Муҳаммадюсуф Имомзода, вазири маориф ва илми Тоҷикистон

“Семоҳӣ пахта мечидам, ҳозир академикам”: Вазир дар бораи хатти форсӣ ва “маршировка”-ҳо

4125
(Таҷдидшуда 14:30 31.01.2020)
Муҳаммадюсуф Имомзода, вазири нави маориф ва илми Тоҷикистон, зимни нишасти матбуотӣ назараш дар бораи гузаштан ба хатти форсӣ ва иштироки муҳассилин дар чорабиниҳои давлатӣ, ба истиллоҳ “маршировка”-ҳоро гуфт

ДУШАНБЕ, 31 янв — Sputnik. Имомзода гуфт, масъалаи гузаштан аз хатти кириллӣ ба хатти форсӣ дар миён нест, танҳо дар макотиби миёна ва олӣ соатҳои муайян ин хати ниёкон таълим дода мешавад.

“Ба ин хат мероси ҳазорсолаи мо маҳфуз аст ва ба хотири шахсоне, ки бо ин мерос шинос шудан мехоҳанд, мо ин хатро меомӯзонем. Аммо гапи гузаштан ба ин хат вуҷуд надорад”, - изҳор дошт вазири нави маориф.

Вожаҷӯ – нахустин фарҳанги интернетии форсии тоҷикӣ роҳандозӣ шуд

Ӯ дар мавриди иштироки муҳассилини макотиби олӣ дар маъракаю чорабиниҳо, ба истиллоҳ “маршировка”-ҳо изҳор дошт, ки ҳамчун шаҳрванд, ҳамчун ҷузъи ҷомеа ва давлат ҳама вазифадоранд, дар маъракаҳою ҷашнҳои миллӣ ширкат варзанд. Ӯ таъкид намуд, бо он чорабиниҳое, ки феълан шинос шудааст, ҳама аз дарс берунанд.

"Як гап мегӯям, ҳар сол се моҳ пахта мечидам, имрӯз академик ҳам ҳастам, профессор ҳам ҳастам. Пахтачинӣ ҳам барои ман як мактаби зиндагӣ, мактаби дӯстию рафоқат буд. Он меҳру муҳаббате, ки дар давраи пахтачинӣ бо ҳамкурсҳо пайдо кардем, шояд ягон ҷамъомаду ҳолати дигар мардумро ин қадар муттаҳид накунад", - зикр намуд Имомзода.

Вазири маориф таъкид намуд, кӯшиш хоҳанд кард, ки иштирок дар чорабиниҳо ба раванди дарс ва сифати таълим халал нарасонад.

4125
Барчаспҳо:
нишасти матбуотӣ, донишҷӯён, Тоҷикистон
Выборы в Таджикистане

Вазорат: дар 24 соати гузашта марг бар асари COVID-19 ба қайд гирифта нашуд

28
(Таҷдидшуда 20:02 23.11.2020)
Вазорати тандурустӣ ва ҳифзи иҷтимоии аҳолии Тоҷикистон мегӯяд, шабонарӯзи гузашта ягон ҳолати фавт бар асари коронавирус дар ҷумҳурӣ сабт нашудааст

ДУШАНБЕ, 21 ноя – Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, шабонарӯзи охир дар Тоҷикистон 38 ҳолати нави сирояти COVID-19 ба қайд гирифта шуд.

Маркази матбуоти Вазорати тандурустӣ ва ҳифзи иҷтимоии аҳолӣ афзуд,  дар маҷмӯъ сирояти коронавирус дар муддати аз 30 апрел то 23 ноябр 11 ҳазору 932 ҳолатро ташкил медиҳад.

“Дар як шабонарӯзи охир 41 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11 ҳазору 312 нафар баробар гардид. Бар асари ин беморӣ 86 нафар фавтидаанд”, - омадааст дар иттилоия.

Вазорати тандурустӣ илова намудааст, ки то имрӯз 94,8%-и гирифторон аз коронавирус шифо ёфтаанд.

Таъкид шудааст, ки  Ҳукумати Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

28
Барчаспҳо:
вазоратхона, марг, ҷумҳурӣ, фавт, вируси корона, Тоҷикистон
Молния, архивное фото

Мудири ҳавошиносони Тоҷикистон гуфт, хизматрасониҳо беҳтар мешаванд

39
(Таҷдидшуда 19:55 23.11.2020)
Диловар Дӯстзода, мудири Ожонси обуҳавошиносии Кумитаи ҳифзи муҳити зисти назди Ҳукумати Тоҷикистон мегӯяд, хизматрасонии ин ниҳод беҳтар карда хоҳад шуд

ДУШАНБЕ, 23 ноя – Sputnik. Дӯстзода зимни як ҳамоиш дар Душанбе гуфт, вазъи феълии байналмилалӣ ва тағйироти иқлимии сайёра зарурати ба роҳ мондани хизматрасониҳои ба талаботи муосир ҷавобгӯйро ба миён овардааст.

“Бо дарназардошти ҳолати пешомада хизматрасониҳои навро таҳия намуда, ба ҷонибҳои ҳавасманд пешниҳод менамоем. Зимнан, Ҳукумати мамлакат ба рушди Агентии обуҳавошиносӣ таваҷҷуҳ намуда, сохторҳои марбутаи онро бо таҷҳизоти наву замонавӣ мунтазам таъмин менамояд. Ин ҷиҳат моро водор месозад, ки вобаста ба пешгӯйӣ ва дастрасии маълумоти обуҳавошиносӣ чорабиниҳои заруриро дар сатҳу сифати баланд амалӣ намоем”, - иттилоъ дод нашрияи “Садои мардум” аз қавли Дӯстзода.

Таъкид шудааст, ки дар ҷумҳурӣ гирифтани ҳосили баланди зироат, рушди чорводорӣ, таъмини аҳолӣ бо маҳсулоти ниёзи аввал, ҳамкориҳои дуҷониба бо сохторҳои сайёҳии кишвар, пеш аз ҳама, ба маълумоти саҳеҳ ва саривақтии обу ҳаво марбут мебошад.

Зикр гардидааст, ки таъмини саривақтии маълумоти дақиқи обуҳавошиносӣ сокинонро  аз хавфу хатар сари вақт огоҳ месозад.

39