Шарҳи расмии КҲФ аз садама дар шоҳроҳи Душанбе - Хуҷанд

419
(Таҷдидшуда 13:45 11.03.2020)
Кумита аз ронандагон хоҳиш кардааст, ки ҳангоми ҳаракат дар роҳҳо шитоб накунанд, зеро хатарнок аст. КҲФ садамаи рӯзи 10 мартро аз ноӯҳдабароии ронанда медонад

ДУШАНБЕ, 11 мар — Sputnik. Садамаи рӯзи гузашта дар шоҳроҳи Душанбе-Хуҷанд бо айби ронандаи мошини Дулан SAKMAH рух додааст, омадааст дар шарҳи расмии Кумитаи ҳолатҳои фавқуллодаи Тоҷикистон.

"Ин ронанда аз уҳдаи идораи мошинаш набаромада ба мошини дигар бархӯрдааст. Кумитаи ҳолатҳои фавқулодда ва мудофиаи гражданӣ аз ронандагон хоҳиш мекунад ҳангоми ҳаракат дар роҳҳои кӯҳӣ бо ҷиддият қоидаҳои бехатариро риоя кунанд ва ҷони худу ҷони дигаронро дар хатар нагузоранд", - омадааст дар гузориши манбаъ.

Тибқи маълумоти сардори бахши Кумитаи ҳолатҳои фавқулодда ва мудофиаи гражданӣ дар ноҳияи Варзоб тахминан соати 14:25 дақиқаи рӯзи 10-уми марти соли 2020  дар километри 59-уми шоҳроҳи Душанбе-Хуҷанд садамаи нақлиётӣ рух додааст.

Бахши Кумитаи ҳолатҳои фавқулодда ва мудофиаи гражданӣ дар ноҳияи Варзоб ва гурӯҳи наҷотдиҳандагони Раёсати кофтуков ва наҷоти Кумита (дидбонгоҳи Майхура) ба ҷои ҳодиса сафарбар гардидаанд.

Дар натиҷа маълум гардидааст, ки автомашинаи Дулан SAKMAH рақами давлатиаш 79-83 КК 02, ки ба шаҳрванд Наврӯзов Норбой Идиевич, соли таваллудаш 29.10.1970, истиқоматкунандаи шаҳри Хуҷанд тааллуқ дошт, ҳангоми ҳаракат ба самти шаҳри Хуҷанд, аз уҳдаи идораи воситаи нақлиёт набаромада, муқобили самти ҳаракати роҳ мебарояд ва ба садама дучор мегардад.

Ҳалокати Санавбар Боқиева, зани 30-сола дар пайи садама дар вилояти Суғд

Дар натиҷаи садамаи рухдода ронанда Наврӯзов Норбой ҷароҳати вазнини ҷисмонӣ бардошта, ба беморхонаи Қарияи боло интиқол дода шуд.  
Кумитаи ҳолатҳои фавқулодда  аз шаҳрвандони кишвар хоҳиш мекунад ҳангоми ҳаракат дар роҳҳои кӯҳӣ хеле бодиққату эҳтиёткор бошад. Ҳатман фосилаи байни мошинҳоро риоя кунанд.

"Риояи қодидаҳои ҳаракат дар роҳҳо ва бехатарӣ гарави аслии саломатии шумост", - мегӯяд манбаъ дар муроҷиат ба ронандагон. 

419
Народный поэт Таджикистана Гулназар Келди

Наздикони Гулназар Келдӣ: вазъаш рӯ ба беҳбуд ва муътадил аст

1986
(Таҷдидшуда 21:57 12.08.2020)
Вазъи саломатии Гулназар Келдӣ, шоири шинохтаи тоҷик, муаллифи суруди миллии Тоҷикистон, ки қаблан ба дастгоҳи нафасдиҳии сунъӣ пайваст шуда буд, феълан муътадил мебошад

ДУШАНБЕ, 12 авг — Sputnik. Табибон дар пайи бадтар шудани вазъи Гулназар Келдӣ, ӯро ба дастоҳи нафасдиҳии сунъӣ пайваст карда буданд, иттилоъ дод хабарнигори Sputnik Тоҷикистон.

