Худрави БДА

Эълони шаш рӯзи роҳбандӣ: кадом шоҳроҳу кӯчаҳо баста мешаванд?

5298
(Таҷдидшуда 22:28 21.03.2020)
Мақомоти Бозрасии давлатии автомобилӣ аз баста шудани роҳу кӯчаҳои нақлиётгарди шаҳру ноҳияҳои ҳудуди вилояти Суғд дар рӯзҳои баргузории Ҷашни Наврӯз хабар медиҳад

ДУШАНБЕ, 21 мар – Sputnik. Қарор аст чорабиниҳои идона сар аз пагоҳ бо ширкати раисиҷумҳур дар Хуҷанд оғоз шуда, давоми шаш рӯз дар шаҳру ноҳияҳои дигари Суғд давом кунад.

Мақомоти БДА сабаби шаш рӯз маҳдуд шудани ҳаракаи воситаҳои нақлиёт дар роҳу шоҳроҳҳои Суғд иттилоъ дода, гуфтааст, ки ин тадбир дар кадом шаҳру ноҳияҳо сурат мегирад.

Бар пояи иттилои БДА санаи 22-марти соли 2020, роҳи кӯчаҳои ба номи Бобоҷон Ғафуров, Исмоили Сомонӣ, Юрий Гагарини шаҳри Бӯстон, шоҳроҳи Ғафуров-Хуҷанд, кӯчаҳои И. Сомонӣ ва Истиқлоли шаҳри Гулистон, роҳи Гулистон-Сомғор, давраи Ором, кӯчаҳои Сирдарё, Султон Умаров, Раҳим Ҷалил, Исмоили Сомонӣ дар шаҳри Хуҷанд, шоҳроҳи Ғафуров-Хуҷанд ва кӯчаҳои Истиқлол ва И. Сомонии шаҳри Гулистон.

Изҳори ҳамдардиву табрик ба Наврӯз: паёми дабири кулли Созмони Милали Муттаҳид

Санаи 23-уми марти соли 2020, кӯчаҳои Истиқлол ва И. Сомонии шаҳри Гулистон, шоҳроҳи Ғафуров-Хуҷанд, кӯчаҳои Гагарин, Б. Ғафуров ва Ҳувайдуллоеви шаҳри Бӯстон, роҳи нақлиётгарди Конибодом-Деҳмойи ноҳияи Б. Ғафуров, кӯчаҳои марказии ҷамоати Ғозиёни ноҳияи Б. Ғафуров, кӯчаҳои маҳаллаи Бофанда ва И. Сомонии шаҳри Хуҷанд, И. Сомонӣ ва Истиқлоли шаҳри Гулистон.

Санаи 24-уми марти соли 2020 Роҳи Гулистон-Сомғор, давраи Ором, кӯчаҳои Сирдарё, маҳаллаи Чашма, 30-солагии Ғалаба, С. Умаров, Р. Ҷалил, И. Сомонӣ, Р. Ҳоҷиев, минтақаи Сартӯқай, шоҳроҳи Душанбе-Хуҷанд-Чаноқ ҳудуди шаҳри Хуҷанд, шоҳроҳи Ғафуров-Хуҷанд ва кӯчаҳои Истиқлол ва И. Сомонии шаҳри Гулистон.

Санаи 25-уми марти соли 2020 Кӯчаҳои Истиқлол ва И. Сомонии шаҳри Гулистон, шоҳроҳи Ғафуров-Хуҷанд, кӯчаҳои И. Сомонӣ, А.Шукӯҳӣ дар шаҳри Хуҷанд, кӯчаи Себзори ҷамоати Ёва, шоҳроҳи Душанбе-Хуҷанд-Чаноқ то ҷамоати Куруши ноҳияи Спитамен, роҳи Спитамен-Андарсой ва Спитамен-Тағояк, роҳи Конибодом-Деҳмой кӯчаҳои Гагарин, Б.Ғафуров ва Ҳувайдуллоеви ш. Бӯстон.

Санаи 26-уми марти соли 2020 Кӯчаҳои Истиқлол ва И. Сомонии шаҳри Гулистон, шоҳроҳи Ғафуров-Хуҷанд кӯчаҳои Гагарин, С. Умаров ва Сирдарёи ш. Хуҷанд, давраи Ором, Соғор ва кӯчаи С. Урунхӯҷаеви ҷамоати Унҷии н. Б. Ғафуров.

Санаи 27-уми марти соли 2020 Кӯчаҳои Истиқлол ва И. Сомонии шаҳри Гулистон, шоҳроҳи Ғафуров-Хуҷанд, кӯчаҳои Гагарин, Б. Ғафуров ва Ҳувайдуллоеви шаҳри Бӯстон маҳдуд карда мешавад.

Алорағми дархости СҶБ: Тоҷикистон Наврӯзро бошукӯҳ ҷашн мегирад - акс

БДА бо нашри ин иттилоъ аз ҳамаи ронандагони воситаҳои нақлиёт ҳамчунин хоҳиш намудааст, ки дар санаи нишондодашуда аз ҳаракат намудан дар роҳу кӯчаҳои дар боло зикр гардида худдорӣ намуда, ҳаракати худро тариқи роҳу кӯчаҳои ҳамшафат идома диҳанд.

"Дар сурати муқобил нисбати ронандагон чораҳои сахти маъмурӣ андешида мешавад",-  омадааст дар эълони БДА.

