Иностранные рабочие возвращаются после обеденного перерыва

60 дарсад! Шиддати муҳоҷират паст, аммо муҳоҷирин зиёд шудаанд

548
(Таҷдидшуда 22:26 06.02.2020)
Муовини вазири меҳнат, муҳоҷират ва шуғли аҳолии Тоҷикистон мегӯяд, тайи 10 соли ахир шиддати муҳоҷирати меҳнатӣ аз ин кишвар ба кишварҳои хориҷӣ 60 дарсад коҳиш ёфтааст

ДУШАНБЕ, 5 фев — Sputnik. Нурулло Маҳмадуллозода, ки дар нишасти матбуотии ин ниҳод суҳбат мекард, гуфт, шиддати муҳоҷирати меҳнатӣ аз Тоҷикистон ба кишварҳои хориҷӣ дар қиёс бо соли 2010 дар соли 2019 60 дарсад коҳиш ёфтааст.

Аммо оморе, ки мавсуф пешниҳод кард, бозгӯӣ аз афзоиши муҳоҷирини меҳнатӣ дар соли 2019 дар қиёс бо соли 2018 мекунанд. Бино ба гуфтаи ӯ, соли гузашта 530 ҳазору 883 нафар – 453 ҳазору 870 нафар мард ва 77 ҳазору 013 нафар зан – ба муҳоҷирати меҳнатӣ ба Русия (518 ҳазору 066), Қазоқистон (9 ҳазору 771) ва дигар кишварҳо рафтаанд. Муовини вазир гуфт, рафти муҳоҷирини меҳнатӣ ба хориҷа дар қиёс бо соли 2018 62 ҳазору 680 нафар, ё 13% зиёд шудааст.

Нурулло Маҳмадуллозода мегӯяд, бо ин вуҷуд, шиддати муҳоҷирати меҳнатӣ дар қиёс бо солҳои гузашта, аз ҷумла дар соли 2019 дар қиёс бо соли 2018 60 дарсад коҳиш ёфтааст.

“Соли 2019 аз муҳоҷирати меҳнатӣ 419 ҳазору 150 нафар, ба шумули 75 ҳазору 148 нафар зан, ба ватан баргаштаанд, ки ин 4% дар қиёс бо соли 2018 зиёдтар аст. Ин нишон медиҳад, ки раванди муҳоҷирати шаҳрвандони мо ба хориҷи кишвар хусусияти мавсимӣ ва бозгашт дошта, омили муҳими нигаҳдории тавозуни демографӣ ва вазъи иҷтимоии кишвар маҳсуб меёбад”, - гуфт муовини вазири меҳнат, муҳоҷират ва шуғли аҳолии Тоҷикистон.

548
Барчаспҳо:
хориҷ, хориҷ, муҳоҷирати меҳнатӣ, коҳиш, Русия, муҳоҷират, Тоҷикистон
Офис в здании МИА Россия сегодня в Москве.

Тоҷикистон мехоҳад дуркориро қонунӣ кунад

62
(Таҷдидшуда 16:03 20.10.2020)
Вакилони Маҷлиси намояндагон масъалаи қонунӣ намудани кори фосилавӣ дар ҷумҳуриро баррасӣ намуданд

ДУШАНБЕ, 20 окт — Sputnik. Дар ҷаласаи рӯзи 19 - уми октябр вакилони парлумон лоиҳаи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи мусоидат ба шуғли аҳолӣ" - ро мавриди баррасӣ қарор доданд, хабар медиҳад котиботи Маҷлиси намояндагони МО Тоҷикистон. 

Дар ҷаласа қарор қабул гардид, ки бар асоси он ба як қатор қонунҳо тағйирот ворид гардид.  Аз ҷумла ҷорӣ намудани мафҳуми "кори фосилавӣ" мебошад.

