Раҷабзода Ҳусния, раиси ноҳияи Мурғоб

Зодаи Бартанг ва 38 - сола: раиси тозатаъини ноҳияи Мурғоби ВМКБ кист?

3482
(Таҷдидшуда 17:44 06.03.2020)
Раҷабзода Ҳусния Ҳукуматшо, бо фармони раисҷумҳури Тоҷикистон Эмомалӣ Раҳмон, раиси ноҳияи Мурғоби Вилояти Мухтори Кӯҳистони Бадахшон таъйин гардид

ДУШАНБЕ, 6 мар – Sputnik. Эмомалӣ Раҳмон раисиҷумҳури Тоҷикистон имрӯз бо судури як фармон раиси ноҳияи Мурғоб Ҷошбаев Мурзабай Абилакимовичро бо сабаби ба нафақа баромадан аз вазифа барканор кард.

Ба иттилои котиботи раисҷумҳури Тоҷикистон, ба курсии раиси ин ноҳияи дурдасти ВМКБ, Раҷабзода Ҳусния Ҳукуматшо такя зад.

Раҷабзода Ҳусния то ин замон дар мақоми муовини раиси ноҳияи Мурғоб фаъолият мекард.

Раиси тозатаъйини ноҳияи Мурғоби ВМКБ кист

Раҷабзода Ҳусния зодаи деҳаи Рошорви водии Бартанг буда, ҳамагӣ 38 - сол дорад. Номбурда соли 2004 Донишгоҳи миллии Тоҷикистонро бо ихтисоси омӯзгори фанни забон ва адабиёт хатм намудаст.

Зимнан, соли 2011 магистратураи Донишкадаи такмили ихтисоси хизматчиёни давлатии Тоҷикистонро хатм кард.

Собиқаи корӣ

Раиси тозатаъини ноҳияи Мурғоб фаъолияташро аз соли 2004 ба ҳайси омӯзгор дар мактаби миёнаи рақами 14 дар ноҳияи Мурғоб шурӯъ намуд. Зимнан, ӯ чанд вақт дар мақоми иҷрокунандаи мудири шӯъбаи умумии дастгоҳи раиси ноҳия ифои вазифа мекард.

Гузашта аз ин, ӯ аз соли 2006 то 2008 мутахассиси бахши назорати мақомоти иҷроияи ҳокимияти давлатӣ дар ин ноҳия буд. 

Аз соли 2008 то 2010 ба ҳайси мудири шӯъбаи  умумии дастгоҳи раиси ноҳияи Мурғоб фаъолият мекард.

Тағйироти кадрӣ дар намояндагии СММ дар Тоҷикистон бо розигии Ҳукумат

Зимнан, солҳои 2010 - 2011 магистранти Донишгоҳи такмили ихтисоси хизматчиёни давлатии Тоҷикистон буд.

Солҳои 2011-2013 ҳамчун мудири бахши умумӣ, назорат ва муроҷиати шаҳрвандони дастгоҳи раиси ноҳияи Мурғоб фаъолият мекард.

Раҷабзода аз соли 2013 то 2020 вазифаи муовини раиси ноҳияи Мурғобро бар дӯш дошт.

Ва акнун бо фармони Эмомалӣ Раҳмон, сар аз 6 - уми марти соли 2020 ба мақоми раиси ноҳияи Мурғоб баргузида шуд.

3482
Барчаспҳо:
Мурғоб, раис, ВМКБ
Дворец Нации

Фармони Раҳмон: тарифи неруи барқ, об ва алоқа то охири соли 2020 баланд намешавад

1
Эмомалӣ Раҳион бо судури фармони аз 5 июн  ба Ҳукумати мамлакат дастур дод, ки то охири соли 2020 масъалаи баланд бардоштани тарифи хизматрасониҳо, аз ҷумла неруи барқ, об, оби полезӣ, алоқа ва хизматрасониҳои коммуналиро мавқуф гузорад

ДУШАНБЕ, 5 июн — Sputnik. Президенти Ҷумҳурии Тоҷикистон муҳтарам Эмомалӣ Раҳион бо фармони аз 5 июн  ба Ҳукумати мамлакат дастур доданд, ки то охири соли 2020 бо мақсади кам намудани хароҷоти истеҳсолии корхонаҳо, роҳ надодан ба баландшавии нархи маҳсулоти ватанӣ, хизматрасониҳои пулакӣ ба аҳолӣ ва сатҳи таваррум баррасии масъалаи баланд бардоштани тарифи хизматрасониҳо, аз ҷумла неруи барқ, об, оби полезӣ, алоқа ва хизматрасониҳои коммуналиро мавқуф гузорад.

