Председатель Маджлиси милли Маджлиси Оли Республики Таджикистан Махмадсаид Убайдуллоев, архивное фото

Убайдуллоев дар ҷаласаи ниҳоӣ хостори тағйири қонун шуд: аз афсӯс то орзу ба ояндаҳо-акс

3525
(Таҷдидшуда 11:48 20.03.2020)
Маҳмадсаид Убайдуллоев, раиси Маҷлиси миллии Тоҷикистон, дар ҷаласаи ниҳоии даъвати 5-ум аз дастовардҳо, таасссуф ва таманниёт ба ҳайати оянда суҳбат карда, инчунин хостори як тағйирот дар қонунгузории кишварро шуд

ДУШАНБЕ, 20 мар — Sputnik. Убайдуллоев аз низоми парлумони дупалатагӣ тавсиф карда, изҳор дошт, ки “парламенти дупалатагӣ нисбат ба якпалатагӣ демократитар ва бешубҳа ба идоракунии самараноктари ҷомеа мутобиқ мебошад”.

Пешниҳоди Убайдуллоев барои тағйири қонун

Дар ҳоле, ки феълан дар Тоҷикистон танҳо Маҷлиси намояндагон доимамалкунанда мебошад, Маҳмадсаид Убайдуллоев хостори тағйирот ба қонунгузорӣ шуд, ки бар асоси он як қисми палатаи болоии парлумон фаъолияти доимӣ дошта бошад.

“Бо назардошти таҷрибаи давлатҳои сохти ягонадошта, ки ҳиссаи алоҳидаи палатаҳои болоии парламенташон дар асоси доимӣ фаъолият менамоянд ва бо инобати он, ки баррасии қонунҳои қабулнамудаи Маҷлиси намояндагон ба Маҷлиси миллӣ вогузор гардидааст, шояд вақти он расидааст, ки тавассути ворид намудани тағйиру иловаҳо Қонуни конститусионии Ҷумҳурии Тоҷикистон “Дар бораи Маҷлиси Олии Ҷумҳурии Тоҷикистон” мавриди таҷдид қарор дода шавад”, - изҳор дошт Убайдуллоев.

Таассуфи Убайдуллоев: фаъолтарин узв моро тарк кард

Вай дар идома аз кори даъвати 5-ум тайи 5 соли охир суҳбат намуда, бо таассуф афзуд, ки дар ин давра Қаҳҳор Маҳкамов, ки ба гуфтаи Убайдуллоев фаъолтарин узв буд, дунёро тарк намуд.

“Мутаассифона, ҷойи таассуф аст, ки дар давраи даъвати панҷум фаъолтарин узви Маҷлиси миллӣ, собиқ Президенти Ҷумҳурии Тоҷикистон, зиндаёд Қаҳҳор Маҳкамов сафи моро тарк намуданд, ки  кори неку номи нек ва заҳматҳои ватандӯстонаи марҳум дар таърихи Маҷлиси миллӣ ва Тоҷикистони соҳибистиқлол абадан боқӣ хоҳад монд”, - ёд кард раиси Маҷлиси миллӣ.

Озода Раҳмон нахустин шуд

Раиси Маҷлиси миллӣ дар идома аз Озода Раҳмон тавсиф кард, ки барои нахустин бор дар таърихи парламентаризми кишвар сафири Созмони байналмилалии занони роҳбар интихоб шуд.

“Бо пешниҳоди Маҷлиси миллӣ  Созмони байналмилалии “Занони сиёсатмадори роҳбар” бори нахуст дар таҷрибаи парламентаризми муосирамон раиси Кумитаи Маҷлиси миллии Маҷлиси Олии Ҷумҳурии Тоҷикистон оид ба таъми­ни асос­ҳои конститутсио­нӣ, ҳуқуқу озо­­­­­­­­­ди­ҳои ин­сон, шаҳрванд ва қо­нуни­ят Раҳмон Озода Эмомалиро сафири занони сиёсатмадори роҳбар дар Маҷлиси миллии Тоҷикистон таъин намуд”, - изҳор дошт Убайдуллоев.

