Рустами Эмомалӣ, раиси шаҳри Душанбе, акс аз бойгонӣ

Худсарӣ: дастури санҷиши ширкати писари Бег Сабур ва таҳдиди бастан

8767
(Таҷдидшуда 22:06 31.01.2020)
Рустами Эмомалӣ, шаҳрдори Душанбе дар пайи гирифтани мактуби Кумитаи меъморӣ ва сохтмон барои санҷиши кори ширкати “Комил 2010”-и Сиёвуш Зуҳуров, писари Бег Сабур, раиси Хадамоти алоқаи Тоҷикистон, дастур додааст

ДУШАНБЕ, 31 янв — Sputnik. Идораи сармеъмори Душанбе иншооти бунёдкардаи ширкати “Комил-2010”-ро санҷида, маводро ба додситонии пойтахт пешниҳод кардааст. Ба иттилои Кумитаи меъморӣ дар кори ширкати “Комил-2010” камбудиҳо ошкор шудаанд.

Эмомалӣ Раҳмон, раисиҷумҳури Тоҷикистон ва Бег Сабур, раиси Хадамоти алоқаи Тоҷикистон, акс аз бойгонӣ
© Официальная страница пресс-службы президента РТ в Facebook.

Ҷамшед Аҳмадзода, раиси Кумитаи меъморӣ ва сохтмони назди Ҳукумати Тоҷикистон, гуфт, феълан ба ширкати “Комил-2010” ҳушдор додаанд, ки дар сурати ислоҳ накардани камбудиҳо дар муҳлати кӯтоҳ, иҷозатномаи ширкат бозхонд карда мешавад.

“Ҳозир Хадамоти давлатии назорат якҷо бо хадамоти иҷозатномадиҳӣ кор бурда истодаанд, ҳар як иншооти ин ширкатро санҷида истодаем. Агар ин корҳо ислоҳ нашаванд дар муддати кӯтоҳ, мо литсензияи “Комил 2010”-ро мегирем”, - изҳор дошт раиси Кумитаи меъморӣ ва сохтмон.

Масъулини Кумитаи меъморӣ камбудиҳои асосии ин ширкатро дар он гуфтанд, ки худсарона бидуни гузаштан аз экспертизаи давлатӣ корҳои сохтмониро оғоз мекардаасту дар рафти сохтмон ошёнаҳои иловагиро зам менамудааст.

“Камбудиҳои асосӣ ин бе лоиҳаи аз экспертизаи давлатӣ гузашта оғози корҳои сохтмонӣ ва дар протсеси сохтмон зиёд кардани ошённокии бино берун аз лоиҳа мебошад”, - изҳор дошт Раҳматилло Табарзода, масъули Кумитаи сохтмон зимни нишасти матбуотӣ.

Ӯ афзуд, ки иншооти ширкати мазкур дар шаҳри Душанбе ва навоҳии дигар таҳти назорат қарор доранд.

“Нисбати объекте, ки дар маҳаллаи Зарафшон аст, мо мактуби расмӣ ба Додситонии кулли Тоҷикистон навиштем. Мактуб ба додситонии шаҳри Душанбе равона шудаст. Дар натиҷаи чорабиниҳое, ки амалӣ кардем, сохтмони ду объект дар Душанбе -  як бинои бисёрошёнаи истиқоматӣ дар Зарафшон, дар назди дармонгоҳи рақами 14 ва бисёрошёнаи дигар дар хиёбони Рӯдакӣ 142 боздошта шуд. Дар шаҳри Кӯлоб низ як чунин объектро манъ кардем, сохтмон дар он ҷо нарафта истодааст”, - изҳор дошт Табарзода.

Ҳукумат иншооти нави махсусан муҳими Тоҷикистонро тасдиқ карду сабукӣ дод-акс

Назари масъулини ширкати "Комил-2010" феълан маълум нест. “Комил -2010”, ки ба номи Сиёвуш Зуҳуров, писари Бег Сабур, раиси Хадамоти алоқаи Тоҷикистон сабти ном шудааст, ахиран дар сархати расонаҳо қарор гирифт. Ба иттилои расонаҳо, Бег Сабур дар идораи давлатӣ ба фурӯш ва ҳалли масоили марбути сохтмонҳои “Комил 2010” машғул мебошад. Худи раиси Хадамоти алоқа ин амалашро талош барои таъмини ниёзмандон бо хона ва коҳиши шиддати иҷтимоӣ арзёбӣ кардааст.

8767
Барчаспҳо:
камбудӣ, сохтмон, Тоҷикистон
Сотрудник милиции проверяет салон маршруток в Душанбе

Пулис сокини 30 - солаи Кӯлобро меҷӯяд: аз чор нафар 1.5 миллион сомонӣ гирифту ғайб зад

273
Кормандони Вазорати умури дохилии Тоҷикистон сокини 30 - солаи Кӯлобро меҷӯянд, ки дар фиреби 4 мард муттаҳам дониста мешавад

ДУШАНБЕ, 11 авг – Sputnik. Аз болои сокини 30 - солаи шаҳри Кӯлоб марди 40 - сола, ки низ аз ҳамин шаҳр мебошад, ба ШВУД дар шаҳри Кӯлоб муроҷиат намуд, хабар медиҳад котиботи ВУД.

Бар тибқи даъвои сокини Кӯлоб, ҷавони 30 - сола соли гузашта ба боварияш даромада аз ӯ 1 миллиону 147 ҳазору 500-сомонӣ гирифта, ғайб задааст.

