Ҳасани Руҳонӣ, раисиҷумҳури Эрон, акс аз бойгонӣ

Эмомалӣ Раҳмон мардуми Эронро ба Иди Наврӯз табрик гуфт

380
(Таҷдидшуда 11:11 20.03.2020)
Раисҷумҳури Тоҷикистон ҳамтои эрониашро ба Иди Наврӯз табрик гуфта, умедвор шудааст, ки дар оянда ҳамкориҳо байни Эрону Тоҷикистон дар ҷанбаҳои мухталиф густариш ёбад

ДУШАНБЕ, 20 мар — Sputnik. Эмомалӣ Раҳмон, раисҷумҳури Тоҷикистон дар як паёме ба Ҳасан Рӯҳонӣ, раисҷумҳури Эрон Иди Наврӯзро табрик гуфт, иттилоъ додааст хабаргузории ИРНА.

Эмомалӣ Раҳмон дар паёмаш таъкид доштааст, ки Эрону Тоҷикистон дар оянда низ барои густариши пайвастаи муносиботи дӯстӣ ва ҳамкориҳо дар ҷанбаҳои мухталиф талош хоҳанд кард.

“Бо камоли хушнудӣ ба Шумо ва тамоми мардуми дӯсти кишваратон беҳтарин орзуҳо ва самимонатарин табрикоти хешро ба муносибати фаро расидани иди байналмилалии Наврӯз иброз менамоям”, - навиштааст Эмомалӣ Раҳмон дар ин паём ба Ҳасани Рӯҳонӣ, раисҷумҳури Эрон.

Дар идомаи ин нома омадааст: Иди Наврӯз ба унвони мероси муштараки фарҳангӣ ва таърихи куҳани сокинони ҳавзаи он, равобити дӯстӣ ва эҳтиром, эътимоди ҳамбстагӣ ва ҳамкорӣ байни онҳоро таҳким бахшида ва дар ростои ба ҳам наздик шудани мардумони ҳамтабори мо хидмат мекунад.

“Итминон дорам, ки мо дар оянда низ ҷиҳати густариши пайвастаи муносиботи дӯстӣ ва ҳамкориҳои ҷанбаҳои мухталиф байни кишварҳоямон ба таври муштарак саъй ва талош хоҳем кард”, - таъкид доштааст раисҷумҳури Тоҷикистон.

Эмомалӣ Раҳмон зимни орзуи пешрафт ва шукуфоии Эрон навишт: Дар ин айёми фархундаи ҷашни Наврӯз, барои ҷаноби олӣ сиҳати комил, саодат ва муваффақият дар фаъолияти корӣ ва пешрафту шукуфоии беш аз пеши Эрони дӯстро орзумандам.

380
Барчаспҳо:
ҳамкориҳо, Умедвор, табрик, густариш, Наврӯз, Эрон, Тоҷикистон
Президент Франции Эммануэль Макрон и президент Таджикистана Эмомали Рахмон

Эммануэл Макрон ба Эмомалӣ Раҳмон: "аз шумо хотироти нек дорам"

472
(Таҷдидшуда 20:53 30.10.2020)
Президенти Фаронса Эммануэл Макрон раисиҷумҳури Тоҷикистонро бо аз нав интихоб гардидан ба маснади сарвари давлат муборакбод гуфт

ДУШАНБЕ, 30 окт — Sputnik. Президенти Фаронса Эммануэл Макрон ба унвони раисиҷумҳури Тоҷикистон Эмомалӣ Раҳмон номаи шодбошӣ ирсол кардааст, хабар медиҳад котиботи раисиҷумҳури Тоҷикистон.

Дар нома ин сиёсатмадор аз сафари охирини раисиҷумҳури Тоҷикистон ба Фаронса ёдоварӣ кардааст.

"Ман аз музокироти дар рафти сафари Шумо ба Порис, ки моҳи ноябри соли гузашта баргузор шуда буд, хотироти нек дорам. Тавре ки он вақт таъкид карда будам, ман алоқаманди таъмиқи бештари ҳамкориҳои дуҷониба, бахусус муносибатҳои мо дар соҳаи иқтисод, аз ҷумла дар бахшҳои энергетика ва авиатсия, ки имкониятҳои ҷолиби диққати ширкатҳои ду кишвари моро доранд, ҳастам".

Макрон ҳамчунин талошҳои Эмомалӣ Раҳмонро ҷиҳати таъмини суботи минтақа ва рушди иқтисодиву иҷтимоӣ таъкид кардааст

Дидору мулоқоти Эмомалӣ Раҳмон бо сиёсатмадорони воломақоми Урупо

"Дар баробари ин, ман аз идомаи муколамаи мову шумо доир ба ташаккули таркибии сиғаи минтақавии "5+1", ки Шумо ба он рағбат пайдо карда будед ва аз нигоҳи ман роҳи умедбахши таҳкими муносибатҳои дуҷонибаи мо бо кишвари Шумо ва ҳамсояҳоятон дар Осиёи Марказӣ мебошад, хушҳол хоҳам буд", мегӯяд Макрон.

472
Барчаспҳо:
номаи шодбошӣ, Тоҷикистон, Фаронса, Эммануэл Макрон, Раҳмон
Амнистия заключенных в Согдийской области

Эълони авф дар Тоҷикистон: Раҳмон чанд маҳбусро бахшид?

2740
(Таҷдидшуда 20:40 30.10.2020)
Президенти Тоҷикистон Эмомалӣ Раҳмон имрӯз пас аз маросими савгандёдкунӣ авф эълон карда, беш аз 300 нафарро аз зиндон озод кард

ДУШАНБЕ, 30 окт — Sputnik. Президенти Тоҷикистон Эмомалӣ Раҳмон ба муносибати савгандёдкунӣ авф эълон карда, 378 маҳбусро бахшид.

Бино ба гузориши котиботи раисиҷумҳур, тасмими авфи зиндониён имрӯз бо фармони Президенти кишвар сурат гирифтааст.

Озодӣ бе порадиҳӣ: таъкиди Президент ба пешгирии фасод ҳангоми афв

Гуфта мешавад,  фармони раисиҷумҳур "Дар бораи бахшиши ҷазои шахсоне, ки ба маҳрум сохтан аз озодӣ маҳкум шудаанд" дар асоси принсипҳои инсондӯстона, меҳру шафқат, ғамхорӣ ба оила ва кӯдакону наврасон сурат гирифта, бар асоси он 378 нафар маҳкумшударо бахшида, онҳоро аз адои минбаъдаи ҷазо озод намуд.

Ёдрас мешавем, ки бори охир президенти Тоҷикистон Эмомалӣ Раҳмон моҳи октябри соли 2019 қонуни авфро имзо карда буд.

Он замон 20 ҳазор зиндонӣ бахшида шуда буданд.

2740
Барчаспҳо:
Эмомалӣ Раҳмон, Эмомалӣ Раҳмон, авф, Тоҷикистон