"Гулназар Келдӣ худро бадтар эҳсос кард ва табибон тасмими гирифтанд, ки ӯро зери дастгоҳи нафасдиҳии сунъӣ гузаронанд”, - изҳор дошт манбаъ.

Аммо наздикони шоири халқӣ мегӯянд, вазъаш рӯ ба беҳбуд ва феълан муътадил мебошад. Дориюш Раҷабиён, рӯзноманигори шинохтаи тоҷик ва яке аз наздикони Гулназар Келдӣ дар саҳифааш миннатдории устодро ба ҳамаи онҳое, ки ҷӯёи ҳолашанд, баён дошт.

"Яке-ду рӯзи аввал ба дастгоҳи танаффуси маснӯъӣ ниёз доштанду акнун ҳолашон рӯ ба беҳбуд ва муътадил аст. Орзумандем, ки базудӣ бо такмили давраи муъолиҷаи худ ба оғӯши хонавода баргарданд", - навишт Раҷабиён.

Қаблан шоири халқӣ ва муаллифи суруди миллии Тоҷикистон бо гумони ибтило ба “вируси корона” ба Маҷмааи тандурустии “Истиқлол” интиқол ёфта буд.

Худи шоир 11 август ба Sputnik Тоҷикистон гуфт, як рӯзи қабл дарди ногуворе саропои вуҷудашро ларзонд ва наздиконаш салоҳ донистанд, ки ӯро ба шифохона интиқол диҳанд.

“Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфт шоири халқии Тоҷикистон.

Гулназар Келдӣ 20 сентябри соли 1945 таваллуд шуда, ба номи худ Ҷоизаи давлатии Тоҷикистон ба номи Абӯабдуллоҳи Рӯдакӣ (1994), Ҷоизаи Комсомоли Тоҷикистон, Ҷоизаи ба номи М. Турсунзода, Шоири халқии Тоҷикистон (1995) – ро сабт кардааст. Муаллифи матни Cуруди миллии Тоҷикистон мебошад. "Расми сарбозӣ" - нахустин маҷмӯаи шеърҳои ӯ соли 1969 чоп шудааст.

"Дастархон" (1972), "Нордбон" (1975), "Ағба" (1978), "Паҳно" (1981), "Лангар" (1983), "Пайи дарё" (1985), "Чашми нигин" (1988), "Табхола" (1992 г.), “Туву хубиву раъноӣ” маҳсули фаъолияти беш аз нимасраи ӯ мебошанд. Маҷмӯаҳои вай ба забони русӣ бо номи "Звезда Улугбека" (1981) ва "Безымянный родник" (1986) дар нашриёти "Советский писатель" – и Русия ва "Тень тутовника" (1989) дар Душанбе чоп шудаанд. Осори ӯ дар Афғонистону Эрон ва дигар кишварҳо низ ба нашр расидаанд.

1986

Эълони омори тозаи сироят, фавт ва шифоёбӣ аз коронавирус дар Тоҷикистон

375
(Таҷдидшуда 19:34 12.08.2020)
Вазорати тандурустӣ ва ҳифзи иҷтимоии Тоҷикистон омори тозаи гириторӣ, шифо ва фавт аз коронавируси COVID - 19 - ро нашр кард

ДУШАНБЕ, 12 авг — Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир 93  нафар гумонбарон зери назорати табибон қарор дошта, 43 нафар баъд аз муолиҷа ба хонаҳояшон рухсат дода шуданд.

Гулназар Келдӣ зери дастгоҳи нафасдиҳии сунъӣ гузаронда шуд

Инчунин, дар давоми 24 соати гузашта дар ҷумҳурӣ 41 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ ба  7912  нафар баробар гардид.

"То санаи  12 август дар мамлакат  6696  (84,6%) нафар аз бемории COVID-19 шифо ёфта,  бар асари он 63  нафар фавтидаанд", - омадааст дар хабарнома.

“Худатонро эҳтиёт кунед!” Насиҳати Гулназар Келдӣ аз шифохонаи “Истиқлол”

Вазорати беҳдошт ёдоварӣ карда, ки айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

375
Барчаспҳо:
вируси нав, омор, Вазорати тандурустӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон