Парламентские выборы в Таджикистане

Пирӯзии коммунист бар рақиби худ аз ҲХДТ дар овоздиҳии такрорӣ дар Истаравшан

706
(Таҷдидшуда 01:25 16.03.2020)
Дар маъракаи овоздиҳии рӯзи 15-уми март дар ҳавзаи интихоботии шаҳри Истаравшан, Ҳасан Нарзуллоев, узви Ҳизби комунист, бо гирифтани 55 дарсад раъйи сокинон бар рақиби худ Баҳром Наимзода, узви ҲХДТ пирӯз шуда, вакили Маҷлиси халқи Истаравшан интихоб шуд

ДУШАНБЕ, 16 мар — Sputnik. Уткир Абдулхайров, раиси комиссияи интихоботии шаҳрӣ дар Истаравшан бо тасдиқи ин хабар ба Sputnik Тоҷикистон гуфт, овоздиҳии такрорӣ бо иштироки ҳудуди ҳафт ҳазор интихобкунандагон баргузор гардида ва бар асоси райъи сокинон Ҳасан Нарзуллоев, узви ҲКТ, собиқ директори Ососишгоҳи “Ҳавотоғ” бо гирифтани 55% аз ҳавзаи интихоботии “Савристон-33” ва Фарҳод Обидӣ, узви ҲХДТ, сардухтури беморхонаи марказии Истаравшан аз ҳавзаи интихоботии “О. Лутфӣ-4” бо гирифтани 79% овози мардум вакилони Маҷлиси халқи шаҳри Истаравшан интихоб шуданд.

Баҳром Наимзода, узви ҲХДТ, директори мактаб-гимназияи № 4 ва рақиби Ҳасан Нарзуллоев дар ҳавзаи “Савристон-33” дар ин марҳилаи овоздиҳӣ 45% райъи сокинонро соҳиб шуда, вале шонси аъзои Маҷлиси вакилони халқи Истаравшан шуданро аз даст додааст.

“Мо умед надоштем, ки мардум дар овоздиҳии такрорӣ аз худ чунин фаъолнокии сиёсӣ нишон медиҳанд. Дар ҳавзаи интихоботии “Савристон-33”, 80% ва дар ҳавзаи интихоботии “О. Лутфӣ-4” ҳамагӣ 75% овоздиҳандагон иштирок карданд”, - зикр кард Абдулхайров.

Маъракаи овоздиҳии такрорӣ барои интихоби вакил дар Истаравшан дар ҳоле баргузор гардид, ки дар интихоботи рӯзи 1-уми март аз шаш номзади пешниҳод шуда ба вакили Маҷлиси халқи шаҳри Истаравшан ҳеҷ касе аз онҳо 50 % и овози мардумро ба даст оварда натавонист.

Ба ин далел даври такрории овоздиҳӣ рӯзи 15-уми март дар ин ду ҳавзаи интихоботӣ баргузор карда шудааст.

Зимнан бар асоси ба даст овардани райъи сокинон Ҳасан Нарзуллоев, узви ҲКТ, ва Фарҳод Обидӣ, узви ҲХДТ, ба гурӯҳи 40 нафараи вакилони Маҷлиси халқи шаҳри Истаравшан шомил карда мешаванд.

706
Барчаспҳо:
сокинон, раъй, ҲХДТ, вакил, Истаравшан, интихобот, Тоҷикистон
Учения МЧС РФ в Ростове-на-Дону

Мубориза бо КОВИД-19: дар Бӯстон маҳлули хлор тақсим мекунанд

6
Дар ҳудуди шаҳр, кӯчаву хиёбонҳо, ҷойҳои ҷамъиятӣ, бозору марказҳои хизматрасонӣ, коргоҳу муассисаҳо ва манзилҳои аҳолӣ ҳамарӯза ҷиҳати безараргардонӣ тадбирҳо амалӣ гардида истодаанд.

ДУШАНБЕ, 5 июн — Sputnik. Дар шаҳри Бӯстони вилояти Суғд дар баробари ба роҳ мондани корҳои безараргардонӣ дар ҳудуди шаҳр тариқи нақлиёти махсуси хизматӣ ва дастгоҳҳои безараргардонӣ, инчунин Маркази назорати санитарию эпидемиологӣ ба аҳолӣ маҳлули хлорро ройгон дастрас менамояд.

