Тест-системы для диагностики нового коронавируса

Дар Русия зимни ташхиси иловагӣ аз шаҳрванди Тоҷикистон “Коронавирус” ошкор нашуд

1085
(Таҷдидшуда 16:35 19.02.2020)
Дар ташхиси охир барои ошкор намудани “Коронавирус” аз нафароне, ки аз Чин ба истироҳатгоҳи Тюмени Русия интиқол дода шудаанд, нишонаи вирус ошкор нагардидааст

ДУШАНБЕ, 19 фев — Sputnik. Ҳамаи шаҳрвандони Русия ва кишварҳои ИДМ, ки аз Чин бароварда шуданд нишонаи сироят ба коронавирус надоранд, иттилоъ додааст хабаргузории РИА Новости дар истинод ба роҳбари департаменти вилоятии тандурустӣ Инна Куликова.

“Охирин натиҷаҳои ташхисҳо аз Маркази илмии Навосибирски Русия роҷеъ ба сироёти “коронавирус”  дар даст дорем. ҳамаи нафароне, ки аз Чин ба Тюмени Русия бароварда шуданд, солим ҳастанд”, - гуфт Куликова.

Вай инчунин қайд кард, ки натиҷаҳои ташхиси шаҳрванди Тоҷикистон ва дигар шаҳрвандони кишварҳои ИДМ, ки аз Ухани Чин бароварда шудаанд, манфӣ баромаданд ва онҳо гирифтори коронавирус нашудаанд.  

Роҳбари департаменти тандурустии Тюмени Русия таъкид кардааст, ки бағоҷу либосҳои шахсии нафарони беруноварда зери карантин қарор доранд. Либосҳои шахсии онҳо баъд аз анҷом ёфтани карантин ба онҳо супорида мешавад.

Ёдрас мешавем, ки 5 феврали соли равон шаҳрвандони Русия ва кишварҳои ҳамсуд аз Чин ба минтақаи Тюмени Русия бароварда шуданд. Ба хотири паҳн наёфтани “коронавирус” ҳамаи нафароне, ки аз Чин бароварда шуданд зери карантин қарор дода шудаанд. Карантин рӯзи 19 феврал ба анҷом мерасад.

1085
Барчаспҳо:
ошкор, Русия, Тюмен, шаҳрванди Тоҷикистон, Чин, вирус, Тоҷикистон
Джамолиддин Абдуллозода, министр здравоохранения и социальной защиты Таджикистан

Ҷаласаи ситоди COVID-19: вазири тандурустӣ чӣ гуфт?

0
Дар нишасти ситод вазири тандурустӣ Ҷамолиддин Абдуллозода, муовинононаш Саида Умарзода, Азиз Одиназода, Мирҳамуддин Камолзода, Шодихон Ҷамшед, сардорони хадамот ва раёсатҳои зерсохтори вазорат иштирок намуданд

ДУШАНБЕ, 1  июн — Sputnik. Вазорати тандурустии Тоҷикистон аз нишасти навбатии Ситоди ҷумҳуриявӣ оид ба пешгирӣ аз паҳншавӣ ва интиқоли сирояти коронавируси нави COVID-19 дар Ҷумҳурии Тоҷикистон хабар додааст.

Дар нишасти ситоди Вазорати тандурустӣ вазъи бемории КОВИД-19 дар Тоҷикистон таҳлил гардад.

Дар он вазири тандурустӣ Ҷамолиддин Абдуллозода, муовинони вазир Саида Умарзода, Азиз Одиназода, Мирҳамуддин Камолзода,  Шодихон Ҷамшед, сардорони хадамот ва раёсатҳои зерсохтори вазорат иштирок намуданд.

"Ҷамолиддин Абдуллозода таваҷҷуҳи иштирокчиёни ҷаласаро ба рафти иҷрои дастуру супоришҳои президент  Эмомалӣ Раҳмон, ки 20 майи соли ҷорӣ зимни вохурӣ бо кормандону роҳбарони муассисаҳои тандурустӣ пешниҳод намуданд, ҷалб намуд", - таъкид мекунад манбаъ.

Ҳамзамон, дар ҷаласа масъалаҳои назорати беморони гирифтори КОВИД-19, пурзӯр намудани фаъолияти шабонарӯзии марказҳои саломатӣ, таъмини беморхонаҳо  бо маводҳои доруворӣ ва назорати қатъии тақсимоти маводҳои доруворӣ ва дигар масъалаҳо мавриди баррасӣ қарор дода шуданд.

Дар анҷоми ҷаласа Вазири тандурустӣ ва ҳифзи иҷтимоии аҳолии  Ҷумҳурии Тоҷикистон Ҷамолиддин Абдуллозода ҷиҳати боз ҳам беҳтар намудани хизматрасонии тиббӣ ба сардорони хадамот ва раёсатҳои зерсохтори вазоарт дастуру супоришҳои мушаххас дод.

