Закрытое учреждение, архивное фото

Марги ногаҳонаи Ҳусейн Абдусамадов, роҳбари ҳамлагарон ба сайёҳони хориҷӣ дар зиндон

1077
(Таҷдидшуда 11:22 03.03.2020)
Ҳусейн Абдусамадов, роҳбари гурӯҳи террористие, ки моҳи июли соли 2018 дар ноҳияи Данғара ба сайёҳони хориҷӣ ҳамла карда буданд, дар яке аз зиндонҳои Тоҷикистон даргузашт

ДУШАНБЕ, 3 март — Sputnik. Мансурҷон Умаров, сардори Идораи зиндонҳои Вазорати адлияи Тоҷикистон рӯзи 3-юми март дар сӯҳбат бо Sputnik Тоҷикистон ин хабарро тасдиқ кард.

Вай гуфт дар ҳоли ҳозир, сабаби марги ногаҳонии Абдусамадовро мақомоти Прокуратураи генералӣ муайян мекунанд.

“Мо дар доираи қонун кормандони прокуратураро даъват кардем. Кормандони прокуратура ташхису экспертиза таъйин карданд ва ҷасади Абдусамадовро барои ташхис гирифта бурданд”, - таъкид кард Мансурҷон Умаров.  

Ҳамзамон вай афзуд, ки Абдусамадов бемории ҷиддӣ надошт, аммо ҳар сари чанд вақт ба бемориҳо гирифтор мешуд.

Ҳусайн Абдусамадов, ки ба унвони саркардаи гурӯҳи террористии муҳоҷим ба гардишгарони хориҷӣ дар ноҳияи Данғара муҳокима шуда буд, гуфта буд аз бемории гурда ранҷ мебарад.

Дар нахустин ҷаласаи додгоҳ, ки дар боздоштгоҳи Шумораи 1 –и шаҳри Душанбе, пушти дарҳои баста баргузор шуд, Ҳусайн Абдусамадов таъкид карда буд, ки аз куштани гардишгарони хориҷӣ пушаймон нест ва ин иқдомро дар ҳимоят аз гурӯҳи ДОИШ  анҷом додааст.

Абдусамадов ҳамчунин гуфта буд, ки дастури ҳамла ба гардишгарони дучархасавори хориҷӣ дар ноҳияи Данғараро аз фарди доғистонитаборе ба исми Нуҳос дарёфт кардааст, ки масъули амалиёти ДИИШ дар қаламрави кишварҳои узви ИДМ ё Ҷомеаи Ҳамсуд аст.

Ҳамлаи террористӣ ба гуруҳи гардишгарон дар Данғара 29 июли соли 2018 рух дод, ки дар натиҷа 4 нафар ба ҳалокат расидаанд.

Мақомоти Тоҷикистон изҳор доштанд, ки гурӯҳи ҷиноятпеша таҳти роҳбарии Абдусамадов аввал бо мошини худ тамғаи “ДЭУ Леганзе”,  сайёҳони хориҷӣ Геогхеган Л.А.М., Аустин Ҷ., Вокке Р.В., Хуммел М. ва Дименд М.К-ро зер карда, сипас бо кордҳо ва табар ба узвҳои ҳаётан муҳими номбурдагон зарбаҳои марговар заданд.

Дар натиҷа 4 нафарашон ба ҳалокат расида, Дименд М.К. ҷароҳати вазнин ба саломатӣ бардошта, бо ҳамроҳии Постма К.И., ки ҳуҷуми ҷинояткоронро мушоҳида карда, дар канори роҳ пинҳон гардида буд, ҷон ба саломат бурдаанд.  Сайёҳи дигари ин гуруҳ Казабат Г.Ж., ки аз ҳамсафарони худ ақиб мондааст, зинда мондааст.

Мақомоти Тоҷикистон дар ин ҳамла Ҳизби дар Тоҷикистон мамнӯи наҳзати исломиро муттаҳам карданд, аммо масъулини ин ҳизб дар хориҷ ин иттиҳомро рад намуданд. Созмони террористии “ДОИШ” бо нашри як навар масъулияти иҷрои ин ҳамларо ба дӯш гирифт.

Додгоҳи олии Тоҷикистон Ҳусейн Абдусамадов саркардаи ҳамла ба сайёҳонро ба ҳабси абад маҳкум кард.

