Министр образования РТ Имомзода Мухаммадюсуф

Қисмеро мешиносам: вазири маориф дар бораи устодони боздоштшуда ба иттиҳоми "ихвоният"

945
(Таҷдидшуда 17:14 01.02.2020)
Вазири маорифи Тоҷикистон боздошти устодони донишгоҳҳо ба иттиҳоми узвият дар созмони "Бародарони мусулмон" ё "Ихвон-ул-муслимин" – ро таъйид кард

ДУШАНБЕ, 1 фев — Sputnik. Муҳаммадюсуф Имомзода, ки дар нишасти матбуотии ниҳодаш суҳбат мекард, дар ҷамъи хабарнигорон гуфт, маводи марбут ба далоили боздошти устодони донишгоҳҳо дар ихтиёри сохторҳои қудратӣ аст ва ӯ ҳамин қадар маълумот дорад, ки теъдоде аз онҳо боздошт шудаанд.

"Лекин натиҷаи тафтишот ва қарори суд ба мо маълум нест. Аз ин хотир дар бораи касе чизе гуфта наметавонам. Дигар ин, ки вақте дар бораи ин ё он шахс маълумот нест, бисёр бад аст, ки нисбати ӯ дурӯғ гӯӣ ё туҳмат кунӣ. Онҳо айни ҳол гумонбар ҳастанд. Тафтишоти сохторҳои қудратӣ идома дорад. Анҷом ки ёфт, мо аз натиҷаҳояш хабар хоҳем дод", - гуфт вазири маориф.

Қабл аз таъйиди мақомот дар расонаҳои мухталифи дохилу хориҷ аз боздошти устоду донишҷӯёни донишгоҳҳои Тоҷикистон матолиби зиёде пахш шуданд, то ин ки зимни як нишасти матбуотӣ Юсуф Раҳмон, прокурори генералии кишвар боздошти як корманди мақомоти иҷроияи шаҳри Исфара, зиёда аз 20 нафар аз донишгоҳҳои олӣ ва дигар мақомоти ҳукуматро таъйид кард.

Вай гуфт, алайҳи ҳамаи онҳо бо иттиҳоми узвият дар созмони экстремистӣ-террористии "Бародарони мусулмон" парвандаи ҷиноӣ боз шудааст.

"Дар робита бо бақия аъзои ин созмон корҳои фаврӣ – ҷустуҷӯӣ идома доранд. Дар ҳоли ҳозир, муфатишони прокуратура дар ҳамдастӣ бо кормандони мақомоти ҳифзи ҳуқуқ, аз ҷумла вазорати корҳои дохилӣ ва Кумитаи давлатии амнияти миллии Тоҷикистон ин парвандаҳоро таҳти баррасӣ қарор додаанд", - гуфт прокурори генералӣ.

Муҳаммадюсуф Имомзода, ки тоза аз вазифаи ректори Донишгоҳи миллӣ ба курсии вазорати маорифи Тоҷикистон такя задааст, дар бораи шахсияти устодон ва ё донишҷӯёни донишгоҳҳо дақиқ чизе негуфт ва ҳам аз ҳеҷ як нафаре ном набурд, аммо афзуд, бо қисме аз онҳо ошноӣ дошт.

"Як қисмашон аз мактабҳои олӣ ҳастанд. Олимонанд. Онҳоро ҳамчун олим, инсон ва шахсият мешиносам. Масалан, дар Донишгоҳи миллӣ ҳам буданд. Медонам. Гунаҳкор будан набуданашонро муайян кунанд, боз хабар медиҳем", - гуфт ӯ.

Ҳамзамон дар посух ба ин суол, ки "оё дар миёни боздоштшудагон ду шаҳрванди Миср будаанд, ки яке ҳам устоди Донишгоҳи забонҳои Тоҷикистон буда, дар пайи як созишнома миёни вазоратҳои маорифи ду кишвар дар Тоҷикистон кор мекардааст?", - посухи мусбат дод, аммо ҷузъиёти дигареро ба миён нагузошт.

