Заместитель председателя Согдийской области Азимӣ Зайнура Окилзода

Зайнура Азимӣ: ҳисоботҳои бардуруғ пешниҳод накунед ва ба чашми якдигар хок назанед

1039
(Таҷдидшуда 10:21 27.01.2020)
Зайнура Азимӣ, муовини раиси вилояти Суғд аз масъулини шӯъбаҳои фарҳанги шаҳру ноҳияҳо талаб кард, ки дигар ҳисоботҳои бардурӯғ пешниҳод накунанд

ДУШАНБЕ, 27 янв — Sputnik. Зайнура Азимӣ, муовини раиси вилояти Суғд дар ҷараёни натиҷагирӣ аз фаъолияти яксолаи Раёсати фарҳанг аз сард будани аксар муассисаҳои фарҳангии ҳудуди вилоят дар давраи зимистонгузаронӣ изҳори нигаронӣ кард.

Муовини раиси вилояти Суғд гуфт, ҳолати китобхонаҳо ва клубу хонаҳои фарҳангӣ ба талаботи зимистонгузаронӣ мутобиқат намекунанд, вале масъулини соҳа ҳисобҳои бардурӯғ пешниҳод мекунанд.

Ҷаласаи Ҳукумат: баррасии супоришҳои раисиҷумҳур дар ВМКБ ва зимистонгузаронӣ

“Маълум, ки ҳамаи мудирони шӯъбаи фарҳанг дар шаҳру ноҳияҳо дар фасли зимистонгузаронӣ хариддории ҳезуму ангиштро сад дарсад таъмин накардаанд. Такрор шавад ҳам мегуям ба чашми якдигар хок назанитон. Ягон муассисаи фарҳангӣ имрӯз гарм нест ва танҳо як печи барқӣ мондагӣ тамом. Аксар китобхонаҳо ва хонаҳои фарҳангӣ ҳам ҳамин аҳвол. Лекин шахсони мутасаддӣ дар вақти талаб кардани ҳисобот, нағзакак ҳуҷҷатҳои солҳои гузаштаро нусхабардорӣ карда гирифта мебиёранд, ки гуё ҳамаш хуб аст. Дигар бо ин шева корбарӣ бас аст”, - гуфт Азимӣ.

Бино ба иттилоъи Раёсати фарҳанг, ҳоло дар ҳудуди вилояти Суғд 650 муассисаи фарҳангӣ фаъолият мекунад.

Бахтиёр Қосимов, сардори Раёсати фарҳанг дар Суғд гуфт, соли гузашта ба ҷуз он, ки шуморе аз ин муассисаҳои фарҳангӣ таъмир карда шуданд, ҳамчунин чанде аз иншоотҳои нави фарҳангӣ бунёд ва мавриди баҳрабардорӣ қарор гирифтаанд.

 “Аз ҷумла дар шаҳри Хуҷанд Қасри ҷавонон ба номи Лоиқ Шералӣ, дар ҷамоати деҳоти Ҳайдар Усмнови ноҳияи Б. Ғафуров Қасри фарҳанг бо филиали мактаби санъати баччагона, дар ноҳияи Спитамен Қасри фарҳанг, осорхона, китобхона ва мактаби мусиқӣ, дар ноҳияи Зафаробод Қасри фарҳанг бо ташкили маҳилҳои рассомӣ ва шашкаву шоҳмот, рақс ва боғи фарҳангӣ фароғатии ба номи устод Садриддин Айнӣ бо таоми шароит муҳайё гардида ба истифода дода шуд”, - афзуд Қосимов.

Бино ба иттилоъи расмӣ соли гузашта аз ҳисоби буҷҷаи вилоят барои рушду тақвияти соҳаи фарҳанг 4 милион сомонӣ ҷудо шудааст, ки ин рақам дар муқоиса ба солҳои қаблӣ бештар будааст.

1039
Барчаспҳо:
пешниҳод, бардурӯғ, ҳисобот, масъулин, фарҳанг, муовини раис, Суғд
Выборы в Таджикистане

Вазорат: дар 24 соати гузашта марг бар асари COVID-19 ба қайд гирифта нашуд

75
(Таҷдидшуда 20:02 23.11.2020)
Вазорати тандурустӣ ва ҳифзи иҷтимоии аҳолии Тоҷикистон мегӯяд, шабонарӯзи гузашта ягон ҳолати фавт бар асари коронавирус дар ҷумҳурӣ сабт нашудааст

ДУШАНБЕ, 21 ноя – Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, шабонарӯзи охир дар Тоҷикистон 38 ҳолати нави сирояти COVID-19 ба қайд гирифта шуд.

Маркази матбуоти Вазорати тандурустӣ ва ҳифзи иҷтимоии аҳолӣ афзуд,  дар маҷмӯъ сирояти коронавирус дар муддати аз 30 апрел то 23 ноябр 11 ҳазору 932 ҳолатро ташкил медиҳад.

“Дар як шабонарӯзи охир 41 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11 ҳазору 312 нафар баробар гардид. Бар асари ин беморӣ 86 нафар фавтидаанд”, - омадааст дар иттилоия.

Вазорати тандурустӣ илова намудааст, ки то имрӯз 94,8%-и гирифторон аз коронавирус шифо ёфтаанд.

Таъкид шудааст, ки  Ҳукумати Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

75
Барчаспҳо:
вазоратхона, марг, ҷумҳурӣ, фавт, вируси корона, Тоҷикистон
Молния, архивное фото

Мудири ҳавошиносони Тоҷикистон гуфт, хизматрасониҳо беҳтар мешаванд

136
(Таҷдидшуда 19:55 23.11.2020)
Диловар Дӯстзода, мудири Ожонси обуҳавошиносии Кумитаи ҳифзи муҳити зисти назди Ҳукумати Тоҷикистон мегӯяд, хизматрасонии ин ниҳод беҳтар карда хоҳад шуд

ДУШАНБЕ, 23 ноя – Sputnik. Дӯстзода зимни як ҳамоиш дар Душанбе гуфт, вазъи феълии байналмилалӣ ва тағйироти иқлимии сайёра зарурати ба роҳ мондани хизматрасониҳои ба талаботи муосир ҷавобгӯйро ба миён овардааст.

“Бо дарназардошти ҳолати пешомада хизматрасониҳои навро таҳия намуда, ба ҷонибҳои ҳавасманд пешниҳод менамоем. Зимнан, Ҳукумати мамлакат ба рушди Агентии обуҳавошиносӣ таваҷҷуҳ намуда, сохторҳои марбутаи онро бо таҷҳизоти наву замонавӣ мунтазам таъмин менамояд. Ин ҷиҳат моро водор месозад, ки вобаста ба пешгӯйӣ ва дастрасии маълумоти обуҳавошиносӣ чорабиниҳои заруриро дар сатҳу сифати баланд амалӣ намоем”, - иттилоъ дод нашрияи “Садои мардум” аз қавли Дӯстзода.

Таъкид шудааст, ки дар ҷумҳурӣ гирифтани ҳосили баланди зироат, рушди чорводорӣ, таъмини аҳолӣ бо маҳсулоти ниёзи аввал, ҳамкориҳои дуҷониба бо сохторҳои сайёҳии кишвар, пеш аз ҳама, ба маълумоти саҳеҳ ва саривақтии обу ҳаво марбут мебошад.

Зикр гардидааст, ки таъмини саривақтии маълумоти дақиқи обуҳавошиносӣ сокинонро  аз хавфу хатар сари вақт огоҳ месозад.

136