Убайдуллоев гуфт, мардум ба ӯ бештар аз чӣ шикоят мекунанд

Раиси палатаи болоии парлумон гуфт, самти муҳими дигари фаъолияти Маҷ­ли­си миллӣ кор бо арзу шикоят ва муро­ҷиати шаҳрвандон аст.  Ӯ иттилоъ дод, ки ба унвони мо ворид шудани 1182 нома, арзу шикоят ҷиҳати бар­тараф кар­да­ни камбудиҳои ҷойдошта, шаҳодати эътимоду боварӣ ба Маҷлиси миллӣ  мебошад.

“Таҳлили муроҷиатҳои шаҳрвандон собит сохт, ки муҳтавои онҳо асо­сан аз баҳси манзили истиқ­о­ма­тӣ, норозигӣ бо ҳукм, ҳално­ма ва таъи­­нотҳои судӣ, ғайриқонунӣ ба ҷавоб­га­рии ҷиноя­тӣ кашидан ва ё аз ҷони­би суд таъини ҷазои вазнин, мавриди шиканҷа қарор додани гумонбаршудагон, муноси­бат­ҳои ғайриқо­ну­нии баъзе  мансабдорони мақомоти давлатӣ, расони­дани кӯмаки молиявӣ, инчунин таъмин бо қитъаи замин, бозҳисобии нафақа ва ғайра иборат­ мебошанд”, - тавзеҳ дод ӯ.

Сипос ба Президенту ёрдамчиёнаш

Убайдуллоев дар идома барои дастгириҳои пайвастаи Эмомалӣ Раҳмон, раисиҷумҳури Тоҷикистон, изҳори сипос карда, номи ёрдамчиёнашро зикр намуд.

“Ба ёрдамчиёни Президенти  оид ба сиёсати ҳуқуқӣ – намояндаҳои комилҳуқуқи Президенти Ҷумҳурии Тоҷикистон дар Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон  муҳтарам Давлатов Ҷумъа Муҳамадалиевич, Маҳмадалӣ Ватанзода, Зариф Ализода миннатдории Шумо, аъзои Маҷлиси миллӣ ва шахсан худамро аз таҳти дил изҳор месозам”, - гуфт раиси Маҷлиси миллӣ.

Аксгирии хотиравӣ ва таманниёти Убайдуллоев ба ҳайати оянда

Дар фарҷоми гузориш Маҳмадсаид Убайдуллоев ба ҳозирин ва ҳайати ояндаи палатаи болоии парлумон муваффақият таманно кард.

“Дар ин ҷода ба Шумо ва онҳое, ки дар интихоботи пешорӯ аъзои Маҷлиси миллии Маҷлиси Олии Ҷумҳурии Тоҷикистон интихоб мешаванд, барору комёбиҳои беназир орзумандем. Итминони комил дорем, ки даъвати нави Маҷлиси миллӣ иқдомот, ташаббусҳои наҷиб, анъана ва таҷрибаи судоварро  давом дода, баҳри рушду такомули парламентаризми муосир саҳми арзанда хоҳад гузошт”, - таманно кард раиси Маҷлиси миллӣ.

