Поезд в Таджикистане, архивное фото

Эълони имтиёзҳои зиёд ба соҳибкорон аз ҷониби роҳи оҳани Тоҷикистон дар минтақаи Хатлон

172
(Таҷдидшуда 15:12 20.02.2020)
Дар вилояти Хатлон 13-истгоҳи роҳи оҳан мавҷуд буда, аз таъмири умумӣ бароварда шуда барои содирот ва воридоти тамоми намуди борҳо ва қабулу гусели мусофирон омода карда шудааст

ДУШАНБЕ, 20 фев — Sputnik. Бино бар иттилои дафтаи матбуоти ҳукумати вилояти Хатлон, КВД “Роҳи оҳани Тоҷикистон” дар минтақаи Хатлон як қатор иқдомҳоро барои  интиқоли саривақтии маҳсулоти кишоварзӣ амалӣ намудааст.

Ҳамзамон манбаъ қайд кардааст, ки бо мақсади дастгири ва ҳавасмандсозии кишоварзону тоҷирони шаҳру ноҳияҳои вилоят барои зиёд намудани ҳаҷми боркашони тавассути роҳи оҳани минтақаи Хатлон - Амузанг, КВД “Роҳи оҳани Тоҷикистон" сабукиҳои имтиёзнок барои соҳибкорон ва интиқолдиҳандагон пешниҳод намудааст.

Чин ба Тоҷикистон барои сохтмони роҳи оҳан 72 миллион қарз медиҳад

“Ҳамасола КВД “Роҳи оҳани Тоҷикистон" бар зарари худ ҳам бошад бо мақсади мусоидат барои афзоиши содироти маҳсулоти кишоварзӣ сабукиҳои имтиёзнок барои соҳибкорон ва интиқолдиҳандагон пешниҳод мегардонад. Манбаъ қайд намудааст, ки барои кашонидани семент аз истгоҳи Ёвон то истгоҳи Амузанг тавассути нимвагон 50 дарсад, вагони болопуш 40 дарсад, ва барои интиқоли пиёз ва маҳсулотҳои кишоварзии зудвайроншаванда аз хамаи истгоҳҳои вилоят 60 дарсад сабукиҳо пешниҳод шудааст”, - таъкид намудааст мақомоти вилояти Хатлон.

Инчунин манбаъ қайд намудааст, ки барои ҷалби соҳибкорону ширкатҳои ватанӣ барои ҳама намуди борҳои аз минтақаи Хатлон интиқолшаванда 40 дарсад сабукиҳо пешниҳод шудааст.

Ҳамзамон манбаъ хабар додааст, ки барои кашонидани хокаи клинкер аз истгоҳи Ёвон то истгоҳи Ҷ. Балхи 70 дарсад сабукӣ дода шудааст.

Мақомоти вилояти Хатлон ҳамчунин зикр кардааст, ки роҳбарияти роҳи оҳани Тоҷикистон барои зиёд намудани содироту воридоти ҳама намуди борҳо ба минтақаи Хатлон, бо роҳи оҳани дигар давлатҳо як қатор вохуриҳои дуҷониба анҷом дода дар натиҷа чанд сабукиҳои дигар пешниҳод шудааст.

“Барои интиқоли борҳои транзитие, ки тавассути қаламрави Ӯзбекистон мегузаранд барои ҳама намуди бор дар вагонҳои инвентари 40 дарсад, ва дар вагонҳои шахси 35 дарсад сабукиҳо пешниҳод шудааст”, - хабар додааст манбаъ.

172
Барчаспҳо:
мусофир, имтиёз, имтиёзҳо, мусофирон, воридот, содирот, таъмир, роҳи оҳан, Хатлон, Тоҷикистон
Пробирка с тестом на коронавирус

Нури лазерӣ: Ғуломов дар бораи усули нави табобати COVID - 19, ки дар худ санҷидааст

61
(Таҷдидшуда 16:02 05.06.2020)
Мудири шуъбаи ҷарроҳии МД "Ёрии таъҷилии тиббӣ"-и шаҳри Душанбе Лоиқ Ғуломов мегӯяд, нури лазерӣ ба тезондани табобати бемории "COVID-19" ёрӣ мерасонад

ДУШАНБЕ, 5 июн – Sputnik. Мудири шуъбаи ҷарроҳии МД "Ёрии таъҷилии тиббӣ"-и шаҳри Душанбе Лоиқ Ғуломов дар мусоҳибаи бо сармуҳаррири МД "Маҷаллаи Фирўза" Саодат Ҳайдарзода, ки Вазорати фарҳанг нашр кардааст, дар бораи усули нави табобати коронавирус дар Тоҷикистон нақл мекунад.

