Урна для голосования-выборы парламента 2020

Натиҷаҳои қаблии интихоботи парлумонӣ имрӯз пас аз нисфирӯзӣ эълон мешавад

451
(Таҷдидшуда 12:29 02.03.2020)
Натиҷаи қаблии интихоботи вакилони Маҷлиси намояндагони Маҷлиси Олии Ҷумҳурии Тоҷикистон имрӯз, 2 марти соли равон пас аз нисфирӯзӣ, эълон карда мешавад

ДУШАНБЕ, 2 мар — Sputnik. Комиссияи марказии интихобот ва раъйпурсии Тоҷикистон иттилоъ додааст, ки интихоботи навбатии вакилонии Маҷлиси намояндагони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ бо иштироки фаъолонаи интихобкунандагон аз соати 6-и субҳ то 20:00  шаффоф ва ошкоро гузашт.

“Иштироки озодонаи интихобкунандагон ва ширкати 236 мушоҳидони байналмилалӣ аз ИДМ, Ассамблеяи байнипарлумонии ИДМ, СҲШ, Дафтари ниҳодҳои демократӣ ва ҳуқуқи САҲА, Комиссияи интихоботии дигар давлатҳо, сафоратхонаҳои давлатҳои хориҷии муқими Тоҷикистон ва 4910 мушоҳидони миллӣ дар раванди интихобот далели ин гуфтаҳо мебошад”, – зикр кард Раиси КМИР Бахтиёр Худоёрзода.

Номбурда таъкид доштааст, ки соати 20:00 овоздиҳӣ ба охир расид ва Комиссияи участкавӣ ба ҳисоби овозҳои интихобкунандагон шурӯъ кард. Натиҷаи ин ҷамъбаст бо протоколи комиссияи участкавӣ ба расмият дароварда мешавад ва ба ҳавзаҳои якмандатии интихоботии дахлдор пешниҳод мегардад.

Бино ба маълумоти КМИР, дар ҷараёни овоздиҳии интихобкунандагон ягон арзу шикоят ва муроҷиат ворид нашудааст.

Ёдовар мешавем, ки то соати 09:00 дар саросари мамлакат 1 миллиону 150 ҳазору 37 нафар ё 23,4 дарсад, то соати 12:00 дар миқёси ҷумҳурӣ 2 миллиону 323 ҳазору 516 нафар ё 47,1 дарсад ва то соати 15:00 3 миллиону 703 ҳазору  969 нафар ё 75,1 дарсад интихобкунандагон дар интихобот иштирок кардан два интихобот дар  Тоҷикистон баргузоргашта эълон шуд.

451
Барчаспҳо:
парлумон, натиҷа, вакилон, интихобот, Тоҷикистон
Президент Таджикистана Эмомали Рахмон

Президент барои оилаҳои муҳоҷирон кӯмакпулӣ ҷудо кард: боз киҳо ва чандпулӣ мегиранд?

304
(Таҷдидшуда 13:32 05.06.2020)
Тибқи фармони раисҷумҳур аз ҳисоби маблағҳои захиравии буҷети давлатӣ ва ғайрибуҷетӣ ба наздикони муҳоҷироне, ки бесаробон мондаанд, кӯмакпулӣ дода мешавад. Дар ин дастури президент чанд гурӯҳи дигаре номбар шудаанд, ки аз кӯмаки давлат бархурдор хоҳанд шуд

ДУШАНБЕ, 5 июн — Sputnik. Эмомалӣ Раҳмон, раисҷумҳури Тоҷикистон имрӯз, 5 июн фармонеро ба имзо расонида дастур додааст, ки ба як гурӯҳ сокинони ҷумҳурӣ бино бар вазъи баамаломада дар пайи пандемияи коронавирус кӯмакпулӣ расонида мешавад.

Бино бар фармони президент, кӯмакпулӣ яквақта ва ба ҳаҷми як маоши ҳадди ақал аз ҳисоби буҷаи давлатӣ ва ғайридавлатӣ дода хоҳад шуд.

Киҳо ва чандпулӣ мегиранд?

"Ба гурӯҳҳои осебпазири аҳолӣ, аз ҷумла ба иштирокчиёни Ҷанги Бузурги Ватании солҳои 1941-1945, шаҳрвандоне, ки нафақаи иҷтимоӣ мегиранд, маъюбон, кӯдакони ятиму бесаробон, оилаҳои камбизоат, оилаҳои бесаробонмондаи муҳоҷирони меҳнатӣ кӯмакпулӣ расонида шавад", - омадааст дар фармони президент.

Музди ҳадди ақал дар Тоҷикистон ба 400 сомонӣ баробар аст.