1077
Барчаспҳо:
даргузашт, Данғара, сайёҳон, террорист, гурӯҳ, роҳбар, Тоҷикистон
В московском Музее Востока открылась выставка В тени вершин

Ифтитоҳи намоишгоҳи саноати дастӣ ва маҳсулоти кишоварзии Афғонистон дар Душанбе

38
(Таҷдидшуда 20:10 16.01.2021)
Намоишгоҳи саноати дастӣ ва маҳсулоти кишоварзии Афғонистон дар шаҳри Душанбе баргузор шуд

ДУШАНБЕ, 16 янв — Sputnik. Маҳсулоти 27 ширкати афғонистонӣ ва корҳои дастии афғонҳои муқими Тоҷикистон дар 40 ғурфаи ин намоишгоҳ арза шудааст, иттилоъ додааст АМИТ  “Ховар”.

Бино бар иттилои манбаъ, ширкатҳои афғонистонӣ дар ин намоишгоҳ колоҳое монанди саноати дастӣ, фарши дастбоф, зарфҳои суфолӣ ва мисӣ, либосҳои суннатӣ ва маҳсулоти кишоварзиро дар маърази диди умум қарор додаанд.

Муҳаммадзоҳир Ағбар, сафири Афғонистон дар Душанбе дар маросими ифтитоҳи ин намоишгоҳ гуфт, ки дар ояндаи наздик низ намоишгоҳи сангҳои қимматӣ ва нимақиматии кишвараш дар пойтахти Тоҷикистон баргузор мешавад.

Вай таъкид кард, ки баргузории чунин намоишгоҳҳо мӯҷиби тақвияти ҳамкориҳои иқтисодӣ ва тиҷории Афғонистону Тоҷикистон хоҳад шуд.

Сафирон ва масъулони теъдоде аз кишварҳои хориҷии муқими Душанбе, намояндагони утоқи саноат ва бозаргонии Тоҷикистон ва фаъолони бахши хусусии ин кишвар аз намоишгоҳи саноати дастӣ ва маҳсулоти кишоварзии Афғонистон боздид карданд.

38
Барчаспҳо:
баргузор, саноат, Душанбе, намоишгоҳ, Афғонистон
Карабиненко Александр

Коршинос сабаби нест шудани коронавирус дар Тоҷикистонро шарҳ дод

216
(Таҷдидшуда 20:44 16.01.2021)
Табиби хизматнишондодаи Русия, Александр Карабиненко маълумоти Вазорати тандурустии Тоҷикистонро дар бораи якбора коҳиш ёфтани ҳолатҳои нави сироятёбӣ аз коронавирус шарҳ дод

ДУШАНБЕ, 16 янв — Sputnik. Дар Тоҷикистон аз аввалҳои моҳи январ якбора шумораи ҳолатҳои нави гирифторӣ ба коронавирус коҳиш ёфт. Дар давоми ду ҳафта дар ҷумҳурӣ ҳамагӣ 12 ҳолати нави сироятёбӣ ба қайд гирифта шуд.

Зичии аҳолӣ дар Тоҷикистон, фарз кунем  нисбат ба вилояти Маскав хело кам аст. Маҳз ҳамин далел шароит фароҳам меоварад, ки паҳншавии вирус бозистад, мегӯяд коршинос.

Ҳамчунин, Карабиненко дар сӯҳбат бо Sputnik Тоҷикистон гуфт, ки шароити экологӣ ва климати кишвар метавонист боиси камшавии омори коронавирус шавад.

"Феълан ин масъала пажӯҳиш нашудааст, бояд солҳо мушоҳида кард ва он вақт метавон ҷавоби дақиқ дод", - меафзояд ӯ.

Ба гуфтаи табиби рус, бадани одамони гуногун иммунитетро гуногун коркард мекунад. Бархе нафарон умуман ба ин беморӣ антитела ҳосил намекунанд.

"Дар ин ҳолат эмгузаронӣ боиси ҳосил шудани иммунитет дар бадан мешавад ва дар ин ҳолат аз коронавирус антитела ҳосил мегардад", - таъкид кард Карабиненко.

Вазири тоҷик: табибони кишвар аз имтиҳони бузург дар самти пешгирӣ аз COVID-19 гузаштанд

Ба гуфтаи вай, ваксинаи зидди грипп низ кӯмак мекунад, ки бемории коронавирус сабуктар гузарад ва барои ҳамин бояд ҳама эм карда шаванд.

"Инфексияи коронавирус то абад дар бадани инсон мемонад. Аз вирус ҷои гурез нест ва ба он иммунитети коллективӣ пайдо мешавад", - тавзеҳ дод вай дар анҷом.

216