соли 2019 хабар дода ва гуфта буданд, ки аз ин ҳисоб ба 241 нафар ҳабси маъмурии 15 шабонарӯзӣ ва барои 81 нафари дигар ба андозаи 300 нишондиҳанда барои ҳисобҳо ҷамъ ба маблағи 1 миллиону 143 ҳазору 660 сомонӣ ҷарима тадбиқ шудааст.

 Ҳукумати Тоҷикистон ахиран ба як қатор қонун ва санадҳое, ки ҳуқуқвайронкунии маъмуриро танзим мекунад, тағиру иловаҳо ворид намуд.

Бар асоси ин тағйирот, аз ҷумла ҳаҷми ҷаримаи ҳуқуқвайронкунӣ барои ронандаҳои сархуш ба андозаи 300 нишондиҳанда барои ҳисоб, яъне 15 ҳазор сомонӣ ба ҳисоби маҳрум намудан аз 5 соли ҳуқуқи ронандагӣ қабул карда шуд.

Аммо мақомоти БДА мегуяд, бо ин вуҷуд то ҳол шуморе аз ронандаҳо ин муқарраротҳои қонуниро дарк накарда, дар ҳолати сархушӣ сари чамбараки нақлиёт нишастани онҳо ошкор мешавад.

БДА Суғд чанде пештар ҳам аз 2 миллиону 821 ҳазору 925 сомонӣ ҳаҷми ҷарима аз ҳисоби ронандаҳои бе ҳуҷҷат ва сархуш дар давраи шаш моҳи соли 2019 гузориш дода, дар он таъкид мекард, ки “агар чунин маблағҳои ҷаримавиро сокинон ба буҷҷаи оилавии худ сарф мекарданд, сатҳу сифати зиндагии онҳо хубтар мешуд”.

303
Барчаспҳо:
ҷавобгарӣ, сархушӣ, нақлиёт, шумора, ронанда, Суғд
Пост при въезде в Горно-Бадахшанскую автономную область

Мақомоти ВМКБ овозаҳои маҳдуд шудани ҳаракат аз Душанбе ба Хоруғро бепоя хонд

21
(Таҷдидшуда 15:55 28.05.2020)
Мақомоти иҷроияи ҳокимияти давлатии Вилояти Мухтори Кӯҳистони Бадахшон мегӯяд, овозаҳои маҳдуд будани ҳаракат дар роҳи Душанбе-Хоруғ воқеият надорад ва феълан роҳ кушода аст ва ягон маҳдудият ҷорӣ нагардидааст

ДУШАНБЕ, 28  май — Sputnik. Рӯзҳои охир  дар баъзе шабакаҳои иҷтимоӣ овозаҳо оид ба баста шудани роҳи Душанбе — Хоруғ паҳн гардидаанд.

Мақомоти иҷроияи ҳокимияти давлатии Вилояти Мухтори Кӯҳистони Бадахшон ба АМИТ "Ховар" хабар дода, ки овозаҳои мазкур асоси воқеӣ надошта, айни замон  роҳи мошингарди Душанбе — Хоруғ кушода аст ва ягон маҳдудият ҷорӣ нагардидааст.

"Бо мақсади пешгирӣ намудани паҳншавии бемории сироятии коронавируси намуди нави COVID-19 дар Вилояти Мухтори Кӯҳистони Бадахшон рафтуомади сокинон  байни шаҳри Хоруғ ва ноҳияҳои вилоят ба муддати 10 рӯз маҳдуд мегардад. Рафту омад байни маркази вилоят ва шаҳри Душанбе маҳдуд нагардидааст, вале аз шаҳрвандон эҳтиромона хоҳиш карда мешавад, ки аз сафари бе зарурат ба шаҳру ноҳияҳои вилоят ва дигар минтақаҳои Ҷумҳурии Тоҷикистон худдорӣ намоянд",- афзуд манбаъ.

Ёдрас мешавем, ки Ғолиб Ниятбеков, сухангӯи раиси вилояти Бадахшон дар ин бора дар суҳбат ба Sputnik Тоҷикистон гуфт, чунин тасмим ба хотири пешгирӣ аз паҳншавии вируси корона дар ин минатқа гирифта шудааст.