Аъзои Маҷлиси миллии Тоҷикистон, даъвати панҷум баъди ҷаласаи ниҳоӣ
котиботи Маҷлиси миллӣ
Аъзои Маҷлиси миллии Тоҷикистон, даъвати панҷум баъди ҷаласаи ниҳоӣ

Убайдуллоев дар ҷаласаи ниҳоӣ муовини якум ва муовини раиси Маҷлиси миллӣ Аҳмадзода Раҷаббой ва Файзов Ёдгор, раисони куми­таҳо ва комиссияи дахлдори Маҷлиси миллӣ Раҳмон Озода Эмомалӣ, Раҳимиӣ Фарҳод, Имомзода Муҳаммадюсуф, Амирзода Раҳмоналӣ, Маҳтобшозода Арамбегим ва аъзои Маҷлиси миллӣ - Бобобекова Меҳринисо, Лоиқзода Қаноатшо, Дадаҷонова Сайёҳат, Раҳмонова Наргис ва Шораҳматов Раҳмон барои фаъолияти пурсамар бо “Ифтихорномаи Маҷлиси миллии Маҷлиси Олии Ҷумҳурии Тоҷикистон” сарфароз гардонида шуданд.

3525
Барчаспҳо:
Маҳмадсаид Убайдуллоев, Маҷлиси миллӣ, Тоҷикистон

Вазорат тасдиқ кард: дар Тоҷикистон шумори ҷонбохтагон бар асари COVID-19 афзоиш ёфт

140
(Таҷдидшуда 22:19 30.09.2020)
Вазорати тандурустии Тоҷикистон омори нави сироят, фавту шифоёбии шаҳрвандон аз маризии вируси коронаро нашр кард

ДУШАНБЕ, 30 сен — Sputnik. Шабонарӯзи гузашта 43 ҳодисаи нави бемории COVID-19 дарёфт гардида,  иттилоъ додааст дафтари матбуоти Вазорати тандурустӣ ва ҳифзи иҷтимоии аҳолии Тоҷикистон.

Бино бар иттилои манбаъ шаббнарӯзи гузашта 74 нафар гумонбарон зери назорати табибон қарор дошта, 41 нафар баъд аз муолиҷа ба хонаҳояшон рухсат дода шуданд

Тавре манбаъ қайд кардааст дар маҷмӯъ шумораи гирифторони ин беморӣ ба  9769 нафар баробар гардидаст.

Инчунин,  таъкид шудааст, ки то санаи  30 сентябр дар мамлакат  8572  (87,7%) нафар аз бемории COVID-19 шифо ёфта,  бар асари он 76  нафар фавтидаанд.

Маврид ба зикр аст, ки Ҳукумати Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

140
Барчаспҳо:
афзоиш, вазорат, сироят, омор, вируси корона, Тоҷикистон
Футбольный мяч на поле, архивное фото

Дар деҳаи Шуҷанди ноҳияи Рӯшон варзишгоҳи муосир бунёд шуд

23
(Таҷдидшуда 21:40 30.09.2020)
Дар рӯзи ифтитоҳи варзишгоҳ Хонаи фарҳанги деҳа низ пас аз таъмиру таҷдид дари худро ба рӯи сокинон боз намуд

ДУШАНБЕ, 30 сен — Sputnik. Дар деҳаи Шуҷанди ноҳияи Рӯшони Вилояти Мухтори Кӯҳистони Бадахшон варзишгоҳи муосир ба истифода дода шуд. 

Дар варзишгоҳ барои машқ ва мусобиқа аз намудҳои баскетбол, волейбол, футболи хурд, давидан ба масофаи кӯтоҳ шароити мусоид фароҳам оварда шудааст, хабар медиҳад АМИТ "Ховар".

Директори мактаби №10-и деҳаи мазкур Акимбек Акимбеков гуфт, ки "ин варзишгоҳ дар наздикии бинои таълимгоҳ  воқеъ аст. Дар мувофиқа бо бахши ҷавонон ва варзиши назди мақомоти ноҳия то нисфирӯзӣ хонандагони таълимгоҳ дар ин варзишгоҳ  дарси тарбияи ҷисмонӣ мегузаронанд ва пас аз анҷоми дарс он дар ихтиёри ҷавонони деҳа гузошта мешавад".

