Мэр города Душанбе Рустам Эмомали

100 фоиз: қаноатмандии Эмомалӣ Раҳмон аз Рустами Эмомалӣ

567
(Таҷдидшуда 19:16 21.01.2020)
Шаҳрдори Душанбе назди раисҷумҳури Тоҷикистон Эмомалӣ Раҳмон аз натиҷаи як соли фаъолияти худ ҳисобот дод

ДУШАНБЕ, 21 янв — Sputnik. Рустами Эмомалӣ раиси шаҳри Душанбе рӯзи 20 – уми январ дар ҷараёни маҷлиси васеи Ҳукумат дар назди раисҷумҳури Тоҷикистон Эмомалӣ Раҳмон аз бурду бохти як соли фаъолияти худ ҳисобот дод.

Супориши Рустами Эмомалӣ бораи назорати ҳаракати мошинҳои боркаш дар Душанбе

Дар ин бора котиботи раисҷумҳури Тоҷикистон хабар медиҳад.

Ба иттилои манбаъ, шаҳрдори Душанбе зимни гузориш додан таъкид намудаст, ки буҷети шаҳр дар соли 2019, 100 фисад иҷро гардидаст.

"Даромади буҷети шаҳр аз рӯи воридоти андозу пардохтҳои ҳатмӣ 103 дарсад иҷро гардидааст, ки ба буҷет 1,9 миллиард сомонӣ маблағ ворид шудаст", - афзудааст Рустами Эмомалӣ.

Гузашта аз ин, ба гуфтаи раиси пойтахт, дар се соли охир ба иқтисодиёти шаҳр 850 миллион доллар сармоя ҷалб гардидааст, ки 180 миллиони он ба соли 2019 рост меояд.

Рустами Эмомалӣ аз ба истифода додани 62 корхонаву коргоҳҳои нави истеҳсолӣ дар як соли гузашта таъкид намуда, афзудааст, ки беш аз 800 ҷойи нави корӣ барои шаҳрвандони ҷумҳурӣ таъсис дода шудааст.

Ҳамчунин, соли гузашта 38 километр хатҳои гармигузар ба маблағи 62 миллион сомонӣ азнавсозӣ карда шуданд, изҳор намудаст Рустами Эмомалӣ.

Зимнан, раисҷумҳури Тоҷикистон Эмомалӣ Раҳмон аз дастовардҳои рушди кулли соҳаҳои пойтахти мамлакат изҳори қаноатмандӣ намуда, ба роҳбарияти шаҳри Душанбе ҷиҳати дар сатҳи баланд ба роҳ мондани корҳои ободонию созандагӣ ба ифтихори 30-юмин солгарди Истиқлолияти Тоҷикистон дастуру супоришҳои нав дод.

Шаҳрдор аз афзоиши соҳибкору корхонаҳо ва тавлидот ҳисобот дод

Эмомалӣ Раҳмон хусусан ба бунёди маҷмааи "Истиқлолият ва озодӣ" таъкид кард, ки дар арафаи 30 - солагии истиқлолияти давлатии Тоҷикистон бояд мавриди баҳрабардорӣ қарор гирад.

567
Барчаспҳо:
супориш, Эмомалӣ Раҳмон, ҳисобот, Рустами Эмомалӣ
Девушка рисует картину в художественной студии

Пирӯзии тоҷикдухтари 14 - сола дар Тошканд аз миёни 27 давлати ҷаҳон

30
(Таҷдидшуда 12:48 28.01.2021)
Дар фестивале, ки хонандаи синфи 7 аз ноҳияи Ҷаббор Расулов пирӯз шуд, намояндагони 27 кишвар иштирок доштанд

ДУШАНБЕ, 28 янв – Sputnik. Лайло Ёқубова хонандаи синфи 7 мактаби №11-и ноҳияи Ҷаббор Расулов дар 8 - умин Фестивали байналмилалии "Шодии Тошканд" ғолиб омад, хабар медиҳад Маркази маорифи иловагӣ дар вилояти Суғд.

Ба иттилои манбаъ, хонандаи тоҷик узви маҳфили "Рассоми эҷодкор"- и Маркази таҳсилоти иловагӣ мебошад.

