“Набиё!” манъи вуруди шаҳрванди 35 кишвар ба Тоҷикистон, ба ҷуз Чин

2101
(Таҷдидшуда 01:00 03.03.2020)
Тоҷикистон вуруди шаҳрвандони 35 кишвари ҷаҳон ба Тоҷикистонро манъ кард. Теъдоди ин кишварҳо шояд боз афзояд

ДУШАНБЕ, 3 март — Sputnik. Агентии ҳавонавардии Тоҷикистон зимни ирсоли барқия аз ширкатҳои дохиливу хориҷии ҳавонавардӣ тақозо кардааст, ки аз интиқоли шаҳрвандони 35 кишвари ҷаҳон ба Тоҷикистон худдорӣ кунанд.

Азиз Набизода, муовини раиси Агентӣ ба Sputnik Тоҷикистон гуфт, ин тасмим бо дастуру супоришҳои ҳукумат ва машварат бо идораҳои зирабти Тоҷикистон гирифта шудааст. Вай афзуд, ширкатҳо бояд аз интиқоли шаҳрвандони кишварҳое, ки дар онҳо “вируси тоҷдор” ё “коронавирус” дар ҳоли густариш аст, худдорӣ кунанд.

“Аз ширкатҳои ҳавонавардӣ хостем, ки ба онҳо чиптаи транзитӣ ё мустақим нафурӯшанд. Агар омаданд, бозпас фиристода хоҳанд шуд. Ширкатҳо муваззафанд пули чиптаҳоро баргардонанд. Аммо шаҳрвандони Тоҷикистон, ки аз ин кишварҳо меоянд, таҳти назорати пизишкӣ гирифта мешаванд. Ин ҳама ба хотири таъмини амнияту сиҳатии шаҳрвандони кишвар ва ҷилавгирӣ аз вуруди “вируси тоҷдор” аз хориҷ аст”, -  гуфт Азиз Набизода.

Феҳристи Агентии ҳавонавардии Тоҷикистон 35 кишвар - Чин, Ҷопон, Кериёи Ҷанубӣ, Ветнам, Сингапур, Австралия, Малайзия, Камбоҷа, Филиппинҳо, Таиланд, Непал, Шри-Ланка, Ҳинд, Финландия, Италия, Британия, Испания, Шветсия, Белгия, Исроил, Австрия, Хорватия, Шветсария, Иёлоти Муттаҳидаи Амрико, Канада, Имороти Муттаҳидаи Араб, Миср, Эрон, Ливан, Кувайт, Баҳрайн, Уммон, Афғонистон, Ироқ ва Алҷазоирро дарбар мегирад.

“Дар ҳоли шуюъ ё густариши ин маризӣ дар кишварҳои дигар ин феҳрист такмил хоҳад шуд”, - гуфт муовини раиси Агентии ҳавонавардии Тоҷикистон.

Даргузашти мақомдори баландпояи Эрон аз коронавирус

Тоҷикистон то ба ин дам парвози тайёраҳо дар хатсайри се кишвар – Чин, Эрон ва Афғонистонро қатъ карда буд.

Дар ҳамин ҳол, бо он вуҷуд ки дар феҳристи Агентии ҳавонавардии Тоҷикистон шаҳрвандони Чин низ шомил шудаанд, вазорати тандурустии Тоҷикистон мегӯяд, дари Тоҷикистон барои мутахассисони ин кишвар боз аст.

Мирҳамуддин Камолзода, муовини вазири тандурустӣ ва ҳифзи иҷтимоии аҳолии Тоҷикистон мегӯяд, субҳи 2 март ҳудуди 20 шаҳрванди Чин вориди Тоҷикистон шуданд ва таҳти қарантина қарор гирифтанд.

“Инҳо мутахассисони чинӣ ҳастанд, ки бо дархости идораҳои зидахли Тоҷикистон вориди кишвар шудаанд. Аммо онҳо ҳатман 14 рӯз таҳти назорати пизишкие, ки ба тавсияи Созмони ҷаҳонии тандурустӣ роҳандозӣ мешавад, қарор хоҳанд гирифт”, - гуфт Мирҳамуддин Камолзода.

2101
Барчаспҳо:
теъдод, вуруд, кишвар, манъ, вирус, Тоҷикистон
Люди в масках в городе

Эълони омори тозаи сироят, фавт ва шифоёбӣ аз коронавирус дар Тоҷикистон

484
(Таҷдидшуда 19:58 09.08.2020)
Вазорати тандурустии Тоҷикистон хабар медиҳад, ки дар як шабонарӯзи охир 45 нафар аз бемории коронавирус шифо ёфта, ба хонаҳояшон рухсат дода шуданд

ДУШАНБЕ, 9 авг — Sputnik. Вазорати тандурустии Тоҷикистон иттилоъ медиҳад, ки дар давоми 24 соати гузашта, 89 нафар гумонбарон зери назорати табибон қарор дошта, 45 нафар баъд аз муолиҷа ба хонаҳояшон рухсат дода шуданд.

Тибқи иттилои ин ниҳод, дар як шабонарӯзи охир дар ҷумҳурӣ 40 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ ба 7785 нафар баробар гардид.

"То санаи 9 август дар мамлакат 6573 (84,4%) нафар аз бемории COVID-19 шифо ёфта, бар асари он 62 нафар фавтидаанд", - омадааст дар хабарнома.

Вазорат ёдоварӣ карда, ки  Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намудаистодаанд.

