Шукурҷон Зуҳуров, акс аз бойгонӣ

Вазнин: суҳбати ошкорои Зуҳуров дар бораи анҷоми раисӣ ва рафтан аз парлумон

6906
(Таҷдидшуда 11:01 09.03.2020)
Шукурҷон Зуҳуров, раиси Маҷлиси намояндагони Тоҷикистон дар ҷаласаи ҷамъбастии даъвати панҷум изҳор дошт, ки суҳбат кардан барояш вазнин аст, аммо на ба хотире, ки ваколатҳои раисияш анҷом ёфтанд

ДУШАНБЕ,  9 мар — Sputnik. Зуҳуров дар гузориши ҷамъбастияш изҳор дошт, ки ин лаҳза дар ҳаёти сиёсӣ ва ҷамъиятии ӯ як нуқтаи анҷоми фаъолияти даврӣ маҳсуб мегардад. Ӯ бо зикр аз урфият гуфт,  ҳар чиз оғозу анҷом дорад ва ин ҳақиқати бебаҳс аст.

“Банда бо дастгириҳои ҳамешагии роҳбари давлат, вакилони даъвати чорум ва панҷум даҳ соли охир дар ин бино масъулияти вазнин ва муқаддаси Раисии Маҷлиси намояндагонро бар дӯш доштам. Инак, пас аз ҷаласаҳои зиёду фаъолияти пурсамар то ба ҷаласаи охири даъвати панҷум ҳам расидем. Ин лаҳза сухан гуфтан, андешаҳоро баён кардан, аз муваффақияту дастовардҳо ҳарф задан барои банда, рӯирост ва сидқан изҳор менамоям, ки бисёр вазнин аст”, - гуфт раиси Маҷлиси намояндагон.

Зуҳуров тавзеҳ дод, вазнин на аз он лиҳоз, ки ваколати раисияш ба итмом мерасад, балки аз он, ки чанд рӯз баъд фаъолияти якҷояи ин оилаи бузурги саршори меҳр, муҳаббат ва самимият барои ӯ ва аксари вакилон дар ин маскани муқаддас хотима меёбаду тақдир онҳоро ба иҷрои корҳои навбатӣ ҳидоят менамояд.

“Ин ҷудоии касбӣ чун хотимаи даврӣ эҳсоси муайяни дардро дорад, ки қудрати баёни онро забон надорад. Дил онро эҳсос менамояд, вале ақл бо ҳама тавоноияш дар кушодани асрори он оҷиз аст, чунки сухан аз муҳаббат, дӯстӣ ва эҳтироми самимии мо ба якдигар меравад”, - изҳор дошт раиси Маҷлиси намояндагон.

Ӯ афзуд, ягона чизе, ки ин лаҳзаҳо дар баробари эътирофи ин қонуни зиндагӣ оромаш месозад, ки ин ёде аз ин рӯзгор ба гуфтаи ӯ ҳеҷ гоҳ аз хотири мо зудуда нахоҳад шуд.

Худсарӣ: дастури санҷиши ширкати писари Бег Сабур ва таҳдиди бастан

“Парламенти касбӣ тавассути шумо ба макони воқеан муқаддасе табдил ёфт, ки ҳамаи хоҳишу армонҳои фардӣ ва манфиатҳои гурӯҳӣ берун аз дари он монда, ғояи ҳукмрон ва муттаҳидкунанда танҳо манфиати халқ ва ободии давлати Тоҷикистон буд”, - таъкид кард Зуҳуров ва дар хотима ба ҳама саломативу сарбаландӣ хост.

6906
Барчаспҳо:
парлумон, Шукурҷон Зуҳуров, Тоҷикистон
Народный поэт Таджикистана Гулназар Келди

“Худатонро эҳтиёт кунед!” Насиҳати Гулназар Келдӣ аз шифохонаи “Истиқлол”

22
 Гулназар Келдӣ, Шоири халқӣ ва муаллифи Суруди миллии Тоҷикистон бо гумони ибтило ба “вируси корона” ба Маҷмааи тандурустии “Истиқлол” интиқол ёфтааст

 ДУШАНБЕ, 11 авг — Sputnik. Худи шоир дар таъйиди ин хабар ба Sputnik Тоҷикистон гуфт, як рӯзи қабл дарди ногуворе саропои вуҷудашро ларзонд ва наздиконаш маслиҳат донистанд, ки ӯро ба шифохона интиқол диҳанд.

“Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфт Шоири халқии Тоҷикистон.

Гулназар Келдӣ 20 сентябри соли 1945 таваллуд шуда, ба номи худ Ҷоизаи давлатии Тоҷикистон ба номи Абӯабдуллоҳи Рӯдакӣ (1994), Ҷоизаи Комсомоли Тоҷикистон, Ҷоизаи ба номи М. Турсунзода.

Шоири халқии Тоҷикистон (1995) – ро сабт кардааст. Муаллифи матни Cуруди миллии Тоҷикистон мебошад. "Расми сарбозӣ" - нахустин маҷмӯаи шеърҳои ӯ соли 1969 чоп шудааст.

Эълони омори тозаи сироят, фавт ва шифоёбӣ аз коронавирус дар Тоҷикистон

"Дастархон" (1972), "Нордбон" (1975), "Ағба" (1978), "Паҳно" (1981), "Лангар" (1983), "Пайи дарё" (1985), "Чашми нигин" (1988), "Табхола" (1992 г.), “Туву хубиву раъноӣ” маҳсули фаъолияти беш аз нимасраи ӯ мебошанд. Маҷмӯаҳои вай ба забони русӣ бо номи "Звезда Улугбека" (1981) ва "Безымянный родник" (1986) дар нашриёти "Советский писатель" – и Русия ва "Тень тутовника" (1989) дар Душанбе чоп шудаанд. Осори ӯ дар Афғонистону Эрон ва дигар кишварҳо низ ба нашр расидаанд.

22
Молоток судьи

Ҳукми муллои ҷинбарор эълон шуд: ҳам дуо мехонд ва ҳам маҳсу бахткушоӣ мекард

539
(Таҷдидшуда 13:55 11.08.2020)
Бо ҳукми суди шаҳри Ҳисор, Сочаев бо моддаҳои 1421 қисми 1 ва 247 қисми 3 банди "а" Кодекси ҷиноятии Тоҷикистон гунаҳгор дониста шуда, нисбаташ ҷазои маҳрум намудан аз озодӣ таъйин шуд

ДУШАНБЕ, 11 авг – Sputnik. Прокуратураи генералии Тоҷикистон ҳукми Сочаев Ҷурабой Нарзуқулович, сокини шаҳри Ҳисор, ки  худро дар маҳалли зисташ муллои ҷинбарор муаррифӣ намуда, аз шаҳрвандони зудбовар бар ивази маҳсу дуохонӣ, баровардани сеҳру ҷоду маблағҳои калон мегирифт, эълон намуд.

Манбаъ меафзояд, муллои ҷодугар аввалҳои моҳи октябри соли 2019 ба боварии шаҳрванд "А" даромада, барои дур намудани сеҳру ҷоду, аз ӯ 3000 сомонӣ пули табобат талаб намуд.

Зимнан, давоми чаҳор моҳ ҳафтае як ё ду маротиба ӯро ба манзили истиқоматии худ хонда бо суиистифода аз ҳиссиёт ва боварии динии ӯ нисбати номбурда ҳаракатҳои бадахлоқонаро анҷом дод.

 

Тафсилоти боздошти “Мулло-профессор” дар Ҳисор

Инчунин, ӯ бо ин роҳ шаҳрванд "А”-ро ба гумроҳӣ андохта, барои маҳси бадан ва табобат аз маблағи қаблан муқаррарнамуда, танҳо 1600 сомонӣ гирифт.

Гузашта аз ин, зимни тафтиши пешакӣ 5 лаҳзаи содир гардидани чунин ҷиноятҳо аз ҷониби Сочаев муайян ва ошкор карда шуд.

Бар хабари манбаъ, Сочаев аз охирҳои моҳи январ то феврали соли ҷорӣ, амалҳои зишти худро нисбати 5 нафар шаҳрвандон анҷом дода,бо ин кирдорҳои худ ҷиноятҳои дар моддаҳои 1421 қисми 1 ва 247 қисми 3 банди “а” КҶ Ҷумҳурии Тоҷикистон пешбинишударо содир намудааст.

Гуфта мешавад, нисбати номбурда парвандаи ҷиноятӣ оғоз гардида, бо ҳукми суди шаҳри Ҳисор нисбати Сочаев ҷазои маҳрум намудан аз озодӣ таъйин карда шуд.

539
Барчаспҳо:
Прокуратураи генералии Тоҷикистон, мулло, ҳукм