Председатель ГБАО Ёдгор Файзов

Файзов дар бораи рекорди ҷавонони ВМКБ ва эътимод ба Қувваҳои Мусаллаҳ

937
(Таҷдидшуда 10:08 23.02.2020)
Ёдгор Файзов мегӯяд, Қувваҳои Мусаллаҳ амнияту оромии мамлакатро таъмин карда метавонанд ва қодиранд, аз ҳама гуна таҳдид ва хавфу хатар ба истиқлолияти кишвар, сулҳу субот, осудаҳолии халқ ҷилавгирӣ намоянд

ДУШАНБЕ, 23 фев — Sputnik. Раиси Вилояти Мухтори Кӯҳистони Бадахшон Ёдгор Файзов ба ифтихори 27 – умин солгарди таъсиси Қувваҳои Мусаллаҳи Ҷумҳурии Тоҷикистон номаи табрикотӣ ирсон кардааст.

Чуноне хадамоти матббуотии ВМКБ хабар медиҳад, Файзов ин ҷашнро дорои аҳамияти хоса гуфта, Қувваҳои Мусаллаҳро кафолатбахши осудагиву амнияти кишвар ва мардум хондааст.

"Имрӯз мо мутмаин ҳастем, ки Қувваҳои Мусаллаҳи Ҷумҳурии Тоҷикистон амнияту оромии мамлакатро таъмин карда метавонанд ва қодиранд, ки аз ҳама гуна таҳдид ва хавфу хатар ба истиқлолияти кишвар, сулҳу субот, осудаҳолии халқ ҷилавгирӣ намоянд", - бовар дорад раиси ВМКБ.

Файзов аз аввали солҳои 90 – уми асри гузашта ёдрас шуда мегӯяд, вақте ТОҷикистон ба истиқлолият соҳиб шуд, нахустин иқдоми Эмомалӣ Раҳмон ин таъсиси Қувваҳои Мусаллаҳ буд, зеро вазифаи истиқлолиятро ҳифз намудан маҳз бар дӯши ин сохтори қудратист.

"Дар он рӯзҳои сангин барои миллат, Эмомалӣ Раҳмон ин корро аз сифир оғоз кард, чунки он шабу руз на маблағе дар буҷа вуҷуд дошт, на мутахассиси соҳа ва на ягон базаи модди аз давлати Шӯравӣ мерос монд. Президент худ меъмори таъсис ва ташкили Қувваҳои Мусаллаҳи Ҷумҳурии Тоҷикистон мебошанд", - гуфтааст Файзов.

Ӯ афзуда, ки бо гузашти 27 сол ва ғамхории бевоситаи роҳбарияти Олии мамлакат ва иродаи матини ҷавонони Ватан заминаи моддию техникии Қувваҳои Мусаллаҳ хеле таҳким ёфта, омодагии ҷисмонию касбии афсарону сарбозони мо ба маротиб афзуд. 

Ёдгор Файзов хизмат ба Ватанро аз муҳимтарин ва муқаддастарин вазифаи маънавии ҷавонон хонд. Ӯ мегӯяд, ҷавонони Вилояти Мухтори Кухистони Бадахшон аз он ифтихор доранд, ки таҳти солҳои охир вилоят аввалин шуда дар рӯзҳои камшумортарини рекорди аз иҷрои нақшаи сафарбаркунии ҷавонон ба сафи Қувваҳои Мусаллаҳи Ҷумҳурии Тоҷикистон мужда мерасонад.

"Хизмат дар сафи нерӯҳои ҳарбии кишвар худ як мактаби мардонагию шуҷоат, ватандорию худшиносӣ ва фидокорӣ буда, дар тарбияи ҷавонон нақши муҳим мебозад. Ҳифзи Ватан, ҳимояи дастовардҳои Истиқлолият вазифаи муқаддаси ҳар як шаҳрванди кишвар аст, ки дар ин кор наврасону ҷавонон нақши пешсафӣ дошта, пешгоми ҳамагон мебошанд".

Дар охир Файзов, ҳамаи афсарону сарбозонро бо рӯзи таъсисёбии Қувваҳои Мусаллаҳи Ҷумҳурии Тоҷикистон муборакбод намуда барояшон, барояшон сиҳатӣ, хотири хуш, дар пешбурди вазифаи муқаддас – ҳимояи Ватан ва таъмини амният пирӯзиву комгориҳо таманно кардааст.

937
Барчаспҳо:
Қувваҳои мусаллаҳи ҶТ, ВМКБ
Национальный банк Таджикистана

Бонки миллӣ арзиши рублу доллар ва евроро нисбат ба сомонӣ барои имрӯз эълон кард

40
(Таҷдидшуда 01:06 01.03.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз аввали ҳафтаи равон эълон кард

ДУШАНБЕ, 1 мар— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1507 сомонӣ нишон дода шудааст.

Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3045 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро 13.6897 то 13.9000 сомонӣ арзёбӣ кардааст. Харидуфурӯши 1 рублро бошад, Бонки миллӣ имрӯз дар бозори нақди кишвар аз 0.1507 то 0.1555 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" харидуфурӯши 1 рублро имрӯз аз 0,1510- 0,1535 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1510 то 0.1540 ва дар "Алифбонк", 1 рубл аз 0,1500 то 0,1555 сомонӣ нишон дода шудааст.

Чаро қурби сомонӣ паст мешавад? Шарҳи намояндаи Бонки миллӣ

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

 

40
Горы в  Таджикистане, архивное фото

Қарорҳои Ҳукумат барои тағйири номҳо: аз номи нави фурудгоҳи Хоруғ то қуллаи Боми Ҷаҳон

1021
(Таҷдидшуда 22:03 28.02.2021)
Ҳукумати ҷумҳурии Тоҷикистон бо қабули як қатор қарорҳо пешниҳоди вакилони маҳаллиро барои тағйири номи муассисаҳо ва мавзеъҳои ҷуғрофӣ дар ВМКБ ҷонибдорӣ кардааст

ДУШАНБЕ, 28 фев – Sputnik. Қарорҳои Ҳукумати Тоҷикистон дар бораи номгузориҳои ҷадид зимни Маҷлиси вакилони халқи ВМКБ қироат карда шуданд.

Тибқи иттилои котиботи ҳукумати ВМКБ, фурудгоҳи шаҳри Хоруғ ба номи собиқ сардори фурудгоҳи мазкур, корманди шоистаи авиатсия ва нақлиёти ҷумҳурӣ, Махсутшоев Дилдорбек гузошта шуд.

Ҳукумати Тоҷикистон инчунин қарори Маҷлиси вакилони халқи ноҳияи Ишкошимро дар бораи тағйир додани номи қуллаи Комсомоли Украина ҷонибдорӣ намудааст. Номи нави ин қулла Боми Ҷаҳон мебошад.

Инчунин Ҳукумат қарори маҷлиси вакилони халқи ноҳияи Дарвоз дар бораи номгузорӣ намудани мактаби №39-и деҳаи Пастироҳи ноҳияи Дарвоз ба номи Сафаров Сафар ва мактаби № 23 –и деҳаи Жаки ноҳияи Дарвоз ба номи Исломов Садриддинро тасдиқ кардааст.

Маҷлиси вакилони халқи ВМКБ дар бораи номгузориҳои ҷадид қарорҳои дахлдорро қабул намудааст.

1021
Барчаспҳо:
Хоруғ, фурудгоҳ, Тоҷикистон