Гуфта мешавад, Лайло Ёқубова таҳти роҳбарии Нозима Раҳимбоева ба кумитаи тадорукоти озмуни мазкур, ки тариқи фосилавӣ баргузор гардид, расмҳои кашидаашро дар мавзӯъҳои "Олами рангини кӯдакон", "Ҷаҳоне, ки ман сукунат дорам", "Ватани ман", "Орзуи ман" пешниҳод намуд.

Фестивали байналмилалии кӯдакон "Шодии Тошканд" аз соли 2004 инҷониб аз ҷониби Академияи рассомии Ӯзбекистон дар ҳамкорӣ бо Вазорати фарҳанг ва корҳои хориҷии ин кишвар дар ду сол як маротиба байни кӯдакони аз 5 то 15-сола баргузор мегардад.

Чӣ гуна рассоми бе даст аз Ӯзбекистон асар меофарад - видео

Имсол ба кумитаи тадорукоти 8- умин Фестивали байналмилалии "Шодии Тошканд" зиёда аз 2 ҳазор асарҳои кӯдакон аз 27 кишвари олам, аз ҷумла Фаронса, Ҳиндустон, Чин, Амрико, Озарбойҷон, Малайзия, Миср, Қазоқистон, Ӯзбекистон, Исроил, Тоҷикистон, Русия, Латвия ва ғайра пешниҳод гардиданд.

Манбаъ меафзояд, асарҳои тасвирнамудаи Лайло Ёкубова дар намоишгоҳи доимии 8- умин Фестивали байналмиллалии "Шодии Тошканд" ба намоиш гузошта мешаванд.

30
Барчаспҳо:
рассомӣ, Тошканд, тоҷик, хонанда, пирӯзӣ
Президент Республики Таджикистан Эмомали Рахмон

Раҳмон ба Файзов ва мардуми Бадахшон сипос гуфт - чаро?

294
(Таҷдидшуда 12:41 28.01.2021)
Раиси Вилояти Мухтори Кӯҳистони Бадахшон Файзов Ёдгор низ дар ҷаласаи васеи Ҳукумат аз мушкилу пешрафти як солаи ВМКБ ҳисобот дод

ДУШАНБЕ, 28 янв – Sputnik. Раиси Вилояти Мухтори Кӯҳистони Бадахшон Ёдгор Файзов аснои ҳисоботи худ, соли гузаштаро марҳилаи нави рушди вилоят маънидод кард.

Файзов барои дастгирии Эмомалӣ Раҳмон ва Ҳукумати Тоҷикистон дар пешрафти Бадахшони кӯҳӣ изҳори миннатдорӣ кард.

Бар тибқи ҳисоботи раиси ин вилоят, Бадахшон новобаста аз мушкил омадани соли 2020, нақшаи андозро пурра иҷро кардааст.

Ҳамчунин Файзов таъкид намуд, ки вилоят дар масъалаи бунёди роҳу иншооти маъмурию истиқоматӣ, азхудкунии заминҳои нав, истеҳсоли рӯзафзуни маҳсулоти кишоварзӣ низ ба дастовардҳои назаррас ноил гардид.

Зимнан, раисҷумҳури Тоҷикистон Эмомалӣ Раҳмон ба кулли сокинони Вилояти Мухтори Кӯҳистони Бадахшон барои дар як рӯз иҷро намудани даъвати ҷавоно ба сафи артиш изҳори сипосу миннатдорӣ намуд.

Қабули қонунҳо: хизмати ҳарбӣ барои кор дар гумрук, суд, додситонӣ ҳатмӣ шуд

Бояд қайд намуд, ки ВМКБ давоми се соли ахир аз лиҳози иҷро намудани даъвати наваскарон ба сафи Қувваҳои мусаллаҳ дар қиёс ба дигар минтақаҳои Тоҷикистон пешсаф аст.

Маъракаи даъвати ҷавонон ба артиш дар Вилояти Мухтори Кӯҳистони Бадахшон дар нахустин рӯзи даъват иҷро мегардад.

294
Барчаспҳо:
изҳори сипос, ВМКБ, Эмомалӣ Раҳмон