Сохтмони хона, акс аз бойгонӣ

Раиси Хадамоти зиддиинҳисорӣ: дар хонасозӣ монополия нест, нархҳо арзон шудаанд

649
(Таҷдидшуда 14:39 29.01.2020)
Абдулмаҷид Муминзода, раиси Хадамоти зиддиинҳисории Тоҷикистон, мегӯяд, дар бозори хона монополия нест ва нархҳо дар ин бозор тайи солҳои охир поин рафтааст

ДУШАНБЕ, 29 янв — Sputnik. Муминзода имрӯз зимни нишасти матбуотӣ изҳор дошт, ки феълан як метри мураббаи манзилро дар маркази шаҳри Душанбе метавон бо нархи 450 доллар пайдо кард. Дар ҳоле, ки ба гуфтаи ӯ солҳои қабл нархи як метри мураббаи хона то 1200 – 1500 доллари амрикоиро ташкил медод.

“Имрӯз дар маркази шаҳр 450 доллар ва дар гирду атроф то 350 доллар сари ҳар метри мураббаъ пайдо кардан имкон дорад”, - изҳор дошт раиси Хадамоти зиддиинҳисорӣ.

Ӯ вуҷуди монополияро дар бозори сохтмони хонаҳо рад карда, таъкид намуд, ки ба далели ироаи сабукиҳои андозӣ ширкатҳои зиёд ба ин бахш таваҷҷуҳ доранд.

Ба иттилои раиси Хадамоти зиддиинҳисорӣ, андоз аз арзиши иловашуда, ки дар бахшҳои дигар 18 дарсадро ташкил медиҳад, аммо барои бахши сохтмонӣ 5 дарсад муайян шудаст. Муминзода таъкид намуд, ки назорати иҷрои уҳдадориҳои ширкатҳои сохтмонӣ дар назди мизоҷонро, ки вақтҳои охир баҳсбарангез шудаанд, таҳким мебахшанд.

Газ дар хунукӣ қимату дар гармӣ арзон: санҷиши “Газпром” дар Тоҷикистон

Раиси Хадамоти зиддиинҳисорӣ афзуд, дар маҷмуъ изҳор дошт, ки нархи хона ҳам ба арзиши маҳсулоти воридотӣ вобастагӣ дорад. Ӯ гуфт, феълан агар ду намуди маҳсулоти сохтмонӣ дар кишвар тавлид шавад, боқимонда воридотиянд ва бо мурури таъмини маҳсулоти худӣ, ба нархи хонаҳо низ таъсир хоҳад кард.

649
Барчаспҳо:
болоравӣ, хона, нарх, Тоҷикистон
Открытие первого гидроагрегата на Рогунской ГЭС в Таджикистане

"Мо ду агрегати НБО “Роғун”-ро ба кор даровардем": шахси бовариноки Раҳмон чӣ ваъда дод?

7
(Таҷдидшуда 14:45 24.09.2020)
Ахиран шахси бовариноки Эмомалӣ Раҳмон зимни вохурӣ бо интихобкунандагони вилояти Хатлон дар шаҳри Бохтар таъкид дошт, ки президент кишварро аз бунбасти коммуникатсионӣ то дараҷае раҳо кард

ДУШАНБЕ, 24 сен — Sputnik. Абдуҷаббор Азизӣ, муовини Раиси Ҳизби Халқии Демократии Тоҷикистон, шахси бовариноки номзад ба мансаби Президенти Тоҷикистон Эмомалӣ Раҳмон, аз ҳадафҳои барномавии ҳафт соли минбаъдаи ҲХДТ ба ҳозирин иттилоъ дода, таъкид кардааст, ки Раиси ҲХД Тоҷикистон тайи ин солҳо ба дастовардҳои зиёд ноил гардид.

“Ду агрегати НБО “Роғун”-ро ба кор даровардем ва он дар сурати бо иқтидори пурра ба кор даромадан моро ба яке аз ҳадафҳои асосӣ – даст ёфтан ба истиқлолияти энергетикӣ мерасонад. Ҳамчунин, дар ин давра тавонистем, ки мамлакатро аз бунбасти коммуникатсионӣ то дараҷае раҳо бахшем”, – қайд кард номбурда.

Дар ҳамин ҳол,  номзад аз Ҳизби ислоҳоти иқтисодии Тоҷикистон ваъда дод, ки дар оянда дар кишвар бояд бозори коғазҳои қиматнок таъсис ёбад, то маблағҳо дар дохили кишвар ба гардиш дароянд.