Муовини аввали раиси ноҳияи Рӯшон Гулмаст Дӯсталиев гуфт, ки "Ҳукумати ҷумҳурӣ ба солимии насли наврас таваҷҷуҳи зиёд равона месозад ва инро мо дар ноҳияи худ низ мушоҳида мекунем. Танҳо дар се соли охир се варзишгоҳи мутобиқ ба меъёрҳои байналмилалӣ мавриди баҳрабардорӣ  қарор дода шуданд".

Ба иттилои Дӯсталиев барои бунёди ин варзишгоҳ дар ҳамкорӣ бо шарикони рушд 650 ҳазор сомонӣ сарф шуд.

Ҳоло сохтмони майдони футбол дар маркази ноҳия барои 6 ҳазор ҷои нишаст идома дошта, дар назар аст, ки  дар остонаи ҷашни 30-солагии Истиқлоли Тоҷикистон ба истифода дода шавад.

23
Барчаспҳо:
Варзишгоҳ, Рӯшон, ВМКБ
В.Путин принимает участие в четвертом Каспийском саммите

Рӯҳонӣ: дахолати хориҷӣ дар муноқишаи Боку ва Ереван авзоъро печидатар мекунад

0
(Таҷдидшуда 21:53 30.09.2020)
Раисҷумҳурии Эрон бо ибрози нигаронӣ аз даргирии ахир байни Арманистон ва Озарбойҷон, ҳаргуна дахолати хориҷӣ дар ин моҷароро мӯҷиби печидатар шудани авзоъ донист

ДУШАНБЕ, 30 сен — Sputnik. Ҳасани Рӯҳонӣ, раисҷумҳури Эрон ахиран дар тамоси телефонӣ бо Никол Пашиниян, нахуствазири Арманистон бо таъкид бар аҳамияти сулҳ, суботу амният дар минтақа афзуд, ки минтақаи Ғарби Осиё тавони бесуботӣ ва ҷанги ҷадидро надорад, иттилоъ додааст хабаргузории "Парстудей".

Тавре манбаъ қайд намудааст, Рӯҳонӣ бо баёни ин ки бояд барои ҳаллу фасли масъалаи Қарабоғ дар чорчӯби муқаррароти байналмиллалӣ ва тамомияти арзӣ роҳи ҳалле ёфт шавад таъкид кард, ки таваққуфи ин даргириҳо барои Эрон муҳим аст ва Теҳрон интизор дорад Арманистон ва Озарбойҷон бо дироят ва хештандорӣ дар ин масир гом бардоранд.

Раисҷумҳури Эрон бо таъкид бар ин ки ҷанг роҳи ҳалли бартараф кардани мушкилоту танишҳо ва ихтилофот нест гуфт, ки ҳаргуна дахолати хориҷӣ дар ин моҷаро на танҳо ба ҳаллу фасли мушкил кумак намекунад балки даргириҳо ва танишҳоро тӯлонитар ва авзоъро печидатар хоҳад кард.

Рӯҳонӣ  ҳамчунин бо ишора ба аҳамият ва собиқаи тӯлонии равобити Эрон бо Ҷумҳурии Озарбойҷон ва Арманистон, омодагии Теҳронро барои ифои ҳаргуна нақши созанда, ки мавриди назари ду кишвари дӯсту ҳамсоя бошад, эълом кард.

Никол Пашиниян низ бо ишора ба таҳаввулоти ахири ношӣ аз даргириҳои низомии Арманистон бо Озарбойҷон, танишу даргириро ба зиёни ҳамаи кишварҳои минтақа донисту аз ҳаргуна ибтикори амале барои таваққуфи хушунатҳо истиқбол кард.

Нахуствазири Арманистон ҳамчунин аз мудохилаи хориҷӣ дар масъалаи ихтилофоти Арманистон бо Озарбойҷон ибрози нигаронӣ кард.

0
Барчаспҳо:
Ереван, Боку, муноқиша, даргирӣ, моҷаро, хориҷӣ, Озарбойҷон, Арманистон, Эрон