Дар ин бора шаҳрдории Бӯстон гузориш медиҳад.

Дар ҳудуди шаҳр, кӯчаву хиёбонҳо, ҷойҳои ҷамъиятӣ, бозору марказҳои хизматрасонӣ, коргоҳу муассисаҳо ва манзилҳои аҳолӣ ҳамарӯза ҷиҳати безараргардонӣ тадбирҳо амалӣ гардида истодаанд.

Бино бар иттилои манбаъ, шурӯъ аз охирҳои моҳи апрели соли 2020,  ба зиёда аз 780 нафар сокинони шаҳри Бӯстон, ки хоҳиши шахсан дар манзилҳояшон гузаронидани корҳои безараргардонӣ доранд ва ё тариқи пешниҳоди раисони маҳаллаҳо беш  аз 11 тоннаву 700 литр маҳлули хлор дастрас карда шуд.

Тибқи иттилои директори Маркази назорати санитарию эпидемиологии шаҳри Бӯстон Зайнулло Тешаев, дар Марказ захираи кофии маҳлулҳои безараргардонӣ мавҷуд аст.

Сокинон бемамониат имкон доранд ройгон маҳлули хлор дастрас намоянд.

Ҷаҳиши нархи хлору ниқоб дар Суғд

 

6
Дворец Нации

Фармони Раҳмон: нархи неруи барқ, об ва алоқа то охири соли 2020 баланд намешавад

66
(Таҷдидшуда 14:11 05.06.2020)
Эмомалӣ Раҳион бо судури фармони аз 5 июн  ба Ҳукумати мамлакат дастур дод, ки то охири соли 2020 масъалаи баланд бардоштани тарифи хизматрасониҳо, аз ҷумла неруи барқ, об, оби полезӣ, алоқа ва хизматрасониҳои коммуналиро мавқуф гузорад

ДУШАНБЕ, 5 июн — Sputnik. Президенти Ҷумҳурии Тоҷикистон Эмомалӣ Раҳион ба Ҳукумати дастур дода, ки то охири соли 2020 бо мақсади кам намудани хароҷоти истеҳсолии корхонаҳо, роҳ надодан ба баландшавии нархи маҳсулоти ватанӣ, хизматрасониҳои пулакӣ ба аҳолӣ ва сатҳи таваррум баррасии масъалаи баланд бардоштани тарифи хизматрасониҳо, аз ҷумла неруи барқ, об, оби полезӣ, алоқа ва хизматрасониҳои коммуналиро мавқуф гузорад.

Фармони президент: киҳо аз андоз озод шуданд?

Дар Фармони мазкур омадааст, ки Ҳукумати ҷумҳурӣ аз ҳисоби маблағҳои захиравии буҷети давлатии соли 2020 ва маблағҳои ғайрибуҷетӣ барои харидорӣ ва пурра намудани захираҳои моддии давлатӣ, аз ҷумла ғалла, тухмиҳои зироатҳои кишоварзӣ, заҳрхимикатҳо ва сӯзишворӣ маблағҳои мақсаднок ҷудо намояд.

Президент барои оилаҳои муҳоҷирон кӯмакпулӣ ҷудо кард: боз киҳо ва чандпулӣ мегиранд?

Дар баробари ин, бо мақсади нигоҳ доштани сатҳи даромаднокии аҳолӣ аз 1 июн то 31 декабри соли 2020 меъёри андози даромад аз фоизи пасандозҳои шахсони воқеӣ аз 12 фоиз амалкунанда то 6 фоиз паст ва аз 1 май то 1 сентябри соли 2020 ба шахсони воқеӣ барои пардохти андозҳо аз молу мулки ғайриманқул таътили андозӣ муқаррар карда мешавад.

66
Барчаспҳо:
об, барқӣ, фармон, Эмомалӣ Раҳмон, Тоҷикистон
Мавзуҳо:
Фармон, амр ва қарорҳои тозатарини Эмомалӣ Раҳмон