Бахтиёр Қосимов, сардори Раёсати фарҳанги вилояти Суғд

Сензура не, ин фарҳанг аст: суруду клипҳои “пуч” дигар ба ТВ роҳ дода намешаванд

1684
Суруду клипи овозхонҳое, ки мазмун ва муҳтавояшон паст аст, минбаъ аз тариқи радиову телевизион пешкаши сокинон карда намешаванд

ДУШАНБЕ, 28 янв — Sputnik. Масъулини Раёсати фарҳанг дар вилояти Суғд аз таҳияи низомномаи нави Шӯрои бадеӣ хабар доданд, ки бар асоси он мазмун ва мундариҷаи суруду намоҳанги сарояндаҳоро зери назорати ҷиддӣ қарор дода мешавад.

Бахтиёр Қосимов, сардори Раёсати фарҳанг дар Суғд дар зимни нишасти матбуотӣ гуфт, минбаъд мазмун ва муҳтавои оҳанг ва клипи овозхонҳо пеш аз пахш аз тариқи телевизион ва радио, аз назари масъулони Шӯрои бадеӣ санҷида мешавад.

Расонаҳо дар Тоҷикистон аз Узбакистон озодтаранд

Дар ҳолати мутобиқ намубадан ба талабот ба нашри чунин клипҳо аслан иҷоза дода намешавад.

“Баъзеҳо инро сензура мепиндоранд, не ин маданият аст. Дар ҳамаи мамлакатҳои пешрафта ин чиз ҳаст. Ҳоло Телевизиони вилояти Суғд ба шабакаи моҳвораи пайваст шуд ва онро дар саросари ҷаҳон тамошо мекунанд. Ин фарҳангу маданияти мо аст ва бояд инро овозхонҳо ҳам дарк кунанд”,- гуфт Қосимов.

Сардори Раёсати фарҳанг гуфт, баъди солҳои 90-ум нақши чунин шурои бадеӣ камранг шуд ва аз ин фурсат ҳар кас ба таври худ истифода кард ва ҳар чи хост хонду сапт кард ва онро нашр намуд.

Зайнура Азимӣ, муовини раиси вилояти Суғд ҳам чанде пеш дар зимни баргузории як ҷаласа аз паст будани сатҳу сифати суруду оҳанги овозхонҳо иброз намуд.

“Аз матни суруди шумо аз оҳанги шумо бояд тамошобин маънӣ бигирад. Матни сурудҳо бисёр хароб вақте, ки гуш мекунед, ягон калимаи дурустро пайдо намекунед. Бисёриҳо намедонам он шеърҳои сабукро аз куҷо гирифта оҳанг мебанданд. Ин қадар мо шоирони беҳтарин дорем, ки шеърҳои хуб доранд, вале боз сарояндаҳо ба шеърҳои каммазмун ру меоранд”, - гуфт Азимӣ.

Бахтиёр Қисимов, гуфт низомномаи нави Шӯрои бадеӣ алакай омода шуда, барои тасдиқ пешниҳод шудааст. Дар ҳолати тасдиқ шудан нусхаи он ба тамоми масъулини шуъбаҳои фарҳанг дар шаҳру навоҳии Суғд дастрас карда мешавад.

Шӯрои бадеӣ аз чаҳор бахш аз ҳисобу шоирону нависандагон ва рассомону ҳайкалтарошон иборат буда, минбаъд мазмуни ва моҳияти суруди ҳар як сарояндаро пеш аз пахш шудан аз тариқи телевизион месанҷанд.

1684
Барчаспҳо:
фарҳанг, телевизион, клип, суруд, Тоҷикистон
Работники морга погружают гроб с погибшим от коронавируса, архивное фото

1 фавт ва 43 ҳолати ҷадиди гирифторшави ба коронавирус дар Тоҷикистон: вазорат тасдиқ кард

84
Шабонарӯзи гузашта аз маризии сироятии коронавирус дар Тоҷикистон боз як нафари дигар ҷон супорид. Вазорат низ хабари фавти маризи коронавирусро тасдиқ кард

ДУШАНБЕ, 25 сен - Sputnik. Вазорати тандурустӣ омори як рӯзи ахири гирифторшавӣ, фавт ва шифоёбӣ аз маризии коронавирусро нашр намуд.

Бар хабари котиботи вазорати мазкур, шабонарӯзи гузашта аз ин маризӣ боз як нафар ҷон бохта, ҳамзамон 43 мавриди нави гирифторшавӣ ба қайд гирифта шуд.

Манбаъ меафзояд, дар муддати аз 30 апрел то 26 сентябр шумораи гирифторони коронавируси нав ба 9 605 нафар расид.

Зимнан, аз ин беморӣ то кунун 8385  ё худ 87,3 дарсади гирифторон шифо ёфта, 75 нафар фавтиданд.

"Шабонарӯзи охир 97  нафар гумонбарон зери назорати табибон қарор дошта, 44 нафар баъд аз муолиҷа ба хонаҳояшон рухсат дода шуданд", - таъкид мешавад дар хабари манбаъ.

Феълан Ҳукумати  Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

84
Барчаспҳо:
омор, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Дождь в Душанбе, архивное фото

Ҳушдори ҳавосанҷон аз якбора сард шудани ҳаво дар Тоҷикистон: шамолу тӯфон ва борони сахт

551
(Таҷдидшуда 17:49 26.09.2020)
Сар аз 28 то 30 - юми сентябр ҳаво дар Тоҷикистон ноустувор мешавад. Дар қисмати ҷанубии кишвар тӯфони пурчанг мешавад ва ҳамзамон шамоли сахт ва боронгарии зиёд хоҳад шуд

ДУШАНБЕ, 26 сен — Sputnik. Кумитаи ҳолатҳои фавқулодаи Тоҷикистон аз бад шудани ҳавои Тоҷикистон дар ҳафтаи оянда ҳушдор медиҳад.

Кумитаи мазкур бо такя ба маълумоти Агентии обуҳавошиносони кишвар хабар медиҳад, ки аз 28 то 30-уми сентябри соли равон коҳиши ногаҳонии дамои ҳаво пешбинӣ мешавад.

Дар минтақҳои ҷудогона боронҳои кутоҳмуддат ва дар баъзе ноҳияҳои тобеъи ҷумҳурӣ боришоти пуршиддат дар назар дошта шудааст. Дамои ҳаво рӯзона 6-8 дараҷа коҳиш меёбад, шамоли сахт (то 12-17 м/с) мевазад, дар қисмати ҷанубии кишвар тӯфони пурчанг пешбинӣ мешавад.

Обу ҳаво: эҳтимоли омадани сел дар Ишкошим, Шуғнон ва Ванҷ

Дар ҳамин иртибот Кумитаи ҳолатҳои фавқулода аз аҳолии кишвар хоҳиш мекунад дар чунин рӯзҳо дар роҳандозии корҳои саҳро эҳтиёткор бошанд.

КҲФ ба ронандаҳо ва алоқамандони кӯҳгардӣ, сайёҳони кӯҳгард ёдовар мешавад, ки ҳангоми ҳаракат дар роҳҳои кӯҳӣ ҷиддан қоидаҳои ҳаракат дар роҳҳоро риоя кунанд, ҳамчунин риояи масофа як шарти аслии ҳаракат дар роҳҳои кӯҳист, ки хавфу хатарҳоро кам мекунад.

551
Барчаспҳо:
тӯфон, шамоли сахт, борон, Тоҷикистон