Вазир шабона ба беморхонаҳо меравад: Абдуллозода ба гирифторони коронавирус худаш занг зад

 

 

0
Таджикская милиция объясняет душанбинцам как вести себя во время самоизаляции

Масофаи иҷтимоӣ ва истифодаи ниқоб: корҳои фаҳмондадиҳии милисаҳо дар Душанбе

24
(Таҷдидшуда 13:00 01.06.2020)
Милитсияи пойтахт дар байни шаҳрвандон оид ба риояи масофаи иҷтимоӣ, ниқоби тиббӣ ва бемаврид ба куча набаромадан корҳои фаҳмондадиҳӣ гузаронида, ҳолатҳои зиёди риоя нагардидани қоидаҳои аз ҷониби Ситоди Ҷумҳуриявӣ муқарарраргардидаро ошкор намуданд

ДУШАНБЕ, 1 июн – Sputnik. Тибқи дастуру супоришҳои роҳбарияти Раёсати ВКД дар шаҳри Душанбе нозирони минтақавии минлитсия пойтахт дар  минтақаҳои хизматии худ бо аҳолӣ ва сокинони маҳаллаҳову биноҳои баландошёна, боғу гулгашт, дукону мағозаҳои ҳуроки умум ва дигар ҷойҳои ҷамъиятӣ ҷиҳати пешгирӣ аз сироятёбӣ ба бемории ҳамагири коронавирус корҳои фаҳмондадиҳиро ба роҳ мондаанд.

Бино ба гузориши Раёсати Вазорати корҳои дохилӣ дар шаҳри Душанбе, нозирони минтақавии милитсияи пойтахт дар байни шаҳрвандон оид ба риояи қоидаҳои беҳдоштӣ, риояи масофаи иҷтимоӣ, истифодаи ниқоби муҳофизатии тиббӣ ва бемаврид ба куча набаромадан корҳои фаҳмондадиҳӣ гузаронида, ҳолатҳои зиёди риоя нагардидани Қоидаҳои аз ҷониби Ситоди Ҷумҳуриявӣ муқарарраргардидаро ошкор намуданд.

"Дар ҷараёни ин чорабиниҳои профилактикӣ мушоҳида гардидаааст, ки дар баъзе аз боғу гулгашт ва маҳаллаҳои истиқоматӣ шаҳрвандон ба одитарин қоидаҳои беҳдоштӣ аз ҷумла масофаи иҷтимоиро риоя накарда, ҳамзамон аз ниқоби тиббӣ истифода намебаранд", - омадааст дар хбаранома.

Гуфта мешавад, ки ҳама муқаррарот ва тавсияи мутахассисони соҳа танҳо барои эмин нигоҳ доштани саломатии шаҳрвандон нигаронида шудаанд. Аз ин лиҳоз ҳамагонро мебояд ин қоидаҳои пешбинишударо ба таври қатъӣ риоя намоянд.

Тибқи иттилои манбаъ, нозирони минтақавии милитсия дар ҷараёни мулоқт бо шаҳрвандон иброз доштанд, дар ин марҳилаи басо муҳим ҳамагонро мебояд беш аз пеш аз тавсия ва маслиҳати мутахассисон кор гирифта, бетарфӣ ва бемасъулиятиро канор гузорем, зеро саломатӣ ин неъмати бебаҳо буда, ҳифзи он аз ҳар як нафар вобастагии калон дорад.

"Дар ин марҳала саҳми фаъолони ҷомеа, махсусан раисони маҳаллаву Дружиначиёни ихтиёрии милитсия, ки дар бари кормандони мақомоти корҳои дохилӣ фаъолият мекунанд бисёр назаррас мебошад".

Бояд қайд намуд, ки ҳамарӯза аз ҳисоби нозирони минтақавӣ ва Дружиначиёни ихтиёрии милитсия дар тамоми боғу гулгаштҳои фарҳангӣ – фароғатӣ ва ҷойҳои ҷамъиятии шаҳри Душанбе гурӯҳҳои патрулӣ хизматбарӣ намуда, пеши роҳи амалу кирдорҳои номатлубро мегиранд.

Ин аст, ки дар маконҳои ҷамъиятӣ махсусан боғу гулгаштҳои пойтахт ҳолатҳои вайрон намудани тартиботи ҷамъиятӣ, поймол кардани сабзазору гулгаштҳо ва хароб сохтани дигар таҷҳизотҳои ороишӣ кам ба назар расида, бо гаштугузор намудани гурӯҳҳои патрулӣ чунин амалҳо пешгирӣ карда шуда, ободиву шукуфоии пойтахт нигоҳ дошта мешавад.

24
Барчаспҳо:
вируси нав, қоидавайронкунӣ, Душанбе
Мавзуҳо:
Пайомадҳои COVID-19 дар Тоҷикистон ва ҷаҳон