Ин ниҳод даъват карда, ҷиҳати пешгирии сирояти мазкур пеш аз ҳама қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

484
Барчаспҳо:
вируси нав, омор, Тоҷикистон, Вазорати тандурустӣ
Мавзуҳо:
Пайомадҳои COVID-19 дар Тоҷикистон ва ҷаҳон
Российской военно-транспортной авиации 89 лет

Андӯҳи маорифи Хуҷанд аз даргузашти мудири кӯдакистон аз беморӣ

1033
Даргузашти нобаҳангоми Маърифатхон Ризоева, мудири кӯдакистон аҳли маорифчиёни Хуҷандро андуҳгин намудааст. Ризоева субҳи 8 август бар асари бемории саратон дар бемористони Хуҷанд ҷон ба Ҳақ супурдааст

ДУШАНБЕ, 9 авг – Sputnik. Идораи маорифи шаҳри Хуҷанд аз даргузашти Маърифатхон Ризоева, мудири кӯдакистони № 37 ҳамдардии амиқи худро изҳор намуда ба аҳли пайвандони марҳум сабри ҷамил хостааст.

"Шуъбаи маорифи Мақомоти иҷроияи ҳокимияти давлатии шаҳри Хуҷанд аз марги нобаҳангоми бонуи равшанзамир, шахси наҷибу нексиришт, Аълочии маорифи Тоҷикистон Маърифатхон Ризоева сахт андуҳгин буда, ба аҳли байт ва пайвандони марҳум изҳори ҳамдардӣ намуда, аз даргоҳи Худованд барояшон сабри ҷамил мехоҳад”, - гуфта шудааст дар тасаллиятнома.

Бино ба иттилоъи манобеъи Sputnik Тоҷикистон, Маърифатхон Ризоева ҳамагӣ 47 сол (1937 таваллуд шудааст) дошта, баъд аз хатми мактаби миёна дар Коллеҷи омӯзгории Хуҷанд ва Донишкадаи иқтисодии Тоҷикистон таҳсил карда, дорои ихтисосҳои омӯзгори синфҳои ибтидоӣ, ҳуқуқшинос, равоншинос ва мутахассиси муассисаҳои томактабӣ гардидааст.

"Руҳат шод бод, бародари азиз": таассуфи Шабнами Сурайё аз даргузашти Баҳром Ғафурӣ -навор

Фаъолияти кории худро дар кӯдакистони №33 и Хуҷанд оғоз намуда, баъдан ба ҳайси мушовири муассисаҳои томактабии шуъбаи маориф, мудири кӯдакистонҳои №7 ва 37 идома додааст.

67 – сола: даргузашти Мирзобек Каримов, собиқ сардори БДА – и Душанбе ва Суғд

Бар пояи иттилоъи Идораи маорифи Хуҷанд ӯ барои саҳми назаррас дар раванди таълиму тарбияи насли наврас борҳо бо ҷоизаҳо аз ҷумла бо унвони “Аълочии маорифи Тоҷикистон” қадршиносӣ гардидааст.

1033
Барчаспҳо:
даргузашт, ҳамдардӣ, Хуҷанд

Бомбандози Су-27 ду ҳавопаймои ҷосусии Амрикоро забт кард - видео

0
(Таҷдидшуда 18:56 09.08.2020)
Бомбандози Русия СУ-27 ду ҳавопаймои ҷосусии Амрикоро дар манотиқи бетарафи Баҳри Сиёҳ, забт кард. Низомиёни Амрикоро Қувваҳои дифоъи ҳавоии Русия ошкор карданд ва ба ҳаво бархостанд

"Экипажи бомбандози Русия оҳиста -оҳиста ба ҳавопаймо наздик шуда, онҳоро чун ҳавопаймои ҷосусии - RC-135 ва Р 8А "Посейдон" муайян кард. Нақзи марзи давлатии Федератсияи Русия аз ҷониби ҳавопаймоҳои ҷосусии Амрико иҷозат дода намешавад", - гуфт Вазорати дифоъи Русия.

Ин дуюмин қазияи ҳавоӣ дар масири Баҳри Сиёҳ мебошад. Бори аввал СУ-27 - RC-135 ва Р 8А "Посейдон" - ро ҳафтае пеш забт карда буд. Иғвогарӣ дар сарҳади Русия ҳамоно бештар мешавад.

Миёнаҳои моҳи июл бомбандозони Русия аз болои Баҳри Сиёҳ ду ҳавопаймои ҷосусӣ - боз ҳам ҳамон - Р 8А "Пасейдон" ва U-2S забт карданд.

Моҳи июн Қувваҳои ҳавоии Русия бомбандозони ИМА B-52H-ро забт карда буданд. Онҳоро ҳавопаймоҳои Су-30, Су-35 ва МиГ-31 ҳамроҳӣ карданд.

Моҳи май халабонони Русия бомбандози ИМА B-1B - ро дар масири Баҳрҳои Сиёҳ ва Балтик забт карда буданд.

Пас аз ҳар амали иғвогарона амрикоиҳо Русияро бидуни ҳеҷ далел, дар рафтори ношоям гунаҳкор мекунанд.

Вазорати дифоъи Русия ин айбдориро беасос мехонанд ва қайд мекунанд, ки доим тибқи меъёрҳои байналмилалӣ амал менамоянд.

Ин амалҳои иғвогарона авзоъи минтақаро муташанниҷ мегардонад. Вале бад шудани вазъият ва натиҷаҳои бебозгаштро танҳо бо касбияти халабонони Русия мешавад бартараф кард.

 

 

 

 

 

 

 

 

0
Барчаспҳо:
халабон, ҳавопаймо, Русия