Вазъи имрӯзаи каронавирус дар Тоҷикистон

Ба гуфти пизишк, хушбахтона, сустшавии авҷи ин беморӣ ҳам дар Тоҷикистон ва ҳам дар як қатор мамолики хориҷӣ ба назар мерасад. Дар ҳафтаҳои охир муроҷиати одамон ба муассисаҳои тандурустӣ то андозае кам шуда истодааст ва фавт ҳам хеле кам ба назар мерасад.

Ғуломов ҳолати табобати маризони коронавирусро дар МД "Ёрии таъҷилии тиббӣ"-и шаҳри Душанбе шарҳ дод.

Ӯ мегӯяд, бемороне, ки ба "COVID-19" гирифтор шудаанд, ҳамзамон метавонанд ба бемории дигар узвҳои ковокии батн гирифтор шаванд. Дар беморхонаи «Ёрии таъҷилӣ»-и тиббии шаҳри Душанбе барои пешгирӣ ва табобат кардани ин беморон ҳуҷраҳои алоҳида ҷудо карда шуда, табибону ҳамшираҳо бо либосҳои яккарата ва доруворӣ таъмин мебошанд. Ягон фарқияте дар табобати онҳо дида намешаванд ва ягон хусусияти махсус ҳам надорад ба ғайр аз чораҳои пешгирикунанда.

Барои ҳамин тавсия додан мумкин аст, ки ҳам табибон ва ҳам аҳли байти бемор бояд ба таҳлука дода нашаванд. Наҳаросида метавонанд хабар гиранд. Танҳо бо истифода аз либосҳои махсус, ниқоб ва ғайраҳо.

Нури лазерӣ

Ба гуфти пизишк, тибби муосир якчан усулҳои пешгирӣ ва табобати ин бемориро исбот кардааст ва ба роҳ мондааст. Аммо новобаста аз ин дар тиб усулҳое ҳаст, гарчанде, ки кашф шуда бошанд ҳам айни ҳол маъмул истифода бурда намешаванд. Яке аз онҳо ин табобати лазерӣ мебошад.

Табобати лазерӣ ба тамоми табибон маълум аст, ки он хусусиятҳои зеринро дорост:

  • Ҳуҷайраҳое, ки доим бар зидди вирусҳою бактерияҳо муқовимат нишон медиҳанд. Ин ситокинҳо ва интерферонҳо мебошанд ва гузаронидани табобати лазерӣ ин усулро метезонад.
  • Дар хун ҳуҷайраҳое ҳаст, ки бо номи фагоситҳо машҳуранд. Ин фагоситҳо дилхоҳ ҷисми бегонаро дар хун несту нобуд месозад ва барои фаъол сохтани он табобати лазерӣ лозим аст.
  • Барои пешгирӣ ва табобати бемории «COVID-19» пурқувватии организм нақши муҳим мебозад. Бо ин мақсад мо бояд гардиши хунро хуб кунем. Ба тамоми табибон маълум аст, ки гузаронидани табобати лазерӣ макро ва микросиркулятсия дорад ва он гардиши хунро дар бофтаҳо хуб мегардонад. Агар мо лазератерапияро истифода барем, гардиши хуни ин беморон ва ё шахсоне, ки ба бемории музмин гирифторанд ва гардиши хунашон суст аст, онро фаъол гардонем, ин гуна шахсон ба ин беморӣ мубтало намегарданд.
  • Сабаби фавти чунин беморон ин бештар лахташавии хун мебошад. Барои он, ки хун лахта нашавад, мо бояд дору истифода кунем ва ё метавонем дар шароити имрўза табобати лазерӣ гирем. Зеро вақте, ки гардиши хун хуб мешавад лахташавии хун муътадил мегардад. Дар ин ҳолат одам намефавтад.

Лазератерапияро чӣ тавр мегузаронанд?

Ғуломов мегӯяд, табобати лазератерапия бениҳоят осон аст ва гуфтан мумкин аст, ки нисбати дигар усулҳое, ки истифода бурда шудааст ин натиҷабахш аст. Дастгоҳи махсус ҳаст, ки дар он нурҳои лазерӣ ҷой карда мешавад ва ба воситаи ҳамин дастгоҳ ин нур ба воситаи сўзандору вориди ҷисми бемор гардонда мешавад ва дар муддати аз 2 то 5 дақиқа бемор табобатро қабул мекунад ва нурҳои лазерӣ ба воситаи ҷараёни хун ба тамоми организм таъсири худро мерасонад.

Хуб аст, ки ин усулро 5 маротиба, яъне 1 рўз пас, давоми 10 рўз табобат кунанд. Мо медонем, ки ҳамин дастгоҳ қариб дар тамоми муассисаҳо, алалхусус, дар муассисаҳои тандурустии шаҳри азизамон Душанбе мавҷуд аст. Лекин ҳамчун усули пешгирикунанда нисбати бемории «COVID-19» ва ин усули табобат дар марҳилаҳои аввал гуфта метавонам, ки айни замон танҳо дар Беморхонаи «Ёрии таъҷилӣ»-и шаҳри Душанбе ба таври васеъ истифода бурда шуда истодааст. Ва натиҷабахш ҳам ҳаст.

Шахсан худам ва якчанд нафар хамкасбон бо мақсади пешгирӣ ҳамин усулро дар худ истифода бурдем. Баъди пурра боварӣ ҳосил кардан дар бадани якчанд бемор низ истифода намудем. Хушбахтона, ягон нафар аз онҳое, ки ҳамин табобатро гирифтаанд, дучори бемории COVID-19 нашудаанд. Айни ҳол тақрибан ду ё се моҳ гузаштааст аз ин таҷриба ва барои хулоса баровардан каме бармаҳал аст.

Табобати лазерӣ ба бемороне, ки аллакай дучори ин беморианд, ёрӣ мерасонад?

Ғуломов мегӯяд, дар марҳилаҳои аввали табобати гирифторони коронавирус, истифода бурдани табобати лазерӣ имкон дорад. Чунки норасогии узвҳо ба таври ҷиддӣ ба назар намерасад. Хуб мешавад, ки истифода кунанд. Табобати лазерӣ ҳамчун усули пешгирикунанда ва ҳамчун усули табобаткунанда дар ҳамин беморон бениҳоят қулай аст.

Пизишк мегӯяд муттассифона чунин усул дар дигар муассисаҳои табобатӣ истифода намешавад.

"Гарчанде, ки ин усул дар тиб кашф шуда бошад, ҳам истифодаи васеи худро дар тиббӣ муосир наёфтааст. Тавсияи мо ҳам ҳамин аст, ки ин усул маъмултар истифода бурда шавад. Табобати лазерӣ як қисмати рисолаи номзадии илмии ман мебошад, ки ҳоло рафта истодааст. Табобати лазерӣ дар одамоне, ки мубталои санги талхадон ҳастанду бинобар сабаби бисёр бемориҳои ҳамрадиф доштан, беҳисгардонӣ (наркоз) карда намешаванд".

Дар марҳилаи аввал дар зери назорати ташхиси ултрасадоӣ талхадони онҳо сабуктар мегардад ва барои пурқувват шудани системаҳои организм табобати лазерӣ мегузаронем ва онҳо қувват пайдо мекунанд, ки барои беҳисгардонидан бардошт кунанд.

Дар марҳилаи дуюм ҷарроҳӣ мегузаронем. Агар дар марҳилаҳои ниҳоӣ норасогии нафас ба назар нарасад зери дастгоҳи сунъӣ будан дигар муҳим нест. Чунки норасогии дил дар он вақт ба назар мерасад. Дар марҳилаи декампитсионӣ, норасогии ҷигар ба назар мерасад, ки дар ин маврид ҳам мумкин нест", - шарҳ медиҳад Ғуломов.

Табиби тоҷик мегӯяд, одамоне, ки бемории пеллагра, бемориҳои музмин дар марҳилаҳои ниҳонӣ, одамони гирифтори васкулити геморригӣ дар марҳилаи ниҳоӣ, гирифторони серози ҷигар дар марҳилаи ниҳоӣ, норасогии кори гурдаҳо дар марҳилаи ниҳоӣ доранд, наметавонанд бо усули нури лазерӣ табобат шаванд.

Табиб мегӯяд, дар Тоҷикистон хушбахтона тамоми чораҳои бартарафкунанда гузаронида шуд ва айни замон барои пешгирии шахсоне, ки ба ин беморӣ дучор шудаанд, имкон аст, ки ба табобати пурраву мукаммал фаро гирифта шудааст.

Чунин беморон аслан дорувории зиддивирусӣ, зиддимикробӣ ва табобати индивидуалии худро қабул мекунанд ва аз рӯи тақсимот бемороне, ки сабук ҳастанд, метавонанд дар хона табобат гиранд ва бемороне, ки норасогиҳои узвҳо доранд, ҳатман табобати статсионарӣ, (беморхона) табобат мегиранд.

61
Мавзуҳо:
Пайомадҳои COVID-19 дар Тоҷикистон ва ҷаҳон
Скорая помощь

Ҷаримаи ронандаҳои “Ренҷ Ровер”, “Тайёта” ва ...: ба мошини ёрии таъҷилӣ роҳ надодаанд

106
Раёсати Вазорати корҳои дохилии Тоҷикистон оид ба нақлиёт дар Душанбе ронандаҳое, ки ба нақлиёти ёрии таъҷилӣ роҳ намедиҳанд ҷарима хоҳад кард

ДУШАНБЕ, 5  июн — Sputnik. Дар Тоҷикистон ба ҷаримаи соҳибони мошинҳое, ки сари вақт ба нақлиёти ёрии таъҷилӣ роҳ намедиҳанд, оғоз кардаанд, хабар медиҳад шабакаи телевизиони Тоҷикистон.

Ба иттилои манбаъ, танҳо давоми як санҷиш дар масофаи 15 киллометир 43 ҳолат ба қайд гирифта шудааст, ки автомобилҳои шахсӣ, мусофиркашҳо, микроавтобусҳои оддии ҷамъиятӣ ва ҳатто нақлиёти хидматӣ ба садои ёрии таъҷилӣ ва чароғакҳои равшани он тамоман аҳамият намедиҳанд.

Гуфта мешавад,  бо шарофати сабтҳои камераҳои назорати видеоӣ, Раёсати ВКД дар Душанбе тавонист тамоми ронандаҳое, ки ба чунин амал даст задаанд пайдо кардааст, ки миёнашон ронандаҳои худравҳои “Ренҷ Ровер”, “Тайёта”, “Мерседес” низ будаанд.

Барои ҳар як ронанда протокол тартиб дода шуд ва барои вайрон кардани қоидаҳои ҳаракат дар роҳ ҷарима ситонида шуд.

Қайд мешавад, ки ҳангоми сафарҳои таъҷилӣ, кормандони гуруҳи ёрии таъҷилӣ тамоми таҷҳизоти огоҳӣ, аз ҷумла чароғаки кабуд ва садоро (сигнал) истифода мекунанд, аммо ҳатто баъзан ин ба духтурон имкон намедиҳад, ки ба зудӣ ба ҷойи даъватшуда бирасанд.

Тибқи гузориш қоидаҳо на танҳо дар роҳҳо ва ҳатто дар назди биноҳои истиқоматӣ вайрон мешавад, ки сокинон дар назди дари биноҳо нақлиёти худро гузоштаанд, ки ворид шуданро душвор месозад.

Дар робита ба ин, Вазорати корҳои дохилӣ аз тамоми сокинони шаҳр хоҳиш менамояд, ки ба сигналҳои ёрии таъҷилӣ бодиққат бошанд ва ба гузариши бригада монеа нашаванд, зеро ин метавонад ба ҳаёти инсон арзиш дошта бошад.

Роҳбарияти Вазорати корҳои дохилии Тоҷикистон дар пайтахт аз ҳама ронандагон даъват кардааст, ки тамоми қоидаҳои роҳро риоя намоянд ва ба ҳаркати бемамониати нақлиёти ёрии таъҷилии тиббӣ халал нарасонанд.

 

 

106