Зимнан, ин ҷавон бо ҳамин тарзу усул бо роҳи фиреб ба воситаи шахси сеюм ба боварии марди 34 - солаи сокини ҳамин шаҳр даромада, аз ӯ 88 ҳазор сомониро гирифта, барнагардондаст.

Раис аз дасти коргар фиреб хурд: боздошти корманди ширкати “Афзалият-Групп” барои қаллобӣ

Инчунин ӯ бо роҳи фиреб ба воситаи марди 34 - сола ба боварии марди 32 - солаи сокини шаҳри мазкур даромада, аз ӯ 115 ҳазор сомонӣ гирифта, маблағи мазкурро ба эҳтиёҷоти шахсиаш сарф намудааст.

"Боз ӯ бо роҳи фиреб ба боварии марди 30 - солаи сокини ҳамин шаҳр даромада, ба воситаи ӯ аз марди 34 - солаи сокини ҷамоати деҳоти Балхоби ноҳияи Муъминобод, 234 ҳазор сомонӣ, чорвои майдаи шохдор гирифта ба эҳтиёҷоти шахсиаш сарф намудааст", - таъкид мешавад дар хабар.

ВУД Тоҷикистон тавзеҳ медиҳад, ки  дар маҷмӯъ номбурда ба шахсони дар боло зикршуда, маблағи умумии 1 миллиону 584 ҳазору 500  сомонӣ зарари махсусан калони моддӣ расонидааст.

Манбаъ меафзояд, нисбати гумонбаршаванда бо моддаи 247 қисми 4 банди "б"-и Кодекси ҷиноии Тоҷикистон парвандаи ҷиноятӣ оғоз гардида, тафтишот идома дорад.

273
Барчаспҳо:
қаллобӣ, пулис, ҷустуҷӯ, сокин, Кӯлоб
Народный поэт Таджикистана Гулназар Келди

“Худатонро эҳтиёт кунед!” Насиҳати Гулназар Келдӣ аз шифохонаи “Истиқлол”

396
 Гулназар Келдӣ, Шоири халқӣ ва муаллифи Суруди миллии Тоҷикистон бо гумони ибтило ба “вируси корона” ба Маҷмааи тандурустии “Истиқлол” интиқол ёфтааст

 ДУШАНБЕ, 11 авг — Sputnik. Худи шоир дар таъйиди ин хабар ба Sputnik Тоҷикистон гуфт, як рӯзи қабл дарди ногуворе саропои вуҷудашро ларзонд ва наздиконаш маслиҳат донистанд, ки ӯро ба шифохона интиқол диҳанд.

“Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфт Шоири халқии Тоҷикистон.

Гулназар Келдӣ 20 сентябри соли 1945 таваллуд шуда, ба номи худ Ҷоизаи давлатии Тоҷикистон ба номи Абӯабдуллоҳи Рӯдакӣ (1994), Ҷоизаи Комсомоли Тоҷикистон, Ҷоизаи ба номи М. Турсунзода.

Шоири халқии Тоҷикистон (1995) – ро сабт кардааст. Муаллифи матни Cуруди миллии Тоҷикистон мебошад. "Расми сарбозӣ" - нахустин маҷмӯаи шеърҳои ӯ соли 1969 чоп шудааст.

Эълони омори тозаи сироят, фавт ва шифоёбӣ аз коронавирус дар Тоҷикистон

"Дастархон" (1972), "Нордбон" (1975), "Ағба" (1978), "Паҳно" (1981), "Лангар" (1983), "Пайи дарё" (1985), "Чашми нигин" (1988), "Табхола" (1992 г.), “Туву хубиву раъноӣ” маҳсули фаъолияти беш аз нимасраи ӯ мебошанд. Маҷмӯаҳои вай ба забони русӣ бо номи "Звезда Улугбека" (1981) ва "Безымянный родник" (1986) дар нашриёти "Советский писатель" – и Русия ва "Тень тутовника" (1989) дар Душанбе чоп шудаанд. Осори ӯ дар Афғонистону Эрон ва дигар кишварҳо низ ба нашр расидаанд.

396
Президент США Дональд Трамп

Тирпарронӣ ҳангоми суханронии Трамп дар Кохи сафед: ӯ фавран биноро тарк кард - видео

0
Дар Кохи сафед аснои нишасти матбуотӣ Доналд Трамп новобаста аз нотамом мондани ҳарафаш толорро тарк кард

ДУШАНБЕ, 11 авг – Sputnik. Омили асосии берун рафтани кишвардори Амрико Доналд Трамп аз толоре, ки бо хабарнигорон сӯҳбат мекард,тирпарронӣ дар берун аз қасри президент арзёбӣ мешавад.

Дар Телеграмм наворе нашр шудааст, ки яке аз муҳофизони Кохи сафед назди Трамп омада, ба ӯ чизеро гуфт, ки кишвардор баъди ҳарфи ӯ фавран аз толор берун рафт.

Сипас маълум гардид, ки дар беруни бино нафари мусаллаҳ сӯи кормандони мақомоти ҳифзи ҳуқуқ тир кушодаст ва аз тири ҷавобӣ маҳв гардидааст.

манобеи РИА Новости менависад, пас аз маҳв шудани силоҳбадаст, кишвардор дигарбора назди хабарнигорон ҳозир шуд ва нишасти хабарӣ идома ёфт.

 

 

 

 

 

0
Барчаспҳо:
навор, Кохи сафед, тирпарронӣ, Доналд Трамп