Президент Ирана Хасан Роухани и президент Таджикистана Эмомали Рахмон

Эмомалӣ Раҳмон пирӯзии инқилоби исломии Эронро шодбош гуфт

709
(Таҷдидшуда 14:12 12.02.2020)
Эмоммалӣ Раҳмон, раисҷумҳурии Тоҷикистон бо ирсоли паёме ба Ҳасани Рӯҳонӣ, раисҷумҳури Эрон, солрӯзи пирӯзии инқилоби исломиро ба ҳамтои худ табрик гуфт

ДУШАНБЕ, 12 фев — Sputnik. Эмомалӣ Раҳмон дар паёми табрикотиаш ба Ҳасани Руҳонӣ, ки дар сомонаи расмии сафорати Эрон дар Тоҷикистон интишор шудааст, қайд намудааст, ки Тоҷикистон алоқаманд ба густариши ҳар чи бештари равобити дӯстона ва таҳким ва тавсиаи беш аз пеши ҳамкориҳои судманд бо Эрон дар ҷанбаҳои гуногун ва мавриди таваҷҷӯҳи тарафайн мебошад. 

Дар паёми табрики Эмомалӣ Раҳмон омадааст: 

“Доктор Ҳасани Рӯҳонӣ, раисҷумҳурии исломии Эрон! Бо камоли эҳтиром ба ҷаноби олӣ, давлат ва мардум, солгарди ҷашни миллии кишваратонро табрику таҳният мегӯям. Тоҷикистон алоқаманд ба густариши ҳар чи бештари равобити дӯстона ва таҳким ва тавсиаи беш аз пеши ҳамкориҳои судманд бо Эрон дар ҷанбаҳои гуногун ва мавриди таваҷҷӯҳи тарафайн мебошад”.

Раисҷумҳурии Тоҷикистон ҳамчунин изҳори итминон кардааст, бо саъй ва эҳтимоми муштарак, равобит ва муносиботи Тоҷикистон ва Эрон дар оянда низ рушд ёбад ва дар фазои созгорӣ ва ҳусни тафоҳум, ҳусни ният ва эътимод, дар хидмати манофеи мардумони ду кишвар бошад.

Эмомалӣ Раҳмон дар поёни паёми табрики худ ба муносибати 41-умин солгарди ипирӯзии инқилоби исломии Эрон, хитоб ба Ҳасани Рӯҳонӣ гуфтааст:

Барои шумо олиҷаноб, саломатии комил, саодат ва комёбиҳои навин ва барои мардуми бародари Эрон сулҳу субот, пешрафт ва беҳрӯзӣ орзумандам.

709
Барчаспҳо:
табрик, паёми табрикотӣ, паёми табрик, Ҳасан Руҳонӣ, Эмомалӣ Раҳмон, Эрон, Тоҷикистон
Президент Франции Эммануэль Макрон и президент Таджикистана Эмомали Рахмон

Эммануэл Макрон ба Эмомалӣ Раҳмон: "аз шумо хотироти нек дорам"

463
(Таҷдидшуда 20:53 30.10.2020)
Президенти Фаронса Эммануэл Макрон раисиҷумҳури Тоҷикистонро бо аз нав интихоб гардидан ба маснади сарвари давлат муборакбод гуфт

ДУШАНБЕ, 30 окт — Sputnik. Президенти Фаронса Эммануэл Макрон ба унвони раисиҷумҳури Тоҷикистон Эмомалӣ Раҳмон номаи шодбошӣ ирсол кардааст, хабар медиҳад котиботи раисиҷумҳури Тоҷикистон.

Дар нома ин сиёсатмадор аз сафари охирини раисиҷумҳури Тоҷикистон ба Фаронса ёдоварӣ кардааст.

"Ман аз музокироти дар рафти сафари Шумо ба Порис, ки моҳи ноябри соли гузашта баргузор шуда буд, хотироти нек дорам. Тавре ки он вақт таъкид карда будам, ман алоқаманди таъмиқи бештари ҳамкориҳои дуҷониба, бахусус муносибатҳои мо дар соҳаи иқтисод, аз ҷумла дар бахшҳои энергетика ва авиатсия, ки имкониятҳои ҷолиби диққати ширкатҳои ду кишвари моро доранд, ҳастам".

Макрон ҳамчунин талошҳои Эмомалӣ Раҳмонро ҷиҳати таъмини суботи минтақа ва рушди иқтисодиву иҷтимоӣ таъкид кардааст

Дидору мулоқоти Эмомалӣ Раҳмон бо сиёсатмадорони воломақоми Урупо

"Дар баробари ин, ман аз идомаи муколамаи мову шумо доир ба ташаккули таркибии сиғаи минтақавии "5+1", ки Шумо ба он рағбат пайдо карда будед ва аз нигоҳи ман роҳи умедбахши таҳкими муносибатҳои дуҷонибаи мо бо кишвари Шумо ва ҳамсояҳоятон дар Осиёи Марказӣ мебошад, хушҳол хоҳам буд", мегӯяд Макрон.

463
Барчаспҳо:
номаи шодбошӣ, Тоҷикистон, Фаронса, Эммануэл Макрон, Раҳмон
Амнистия заключенных в Согдийской области

Эълони авф дар Тоҷикистон: Раҳмон чанд маҳбусро бахшид?

2694
(Таҷдидшуда 20:40 30.10.2020)
Президенти Тоҷикистон Эмомалӣ Раҳмон имрӯз пас аз маросими савгандёдкунӣ авф эълон карда, беш аз 300 нафарро аз зиндон озод кард

ДУШАНБЕ, 30 окт — Sputnik. Президенти Тоҷикистон Эмомалӣ Раҳмон ба муносибати савгандёдкунӣ авф эълон карда, 378 маҳбусро бахшид.

Бино ба гузориши котиботи раисиҷумҳур, тасмими авфи зиндониён имрӯз бо фармони Президенти кишвар сурат гирифтааст.

Озодӣ бе порадиҳӣ: таъкиди Президент ба пешгирии фасод ҳангоми афв

Гуфта мешавад,  фармони раисиҷумҳур "Дар бораи бахшиши ҷазои шахсоне, ки ба маҳрум сохтан аз озодӣ маҳкум шудаанд" дар асоси принсипҳои инсондӯстона, меҳру шафқат, ғамхорӣ ба оила ва кӯдакону наврасон сурат гирифта, бар асоси он 378 нафар маҳкумшударо бахшида, онҳоро аз адои минбаъдаи ҷазо озод намуд.

Ёдрас мешавем, ки бори охир президенти Тоҷикистон Эмомалӣ Раҳмон моҳи октябри соли 2019 қонуни авфро имзо карда буд.

Он замон 20 ҳазор зиндонӣ бахшида шуда буданд.

2694
Барчаспҳо:
Эмомалӣ Раҳмон, Эмомалӣ Раҳмон, авф, Тоҷикистон