Як дастури дигар ба Ҳукумат

Тибқи ҳамин фармон, раиси Ҳукумати Тоҷикистон Эмомалӣ Раҳмон ба Ҳукумат дастур додааст, ки нигоҳубини шаҳрвандони таҳти муоинаи тиббӣ қарордошта ва шаҳрвандонеро, ки аз бемории СOVID-19 сироят ёфтаанд, аз ҳисоби маблағҳои мақсаднок пешбинишудаи буҷети давлатӣ ва ғайрибуҷетӣ ройгон анҷом дода шавад.

Вазири тандурустӣ таъкид кард, табобати беморони вируси корона комилан ройгон аст

Ҳамзамон, то ба эътидол омадани вазъ аз ҳисоби маблағҳои захиравии буҷети давлатӣ ва ғайрибуҷетӣ ба музди меҳнати вазифавии кормандони соҳаи тиб, ки бевосита ба ташхис ва табобати беморони сирояти СOVID-19 ҷалб мешаванд, иловапулӣ пешбинӣ ва пардохт карда шавад.

304
Здание Национального банка Таджикистана, архивное фото

Бонки миллӣ арзиши рубл, доллар ва евроро барои имрӯз эълон кард

192
(Таҷдидшуда 12:48 05.06.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз ҷумъа охири ҳафтаи равон эълон кард

ДУШАНБЕ, 4 июн — Sputnik.  Тибқи нишондоди Бонки миллии Тоҷикистон арзиши 1 рубли русӣ 0.1480 ва дар бозори нақдии кишвар 0.1550 сомонӣ арзиш дорад.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз 10.2793 то 10.2900 сомонӣ арзёбӣ кардааст.

Бонки миллӣ қурби миёнаи фурӯши 1 евроро аз 11.5570 то 11.7000 сомонӣ арзёбӣ кардааст. Тибқи нишондоди Бонки миллии Тоҷикистон арзиши 1 рубли русӣ дар муассиcаҳои ташкилоти қарзии Тоҷикистон аз 0.1480 то 0.1550 сомонӣ арзиш дорад.

Пешбинии коршинос: арзиши доллар тобистон поён мераваду рубл боло

Ҳамин тавр, Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 10.2793 сомонӣ, 1 евро – 11.5570 сомонӣ ва 1 рубли русӣ — 0.1480 сомонӣ.

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, боиси ба ҷавобгарии маъмурӣ ва ҷиноятӣ кашидан мегардад".

192
Барчаспҳо:
қурби асъор, арзиши рубли русӣ, Бонки Миллӣ, Тоҷикистон
Сотрудники МЧС РФ проводят дезинфекцию

Собянин гуфт, кай карантинаи Маскав қатъ мешавад

0
(Таҷдидшуда 13:20 05.06.2020)
Шаҳрдори Русия Сергей Собянин қатъ гардидани карантина дар ҳамаи бахшҳои зиндагии мардуми Маскавро шарҳ дод

ДУШАНБЕ, 5 июн — Sputnik. Мири шаҳри Маскав Сергей Собянин дар суҳбат бо шабакаи "Россия" гуфт, ҳамаи чораҳои маҳдудкунанда дар бахшҳои зиндагии бошандагони Маскав то 1 июли соли ҷорӣ бардошта хоҳад шуд.

"Марҳила ба марҳила то 1 июл ҳамагуна маҳдудиятҳое, ки имрӯз ҷорӣ аст, бардошта мешавад", - гуфт ӯ.

Ба гуфти Собянин реҷаи бардошта шудани маҳдудияти марҳилавӣ то рӯзи 8 июн маълум мешавад.

Шаҳрдори Маскав мегӯяд, тақрибан пас аз ду-се ҳафта, беморхонаҳои шаҳр ба реҷаи муқаррарии корӣ мегузаранд ва ба беморон хизмат мекунанд. 

Ӯ ҳамчунин иттилоъ дод, ки дар ояндаи наздик беморхонаҳои касбӣ маризони коронавирусро табобат хоҳанд кард. Дар баробари ин беморхонаҳои муваққатӣ фаъол хоҳанд буд.

Тибқи иттилои ситоди фаврӣ, то 4 июни соли равон дар Русия 441 ҳазор кас гирифтори коронавирус шудаанд.

Собянин: корхонаҳои саноатию сохтмонҳо кушода шаванду аҳолӣ дар хона монад

Теъдоди бештарини маризон дар Маскав - 190 ҳазор кас - сабт шудааст.

 

Дар баробари ин суръати афзоиши гирифторӣ ба ин беморӣ дар Маскав паст шудааст.

0
Барчаспҳо:
вируси нав, Сергей Собянин, Маскав
Мавзуҳо:
Пайомадҳои COVID-19 дар Тоҷикистон ва ҷаҳон