Мулоқоти Эмомалӣ Раҳмон, раисиҷумҳури Тоҷикистон бо кадрҳои навтаъин

Нашри амру фармонҳои президент ва қарорҳои Ҳукумат: тағйироти кадрӣ

3107
(Таҷдидшуда 19:00 24.01.2020)
Котиботи раисиҷумҳури Тоҷикистон амру фармонҳои президент ва қарорҳои Ҳукумат дар бораи таъиноти кадрии ахирро ироа кард

ДУШАНБЕ, 24 янв — Sputnik. Котиботи раисҷумҳури Тоҷикистон амру фармонҳо ва қарорҳои Ҳукуматро, ки Эмомалӣ Раҳмон имрӯз имзо кард, пешниҳод намуд.

  • Ҳикматуллозода Неъматулло ёрдамчии Президенти Ҷумҳурии Тоҷикистон оид ба масъалаҳои иқтисодӣ таъин карда шавад.
  • Солеҳзода Ашурбой Абдувоҳид, бо сабаби ба кори дигар гузаштанаш аз вазифаи ёрдамчии раисиҷумҳури Тоҷикистон оид ба масъалаҳои иқтисодӣ озод карда шавад.
  • Ғафорзода Баҳром Абдулафиз аз вазифаи муовини Директори Агентии беҳдошти замин ва обёрии назди Ҳукумати Ҷумҳурии Тоҷикистон озод карда шавад.
  • Завқизода Завқӣ Амин бо сабаби ба кори дигар гузаштанаш аз вазифаи муовини якуми Вазири рушди иқтисод ва савдои Ҷумҳурии Тоҷикистон озод карда шавад.
  • Раҳмон Носир Абдураҳим аз вазифаи директори Муассисаи давлатии «Тоҷикфилм» озод карда шавад.
  • Завқизода Завқӣ Амин Вазири рушди иқтисод ва савдои Ҷумҳурии Тоҷикистон таъин карда шавад. Фармони мазкур барои тасдиқ ба Маҷлиси Олии Ҷумҳурии Тоҷикистон пешниҳод карда шавад.

  • Мирализода Абдусалом Мустафо бо сабаби ба кори дигар гузаштанаш аз вазифаи директори Муассисаи давлатии “Китобхонаи миллии Тоҷикистон” барканор карда шавад.
  • Обидов Фозил Саидович бо сабаби ба кори дигар гузаштанаш аз вазифаи ректори Муассисаи давлатии таълимии «Донишкадаи сайёҳӣ, соҳибкорӣ ва хизмат» озод карда шавад.
  • Имомзода Муҳаммадюсуф Сайдалӣ Вазири маориф ва илми Ҷумҳурии Тоҷикистон таъин карда шавад.
  • Шодиён Муҳаммад Султонзода бо сабаби ба кори дигар гузаштанаш аз вазифаи ректори Муассисаи давлатии таълимии «Донишгоҳи давлатии Бохтар ба номи Носири Хусрав» озод карда шавад.
  • Давлатзода Сайфиддин Хайриддин бо сабаби ба кори дигар гузаштанаш аз вазифаи муовини Вазири маориф ва илми Ҷумҳурии Тоҷикистон озод карда шавад.
  • Орумбекзода Шамсиддин Шодибек бо сабаби ба нафақа баромаданаш аз вазифаи Вазири фарҳанги Ҷумҳурии Тоҷикистон озод карда шавад.
  • Қурбонзода Абдулло Ҳабибулло бо сабаби ба кори дигар гузаштанаш аз вазифаи муовини якуми Директори Агентии бехдошти замин ва обёрии назди Ҳукумати Ҷумҳурии Тоҷикистон озод карда шавад.
  • Баротзода Файзулло бо сабаби ба кори дигар гузаштанаш аз вазифаи директори Муассисаи давлатии “Маркази исломшиносӣ дар назди Президенти Ҷумҳурии Тоҷикистон” озод карда шавад.
  • Давлатзода Зулфия Давлат бо сабаби ба кори дигар гузаштанаш аз вазифаи муовини якуми раиси Кумитаи кор бо занон ва оилаи назди Ҳукумати Ҷумҳурии Тоҷикистон озод карда шавад.
3107
Глава представительства ВОЗ в Таджикистане Бахтыгуль Каррыева

Карриева: СУТ аз афзоиши бемории COVID-19 Тоҷикистон ҳушдор медиҳад

88
(Таҷдидшуда 18:16 24.10.2020)
Намояндаи СУТ дар Тоҷикистон Бахтигул Карриева паҳншавии коронавирусро дар Осиёи Миёна ва минтақаъ пешбинӣ кард

ДУШАНБЕ, 24 окт — Sputnik. Вирус ҳатто дар кишварҳои мутамаддин бо зудӣ паҳн мешавад, таъкид кард намояндаи СУТ дар Тоҷикистон Бахтигул Карриева дар мусоҳиба бо Sputnik Тоҷикистон.

Вай афзуд, ки зиёд шудани ҳодисаҳои гирифторӣ бо коронавирус ва марг аз он дар минтақаи Аврупо низ ташвишовар аст.

"Мо интизор дорем, ки ҳафтаҳои наздик дар минтақаи Осиёи Марказӣ низ шумораи гирифторӣ ва марг аз коронавирус меафзояд", - афзуд Карриева.

Намояндаи СУТ афзуд, ки вазъ метавонад дар ҳолати мубоширати бевоситаи одамон ва интиқоли вирус ба нафарони солхӯрда якбора бад шавад.