Вобаста ба тағйироти пешниҳодгардида ба моддаи 1 қонуни амалкунанда сархатҳои якум, ҳаштум ва дувоздаҳум, ки фарогири мафҳумҳо оид ба "бекорӣ", "кори мувофиқ" ва "мақомоти ваколатдори давлатӣ дар соҳаи меҳнат ва шуғли аҳолӣ" мебошанд, дар таҳрири нав  баён карда шуда, ҳамзамон сархати нуҳум бо мазмуни "кори фосилавӣ" илова карда шудааст. Ин чунин маъно дорад, ки дар оянда фаъолияти меҳнатии онҳоро Кодекси меҳнати Тоҷикистон муайян мекунад.

Вазъи шадиди COVID - 19 дар Русия: 16 ҳазор мариз ва фавти 179 кас дар як рӯз

Зимнан, дар шаҳри Маскав бар тибқи қарори Сергей Собянин низоми дуркориро тамдид карда шуд.

"Аз 28 сентябр ба сокинони солхӯрдаи шаҳри Маскав ва ашхоси гирифтори бемориҳои музмин хонашинӣ ва ба раҳбарияти ташкилоту корхонаҳо ба низоми дуркорӣ гузаронидани коргарон, тавсия дода мешавад", - таъкид мешуд дар қарори Собянин

Ба гуфти раиси шаҳр, барои баромадан аз хона ягон намуди ҷарима ҷорӣ намешавад. Кортҳои нақлиётии одамони солхӯрда дар нақлиёти ҷамъиятӣ бекор нашуда, варзиши оммавӣ низ иҷоза дода мешавад.

62
Барчаспҳо:
кор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Неделя моды в Душанбе. архивное фото

Атри "Шабнами Сурайё", ки дар Олмон тавлид шуд, дар Тоҷикистон 105 доллар фурӯхта мешавад

307
(Таҷдидшуда 15:20 20.10.2020)
Овозхони саршиноси Тоҷикистон Шабнами Сурайё дар Олмон атреро бо номи худ фармоиш додааст ва ҳоло ин атр тавлид шуда, ба Тоҷикистон барои фурӯш ворид шуд

ДУШАНБЕ, 20 окт — Sputnik. Бобати тавлид шудани ин атр дар Олмон, худи сароянда дар сафҳаи худ дар Инстаграм хабар дод.

Посмотреть эту публикацию в Instagram

Имрӯз рӯзи хос аст! Атри Шабнам охиран ба Душанбе расид. 🤍✨

Публикация от Шабнами Сураё (@shabnamsurayooffiicial)

Шабнами Сурайё дар зери акси худ ва атри фармоишияш навишт, ки "имрӯз рӯзи хос аст! Атри Шабнам охиран ба Душанбе расид".

Ба навишаи Шабнам, тавлиди ин атр ба рӯзи мавлудаш рост омад ва барои ӯ ин беҳтарин ҳадя ба ҳисоб меравад. Шабнам аз заҳмати худ ва гурӯҳаш дар тавлиди ин атр таъкид намуда, гуфт, ки акнун тамоми мухлисони ӯ метавонанд дар Тоҷикистон атри "Shabnam Surayo"- ро дастрас намоянд.

Зимнан, барои фурӯши атри "Shabnam Surayo" дар интернет ҳатто сомонаи махсуси www.ss-beauty.de  сохта шудааст.

Нашри суруди ҷадиди Шабнами Сурайё, аз эҷодиёти Далер Назаров - навори пурра

Бар тибқи нархномае, ки дар сомонаи мазкур гузошта шудааст, арзиши як шиша атр ба 105 доллари амрикоӣ баробар аст.

Овозхони тоҷик мегӯяд, сад харидори аввал бо соядасти ӯ соҳиби атр мешаванд.

Чанде қабл,  Шабнами Сурайё дар сафҳаи худ дар Инстаграм навори соядаст гузоштани худ дар чанд варақаҳо, ки зоҳиран унвонии сад харидори аввали ин атр навишта шудааст, гузошта буд.

Посмотреть эту публикацию в Instagram

Публикация от Шабнами Сураё (@shabnamsurayooffiicial)

307
Барчаспҳо:
Тоҷикистон, Олмон, Шабнами Сурайё