Шерхон Салимзода

Мақомот дигар мухаддирот намехаранд: Салимзода гуфт, чаро гардиши нашъа 2 тон кам шуд

587
(Таҷдидшуда 17:56 15.02.2020)
Генерал Шерхон Салимзода, раиси Ожонси назорати маводи нашъаовари назди раисиҷумҳури Тоҷикистон, мегӯяд мақомоти тоҷик харид ва таҳвили назоратии маводи мухаддирро аз марз бо Афғонистон қатъ кардаанд

ДУШАНБЕ, 15 фев — Sputnik. Мақомоти Тоҷикистон соли гузашта 582 ҷинояти марбуоти мухаддиротро ошкор карда, 1 тону 637,5 кило маводи нашъадорро мусодира намудаанд, ки нисбати соли пешӣ 2 тону 59 кило, ё қариб 2,2 маротиба кам мебошад, хабар дод Салимзода.

Раиси Ожонси назорати маводи нашъадор 5 сабаби 2 баробар дар 1 сол кам шудани мусодираи маводи мухаддирро шарҳ дод.

Далели аввал ба гуфтаи Салимзода таҳкими ҳифзи сарҳади Тоҷикистон дар пайи зуҳури гуруҳҳои террористӣ дар Афғонистон мебошад.

“Муҳофизати сарҳад пурзӯр шуд, чун ба далели афзоиши фишор дар Сурияю Ироқ бисёри гуруҳҳои террористию экстремистӣ дар Афғонистон ҷой гирифтаанд”, - изҳор дошт раиси Ожонс.

Сад саркардаи нашъаҷаллобон дар зиндону 7 дар ҷустуҷӯ

Далели дигар ба гуфтаи Салимзода даст кашидани мақомоти Тоҷикистон аз хариду таҳвили назоратии маводи мухаддир аз минтақаҳои наздисарҳадӣ мебошад. Ӯ шарҳ надод, ки чаро мақомот ин ду намуди амалиётро дигар намегузаронанд.

“Мо аз ин ду намуди амалиёти оперативӣ даст кашидем. Минбаъд дар хатти сарҳадӣ мо харидории оперативӣ ва таҳвили назоратшаванда намекунем”, - таъкид намуд Салимзода.

Ӯ ҳамчунин иттилоъ дод, ки феълан ҳудуди 100 саркардаи нашъаҷаллобон дар зиндон ва 7 нафар таҳти пайгарданду  имкони машғул шудан ба нашъаҷаллобиро надоранд.  Салимзода тавзеҳ дод, ки тайи се соли охир 32 гуруҳи муташаккили нашъаҷаллоб ошкор гардида, 67 саркарда ва узви фаъоли нашхаҷаллоб дар дохили Тоҷикистону 33 нафар дар хориҷ бо мусоидати мақомоти тоҷик зиндонӣ шуданд.

Таҳкими ҳамкориҳои байналмилалиро раиси Ожонси назорати маводи нашъаовар сабаби дигари камшавии гардиши маводи мухаддир гуфт.

587
Барчаспҳо:
боздошт, мухаддир, Шерхон Салимзода, Тоҷикистон
Работа инвестиционной компании, архивное фото

Рушди иқтисод коҳиш ёфт: коронавирус ба соҳаҳои иқтисоди миллӣ таъсир расонд

4
(Таҷдидшуда 16:02 03.08.2020)
Вазири рушди иқтисод ва савдои Тоҷикистон иттилоъ дод, ки ҳаҷми маҷмӯи маҳсулоти дохилӣ дар шашмоҳаи якуми соли равон 32,4 млрд. сомонӣ ва рушди воқеии он 3,5 фоизро ташкил дод, ки нисбат ба ҳамин давраи соли гузашта 4 банди фоизӣ кам аст

ДУШАНБЕ, 3 авг — Sputnik. Завқӣ Завқизода, вазири рушди иқтисод ва савдои Тоҷикистон, имрӯз зимни нишасти матбуотӣ таъкид кард, ки таҳлили натиҷаҳои рушди иҷтимоию иқтисодӣ дар нимсолаи якум нишон дод, ки пандемияи коронавирус дар ҷаҳон ба соҳаҳои иқтисоди миллӣ низ бетаъсир намонд.

 “Дар шаш моҳи якуми соли 2020 хизматрасонии пулакӣ ба аҳолӣ нисбат ба ҳамин давраи соли гузашта 14 фоиз, дар ҳаҷми умумии тақрибан 2 миллиард сомонӣ коҳиш ёфт”, - афзуд Завқизода.

