Раъно Ҳошимзода, раиси шаҳри Бӯстон

Барканории Гулбаҳор Эмомзода баъди барқарор кардани зарари пулӣ

2256
(Таҷдидшуда 18:28 30.01.2020)
Гулбаҳор Эмомзода, сартабиби шаҳри Бӯстон баъди барқарор кардани беш аз 44 ҳазор сомонӣ зарари расонидааш аз ҷониби вазорати тандурустӣ аз вазифа сабукдуш шудааст

ДУШАНБЕ, 30 янв — Sputnik.  Дар ин бора Раъно Ҳошимзода, раиси шаҳри Бӯстон зимни нишасти матбуотӣ ба рӯзноманигорон хабар дод.

“Ҳоло пеш аз он, ки ман ба ин нишаст ворид шавам оиди аз кор сабукдӯш шудани Гулбаҳор Эмомозода аз вазорати тандурустӣ пешниҳод шудааст. Эмомзода зарари расонидаашро пурра барқарор карда, дар бораи аз кор рафтанаш ариза навиштааст” - гуфт Ҳошимзода.

Нисбати Гулбаҳор Эмомзода, сартабиби Кӯмаки аввалияи тиббию санитарӣ дар шаҳри Бӯстон, дар поёни соли 2018 кормандони милитсия парвандаи ҷиноӣ боз намуда буданд.

Банду басти парванда алайҳи ин масъули соҳаи тандурустӣ дар шаҳри Бӯстон бар асоси моддаи 245 (азонихудкунӣ ё исрофкорӣ) сурат гирифта буд ва гуфта мешуд, ки сартабиб Гулбаҳор Эмомзода дар замони роҳбариаш дар солҳои 2017 ва 2018 аз ваколатҳои хизматиаш берун баромада, дар тасарруф шудани чанд ҳазор сомонӣ сабаб шудааст.

Бино ба тафтишоти анҷомшуда ин сартабиб аз ҷумла ба ҳисоби писараш Ислом Мусохонов, ки ҳанӯз донишҷӯ буд, чанд шиноси дигарашро пеши худ ҳамчун кормандони соҳаи тиб дар бемористонҳои шаҳри Бӯстон ба кор қабул намуда, бо ин роҳ ба онҳо ғайримақсаднок маоши хизматӣ таъин намудааст.

Аз ҷумла дар вақти дар таътил қарор доштани шуморе аз ин кормандон ҳам маҳз бо супориши ӯ маош ҷудо карда шудааст. Моддаи 245 – асноди ҷиноии Тоҷикистон, барои нафари гумонбар то 50 ҳазор сомонӣ ҷарима ва ё то 5 соли маҳрум сохтан аз озодиро пешбинӣ мекунад. Раиси шаҳри Бӯстон гуфт, Эмомозода то навиштани аризаи рафтан аз кор, маблағи зарари расонидаашро пурра барқарор кардааст.

2256
Барчаспҳо:
сабукдуш, Вазорати тандурустӣ, зарар, сомонӣ, барқарорӣ, Бӯстон, ш. Бӯстон

Вазорати тандурустӣ омори тозаи коронавирусро нашр кард

1
То санаи 7 август дар мамлакат 6484 (84,1%) нафар аз бемории COVID-19 шифо ёфта, бар асари он 62 нафар фавтидаанд.

ДУШАНБЕ, 7 авг — Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир 99  нафар гумонбарон зери назорати табибон қарор дошта, 41 нафар баъд аз муолиҷа ба хонаҳояшон рухсат дода шуданд.

Инчунин,  дар як шабонарӯзи охир дар ҷумҳурӣ 41 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ ба  7706  нафар баробар гардид.

Ҳамзамон, то санаи   7 август дар мамлакат  6484  (84,1%) нафар аз бемории COVID-19 шифо ёфта,  бар асари он 62  нафар фавтидаанд.

Коронавирус ба раванди муҳоҷирати меҳнатӣ аз Тоҷикистон чӣ гуна таъсир расонд

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

 

1
Певец Бахром Гафури

"Хона холист, хонаи мо": охирон суруде, ки Баҳром Ғафурӣ натавонист пурра мунташир кунад

215
Ҳамагӣ се рӯз пеш ҳунарманд дар саҳифаи иҷтимоӣ хабар додааст, ки дар тараддуди нашри суруди нав аст. Ӯ дар ин таронаи ғамгинаш аз хонаи холие нола мекунад

ДУШАНБЕ, 7 авг — Sputnik. Имрӯз, 7 август дар пайи як садамаи мудҳиш сарояндаи нотакрор Баҳроми Ғафурӣ даргузашт. Ин хабар ҳазорҳо мухлиси ҳунармандро чи дар дохили Тоҷикистон ва чи дар берун аз он ғамгин кард. Sputnik Тоҷикистон машҳуртарин таронаҳои Баҳром Ғафуриро ба ёд меорад.

Ҳунарманд солҳои 2000-ум бо таронаи "Парешон шудаи ай дил" шӯҳрати беандоза ба даст овард ва вориди шоу-бизнес шуд. 

Ҳамин тавр, таронаҳои Баҳром Ғафурӣ зуд хит мешуданд ва ӯ борҳо дар озмуни "Суруди сол" иштирок намудаву ҷоиза гирифтааст. Суруди "Фариштамоҳ" яке аз онҳост.

Ҳамчунин, овозхон чанд маротиба дар озмуни байналмилалии Big Music Awards  ҳунарнамоӣ кардааст. Ӯ ҷоизаҳои ин озмунро солҳои 2009, 2011 ва 2014 ба даст овардааст.

 

Ҳамагӣ се рӯз пештар Баҳром Ғафурӣ дар саҳиаи Истаграмаш хабар дод, ки дар тараддуди нашри суруди наваш аст. Аммо тақдир ба ӯ даст надод, ки ин таронаро пурра мунташир кунад.

Қисме аз тарона дар саҳифаи иҷтимоии ҳунарманд нашр шудааст.

Ӯ зоҳиран ин таронааро низ ба муҳоҷират бахшидааст. Дар он ҳунарманд аз хонаи холие шикоят мекунад, ки бе нафари наздик мисли зиндон аст.

"Хона холист, хонаи мо, хонаи қашангу зебо, хона холист ҳама сарсон, хона бе ту мисли зиндон", шиква мекунад вай дар тарона.

Посмотреть эту публикацию в Instagram

💫Taraddudi surudhoi nav💫 @bakha84 @hasan_madudov

Публикация от 𝐁𝐀𝐇𝐑𝐎𝐌 𝐆𝐇𝐀𝐅𝐔𝐑𝐈 (@bahrom_ghafuri_official)

Баҳром Ғафурӣ яке аз ситораҳои дурахшони саноъати мусиқии тоҷик тайи 20 соли ахир буд, ки бо услуби хосу садои нотакрор беш аз 10 албомро ҳадяи мухлисонаш кардааст.

Дар миёни мардум албумҳои ӯ “Милоди орзу”, “Ошиқи рӯят” ва “Муҳоҷирбача” маҳбубияти хос доранд. Баҳром Ғафурӣ 29 феврали соли 1976 дар деҳаи Ҳазрати Мавлонои ноҳияи Рӯдакӣ (собиқ Ленин) таваллуд шуда, хатмкардаи факултаи иқтисоди Донишгоҳи миллии Тоҷикистон буд.

215