Қаблан ректори Донишгоҳи давлатии тиббии Тоҷикистон низ зимни нишасти матбуотӣ дар шарҳи боздошти донишҷӯёнаш ба иттиҳоми узвият дар созмони террористию экстремистии “Ихвон-ул-муслимин” гуфт, чанд донишҷӯи ин донишгоҳ минҳайси гумонбар таҳти таҳқиқ қарор гирифта, сипас раҳо шудаанд.

Усмонҷон Юсуфӣ: дар ҷомеа қувваҳое пайдо шудаанд, ки мехоҳанд вазъи сиёсиро ноором созанд

"Бино ба таҳлили коршиносони мо ягон донишҷӯямон ба ягон гуруҳ шомил нест. Донишҷӯён пурсида, ҳамашон ҷавоб дода шуданд", - гуфт Маҳмадшоҳ Гулзода.

Тибқи иттилои Прокуратураи генералии Тоҷикистон, то ба ҳол дар кишвар 113 нафар бо иттиҳоми узвият дар созмони мамнӯъи "Ихвон-ул-муслимин" боздошт шудаанд.

945
Барчаспҳо:
Ихвон-ал-муслимин, боздоштшуда, устодони ҳунар, вазири маориф ва илми ҶТ
Гробы умерших от коронавируса, архивное фото

Боз фавт: эълони омори сироят, фавт ва шифоёбӣ аз COVID - 19 дар Тоҷикистон

548
(Таҷдидшуда 19:22 28.10.2020)
Аз аввали ҳамагирии коронавируси навъи COVID - 19 то кунун гирифторони ин беморӣ дар Тоҷикистон ба 10900 нафар баробар шуд, хабар медиҳад Вазорати тандурустӣ

ДУШАНБЕ, 28 окт — Sputnik. Вазорати тандурустии Тоҷикистон омори тозаи сироят, фавт ва шифоёбӣ аз коронавирусро  дар Тоҷикистон эълон кард, ки мувофиқи он боз як шаҳрвани кишвар қурбони ин беморӣ шуд.

Ин ниҳод иттилоъ медиҳад, ки дар шабонарӯзи охир дар ҷумҳурӣ 40 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ дар мамлакат ба  10900 нафар баробар гардид.

Ҳамзамон, дар 24 соати охир 61 нафар пас аз табобат ба хонҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 10070 (92,4%)  баробар гардид.

Таъсир ба наслҳо: табиб оқибатҳои хатарноки коронавирус дар кӯдаконро гуфт

Тибқи иттилои Вазорат дар давоми шабонарӯзи гузашта аз COVID - 19 боз як нафари дигар ҷон бохта, шумораи умумии қурбониёни ин вабои аср ба 82 нафар расид.

Манбаъ афзуда, ки Ҳукумати Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Вазорат аз сокинони кишвар даъват карда, ки ҷиҳати пешгирии сирояти мазкур пеш аз ҳама қоидаҳои беҳдошти шахсиро қатъиян риоя намоянд.

548
Барчаспҳо:
омор, вируси корона, Вазорати тандурустӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Ремесленная ярмарка в Исмаилитском центре в Душанбе

"Made in Tajikistan-2020": намоишгоҳ баргузор мешавад, аммо онлайн

33
(Таҷдидшуда 16:31 28.10.2020)
Ба гуфтаи созмондиҳандагони намоишгоҳ, иштироки ширкатҳо дар он ройгон хоҳад буд, ки ин шумораи содиротро васеъ ва истеъмолкунандагони маҳсулотро дар бозори дохилию хориҷӣ зиёд мекунад

ДУШАНБЕ, 28 окт — Sputnik. Баргузоркунандагони намоишгоҳ эълон карданд, ки "Made in Tajikistan-2020" баргузор мешавад, вале тариқи онлайн.

Намоишгоҳ аз 26 ноябр то 17 декабр доир мешавад.

