Юсуф Раҳмон, додситони кулли Тоҷикистон, акс аз бойгонӣ

Аз Кабирӣ то коронавирусу "Бародарони мусалмон": гузориши Раҳмон дар парлумон

5580
(Таҷдидшуда 15:06 19.03.2020)
Юсуф Раҳмон, додситони кулли Тоҷикистон, мегӯяд, феълан 4 шаҳрванди кишварро меҷӯянд, ки дар як ҳавопаймо бо нафари маризи коронавирус аз Истанбул ба Тошканд парвоз доштаанду вориди Тоҷикистон шудаанд

ДУШАНБЕ, 19 мар — Sputnik. Дар ҳавопаймои ҳомили мусофири дорои коронавирус аз Истанбул ба Тошканд, дар маҷмуъ 10 шаҳрванди Тоҷикистон парвоз доштаанд, хабар дод Юсуф Раҳмон, имрӯз зимни гузориш дар Маҷлиси миллӣ, палатаи болоии парлумон.

Ба иттилои манбаъ, 6 нафар муайян шуда, феълан дар карантин қарор доранду ҷустуҷӯи 4 нафари боқимонда идома дорад.

Додситони кулли Тоҷикистон инчунин дар парлумон аз Муҳиддин Кабирӣ, раиси Ҳизби дар Тоҷикистон мамнӯи наҳзати исломӣ суҳбат карда, афзуд барои боздошту истирдоди Кабирӣ бо кишварҳои Аврупо гуфтушунид ҷараён дорад. 

Ҳизби мамнӯи наҳзати исломии Тоҷикистон аз сӯи Додгоҳи олии Тоҷикистон террористию экстремистӣ эътироф шуда, фаъолияташ мамнӯъ гардид. Аммо масъулини ин ҳизби дар Тоҷикистон мамнӯъ, ки дар хориҷи кишвар қарор доранд, иттиҳомоти мақомоти тоҷикро рад мекунанд.

Инчунин Юсуф Раҳмон парвандаи пурсарусадои муттаҳамон дар узвият ба созмони мамнӯи “Ихвон ул муслимин”- "Бародарони мусалмон"-ро шарҳ дода, афзуд, ки аз аввали сол ҳудуди 314 нафар муттаҳам дар узвият ба ин созмон ошкор шуда, то ҳол нисфашон, беш аз 150 нафар боздошт гардидаанд. Ӯ афзуд, ки амалиёт барои ошкорсозию боздошти аъзои дигари “Ихвон ал муслимин” идома дорад.

5580
Тепловоз, архивное фото

Туркманистон сохтмони роҳи оҳани Афғонистон то сарҳади Тоҷикистонро анҷом хоҳад дод

74
(Таҷдидшуда 18:43 22.09.2020)
Намояндагони Туркманистон ва Афғонистон ҳамкориҳои минбаъда оид ба сохтмони роҳи оҳане, ки кишварҳои Осиёи Марказиро метавонад бо ҳам пайвандад, баррасӣ намуданд

ДУШАНБЕ, 22 сен – Sputnik. Намояндагони ожонсии “Роҳи оҳани Туркманистон” ва Идораи роҳи оҳани Вазорати нақлиёти Афғонистон доир ба сохтмони роҳи оҳан дар доираи лоиҳаи ТАТ-ро гуфтугӯ анҷом доданд, иттилоъ додааст рӯзномаи интернетии “Turkmenistan.ru”.

Аз ҷумла тарафҳо сохтмони қитъаи роҳи оҳани Акина –Андхой ва Тургунди-Ҳиротро баррасӣ карданд.

Дар ҳоли ҳозир, 1,5 километр роҳи оҳан сохта шудааст. Ҳамчунин аз 33 иншооти обгузар, сохтмони 16 иншоот ба анҷом расидааст.

Баъд аз анҷоми хобондани роҳи оҳан дар қитъаи Акина – Андхой, қарор аст сохтмони ин роҳи оҳан то марзи Тоҷикистон идома ёфбад.

Ҳангоими гуфтушунид, таъкид шудааст, ки роҳи оҳани мазкур имкон медиҳад ба Афғонистон ба муносибатҳои иқтисодӣ боз ҳам бештар ҷалб шавад.

Гуфта шудааст, ки ин раванд метавонад ба пойдори сулҳ дар ин кишвар мусоидат кунад.

74
Барчаспҳо:
баррасӣ, сохтмон, роҳи оҳан, Афғонистон, Туркманистон, Тоҷикистон
интернет-кафе, архивное фото

"Рейд"-и шабона дар интернет-кафеҳои шаҳри Хуҷанд - макони паҳншавии бемориҳои сироятӣ

36
(Таҷдидшуда 18:26 22.09.2020)
Бо мақсади иҷрои талаботи Қонуни Ҷумҳурии Тоҷикистон "Дар бораи масъулияти падару модар дар таълиму тарбияи фарзанд" дар марказҳои интернетӣ ва нуқтаҳои бозиҳои компютерии шаҳри Хуҷанд доир намуданд

 ДУШАНБЕ, 22 сен — Sputnik. Кормандони Раёсати Вазорати корҳои дохилӣ дар Суғд дар интернет-кафеҳои шаҳри Хуҷанд амалиёти шабона баргузор намуданд.

Бино бар иттилои манбаъ, санҷиши навбатӣ собит кард, ки то ҳанӯз аз беназоратии падару модар наврасону ҷавонон дар вақти дарс ва дар бевақтии шаб дар чунин марказҳо, ба бозиҳои зараровар ва хусусияти зуроваридошта машғул мегарданд.

"Дар натиҷаи санҷиши мақсаднок ошкор гардид, ки дар 7 нуқтаҳои бозиҳои компютерӣ ва 4 марказҳои интернетӣ дар баробари ҷавонон 5 нафар ноболиғ низ машғули чунин бозиҳои зараровар мебошанд", - тавзеҳ медиҳад манбаъ.

Гуфта мешавад, вобаста ба ҳолати ҷойдошта бо дастрасии моддаи 90-и КҲМ ҶТ нисбати волидайни ноболиғон протоколи ҳуқуқвайронкунии маъмурӣ тартиб дода шуд.

"Ҷавонону ноболиғон асосан дар чунин марказҳо ба бозии зараровари Контр-страйк, ки дар он қатлу куштор ва ҷаҳолату разолат таблиғ мегардад, машғул буданд", - афзудааст РВКД.

Кормандони милитсия бо 132 нафар ҷавонон, ки дар ин марказҳои компютерӣ бо бозӣ машғул буданд корҳои фаҳмондадиҳӣ-профилактикӣ доир намуда, оқибатҳои зараровари чунин бозиҳои хусусияти ваҳшонияту зуроваридоштаро фаҳмониданд.

Мавриди қайд аст, ки қоидаҳои санитариву гигиенӣ дар аксари марказҳои интернетӣ ва нуқтаҳои бозиҳои компютерӣ риоя нагардида, талаботҳои ҷойдошта оид ба пешгирии паҳншавии бемории сироятии коронавируси нави СОВИД-19 роҳандозӣ нагардидаанд.

Нисбат ба соҳибони марказҳои интернетӣ ва нуқтаҳои бозиҳои компютерӣ барои вайрон намудани талаботи дар иҷозатнома зикргардида, яъне ба ноболиғон иҷозат додан ба бозиҳои компютерӣ ва риоя накардани дигар талаботҳои қонунгузорӣ протоколҳои маъмурӣ тартиб дода шуд.

Дар Душанбе вуруди наврасони ба интернет – кафе манъ шуд

36