Дар Фармони мазкур омадааст, ки Ҳукумати ҷумҳурӣ аз ҳисоби маблағҳои захиравии буҷети давлатии соли 2020 ва маблағҳои ғайрибуҷетӣ барои харидорӣ ва пурра намудани захираҳои моддии давлатӣ, аз ҷумла ғалла, тухмиҳои зироатҳои кишоварзӣ, заҳрхимикатҳо ва сӯзишворӣ маблағҳои мақсаднок ҷудо намояд.

Дар баробари ин, бо мақсади нигоҳ доштани сатҳи даромаднокии аҳолӣ аз 1 июн то 31 декабри соли 2020 меъёри андози даромад аз фоизи пасандозҳои шахсони воқеӣ аз 12 фоиз амалкунанда то 6 фоиз паст ва аз 1 май то 1 сентябри соли 2020 ба шахсони воқеӣ барои пардохти андозҳо аз молу мулки ғайриманқул таътили андозӣ муқаррар карда шавад.

1
Барчаспҳо:
об, барқӣ, фармон, Эмомалӣ Раҳмон, Тоҷикистон
Президент Таджикистана Эмомали Рахмон

Президент барои оилаҳои муҳоҷирон кӯмакпулӣ ҷудо кард: боз киҳо ва чандпулӣ мегиранд?

569
(Таҷдидшуда 13:32 05.06.2020)
Тибқи фармони раисҷумҳур аз ҳисоби маблағҳои захиравии буҷети давлатӣ ва ғайрибуҷетӣ ба наздикони муҳоҷироне, ки бесаробон мондаанд, кӯмакпулӣ дода мешавад. Дар ин дастури президент чанд гурӯҳи дигаре номбар шудаанд, ки аз кӯмаки давлат бархурдор хоҳанд шуд

ДУШАНБЕ, 5 июн — Sputnik. Эмомалӣ Раҳмон, раисҷумҳури Тоҷикистон имрӯз, 5 июн фармонеро ба имзо расонида дастур додааст, ки ба як гурӯҳ сокинони ҷумҳурӣ бино бар вазъи баамаломада дар пайи пандемияи коронавирус кӯмакпулӣ расонида мешавад.

Бино бар фармони президент, кӯмакпулӣ яквақта ва ба ҳаҷми як маоши ҳадди ақал аз ҳисоби буҷаи давлатӣ ва ғайридавлатӣ дода хоҳад шуд.

Киҳо ва чандпулӣ мегиранд?

"Ба гурӯҳҳои осебпазири аҳолӣ, аз ҷумла ба иштирокчиёни Ҷанги Бузурги Ватании солҳои 1941-1945, шаҳрвандоне, ки нафақаи иҷтимоӣ мегиранд, маъюбон, кӯдакони ятиму бесаробон, оилаҳои камбизоат, оилаҳои бесаробонмондаи муҳоҷирони меҳнатӣ кӯмакпулӣ расонида шавад", - омадааст дар фармони президент.

Музди ҳадди ақал дар Тоҷикистон ба 400 сомонӣ баробар аст.

Як дастури дигар ба Ҳукумат

Тибқи ҳамин фармон, раиси Ҳукумати Тоҷикистон Эмомалӣ Раҳмон ба Ҳукумат дастур додааст, ки нигоҳубини шаҳрвандони таҳти муоинаи тиббӣ қарордошта ва шаҳрвандонеро, ки аз бемории СOVID-19 сироят ёфтаанд, аз ҳисоби маблағҳои мақсаднок пешбинишудаи буҷети давлатӣ ва ғайрибуҷетӣ ройгон анҷом дода шавад.

Вазири тандурустӣ таъкид кард, табобати беморони вируси корона комилан ройгон аст

Ҳамзамон, то ба эътидол омадани вазъ аз ҳисоби маблағҳои захиравии буҷети давлатӣ ва ғайрибуҷетӣ ба музди меҳнати вазифавии кормандони соҳаи тиб, ки бевосита ба ташхис ва табобати беморони сирояти СOVID-19 ҷалб мешаванд, иловапулӣ пешбинӣ ва пардохт карда шавад.

569