"Вобаста ба вазъи кунунии иқтисодии ҷаҳон ва инчунин пандемияи COVID-19 тасмим гирифта шудааст, ки баргузории намоишгоҳ тавассути Интернет сурат гирад", - тавзеҳ додаанд аз Палатаи савдо ва саноат ба "Ховар".

Made in Tajikistan: ду медал ба маҳсулоти тоҷикӣ дар намоишгоҳи Маскав

Гуфта мешавад, ҳадафи асосии намоишгоҳ дастгирии соҳибкорон ва содиркунандагони Ҷумҳурии Тоҷикистон дар соли 2020, инчунин дастгирии истеҳсолкунандагони ватанӣ, таблиғи ширкатҳою маҳсулот дар бозорҳои дохилию байналмилалӣ ва афзоиши иқтидори содиротии Тоҷикистон мебошад.

“MADE IN TAJIKISTAN”. Муаррифии маҳсулоти истеҳсоли ватанӣ дар намоишгоҳи байналмилалӣ

Ба гуфтаи созмондиҳандагони намоишгоҳ, иштироки ширкатҳо дар он ройгон хоҳад буд, ки ин шумораи содиротро васеъ ва истеъмолкунандагони маҳсулотро дар бозори дохилию хориҷӣ зиёд мекунад.

33

Вакил гуфт, бекор кардани патент барои муҳоҷирон чӣ пайомад дорад

0
(Таҷдидшуда 20:06 28.10.2020)
Ба гуфти вакил сабукӣ барои муҳоҷирони метавонад вокунииши манфии шаҳрвандони Русияро ба бор орад ва ба амният хатар дошта бошад

ДУШАНБЕ, 28 окт — Sputnik. ВУД Русия пешниҳод карда, ки қонун "Дар бораи вазъи ҳуқуқии шаҳрвандони хориҷӣ дар ФР" ислоҳ карда шавад ва барои бархе аз гурӯҳи муҳоҷирон патент бекор гардад.

Светлана Бессараб, узви Кумитаи Думаи давлатӣ оид ба меҳнат, сиёсати иҷтимоӣ ва собиқадорон, дар суҳбат бо Парламентская газета аз чунин навоварӣ интиқод кард.

Дар Русия барои муҳоҷирони ғайриқонунӣ низ Маркази имдод ифтитоҳ мешавад

"Ман ба чунин ташаббус эҳтиёткорона муносибат мекунам. Тавре таҷриба нишон медиҳад, аз ҷумла дар кишварҳои Урупо, на ҳамеша пур кардани ҷойҳои корие, ки мардуми бумӣ намехоҳад аз ҳисоби муҳоҷирон, хуб аст. Аксар вақт ин амалкард бо амнияти давлатӣ алоқаманд аст". қайд кард Бессараб.

Вакил афзуд, ки чунин навгониҳо барои муҳоҷирони сохтмончӣ метавонад вокунииши манфии шаҳрвандони Русия ва иттифоқҳои касабаро ба бор орад.

Чунин вокуниш махсусан имрӯзҳо, ки сатҳи бекорӣ дар Русия дар ҳоли афзоиш аст, интизоршаванда мебошад.

Ба ширкатҳои бузурги сохтмонӣ иҷозат дода мешавад, муҳоҷиронро аз Тоҷикистон даъват кунанд

Рӯзи 26 октябр Вазорати корҳои дохилии Русия тарҳи ислоҳи қонун "Дар бораи вазъи ҳуқуқии шаҳрвандони хориҷӣ дар Федератсияи Русия" -ро барои муҳокимаи умум нашр кард.

Тибқи ҳуҷҷат, хориҷиён метавонанд бидуни патент ва иҷозатномаи кор дар ширкатҳои байналмилалии Русия кор кунанд: дар сохтани иншооти барои чорабиниҳо зарурӣ пешбинишуда ва ҳангоми омодагӣ ва иштирок дар чунин чорабиниҳо.

Рӯйхати чорабиниҳо, ташкилкунандагон ва лоиҳаҳои сохтмонро ҳукумат муайян мекунад.

0
Барчаспҳо:
муҳоҷирон, хатар, патент, Русия