Сотрудники агенства по государственному финансовому надзору и борьбе с коррупцией в РТ

Агентии мубориза бо коррупсия: ягон корманди мо "дузана" нест

3828
(Таҷдидшуда 16:41 11.02.2020)
Алорағми сару садоҳо бобати дузанагии аксар мақомдорони давлатӣ дар ҷомеаи Тоҷикистон, масъулини агентии коррупсия исрор медоранд, ки ягон корманди ин ниҳод дузана нест

ДУШАНБЕ, 11 фев — Sputnik. Шодком Турсунзода, муовини сардори Сарраёсати муқовимат бо коррупсия мегӯяд, ки ягон корманди ин ниҳод зани дуюм надорад.

Турсунзода дар ин бора зимни нишасти хабарӣ, дар ҳузури кормандони ВАО изҳори назар намуд.

Ба гуфтаи ӯ “аснои пур кардани асноди давлатӣ кормандони Агентии коррупсия исми ҳамсарашонро зикр мекунанд. Бар тибқи ин  ҳуҷҷатҳо ҳамаи кормандони агентӣ соҳиби як ҳамсар мебошанд”.

Зимнан, Турсунзода гуфтааст, ки то ҳол ягон зан ба ниҳоди онҳо бо шикоят аз ҳамсари дузанаи худ муроҷиат накардаст ва роҳбарияти ин ниҳод низ ягон зертобеони худро бо ҷурми доштани зани дуввум боздошт накардаст.

Коршинос: дузанагӣ дарди сари мардҳо мешавад

Қобили зикр аст, ки Қонуни ҷиноии Тоҷикистон чандҳамсариро мамнӯъ карда, барои бисёрзанӣ  то панҷоҳ ҳазор сомонӣ ҷарима ва ё то ду сол корҳои ислоҳиро пешбинӣ кардааст.

Ҷомеашиносон мегӯянд, ки дар Тоҷикистон аксаран кормандони давлатӣ, мақомдорону соҳибкорони маъруф соҳиби ду ва ё аз ин ҳам бештар зан мебошанд.

Гузашта аз ин, теъдоди муҳоҷирони меҳнатии дузана низ кам нест. Чанде пеш муовини мудири Бунёди имдоди фарҳанги исломӣ Вячеслав Полосин изҳор намуда буд, ки  ҳарчанд тибқи қонунгузории Русия дузанагӣ мамнӯъ бошад ҳам, бархе аз муҳоҷирон ҳамсари дувум мегиранд. Ба гуфтаи коршинос, мардон бо ин роҳ мехоҳанд аз мушкилие халос шаванд, аммо хато мекунанд.

"Чунончӣ як равоншиноси исломӣ мегӯяд, бештари мардоне, ки ҳамсари дуввум мегиранд, мушкилиҳои равонии худро ҳал карда наметавонанд. Барои ҳамин ҳамсари дуввум мегиранд, ки аз он раҳо ёбанд. Аммо бо ин роҳ, мушкилии онҳо дучанд мешавад",- гуфтааст Палосин дар рафти як мизи мудаввар дар Маскав.
3828
Барчаспҳо:
кормандон, Агентии коррупсия
Хаким Фузайлов. Архивное фото

Ҳаким Фузайлов сармураббии нави "Хуҷанд" таъйин шуд

27
(Таҷдидшуда 09:21 13.07.2020)
Ҳаким Фузайлов, собиқ футбобози машҳур ва мураббии шинохтаи кишвар, сармураббии тими “Хуҷанд”-и Хуҷанд таъйин гардид

ДУШАНБЕ, 13 июл – Sputnik. Тибқи иттилои дафтари матбуотии бошгоҳ, Ҳаким Фузайлов, собиқ сармураббии тими миллии Тоҷикистон  то охири мавсим “Хуҷанд”-ро тамрин хоҳад дод.

Ба иттилои манбаъ, Никол Лазаревич, ки дар аввали сол сармураббии даста таъйин шуда буд, бинобар бастани сарҳадҳои байни кишварҳо бар асари пандемияи ҷаҳонии коронавирус, ба даста кӯмак карда наметавонад.

Манбаъ мегӯяд, Ҳоло Лазаревич дар зодгоҳаш Сербия қарор дорад.

“Мо маҷбур шудем, ки бо сабаби вазъияти ҷаҳонӣ ва алахусус дар тим баамаломада, сари мизи гуфтушунид нишинем. Дар натиҷаи гуфтушунидҳои пурсамар бо ҳайати мураббиёни кунунӣ ва роҳбарияти клуб, ҷонибҳо ба хулосае омаданд, ки даста сармураббии ниёз дорад. Мутаассифона, Никола Лазаревич дар Сербистон аст ва имкони ҳамроҳ шудан ба дастаро бо сабабҳои, ба ҳама маълум, надорад. Мо бо Ҳаким Каюмович ба мувофиқа расидем, ки ӯ дастаро ба мусобиқаҳои дар пешистодаи ватанӣ ва байналмилалӣ омода мекунад ва мӯҳлати шартнома то охири сол эътибор дорад”-гуфт Муроҷон Умаров, директори иҷроияи Хуҷанд.

Фаъолияти мураббигии Фузайлов охири солҳои 90-ум аз роҳбарии бошгоҳи “Бухоро” ва “Динамо”-и Самарқанд оғоз кардааст. Аз соли 2005 то декабри соли 2011 дар “Ростов” ва “Локомотив”-и Маскав мураббии селексионер буд.

Моҳи январи соли 2012 вай ноиби президенти “Локомотив”  Тошканд оид ба масъалаҳои тарбияи бозигарон таъйин карда шуд. Моҳи майи он сол ба ҳайати мураббиён дохил шуд ва баъдан сармураббии даста шуд.

Ӯ ҳамчунин тими миллииТоҷикистон, дасҳои “Истиқлол”, “Куктош” –ро тамрин дода ахиран  аввали моҳи июл ӯ вазифаи сармураббии бошгоҳт “Каганат”-и Қирғизистонро тарк кард.

27
Сомони и доллары, архивное фото

Бонки миллӣ арзиши рубл, доллар ва евроро барои имрӯз эълон кард

55
(Таҷдидшуда 08:27 13.07.2020)
Қурби доллар чи дар бозори ҷаҳон ва чи дар бозори асъори Тоҷикистон боло ва қурби рубл бошад, рӯз то рӯз паст мешавад

ДУШАНБЕ, 13 июл – Sputnik. Бонки миллии Тоҷикистон барои имрӯз дар оғози ҳафтаи навин арзиши асъори хориҷиро нисбат ба пули миллӣ эълом кард

Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1442 сомонӣ  ва дар бозори нақд бошад 0.1460 сомонӣ нишон дода шудааст.
Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз  10.3097 то 10.3100 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 11.6386 то 12. 0500 сомонӣ арзёбӣ кардааст.

Дар бонкҳои дигари кишвар, аз ҷумла “Бонки Эсхата” нишондоди асъор  нисбат ба дигарон каме болотар нишон дода шудааст.

Иқтисодшиносон аз коҳиши арзиши рубл ва гарон шудани доллар ҳушдор медиҳанд

Ин бонк хариду фурӯши 1 рублро имрӯз аз 0,1465 то 0,1490 сомонӣ муқаррар шудааст.

Дар “Спитаменбонк” бошад арзиши 1 рубл аз 0.1450 то 0.1490 ва дар “Алифбонк” бошад 1 рубл аз 0,1450 то 0,1500 сомонӣ нишон дода шудааст.

Бо доллар кор мекунӣ, муҷозот мешавӣ: додгоҳ раиси ширкати “Тоҷикояндасоз”-ро ҷарима кард

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

55
Барчаспҳо:
евро, доллар, сомонӣ, рубл, арзиши асъор, Бонки Миллӣ, Тоҷикистон