"Пешбиниҳое, ки тавассуди намунаи эпидимиологии боэътимод ба даст оварда шудаанд, хурсандиовар нестӣ. Бино бар ин намунаҳо, бардошта шудани маҳдудиятҳо метавонанд ба он расонанд, ки моҳи январи соли 2021 нишондодҳои марг аз коронавирус назар ба моҳи апрел 4-5 маротиба бештар шавад", - тавзеҳ дод коршинос.

 

Намояндаи созмон таъкид кард, ки дар моҳи феврали соли 2021 тартиботи оддитарини пешгирии коронавирус ба монанда пӯшидани ниқоби тиббӣ метавонад ҷони 200 ҳазор нафарро наҷот диҳад.

Ӯ гуфт дар ҳоли ташдиди маҳдудият ҳолатҳои марг аз коронавирус камтар хоҳанд шуд.

 

Пешгирии ҷамъшавии одамон дар як ҷо, нигоҳ доштани масофа дар ҷойҳои ҷамъиятӣ, тозаги дастон, худинзивоии гумонбарони гирифтори вирус ва карантини нафарони гирифторшуда ва нафароне, ки бо онҳо иртибот доштанд бояд дар Тоҷикистон ва дигар кишварҳои Осиёи Марказӣ ҳатмӣ шавад.

88

Омори ҷадиди гирифторӣ, фавт ва шифоёбӣ аз коронавирус дар Тоҷикиcтон

170
(Таҷдидшуда 17:58 24.10.2020)
Вазорати тандурустӣ ва ҳифзи иҷтимоии аҳолии Тоҷикистон мегӯяд, тайи шабонарӯзи гузашта ягон ҳолати фавт аз коронавирус ба қайд гирифта нашудааст

ДУШАНБЕ, 24 окт — Sputnik. Тибқи иттилои Вазорати тандурустӣ, шабонарӯзи гузашта дар ҷумҳурӣ 41  ҳолати нави сироятёбӣ ба COVID-19 ошкор гардид. Манбаъ таъкид кард, ки теъдоди умумии гирифторони коронавирус аз 30 апрел то 23 октябр ба 10 ҳазору 736 нафар расид.

"Дар як шабонарӯзи охир 54 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 9 ҳазору 836  (91,6%)  баробар гардид", - омадааст дар иттилоияи расмӣ.

Вазорат дар мавриди теъдоди фавтидагон аз коронавирус изҳор дошт, ки тайи 24 соати гузашта ягон ҳолати марг аз ин беморӣ ба қайд гирифта нашуда, ҳолатҳои фавт аз ин маризӣ ҳамоно 81 нафар мебошад.

Таъкид шудааст, ки Ҳукумати  Тоҷикистон барои пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамоянд.

170
Барчаспҳо:
маризӣ, омор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Школьники, архивное фото

Роҳбари СҶБ аз кишварҳо хост дари макотибро барои чанд моҳ банданд

0
(Таҷдидшуда 19:36 24.10.2020)
Роҳбари Созмони ҷаҳонии бедошт ба роҳбарони аксар кишварҳо муроҷиат намуда гуф, ки вақтҳои охир суръати паҳншавии вируси COVID - 19 бениҳоят нигаронкунанда аст. Аз ин рӯ, ӯ хост дари мактабҳо баста шавад

ДУШАНБЕ, 24 окт — Sputnik. Тедрос Аданом Гебреисус роҳбари СҶБ ҳушдор додааст, ки чанд моҳи ахир вазъи коронавирус дар ҷаҳон шадид хоҳад шуд. Ба гуфтаи ӯ, дари макотибу донишгоҳҳо бояд барои чандр моҳи оянда баста шавад. Дар ин бора роҳбари СҶБ зимни ҳамоише дар Женева ибрози назар намуд.

Тедрос мегӯяд, якчанд моҳи ахир вазъи паҳншавии коронавирус шаддид мешавад.

"Мо дар чорроҳаи муҳим барои пандемияи COVID-19 қарор дорем, алахусус дар нимкураи Шимолӣ. Чанд моҳи оянда хеле душвор хоҳад буд ва баъзе кишварҳо дар траекторияи хатарнок қарор доранд", - ҳушдор дод Гебрейесус.

Бисёре аз кишварҳо ба болоравии шадиди беморӣ дучор меоянд, чунин вазъ метавонад ба зудӣ захираҳои системаи тандурустиро тамом кунад, гуфт роҳбари СҶБ. Вай аз пешвоёни ҷаҳон даъват кард, ки аз бадтарин ҳолат бояд пешагӣ ҷилавгирӣ кард ва "барои роҳ надодани ба шумораи зиёди маргу мир, бояд дари мактабҳо баста шавад".

Зимнан, роҳбари СҶБ дарост намуд, ки ба аҳолӣ вазъияти аслӣ дар робита ба паҳншавии вирусро бояд гуфт ва аз мардум ягон чизро набояд пинҳон кард.

Ӯ ҳамзамон ба дастгирӣ намудани башарият ҷиддан таъкид кард.

Коронавирус: Сомон ва Комроншоҳ ба мусобиқаи Grand Slam нарафтанд

Тибқи иттилои Созмони ҷаҳонии беҳдошт то кунун дар саросари олам 42 миллиону 499 ҳазору 679 нафар ба вируси  Covid-19 сироят шудаанд. Танҳо шабонарӯзи гузашта ба ин вирус боз 130 ҳазору 989 нафар мубтало гардиданд.  Аз оғози пандемия дар олам аз коронавируси нав 1 миллиону 149 ҳазору 383 нафар фавтидаанд. Ин манбаъ ҳамчунин аз пурра муолиҷа шудани 31 миллиону 430 ҳазору 288 нафар хабар дод

0
Барчаспҳо:
баста, мактаб, маризӣ, СҶБ
Мавзуҳо:
Пайомадҳои COVID-19 дар Тоҷикистон ва ҷаҳон