Акция Свеча памяти в городах России

Даргузашти Ҳайдарӣ пас аз сафари Душанбеву Маскав

1006
(Таҷдидшуда 17:45 25.02.2020)
Ҷавоншер Ҳайдарӣ, раиси Иттиҳоди синамогарони Афғонистон дар синни 67 – солагӣ дунёи фониро падруд гуфт

ДУШАНБЕ, 21 янв — Sputnik. Аҳмад Фаҳими Кӯҳдоманӣ, собиқ корманди сафорати Афғонистон дар Тоҷикистон ба “Спутник Тоҷикистон” гуфт, марҳум субҳи имрӯз дар манзилаш дар шаҳри Кобул ҷон ба ҷонофарин супурдааст.

“Ҳамин рӯз якшанбе бо ҳам дар майдони ҳавоии шаҳри Душанбе хеле гап задем ва ӯ аз Москва омада буд, дар мавриди корҳои синмогарон кишвар ва роҳ пайдо кардани он ба ҷашнвораҳои ҷаҳонӣ сӯҳбатҳои нағз доштанд. Ҷавоншер Ҳайдарӣ пирамарди ҷавонгарои синамои Афғонистон, ки шахси самимӣ ва хуштабъ буд, солҳои зиёде дар ин арса кор карда буд”, - гуфт Кӯҳдоманӣ.

Ҷавоншер Ҳайдарӣ соли 1952 дар Шаҳри Куҳнаи Кобул таваллуд шуда, таҳсилоти миёнаро дар литсейи олии “Ҳабибия” ва олиро дар риштаи геологияи Донишкадаи Кобулро ба поён расондааст.

Ҳайдарӣ аз даврони мактабӣ ба ҳунару нақшофаринӣ ва омода кардани намоишномаҳо шавқу рағбат дошт ва яке аз фаъолони Кумитаи фарҳангии Донишгоҳи Кобул буда, аксари нақшҳои асосиро бозӣ мекард.

Ӯ дар намоишномаҳои машҳури он замон, назири "Бале гуфтан" – и Ҷалол Нуронӣ ва "Хасис" – и Молер нақши асосиро бозидааст. Ҳанӯз дар донишгоҳ ӯ бо радио ва телевизиони Афғонистон ҳамкорӣ карда, теъдоди зиёде аз филмҳои телевизиониро коргардонӣ ва дар иддае, назири "Деҳкадаҳо бедор мешаванд”, “Гуноҳ”, “Сабур сарбоз”, “Ҳодиса”, “Алмоси сиёҳ”, “Рӯё” ва “Сарбунд" нақши асосиро бозидааст.

 Ӯ яке аз синамогарони муваффақи Афғонистон ба ҳисоб рафта, коргардони филмҳои маъруфи "Бобо”, “Каҷроҳ” ва “Алмоси шарқ" (дар бораи Аҳмад Зоҳир, овозхони маъруф) мебошад.

Ҳангоми ҳукумати Толибон ӯ дар муҳоҷират қарор дошт ва пас аз 13 соли бозгашт ба ватан филми "Ҷодугари сабз" – и Ҷалол Нуронӣ ва филмҳои "Охирин шаб" ва "Охирин шеър" - ро таҳия ва коргардонӣ намудааст.

Ӯ аз соли 2001 ба ин сӯ раиси Иттиҳодияи синмогарони Афғонистон буд. Ҳайдарӣ дар замони Толибон бештари вақти худро дар Тоҷикистон гузаронида, ҳамин ҷо филми “Алмоси Шарқ” – ро ба навор гирифтааст.

1006
Барчаспҳо:
Маскав, Душанбе, раис, Синамо, Иттифоқи синамогарон, Афғонистон
Учения МЧС РФ в Ростове-на-Дону

Мубориза бо КОВИД-19: дар Бӯстон маҳлули хлор тақсим мекунанд

12
Дар ҳудуди шаҳр, кӯчаву хиёбонҳо, ҷойҳои ҷамъиятӣ, бозору марказҳои хизматрасонӣ, коргоҳу муассисаҳо ва манзилҳои аҳолӣ ҳамарӯза ҷиҳати безараргардонӣ тадбирҳо амалӣ гардида истодаанд.