“Ҳамзамон, миқдори хоҷагиҳои деҳқониро дар ҷумҳурӣ зиёд карда, шумораи гирандагони субвенсияро коҳиш диҳем. Барои ин ифтитоҳи корхонаҳои нави истеҳсолӣ лозим аст, – иброз дошт Рустам Раҳматзода, номзад аз Ҳизби ислоҳоти иқтисодии Тоҷикистон.

Ин дар ҳолест, ки Зарагул Мирҳасанова, котиби марказии Ҳизби коммунисти Тоҷикистон, аз номи Меъроҷ Абдуллоев, раиси ин ҳизб, барномаи пешазинтихобии ӯро ироа намуд.

Вай афзуд, ҳадафи асосии ҳизб ҳифзи ҳуқуқҳои меҳнаткашон,  пойдор гардондани адолати иҷтимоӣ ва таъмини шароити арзанда барои мардум мебошад, – гуфт ӯ.

Дар охири ҷамъомад номзадҳо аз интихобкунандагон хоҳиш карданд, ки санаи 11-уми октябр ба участкаҳои интихоботӣ биёянд ва барои ояндаи дурахшони кишвар ба номзадҳо овоз диҳанд.

7
Барчаспҳо:
бунбаст, Роғун, Бохтар, Хатлон, Эмомалӣ Раҳмон, Тоҷикистон
Жительница Кулябя , заслуженная труженица Саъбагул Валиева на встрече с президентом

Рӯймол зеби модарони тоҷик аст: тавсифи Раҳмон аз рӯймолбандии зани кӯлобӣ - навор

204
Эмомалӣ Раҳмон дар шаҳри Кӯлоб аснои мулоқот бо фаъолони ин манотиқ, аз тарзи рӯймолбандии як модар, ки назди кишвардор суханронӣ карда буд, тавсиф намуда, гуфт ки ин беҳтарин тарзи бастани рӯймол аст ва он бисёр зебанда аст

ДУШАНБЕ, 24 сен — Sputnik. Кишвардори Тоҷикистон Эмомалӣ Раҳмон, ки бо сафари корӣ дар вилояти Хатлон қарор дорад, аз рӯйи анъана бо фаъолони ин манотиқ сӯҳбати гарм баргузор кард.

Аснои мулоқоти Эмомалӣ Раҳмон бо фаъолони вилояти Кӯлоб, як сокини маҳаллӣ бо номи Саъбагул Валиева, собиқадори меҳнат бо баромадаш ба сарвари давлат муроҷиат намуд.

Валиева аз саҳми занони тоҷик дар пешрафт ва ободонии Тоҷикистон таъкид карда, афзуд ки бонувони тоҷик имрӯз дар баробари мардон, барои тараққиёти давлати тоҷикон саҳми назаррас доранд.

Лаҳзаи суханронии ин зани фаъол дар шабакаи YouTube нашр гардид.

Ба изҳори модари тоҷик, "имрӯз дар тамоми соҳаҳо, саҳми занони тоҷик бараъло ҳувайдост".

Зимнан, кишвардори Тоҷикистон Эмомалӣ Раҳмон низ дар тақвияти ҳарфҳои Валиева илова намуд, ки дар соҳаи маориф 70 дарсади кормандонро занон ташкил медиҳанд.

"Ҳамчунин дар соҳаи тандурустӣ низ 60 фисади кормандон аз занони баруманди тоҷик иборат аст", - афзуд Эмомалӣ Раҳмон.

Шартномаҳо: Раҳмон ҳадафи Рустами Эмомалиро аз сафарҳо гуфт

Пас аз анҷоми суханронии собиқадори меҳнати шаҳри Кӯлоб, Эмомалӣ Раҳмон аз ҷой бархост ва бо изҳори қаноатмандӣ барои ҳарфҳои гуфтаи ӯ каф кӯбид.

Эмомалӣ Раҳмон барои суханони неку тарбиятдиҳанда ба Валиева изҳори миннатдорӣ намуда, тарзи бастани рӯймолашро васф кард.

Ба гуфтаи раисҷумҳур, занони тоҷик бояд айнан ба мисли Валиева рӯймол банданд, зеро ин тарзи бастани рӯймол танҳо хоси занони тоҷик аст.

204
Барчаспҳо:
навор, фаъолон, мулоқот, сафар, Хатлон, Эмомалӣ Раҳмон