5298
Барчаспҳо:
БДА, роҳбандӣ
Служба в армии, архивное фото

Вазорат: Нақшаи даъват 89% иҷро шуд, касе аз “облава” шикоят накардааст

67
(Таҷдидшуда 11:03 21.10.2020)
Вазорати дифои Тоҷикистон аз иҷрои 89 дарсади нақшаи тирамоҳии даъвати ҷавонон ба сафи артиш хабар медиҳад.

ДУШАНБЕ, 21 октябр - Sputnik. Аз ин ниҳод ба Sputnik Тоҷикистон гуфтанд, тайи 20 рӯзи даъват дар баробари вилояти мухтори куҳистони Бадахшон (ВМКБ) нақшаи даъватро шаҳри Душанбе низ сад фисад иҷро кард.

Тибқи иттилои манбаъ, нақшаи даъват дар вилояти Хатлон 91%, дар Суғд 80%  ва ноавҳоии тобеи марказ 92%  иҷро шудааст.

Манбаъ мегӯяд, то ҳол ба унвонии ин вазорат ягон шикоят аз облава ворид нашудааст ва масъалаи даъвати имсола нисбати солҳои пеш дар сатҳи беҳтар ба роҳ монда шуда шумори ихтиёриён бештар шудааст

Дар Бадахшон ҷавононро пеш аз хизмат ронандагӣ меомӯзонанд

Бар асоси фармони Эмомалӣ Раҳмон, раисҷумҳури Тоҷикистон даъвати тирамоҳии ҷавонон ба артиш якуми октябр шурӯъ гардида, то ноябр идома хоҳад кард. Имсол ҷавонони соли таваллудашон 1993-2002 ба хидмати ҳарбӣ мераванд.

 

67
Денежные купюры.

Бонки миллӣ арзиши рубл, доллар ва евроро барои имрӯз эълон кард

154
(Таҷдидшуда 01:21 21.10.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз, 19 октябр эълон кардааст

ДУШАНБЕ, 21 окт — Sputnik. Тибқи нишондодҳои Бонки миллии Тоҷикистон арзиши 1 рубли русӣ барои имрӯз 0.1324 сомонӣ  ва дар бозори нақд бошад 0.1350 сомонӣ нишон дода шудааст.

 Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз 10.3385 то 10.3400 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 12.2077 то 12.4000сомонӣ арзёбӣ кардааст.

Дар бонкҳои дигари кишвар, аз ҷумла “Бонки Эсхата” нишондоди асъор  нисбат ба дигарон каме болотар нишон дода шудааст.

Ин бонк хариду фурӯши 1 рублро имрӯз аз 0,1370 то 0,1395 сомонӣ муқаррар кардааст.

Дар “Спитаменбонк” бошад арзиши 1 рубл аз 0.132 то 0.141 ва дар “Алифбонк” бошад 1 рубл аз 0,1325 то 0,1415 сомонӣ нишон дода шудааст.

Раиси Бонки миллӣ аз мардуми Тоҷикистон хостааст долларҳоро дар хона нигаҳ надоранд

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

154
Барчаспҳо:
қурби асъор, Бонки миллӣ, Тоҷикистон
Вакцинация против COVID-19 в Москве

Вирусшинос гуфт, ваксинаи зидди COVID-19 ба кӣ кумак намекунад

0
(Таҷдидшуда 11:34 21.10.2020)
Вирусшинох гуруҳи одамонро номбар кард, ки ваксинаи коронавируси COVID-19 метавонад барои онҳо бесамар бошад

ДУШАНБЕ, 21 октябр - Sputnik. Ваксинаи коронавирус метавонад одамонеро, ки норасоии масуният доранд муҳофизат накунад, мегӯяд доктори илмҳои тиб, вирусшинос Анатолий Алтштейн.

Барои чунин гурӯҳи одамон эмкунӣ шояд муассир набошад, менависад портали ura.ru.

Ба гуфтаи табиб, бемороне, ки чунин патология доранд, метавонанд баъди гузаронидани ваксина дар пайдоиши антитело ба коронавирус мушкилӣ кашанд.

Инчунин, вирусшинос шубҳа кард, ки имкон дорад одамонро аз рӯи қобилияти ташаккули иммунитет ба бемориҳо ба гурӯҳҳои махсус тақсим кард.

"Инсонщо бо қобилияти тавлиди антитела аз ҳам фарқ мекунанд, аммо ба гурӯҳҳо ҷудо кардани онҳо хеле душвор аст. Ин на ба вазъи саломатӣ, балки ба хусусиятҳои организм вобаста аст, ки касе намедонад" гуфт табиб.

Ёдовар мешавем, Вазорати тандурустии Русия моҳи август аввалин ваксинаро дар ҷаҳон барои пешгирии COVID-19 ба қайд гирифт, ки онро Маркази илмии электрохимиявии Гамалея таҳия карда,  он "Sputnik V" ном дорад.

Путин аз сабти номи ваксинаи дуввуми Русия алайҳи COVID-19 хабар дод: сеюмаш дар роҳ аст

Чанд рӯз қабл президенти Русия Владимир Путин аз сабти номи ваксинаи дуюми русии "ЭпиВакКороны"  алайҳи COVID-19 ва инчунин сабти қарибулвуқӯи сеюм ваксина хабар дод.

0
Барчаспҳо:
одамон, пизишк, вирус