ДУШАНБЕ, 5 июн — Sputnik. Дар шаҳри Бӯстони вилояти Суғд дар баробари ба роҳ мондани корҳои безараргардонӣ дар ҳудуди шаҳр тариқи нақлиёти махсуси хизматӣ ва дастгоҳҳои безараргардонӣ, инчунин Маркази назорати санитарию эпидемиологӣ ба аҳолӣ маҳлули хлорро ройгон дастрас менамояд.

Дар ин бора шаҳрдории Бӯстон гузориш медиҳад.

Дар ҳудуди шаҳр, кӯчаву хиёбонҳо, ҷойҳои ҷамъиятӣ, бозору марказҳои хизматрасонӣ, коргоҳу муассисаҳо ва манзилҳои аҳолӣ ҳамарӯза ҷиҳати безараргардонӣ тадбирҳо амалӣ гардида истодаанд.

Бино бар иттилои манбаъ, шурӯъ аз охирҳои моҳи апрели соли 2020,  ба зиёда аз 780 нафар сокинони шаҳри Бӯстон, ки хоҳиши шахсан дар манзилҳояшон гузаронидани корҳои безараргардонӣ доранд ва ё тариқи пешниҳоди раисони маҳаллаҳо беш  аз 11 тоннаву 700 литр маҳлули хлор дастрас карда шуд.

Тибқи иттилои директори Маркази назорати санитарию эпидемиологии шаҳри Бӯстон Зайнулло Тешаев, дар Марказ захираи кофии маҳлулҳои безараргардонӣ мавҷуд аст.

Сокинон бемамониат имкон доранд ройгон маҳлули хлор дастрас намоянд.

Ҷаҳиши нархи хлору ниқоб дар Суғд

 

12
Дворец Нации

Фармони Раҳмон: нархи неруи барқ, об ва алоқа то охири соли 2020 баланд намешавад

77
(Таҷдидшуда 14:11 05.06.2020)
Эмомалӣ Раҳион бо судури фармони аз 5 июн  ба Ҳукумати мамлакат дастур дод, ки то охири соли 2020 масъалаи баланд бардоштани тарифи хизматрасониҳо, аз ҷумла неруи барқ, об, оби полезӣ, алоқа ва хизматрасониҳои коммуналиро мавқуф гузорад

ДУШАНБЕ, 5 июн — Sputnik. Президенти Ҷумҳурии Тоҷикистон Эмомалӣ Раҳион ба Ҳукумати дастур дода, ки то охири соли 2020 бо мақсади кам намудани хароҷоти истеҳсолии корхонаҳо, роҳ надодан ба баландшавии нархи маҳсулоти ватанӣ, хизматрасониҳои пулакӣ ба аҳолӣ ва сатҳи таваррум баррасии масъалаи баланд бардоштани тарифи хизматрасониҳо, аз ҷумла неруи барқ, об, оби полезӣ, алоқа ва хизматрасониҳои коммуналиро мавқуф гузорад.

Фармони президент: киҳо аз андоз озод шуданд?

Дар Фармони мазкур омадааст, ки Ҳукумати ҷумҳурӣ аз ҳисоби маблағҳои захиравии буҷети давлатии соли 2020 ва маблағҳои ғайрибуҷетӣ барои харидорӣ ва пурра намудани захираҳои моддии давлатӣ, аз ҷумла ғалла, тухмиҳои зироатҳои кишоварзӣ, заҳрхимикатҳо ва сӯзишворӣ маблағҳои мақсаднок ҷудо намояд.

Президент барои оилаҳои муҳоҷирон кӯмакпулӣ ҷудо кард: боз киҳо ва чандпулӣ мегиранд?

Дар баробари ин, бо мақсади нигоҳ доштани сатҳи даромаднокии аҳолӣ аз 1 июн то 31 декабри соли 2020 меъёри андози даромад аз фоизи пасандозҳои шахсони воқеӣ аз 12 фоиз амалкунанда то 6 фоиз паст ва аз 1 май то 1 сентябри соли 2020 ба шахсони воқеӣ барои пардохти андозҳо аз молу мулки ғайриманқул таътили андозӣ муқаррар карда мешавад.

77
Барчаспҳо:
об, барқӣ, фармон, Эмомалӣ Раҳмон, Тоҷикистон
Мавзуҳо:
Фармон, амр ва қарорҳои тозатарини Эмомалӣ Раҳмон