Вай афзуд, ки маҳдудият  ба истиснои кормандони соҳаи тандурустӣ ва кормандони ҳукумат дигар ба ҳамаи шаҳрвандон ВМКБ, рабт дорад.

Ғолиб Ниятбеков, таъкид кард, ки ин маҳдудият маҷбурӣ нест.

“Мақомот ба ҳамаи сокоинон вазъро фаҳмонда, аз сокинону меҳмонон хоҳиш кард, ки ин маҳдудияти мувақатиро риоя намоянд. Мошинҳои боркаш бидуни ягон маҳдудият равуо доранд. Маҳдудият танҳот барои сокинон аст. Аз сокинон хоҳиш карда шуд, ки бидуни зарурат аз рафту омад худдорӣ кунанд”, - гуфт Ниятбеков.

То 27 майи соли равон дар кишвар 3424 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар Тоҷикистон 1575 нафар шифо ёфтаанд.

21
Барчаспҳо:
бастан, роҳ, Душанбе-Хоруғ, ВМКБ
Мавзуҳо:
Пайомадҳои COVID-19 дар Тоҷикистон ва ҷаҳон
Президент Республики Таджикистан Эмомали Рахмон

Сӯҳбат аз қурбониёну таъмини силоҳ: Эмомалӣ Раҳмон марзбонони тоҷикро шодбош гуфт

70
(Таҷдидшуда 16:17 28.05.2020)
Президент аз вазъи печидаи ҷаҳонӣ ёдрас шуда, таъкид кард, ки сарҳадбонон бояд интизоми оҳанини низомиро риоя кунанд

ДУШАНБЕ, 28  май — Sputnik. Президенти Тоҷикистон Эмомалӣ Раҳмон ба муносибати Рӯзи сарҳадбонон ба марзбонони тоҷик паёми шодбошӣ ирсол кардааст. Дар ин бора дафтари матбуоти президенти Тоҷикистон гузориш медиҳад.

Эмомалӣ Раҳмон дар оғоз генералҳо, афсарону прапоршикҳо ва сарбозони Қӯшунҳои сарҳадии Кумитаи давлатии амнияти миллиро бо 26-солагии таъсисёбии Қӯшунҳои сарҳадӣ табрик гуфта, ба онҳо саломатӣ, иродаи қавӣ, нерӯи матин таманно кардааст.

Раисҷумҳур таъкид кардааст, ки Ҳукумати Тоҷикистон ба таҳкиму таъмини ҷузъу томҳои Қӯшунҳои сарҳадӣ аҳамияти муҳим медиҳад.

"Хусусан, дар зарфи солҳои охир дар тамоми мавзеъҳои сарҳади давлатӣ даҳҳо дидбонгоҳи нави сарҳадӣ ва дигар иншооти зарурӣ бунёд ва азнавсозӣ гардиданд. Ҳукумат ба масъалаи таъмини  ҷузъу томҳои марзбонӣ бо техникаву таҷҳизоти замонавӣ, силоҳу муҳиммоти ҷангӣ ва дигар лавозимоти ҳарбӣ низ эътибори зарурӣ медиҳад", афзудааст ӯ.

Раҳмон аз марзбонони қурбоншуда ёдрас шуда, гуфтааст, ки "мардуми сипосгузори Тоҷикистон номи нек ва корномаи ҷавонмардонаи онҳоро ҳаргиз фаромӯш намекунанд".

Фаврӣ: тирандозӣ дар марзи Тоҷикистону Қирғизистон дар рӯзи ид

Президент аз таҳдиду хатарҳои нав,  терроризм, ифротгароӣ, қочоқи маводи мухаддир дар марз ёдрас шуда, гуфтааст, ҳайати шахсии Қӯшунҳои сарҳадӣ, дигар сохторҳои низомӣ ва мақомоти ҳифзи ҳуқуқ вазифадоранд, ки беш аз ҳар вақти дигар бо риояи интизоми оҳанини низомӣ ва талаботи оинномаҳои ҳарбӣ дар ҳоли омодагии доимӣ қарор дошта бошанд.

 

70