Вазири иқтисод зикр кард, ки дар ин давра хизматрасонии пулакӣ, аз ҷумла дар меҳмонхонаҳо 45,3 фоиз, тарабхонаҳо 17,3 фоиз, мусофиркашонӣ 8,7 фоиз, аз ҷумла бо нақлиёти ҳавоӣ 57,8 фоиз ва роҳи оҳан 21,4 фоиз, гардиши савдо 5,2 фоиз, маблағгузорӣ ба сармояи асосӣ 4,6 фоиз, аз ҳисоби манбаъҳои хориҷӣ 26 фоиз, воридот 4 фоиз ва боркашонӣ 3,3 фоиз, бахусус бо нақлиёти ҳавоӣ 38 фоиз коҳиш ёфтанд.

Завқӣ Завқизода, илова кард, ки нархи ҷаҳонии пахта ба санаи 27 июли соли равон нисбат ба аввали сол 197 доллар ва алюминий 104 доллар паст шуд, ки ин ба ҳаҷми содирот бетаъсир намемонад.

Инчунин вай қайд кард, ки дар давраи ҳисоботӣ ҳаҷми воридот аз давлатҳои ҳамшарики асосии тиҷоратӣ, ба монанди Чин 18,3 фоиз, Туркия 22,2 фоиз, Япония 43 фоиз, Украина 52,3 фоиз, Эрон 11,7 фоиз кам гардид, ки сохтори онро таҷҳизоти технологӣ, ашёи хом барои саноати коркард, мошинолот ва дигар маҳсулоти зарурӣ ташкил медиҳад.

“Ҳарчанд ки пайомадҳои иқтисодии пандемияи коронавирус ба соҳаҳои иқтисоди миллӣ эҳсос мешавад, вале бо мақсади кам кардани таъсири хавфҳои эҳтимолии COVID-19 силсилаи тадбирҳо роҳандозӣ гардида истодаанд”, - гуфт вазири иқтисод.

Ҳамзамон Завқӣ Завқизода, афзуд, ки оид ба пешгирӣ ва кам намудани таъсири хавфҳои эҳтимолии пандемияи коронавирус ба иқтисоди миллӣ аз 19 марти соли 2020 нақшаи чорабиниҳо тасдиқ гардида, мавриди амал қарор дорад.

4
Барчаспҳо:
маҷмуи маҳсулоти дохилӣ, рушд, миллӣ, иқтисод, вирус, Тоҷикистон
Зрители в кинотеатре

Дар ноҳияи Спитамен кинотеатри замонавӣ сохта мешавад

23
(Таҷдидшуда 15:26 03.08.2020)
Бино аз 7 ошёна иборат буда, дар таҳхонаи он кинотеатри замонавӣ, дар ошёнаи якум нуқтаҳои хизматрасонӣ ва дар ошёнаҳои боқимонда хонаҳои истиқоматӣ ҷойгир мебошад

ДУШАНБЕ, 3 авг — Sputnik. Раиси вилояти Суғд Раҷаббой Аҳмадзода дар ноҳияи Спитамен бо рафти корҳои ободониву созандагӣ ба истиқболи 30-солагии Истиқлолияти давлатии Ҷумҳурии Тоҷикистон ошно шуд, хабар медиҳад хадамоти матбуотии раиси вилоят.

Гуфта мешавад, ки Аҳмадзода сараввал дар Ҷамоати шаҳраки Навкат бо ҷараёни сохтмони бинои баландошёнаи истиқоматӣ бо нуқтаҳои хизматрасонӣ ва кинотеатри замонавӣ ошно шудааст.

"Иншооти мазкур дар доираи омодагиҳо ба ҷашни 30 – солагии Истиқлолияти давлатии Ҷумҳурии Тоҷикистон аз ҷониби кооперативи “Гулрез” сохта шуда истодааст. Масоҳати умумии сохтмон 1000 метри мураббаъро ташкил медиҳад", - омадааст дар хабарнома.

Тибқи иттилои манбаъ, бинои сохташаванда тибқи лоиҳа аз 7 ошёна иборат буда, дар таҳхонаи он кинотеатри замонавӣ, дар ошёнаи якум нуқтаҳои хизматрасонӣ ва дар ошёнаҳои боқимонда хонаҳои истиқоматӣ ҷойгир мебошад.

Филм барои +18 ё поинтар: тағйири қонуни Тоҷикистон “Дар бораи кино”

Мувофиқи харҷномаи пешакӣ арзиши умумии сохтмон зиёда аз 7 миллион сомониро ташкил мекунад. Корҳои сохтмониро бунёдкорони ҶДММ “Книал” бар дӯш дорад.

Раиси вилоят ҳангоми шиносоӣ барои бо сифати баланд ба итмом расонидани корҳои сохтмонӣ ва ободонии атрофи иншоот ба масъулин супоришҳо додааст.

23
Барчаспҳо:
рушду ободонӣ, Раҷаббой Аҳмадзода, Суғд, Спитамен